| | HE MOOLELO HOONIUA PUUWAI
— NO — KINIA KA KA UI HOOMAHIE A NA IPO ELUA.
Ame Ka Moa Huna Iloko o Ke Ola Ana
O Na Makua. Elike nae me ka loihi o kona ike mau ana aku ia Aka Va-
lena, pela ka pii mahuahua ae o kona mahalo a hoohihi no
kela kanaka opio, ahiki i ka hoauhee loa ia ana aku o kela ma-
nao ku-e kahiko iloko ona no ke kanaka opio.
Ala pu mai U no hoi kekahi manao hoohuoi iloko ona,
aole wale no, no ka hooka ana aku i ka makemake o kona makuahine, ke kumu i hoole ai e Aka i ka mare ana mai ia Kinia, aka aia kekahi kumu ano nui e ae. Ua niele no ka Madame Lahela i ka Paele kalaiwakaa, i ka inea e ke kane a Mrs. Valena i mare ai, a i oki hou ai hoi, aole nae he pane pololei mai o kela Paele, o ke kumu, ua ki-pe mua ia oia e Aka Valena, pela iho la oia i hoolalau mai ai i kana pane ana, ma ka olelo ana, ua poina oia i ka inoa o kela kanaka, a mamuli wale no o ko Lahela noke ana aku i ka hoonuinui, i pane mai ai ua Paele nei, e Kale ka inoa o kela kanaka. Aole i komo iki kekahi manao hoohuoi iloko o ka Madame Lahela no ka hui mua ana o Aka Valena me kela Paele, a ua ki-peia ua Paele nei i kekahi mau dala mahuahua, aole e hoike ae i ka inoa o ke kane a kona makuahine o ka mare ana, no ka mamake ole no keia o Aka, e loaa aku kekahi ike i ka Madame Lahela, a ia Kinia paha, o ka makuakane o Kinia, ke kane mua a kona makuahine. Ua pololei kela mau mea a ka Madame Lahela i koho ai, no ke kumu o ke ki-peia ana o ka Paele kauwa e Aka, oiai ua maopopo i kela kanaka opio, o kela hoea ana o lakou apau ma kahi kahiko o kona home i ku ai, ua like ia me ko lakou keehi ana aku iluna o kekahi lua hoahu pauda, e hoea mai ai i ka la e pa-hu ae ai, a ikeia kekahi no'ahuna i hunakeleia no ka manawa loihi. Aia nae iloko o Aka Valena i kela mau la a lakou e hoohala la ma Polorida ka iini, e hui pu aku oia me ka Madame Lahela, a imua o kela wahine e hoike okoa aku ai oia i kona mau makemake, e lilo ai ua wahine nei, i mea kokua nui mai, ma ka hoolala ana i na alahele e mare aku at o Kinia ia Palika Poka, O ka iini hookahi wale no iloko o Aka Valena, o ia kona - ike aku, ua loaa ka hauoli i'o ia Kinia, pela oia i hooikaika ai, e lilo i wahine na kona hoahanau, a ua lilo ka hana a kela ka-naka opio, i kumu hookahaha aku i ka manao o ka Madame Lahela, ahiki i kona noonoo ana iho, aia kekahi meahuna pohihihi, i oi aku, imua o na mea a ka makuahine o kela kanaka opio, i ku-e mai ai no ka mare aku ia Kinia. Mamuli o kela halawai mau ana o na opio me ka Madame Lahela ame Kinia, ua lilo maoli lakou apau i mau hoaloha maikai loa, a ke hoea aku o Aka Valena me kona hoahanau no ka home o Kinia ma, o Palika Poka ka mea o laua e pipili mau aku ana me Kinia, nolaila ua loaa nui he manawa no Aka ame ka Madame Lahela e nanea ai, ma ia ano hoi, i kanalua ole ai kekahi i ka ninau ana aku i kekahi i kana mau mea apau i makemake ai. I kekahi la, ua ninau okoa aku la o Aka i ka Madame Lahe- la, i ka ana aku:
Ea, he ohana hookahi anei olua, i pili aloha ai kou noho
ana me Kinia?"
