| | He Moolelo Hooniua Puuwai -NOKA UI NOHEA GELADIOLA Ka Ipo Aloha a na Mea Aloha Elua Ua hooikaika o Toma e hoala ae ia Felorika mai ka pilikia kuhao ae i loaa iaia no kona ikemaka ana mai i na mea i hanaia a maule oia, a i hoea mai hoi malaila ia manawa no kona hoopakele ana ae i ko Toma ola mamuli paha o kona lohe ana aku he hakaka lua ke hanaia ana ma kela wahi ma ia la. No Lolena hoi, ke kaikuaana o Toma, ua hooikaika oia e like ma ka hiki iaia e hooluolu aku i ka Haku Pelekane ma ka wa-hi ana i kahi o ke opuupuu wawae i ku i ka poka i mea e paa ai ke kahe nui ana o ke koko. I ka manawa i loaa ae ai ka noonoo maikai iloko o ka Haku Pelekane, ma kahi o kona haawi ae i ka mahalo no ka hana aloha o Lolena i hana iho ai nona, he mau olelo hailiili nae kana me ke kukahalake loa o ka hoopuka ana ae, me he mea la na hai kona pilikia, a no ia hoopuka mau ae o ua haku la i na olelo ino, ua loaa iho la ka manao ehaeha me ka hoowahawaha pu iloko o kona kokoolua ia Kakalaika. "E pono oe e lawe aku i kena wahine opio i kela wahi hale uuku e ku mai la iluna o ke ahua," wahi a Kakalaika ia Toma. "O ka'u no hoi ia i noonoo iho la puka e mai la nae ia oe," i pane mai ai o Toma. Aole i hala he mau i-a lehulehu ia Toma o ka hapai ana aku ia Felorika kakaa ae la kona mau maka me ka hoao ana ae o kupaka i hemo oia mai ko Toma mau Uma aku, a nana ae la iluna iaia me na maka pupuku, me he mea la ua piha oia i ka huhu. Ia ike ana iho o Toma ia nanaina ano e ona hoonoho koke iho la oia iaia iluna o kekahi kumulaau maloo e moe ana a noho iho la ma kona aoao. "E Mr. Gerina," wahi a Felorika me ka ha'uha'u uwe, "mai nana mai oe ia'u me na maka inoino me he mea la ua huhu oe ia'u no kuu hele ana mai nei i keia wahi e hokai ai, aole hiki ia'u ke hoomanawanui i ka ehaeha o ia hana!" "E ninau aku ana au ia oe, pehea oe i lohe ai a hele mai ai i keia wahi me ka ike ole ia? Ua maopopo no anei ia oe ka mea e hanaia ana ma keia wahi i keia la, a ina ua maopopo oe, nawai oe i hoike aku?" i ninau ae ai o Toma me ka pahaohao loa iloko ona no ko Felorika lohe ana. "Aohe mea nana au i hoike mai, he hele ana mai nei keia o'u ianei no ka holoholo ana, he nalulu ikaika loa ko ko'u poo a no ia eha, ua manao au oka hele ana mai e holoholo iuka nei o ke kuahiwi, kahi huihui o ke ea, o ia ka mea e pau ae ai. Ua mamao loa ka'u wahi o ka helewawae ana mai mamua o ko u hoomaopopo ana no ka'u mea e hana ana, a ia manawa i ike iho ai au i ko'u maluhiluhi me ka maloeloe pu a aneane loa au e hina iho me ka maule. "Oiai au e noho ana ma kela wahi ma o maluna o ka puu pohaku i uluia e ka limu aneane loa e paa ae a nalowale i ka nahelehele, ia manawa au i lohe mai ai i kou leo, a he minuke mahope iho ike mai la au ia oe me ko kaikuaana e kamailio ana me ke Kauka Lolena. "Aohe manao iloko o'u e hoolohe mai i ka olua kamailio, aka aole nae he hiki ia'u ke alo ae mai ka hoolohe ana mai i ka olua mau mea e kamailio ana. Aole oe i hoomau hou mai i ka hele ana, aka ua ku iho la a lohe mai la au i kou olelo ana ae, "o keia kahi i hooholoia e maua no ka hakaka lua ana Iloko o ka hapaha hora mai keia manawa aku e waiho a make ana paha au maluna o ka hau, a i ole pela o ke ola o kela kanaka ke omuoia ana e a'u. O keia hooholoia ana no ko maua hakaka lua aole no'u ia makemake, aka ua koiia mai au e hana pela, i mea e hookoia ai na manao inaina mawaena o maua." "Ua noonoo iho au no kekahi manawa aole paha au i lohe maopopo, no ia kumu manao iho la au e kahea mai ia oe no ka hoike ana mai ia oe aia au malaila, o ka mea hilu nae i ka'u noonoo ana, me he mea la, ua kakiaia ko'u alelo a paa loa me ke kui kolu. Aole hiki ia'u ke hoopuka ae i hookahi huaolelo a i ole hoonioni ae hoi i ko'u mau lima, me he mea la aohe ola i koe iloko o ia mau lala o'u. "Oiai no au e nana hoomau mai ana maluna o olua o ko'u ike mai la no ia i ke kanaka ili hauli e hele mai ana me kona kokoolua no kahi a olua e ku ana. Ua lohe maopopo mai au i kona hawanawana ana ae i kona kokoolua he manawa pokole wale no e hookoia ai ka hana a o kou make no ia . "O, ia manawa, e Toma, ua like ka holo o ke koko iloko o ko'u mau aakoko me he wai wela la, a no kekahi manawa, ka'u noonoo iho, me he mea la ua pau ke pana ana a ko'u puuwai. Ia, manawa hoomanao iho la au e hakaka lua ana ka oe me kekahi o kela mau kanaka a'u i ike mai ai i ka hele ana mai, nolaila noonoo iho la au he mea pono e hanaia kekahi hana me ka hoohakalia ole hou aku no ka hoopakale ana i kou ola. "Aole au i maopopo pehea Ia i komo mai ai ia noonoo iloke o ko'u poo, a pehea la au e hana aku ai no ka hoopakele ana ae ia oe, hookahi nae mea i ulu mai iloko o ko'u noonoo ua hoouna mai na Lani ia'u ma kela wahi no ka hoopau ana i ka olua hakaka iloko o ka manawa kupono loa, a no ka hoo pakele ana ae hoi ia oe mai ka poka mai o ka pu panapana a kela kanaka lokoino punikoko. "Aole au i moeuhane mua e lilo aria no ka pu ana i mea hoopilikia iaia, aka, ina o ko na Lani makemake ia o ia iho la no ka hopena e loaa i ka mea ku-e i ka makemake o ke Akua; he kupanaha ke noonoo iho, no ke kumu o ka pahemo ana o ka pu a kela kanaka mai kona lima iho a kani hewa ana a ku kona opuupuu wawae, a poino ana iaia ponoi iho no. O kuu makemake wale no o ka hoopakele ae ia oe mai ka poino maii maopopo loa ka hopena ina no ka pololei o kana ki ana mat i kou puuwai, wahi a Felorika." "Ua lilo kou hiki ana mai i mea hoohakalia r ka hopena e hiki koke mai ana a i ole mahope iki aku paha," i pane aku ai o Toma. "O, aole, aole! Aole loa ke Akua e ae mai ana e hanaia ke-kahi o ia ano hana!" wahi a ka wahine opio. "E hoea mai ana kekahi mea alalai mai ka Lani mai i ka manawa au i mao-popo ole ai, no ka hoopakele ana ia oe, a no ka hoolilo ana hoi ia noonoo lapuwale o ke kanaka i mea ole!" ' Nana pono ae la o Toma i ka wahine opio me ke kahaha nui iloko ona. He mea anei kekahi i oi aku ka lokomaikai ame ka noho hoaloha wale ana no mawaena ona ame ka wa | hine opio i hoike mai ai oia i kona manao aloha a minamina nona? No ka hamau loa o Toma i hou mai la o Miss Wela: "E noi aku ana au ia oe e hoohiki mai imua o'u aole oe e hui hou aku me kela kanaka no ka hakaka ana me ia," i hawanawana mai ai ka wahine opio, me ka lomilomi mau ana i kona mau lima. "He noi paakiki no kena au, no ka mea he hana paakiki no ma ko'u aoao ka hoole ana aku i kau noi mua i noi mai ai ia'u, aka, ua koiia mai nae au e hooko aku no ka hiki ole ia'u ke alo ae. Ma ko'u noonoo iho i nei manawa e noi hou mai ana no kuu hoapaio e halawai hou maua ma kekahi manawa ma keia mua koke iho i ka manawa e hiki