Aole o maua pili kekahi i kekahi ma ka ohana, a he oiaio
kau i kamailio mai la no ka pipili paa oko maua manao no
maua iho, a owai no ia mea kuhihewa mai, elike no hoi me
au e ninau mai nei."
Hookahi kumu nui o ko'u ninau ana aku uei no ko olua
pili kekahi i kekahi, mamuli no ia o na hiona maluna o olua
pakahi, ua kulike ko Kinia helehelena me kou."
He manao kuhihewa loa kena ou e Aka Valena, no ka mea
hei alohilohi ko'u mau maka, a he uliuli hoi ko Kinia; he ehu-
ehu ko'u lauoho a he eleele hoi ko Kinia lauoho. Malia paha
he eleele no ka lauoho o ka'u kaikamahine, ina aole oia i na-
lowale mai ia'u aku iloko o kona wahi wa e bebe loa ana no,
a o keia ke kumu o ko'u aloha ana ia Kinia i kinohi, mamuli
o ka'u kaikamahine, a o kekahi kumu no hoi, no kuu ike ana,
ua loaa iaia na haawina hoehaeha, a he keiki makua ole oia."
"Ma na ano apau, aole he wahi lilo iki o Kinia ia oe, a ke
olelo nei au, o oe maoli no kona makuahine, a o kau kaikama-
hine keia i nalowale mai ia oe aku i kona manawa bebe."
"Ina e hiki ana ke hookoia kena mau olelo e kuu hoaloha,
aohe mea hauoli e ae a kuu puuwai, o ka haawi wale aku no
tVfla pulama ana a kekahi makuahine no kana keiki ponoi," a
ka Madame Lahela me ka hoike okoa ana mai o kona hele-
helena i ka manao aloha keiki. *TNA XXXI — Komohia Maoli i ka Manao Ehaeha "> ii loa o kela aloha e hiki ole ai iaia ke hoomanawa-
o, ua halo'ilo'i okoa mai la na kulu waimaka ma na
na kela ano o ua wahine nei, i hookau aku i kana
na:
ahahaia aku ana kou manao e kuu hoaloha opio, no
mai i ko'u mau waimaka nunui, e olelo iho ai paha
K) e ; aka e hooiia ae ana pahi kou kahaha, ke lohe
u noonoo, a mai hoahewa wale mai oe ia'u no ia
f| no ka iini iloko o'u e ike i na mea oiaio apau
•a."
1 a ka Madame Lahela, alaila pane aku la:
au, e hooko aku i kou makemake, ma ka
ia mea ano nui i pili i ko'u ola ana."
na mai i ko'u makemake, he hanohano nui
a'u, no kou haawi ana mai i ka hilinai piha > maoli, aole ka Madame Lahela he wahine
j wale ana ia ha'i i ka moolelo pili iaia ame
,no -kela hui mau o Aka Valena me ia, a ua
; hoi ua wahine nei, he kanaka opio kela e
kanalua iho no kona mau ano oiaio a kana-
• r hilahila ole ai i ke kamailio ana ma na •ana ana a ka Madame Lahela no ka puka
na olelo e kamailioia ana e laua, a iaia
iloko o kela keena, hoomaka mai la oia | o ka rumi hookipa, ina paha he mea kekahi e noho kokoke mai ana a e loli mai ana i ke kamailio ana i kona moolelo: "Ua hanauia au ma Makona, Keokia, he kanakolu-kumamaiwa ae nei makahiki, aka i ka umi-kumamawalu o ko'u mau makahiki, ua mare iho la au i ka'u kane ia Likeke Pa, he ka-naka opio a'u i kamaaina ai mai ko'u mau la kamalii mai, a he ipo no hoi, no ko'u mau la e hele ana i ke kula, "Ua pipili paa maoli ko matte manao kekahi no kekahi owai hoi ia kaikamahine haulehia ole i ke aloha iaia, no ka mea he kanaka u'i maoli no oia, me ka hiehie o kona kulana, a iwaena o na kanaka apau, oia kekahi kanaka, e haaheo ai ka manao, ma kona mau ano lehulehu. "I ka hoike pokole ana ae i kg moolelo pili ohana, he keiki ka'u kane na kekahi kanaka mahiai o Keokia, ke keikikane hookahi wale no a kela kanaka ame kana wahine. "Ma ko maua manawa i mareia ai, ua make aku kona mau makua a elua; ua make no hoi ko'u makuakane ame ko'u mau kaikuaana elua i ka ma'i fiva, a koe hookahi iho la au me kuu makuahine, ame kekahi makuahine hanauna e noho ana ma Polorida nei; i hoomaopopo ole nae no maua. "He wahi waiwai uuku no ko ko'u makuahine, a aole no hoi he waiwai o ka'u kane, aka ma kana oihana he akena kuai no na waiwaipaa, ua loaa no iaia kekahi huina dala mahuahua, a ma ko maua manawa i mareia ai, ua oluolu maikai maoli ko maua noho ana me mama, ahiki i ka hoea ana mai o kekahi pilikia nui," alaila kulou iho la ke poe o ka Madame Lahela ilalo, me ka hiki ole iaia ke hoomau hou aku i kana kamailio ana i kau a mea o ka ehaeha ke hoomanao ae i kana mau mea aloha i hala. "Ke nonoi aku nei au ia oe e hoopau i ke kamailio hou ana mai i kou moolelo, he mea hoehaeha wale no ia i kou noonoo," i pane mai ai o Aka no kona ike ana mai, i ka nanaina kaumaha maluna o kona hoa olelo. "Ua piha i'o au i na haawina kaumaha he nui, no ka mea he ewalu wale no mahina o ko'u noho pu ana me ka'u kane, ua haalele mai la kuu makuahine i keia ola ana, mamuli oka ma'i puuwai. Ua hikiwawe loa kona make ana, me kona ike ole i ka ehaeha. "E ako ana oia i na pua rose, no ka hoohiwahiwa ana aku i ka he o kana kane, ame ka laua mau keiki, iloko nae o kona nanea, ua hina aku la pia imua a moe iho la na maka no ka manawa mau loa. "He haawina ko'iko'i loa kela i kau mai maluna o'u, hookahi wale no nae mea nana i hoomama mai i kuu noonoo, o ia ko'u ike ana iho, e halawai hou aku ana oia me kana mau mea aloha ma kela ao mao; a ua hookoeia mai no hoi kuu kane no ke kaana pu ana i na haawina kaumaha mahope n a i," me ka nui ana iho o kona hanu. "He opiopio loa au i kela manawa, me ka nui, o ko'u aloha no kuu kane, a e hana mai ana oia i na mea apau e loaa maoli ai no ka hauoli i ko'u noho ana, "Iloko nae o kela hauoli, ua hoomamaia ae hoi na manao kaumaha no kuu makuahine, aia hoi iloko o ka moeuhane mua ole ia ; ua kii mai la ke Akua, a kaili aku la i kuu Likeke aloha mai ia'u aku, he elua mahina wale no, mahope iho o ka make ana aku o kuu makuahine." Ma kela wahi, hiki hou ole iho la i ka Madame Lahela ke uumi i kona mau waimaka, a no kekahi mau minuke lehulehu aole e hiki iaia ke kamailio hou mai, aka, i ka mahie ana ae nae o kona mau manao luuluu, akahi no oia a kamailio hou mai: "Ua halawai kuu Likeke me ka make ulia maluna o ke kaaahi, iaia e holo ana no ka nana ana i kekahi aina, i makemakeia mai ai e kuai. Ua hooku'i kona kaaahi e kau ana me kekahi kaaahi okoa aku, a o ka hopena i ikeia, ua nui na ohana i hooneleia i ka lakou mau mea aloha, mamuli o kela poino. A e kuu Akua, pehea la i hiki ai ia'u ke ola me kela mau haawina ehaeha he nui e hekau iho ana maluna o'u? Mamuli wale no o Kou aloha palena ole, a no ka pono o ka hua iloko o kuu opu, ka mea e pani aku ana i ka hakahaka o na mea elua i hala aku la i ka make, "I kinohi, o ka manao mua loa o ka oili ana ae iloko o'u, o ia no ko'u nonoi okoa ana aku i ke Akua ma ka'u pule e kii mai i kuu ola a lawe aku, be oi ae ia, mamua o ko'u ola ana iho, ma keia ao iloko o ka ehaeha. "Mamuli o ko'u kulana kaumaha, ua kaa aku la au iloko o na lima o ko'u mau hoaloha, ka poe i loaa na manao makee no ko'u pono ,a waiho aku la ia'u malalo o ka malama ame ka lapaau ana mai a kekahi kauka akamai, ame kekahi kahu malama ma'i makaukau. "No na pule eono kela hakoko ana mawaena o ka make ame ke ola, aia hoi, hanau iho la au i ka'u bebe kaikamahine, Ua lilo no keia i mea hookaumaha mai ia'u, no ka mea he keikikane ka'u i iini mau ai e loaa ia'u, i ola ai ka inoa o kona makuakane; aka ma keia wahi i komo hou mai ai ko'u mau hoaloha a hoomama mai la i ko'u mau manao; he mea oiaio, ua auhee aku la kela mau manao ehaeha, a hoohuli aku la au i ko'u noonoo, no ka'u bebe. "He keu no hoi, o ka pilikia wale ae la no ia, eia aku no ka hoi ua pilikia hou. E nanea ana no au i ka hiamoe me kuu bebe ma kekahi po, i kuu ala ana ae ma ke kakahiaka o kekahi I amai, aole kuu bebe, ua nalowale aku ia me ko'u maopopo ole. "Ua noke ae la au i ka uwe me ka leo nui, ka mea nana i kona aku i ka poe o ka Hokele e holo mai, e ninau i ke kumu o ka leo uwe a lakou i lohe ai, aohe nae he mea hiki ia lakou ke hana, i wahi e hoi hou mai ai kuu keiki. "O ka wahine kahu malama ma'i, e moe pu ana me a'u maloko o ka rumi hookahi, oia pu kekahi i nalowale ; a ma na mea oiaio, na kela wahine i aihue i kuu bebe, no na kumu a'u i maopopo ole ai. "Ua noke au i ka huli no kahi a kela wahine i hele aku ai, ahiki i ka pau ana o ka'u dala, aole he wahi moali maopopo iki ia'u e pili ana iaia ame kuu bebe. Me Keia mahele o na haawina kaumaha i kau mai maluna o'u, poko o ko'u ola ana, aole e hiki ia'u ke hoike aku imua ou, i e kumu o ko ke Akua ae ana mai, e mau ko'u ola ana iloko o ka ehaeha, elike me ia a'u i hoomanawanui ai iloko o keia nau makahiki lehulehu. "Ua kuko mau au a o ka iini maoli io hoi ia iloko o kuu puuwai o ia ke kikoo mai o na lima o ka make, a lawe aku i kuu ola. Hookahi kumu o ko'u lawe ole ana ae i kuu ola iho, me kuu mau lima ponoi, mamuli o ko'u a'oia ana e ko'u makuahine, no ka hewa o ia liana, oiai he makuahine haipule oia ; nolaila ua hoomau aku la no au i ke ola Ina, ahiki i ko'u koho ana i ka hana himeni iloko o ka hui kelea, oiai oka ike himeni kekahi o ka'u mau kalena kiekie loa me ka manao, pela wale no e hiki ai ia'u ke hoopoina i ko'u mau ehaeha. "O keia iho la kekahi hapa o ko'u moolelo o ke ola ana, e ike mai ai no oe i ke kumu o ko'u aloha am ia Kinia Ka. He oiaio aia maluna o kela kaikamahine ke kalana o ka wahine u'i a huapala, aole wale no nae ia o na nil nana i ume aku i | k'ou manao hoohihi nona; aka mamuli o kona noho makua ole, ame kona mau haawina kaumaha ; pela hoi ka maopopo ana ia'u, aole i haawi aku o Evalena Ka iaia i ke aloha o ka makuakane ; a aia pu iloko o kela kaikamahine ka maemae ame ka oiaio. "Malia paha ke ake mai nei oe e lohe i ke ano i halawai mua ai maua mo Kinia ea?" "Ae, ua noho pohihihi loa au, i na mea e pili ana i ko olua kamaaina ana kekahi i kekahi," i pane koke mai ai o Aka Valena. "J kinohi, ua koho maoli iho no au, malalo o na ulia o ka manawa i halawai ai au me kela kaikamahine, aka mahope mai, i loaa maoli ai ka ike ia'u, na ke Akua no iloko o Kona aloha palena ole, i hoouna aku ia'u imua o kela kaikamahine, iloko o na minuke o kona ehaeha. "Ua halawai mua loa au me ia ma Wakinekona, ma ke kakahiaka e ka la i kahamahaia ai ka mare o olua e kou makuahine, oiai oia e kakali ana maloko o ka hokele, o ka hoea maa o kona makuakane, e hoihoi aku iaia, no ka home o kona kaikuahine. "He malihini au no kela hokele ma ka po aku mamua, aka ia'u i hoi aku ai a noho ma kekahi hokele okoa aku, e pili kokoke ana i ka halekeaka, ike iho la au, ua poina kekahi mau komolima elua o'u, maloko o ka rumi a'u i moe ai o ka hokele, a no ke kii ana mai i kela mau komolima, i halawai ai au me Kinia ma ka puka o kela rumi, iaia e oili mai ana no ka hele ana aku maluna o ka honua akea, me kela manao iloko ona, o ka make wale no kahi e loaa ai iaia ka maha; no ka mea ua piha oia me na noonoo uluahewa, mamuli o kona hoohaahaaia ana, a mamuli o kona piha i ka hilahila. "I ka lohe ana i kana mau hoakaka, nona iho, huki hou aku la au ia Kinia noloko o ka rumi, me ka haawi ana aku i na a'o ana, no kona pono, me ka hoikeike ana aku no hoi i ko'u manao aloha nona, a loko o hookahi hora wale no, ua like maoli maua me he mau hoaloha kahiko la. "Ua hookomo aku au i na manaolana nou iloko ona, na manaolana e hiki ole ai iaia ke hooko aku, ke ole kekahi mea nana e kokua mai; nolaila i ka hoea ana mai o kona makuakane, ua ae aku la oia me ka maalahi loa, no ka hele pu ana me ia, a no ka hooko ana i ka iini iloko o kona puuwai, no ka makaikai ana i na aina mamao ma Europa. "Me kekahi waiwai i ili aku maluna o Kinia, ma o ka make ana o kekahi ohana pili iaia, i hiki ai ke ukuia kona mau hoolilo kaahele no na aina mamao, ahiki i ka huli hoi hou ana mai no Amerika." "Ua hoopakele ae oe e ka Madame Lahela ia Kinia mailoko mai o na haawe kaumaha a'u i hookau aku ai maluna ona, mamuli o ko'u huli ku-e ana aku i ko maua mau makemake ponoi iho, e hoolilo ia maua i hookahi iloko o ke apo laahia loa o ka mare. Na ke Akua e hoopomaikai mai ia oe e kuu hoaloha, no kau mau hana maikai a ku i ke aloha hoa-kanaka i papahi aku ai maluna o Kinia. "Ke ike mai la oe e ka Madame Lahela, iloko o kou mau makemake e hoopokoleia ae kou mau la o ke ola ana, i hoopakeleia ae ai oe mai na haawina hoehaeha mai, aole loa i ae mai ke Akua ia hana, no ke kumu, ua makemake Oia e lilo oe i mea hoopakele no kekahi mea okoa aku mailoko mai o kona mau ehaeha he nui." Aia iloko o Aka Valena ka manao e hoike mai i kona moolelo iho, i wahi e ike aku ai ka Madame Lahela, aia he mau kumu kupono loa ma kona aoao, no ka hiki ole iaia ke mare mai ia Kinia, aka nae ma kekahi ano, noonoo hou iho la oia, ua oi aku no ka pono e hunakele loa oia i ka meahuna i pili i kona hanauia ana, a malia 6 hoea mai no i ka manawa pono, e loaa aku ana no i kela wahine ka ike no ia mea. MOKUNA XXXII—He Ola Ana Hoihoi Ole. Mawaena o Mrs. Valena ame kana keiki o laua kekahi mau mea pipilipaa loa o ke aloha kekahi no kekahi, a he maikai maoli no ko laua noho ana, me ka huna ole o ke keiki i kekahi meahuna i kona makuahine; ma kela ano hoolohe mau no o Aka Valena i kona makuahine, ua kakau mai la oia i kekahi leka i kona makuahine, me ka hoakaka ana mai i kana mau mea apau i ike ai ma Polorida, me ka huna ole aku i kekahi mea. Ua maopopo no ia Aka Valena e hookaumaha loa ia aku ana ka manao o kona makuahine ke ike iho maloko o kana leka, no kona halawai pu ana me Kinia, aka o ka mea wale no nana i hoomama ae i kona noonoo, o ia kona hoomanao ana, e hoea mai ana i ka manawa e mare aku ai kela kaikamahine ia Palika Poka, o ka hoomamaia ana ae ia o na haawina kaumaha mai iaia ae. Ua hoakaka aku oia maloko o kana leka i ka makuahine, no ko laua hoopaa ana me Kinia e lilo i mau hoaloha oiaio loa, e hoakaka pu aku ana no ko laua halawai mau i kela ame keia manawa ; pela hoi ka hoopipili mau o Kinia ia Palika Poka. Ma kekahi ano, ua hauoli no o Mrs. Valena no ka ike ana i na mea apau a kana keiki i hoakaka mai ai iaia, aka aole no nae ia he kumu e hoauheeia aku -ai kona ano hoowahawaha no Kinia, a o ia ka ua wahine nei o ka i wale ana iho no iaia : "Aohe loli o kela kaikamahine i na ano o kona makuakane! O ke ano iho la no ia o na keiki i loaa mai, mamuli o na ano o kona mau makua." Aia o Mrs. Valena i kela manawa o ka loaa ana aku o ka leka a kana keiki, e noho ana maloko o ka rumi hookipa o kona home nani, ma kekahi la ino a hu'ihu'i iloko o ka mahina o Dekemaba. E aahu ana ua wahine nei i kekahi lole huluhulu hoopumehana, a ua hoopuniia hoi oia e na mea nani he nui e hialaai ai na maka ke nana aku, aka nae iloko o ka nui o kela mau mea nana, aole no ia he kumu e loaa aku ai iaia ka hauoli i'o, no ka mea aia mau na aka o na hana o ka wa i hala, ke umalu mau iho la maluna o kona ola ana. Ma ka mea oiaio maoli, he wahine o Mrs. Valena i komohia iloko o na hauoli ana, iloko o kona mau la e noho pu ana me kana kane mare, mailoko mai nae o kela noho hauoli ana, i uhi-pu iho ai kekahi ao eleele o ke kaumaha, ka mea nana i hookaawale iaia mai kana kane aku, malalo o ke kanawai oki-mare. Ua hoopihaia ke ola ana o kela wahine me na haawina hoehaeha he nui, o ka mea wale no nae ana i pulapu aku i ko ke ao holookoa, no kona mau ano kaumaha, o ia no ka hiki ana iaia ke hoomanawanui i kela mau haawina, aka o na Lani wale no ka i ike, i ka nui o na ehaeha iloko o kona naau. Mahope iho o ka heluhelu ana o Mrs. Valena i ka leka a kana keiki, ku ae la oia iluna mai kona noho mai, a hele aku fa no ka puka aniani, nana aku Ia iwaho, me ke kikeke ana aku o kona mau manamanalima i ke aniani, a puana ae la i keia mau olelo: "He keu aku keia a ka la ino maoli, e holoia no ka hC^e a'u | me Aka ame Palika no Polorida, ina paha aole au e ike i keia ino nui. Ma kela aina, aia mau ka malamalama o ka la, e hoopumehana ana i na kanaka, aka ma Veeginia nei, e haule mau ana na kulupakaua, me he mau waimaka la mai ka lihilihi mai, e hu ana hoi ka makani me ka ikaika, o ia no oe o na nalo meli ; me ke ani peahi mai o na lau o na kumulaau paina, me he mau aka la no ke akua lapu. Aole o'u hoihoi iki i keia mau ano apau, pela no ko'u hoihoi ole no ke ano o ko'u ola ana, he keu aku a ke puanuanu, aole ka pumehana o ka la. "Ke manao nei au, aole a'u mea hou aku e hana ai, e ka holo wale no i Polorida no ka hui pu ana me Aka. He oiaio e halawai aku ana no au me kela kaikamahine a'u i hoowahawaha loa ai, aka heaha ka'u mea e maka'u aku ai iaia? "Aia kona makuakane i Kaleponi i keia manawa, nolaila. aole oia e lilo ana i mea hoouluku mai i ko'u noonoo. Heaha no la ko'u kumu hoopilikia wale iho no i ko'u noonoo, mamuli o kela kanaka ame kana kaikamahine? "No kela wahine hanakeaka nae, me he mea la, e mare aku ana oia ia Mr. Ka, o ko'u manao koho wale no keia, ne ka mea aole he kumu e ae i hoopipili loa aku ai o Kima i kela wahine, no ka makemake wale no, e lawe mai iaia i makuahine; nona. "Heaha nae ka'u mea e nana aku ai no kela poe, e pono au e hui pu aku me Aka, a kokua aku iaia, ma ke kukulu hou ana i kuu home kahiko," alaila nana pono aku la oia ma ka puka aniani, i kekahi kanaka i hele kona mau ano a kamaaina iaia e hele ana ma ke alanui, me ka paa ana i kekahi mamalu. "Ea, o ua kanaka nei no kela e hele ae la, aole loa au ( kuhihewa. E hele ana oia e ike i kona kaikuahine," me ka paa ana ae o Mrs. Valena ma kona umauma, a puana hou ae la: "Ma na manawa apau a'u e ike aku ai iaia, e hoala hou ia mai ana ko'u mau noonoo kahiko, a'u i manao ai, e hoopoina, aole nae he hiki iki. Ina no hoi paha he wahi oiaio kekahi iloko o kana mau mea i kamailio mai ai no ko'u hana hewa loa iaia, alaila aole no e ko'iko'i loa ko'u huhu ame ka hoowahawaha nona. He keu aku ka nui o kona huhu, me kona aa ele e huikala mai. "Ua hiki nae hoi, aole au e noho hou iho ana, e holo ana au me kuu keiki me Aka i ka la apopo, he mea maikai ole no'u ka noho hou ana iho maanei nei, oiai kela kanaka e noho kokoke mai ana i kuu home nei." O kela kanaka a Mrs. Valena o ka ike ana aku, e Evalena Ka no ia, me kona alawa ole mai, no kahi o ka home e Mrs Valena e ku aku ana, a ua wahine nei hoi e nana aku «na ma ka puka aniani. Eilike no me ka ino, ma kela mua ana o ke kipa ana mai no ka home o kona kaikuahine, pela no ka ino ma keia huakai ana. Ue kumu ano nui loa ka mea nana i kono aku ia Eva-lena Ka e hele mai e ike i kona kaikuahine, a haalele aku i kana kaikamahine malalo o ka malama ana a ka Madame Lahela. I ka hoea ana aku o Evalena Ka no ka home o kona kaikuahine, ua halawai mua aku la oia me Lahela Dane ma ka puka, a o ia ka Lahela o ka pane ana mai: "Ua pono Ioa kou hoea ana mai nei, no ka mea he ma'i ikaika loa ko kou kaikuahine e waiho mai nei, a he hookahi ae nei pule i hala, ua manao maoli no au, e haalele mai ana oia i keia ola ana, me kou ike hou ole i kona mau maka, aole nae pela ko ke Akua makemake." "Ina paha e kelekalapaia ae e oe ia'u, ina ua hoea kahiko mai no au ianei," wahi a Evalena Ka me ka leo kaumaha. "Ua manao no au e hana aku pela, ua papa ikaika loa mai nae oia ia'u, aole e hana aku i kekahi mea e lele ai kou oili noiia, a ua olelo okoa mai no oia, aohe poe noonoo iaia, ina no kona make a ola paha." "Ua kuhihewa loa oia ma ia mea, he oiaio ua hoohemahema au i ka nana ana aku iaia, a i ka liana ana aku i kekahi mau mea nona e pono ai, aole nae ia no kekahi mau kumu okoa ae, aka mamuli no o ko'u mau pilikia ponoi iho, eia nae iloko o kuu puuwai ke aloha oiaio loa nona, aole e hiki ia'u ke alo ae, no ka mea he kaikuahine oia no'u na na makua hookahi "Nou e Lahela Dane, ua lilo kuu ike ana aku la ia oe, i kumu e hoalaia mai ai na manao ana no ka manawa i hala. Pehea oe e noho nei ma keia wahi?" "He maikai maoli ko'u noho ana, a ke haawi aku nei au i ko'u mahalo me na hoomaikai ana he nui, no kou hoopakele ana ia'u mai ka make mai, a no kou haawi ana mai i home no'u e noho ai maanei me kou kaikuahine. Aole nae i makehewa ko'u noho ana malalo o ka lokomaikai o kou kaikuahine, no ka mea ke hooikaika nei au i ka hana ma na ano apau, e ukuia ai ko'u noho ana," i pane mai ai o Lahela Dane, me ka hookipa ana aku i ka malihini noloko o ke keena hookipa, a ho-a aku la i ke kapuahi hoopumehana. -"Maluna ou ka'u mau mahalo ana he nui, no kou lilo ana i mea kiai a makaala no ka pono o kuu kaikamahine mahope iho o kuu lawe ana aku i kuu kaikamahine no na aina mamao, ina aole oe i hoea mai a noho pu me ia." ''Ina no ka maopopo aku i keia kanaka na mea olaio loa, aole ana e nele kona hoowahawaha loa ia'u ; nolaila e hunakele loa ana au i na mea i hanaia hookahi a'u mea nui e kau aku nei i ko'u manaolana, e holo mai na waiwai o keia wahine maluna o'u i kona wa e make aku ai," i nalu wale iho ai no o Lahela Dane iloko ona, a hoomau hou mai la i ke kamailio ana me ka leo nui: "E hele ae anei au e hoomakaukau i kekahi mau meaai nau, mamua o ko'u alakai ana aku ia oe, noloko o ka rumi o kou kaikuahine ma'i e moe mai Ia?" "Ua ai mai nei no au maluna o ke kaaahi, o ka iini nui oloko o'u, o ia ka ike koke aku i kuu kaikuahine." "Ina pela ua pono, e pii mai kaua no ka hale maluna, a e lilo ana kou hoea ana mai nei, i kumu e hoolanaia ae ai kona mau kuamaha. Alakai aku la o Lahela Dane ia Evelena Ka, noloko o ka rumi o Mrs. Pilina, e moe ana no ua wahine nei maluna o kona moe, ua hele na papalina a hohoma, — a he kulana ma'i maoli no kona, me ka loli loa mai na ano mai a kona kaikunane i ike hope ai iaia he ekolu makahiki mamua aku. "Nani ka nui o ka ma'i i kau iho maluna ou e kuu kaikuahine !" i kamailio aku ai o Evalena Ka, ma kela komo ana aku iloko o ka rumi, a lele aku la e honi i kona kaikuahine me ka manao aloha kui'o. Lamalama ae la na maka o Mrs. Pilina i kela ike ana mai i kona kaikunane alaila i mai la: "He keu aku maoli no a ka loihi loa o keia manawa o ko'u ike ole ana ia oe ame Kinia. Ua kua a mehameha maoli au. mahope iho o ko lawe ana ia Kinia malia paha, aole i maikai ka'u maIama ana i kela kaikamahine, aka iaia nae i kaawale aku ai, akahi no au a ike maoli iho i ka nui o ko'u aloha iaia." (Aole i pau.) | |