ai iaia ke hele mai e hooko ia makemake ona, a ina no kona noi hou mai e ae aku ana no au, a no ka mea aole au he kanaka hohe a maka'u wale, aole hiki ia'u ke hoole aku i ka halawai hou ana me ia ina o kona makemake ia." He pane paakiki loa keia a Toma o ka hoike ana aku la i ka wahine opio e hiki ole ai iaia ke noi hou mai nolaila, no kekahi manawa kona noho hamau ana me ka noonoo nui iloko ona a i ka manawa i ala ae ai kekahi manao hou iloko ona, hooholo iho la oia e hooko aku, oia hoi, ma kahi o kona noi hou mai ia Toma e hoopau i kona hui hou ana aku me kela kanaka, e aho o kela hoapaio o Toma kana e hele aku ai a nonoi aku iaia e hoopau i kona manao hakaka lua, me kona hoike ole ae nae ia Toma ia manao oha. Upoi iho la oia i kona mau lihilihi maka, a hina aku la ihope me he mea la ua maluhiluhi loa oia a pili aku la kona kua i kekahi kumulaau e ku mai ana mahope ona. "Ea, ua maule anei oe?" i ninau iho ai o Toma me ka nui o ka leo ame kona hoohikileleia ae la ia manawa no ia ike ana iho ona i ko Felorika upoi i kona mau maka. "E ae mai oe e lawe aku au ia oe a kela wahi hale e ku mai ta ma o kahi kupono nou e noho a e hoomaha ai, aole kupono o keia wahi ia oe no ka mea ke ike nei au ua maule oe !" "Ina no kou makemake e kaawale aku au mai keia wahi aku ea, e aho hoi ha ko'u hoi ana aku i ka hale, mamua o kou lawe ana aku ia'u i kela wahi," no ka mea ke kakali a ke haohao mai la paha o mama ia'u no ko'u hele ana a loihi loa mai ka hale mai." "O, ina o kou makemake ia ua pono," o ko Toma ku koke ae la no ia iluna a hopu iho la ia Felorika, a namunamu liilii iho Ia nae iloko ona, "aa maoli no keia kaikamahine kino nawaliwali o ka hele hookahi ana mai nei iloko o keia ulu laau." , "He makemake anei oe e lilo i mea huna nau ka'u mau mea i lohe a i ike iho nei maanei e loaa ole aku ai ka ike i kekahi poe, e Mr. Gerina, oia anei kou makemake?" i ninau ae ai o Felorika. "Ae; oia ka'u mea i makemake iho la e noi aku ia oe a i makaukau loa hoi e puka mai ko'u mau lehelehe aku," wahi a Toma, "puka e mai la hae oe." "Aole e puai iki aku ana kekahi mea o ia ano mai ko'u mau lehelehe aku," wahi a Felorika o ka pane ana ae. "O, me ka mahalo a nui no ia manao paa ou. 1 He liilii loa na wahi olelo i kamailioia mawaena iho o laua ahiki i ko laua hoea ana i ka puka-pa. Wehe mai la o Toma, a hapai ae la i kona papale i ko Felorika manawa i komo aku ai. "O ke aloha no kou a hui hou aku kaua," wahi a Toma. No kekahi manawa ka puliki ana o ko laua mau lima no ke aloha ana, aole i hoomau-mau ka ike ana a he minuke ma ia hope iho kaha aku la o Felorika hoi noloko o ka hale a huli mai la no hoi o Toma hele me ka malie loa no kona hale. - Iaia i wehe aku ai i ka puka, o kona makuahine ka i hele koke mai e hui me ia a ninau mai la: "Ihea oe e Toma i nalowale iho nei no kekahi manawa loihi? Ua haohao au nou no kou hoike ole ana mai e hele ana oe e holoholo no kekahi manawa a hoi mai. Wehe ae i i kou kuka ame kou papale a komo mai iloko o ka rumiaina. He nui na kanaka i hele mai nei ianei no ka makemake e ike ia oe aohe iho la nae hoi oe o ka hale nei, ke kakali mai la lakou maloko no ka hoike ana mai ia oe i ko lakou manao no ka wae ana ia oe i lunamakaainana. O, e kuu keiki, ke hoike aku nei au imua ou o keia kekahi o na la hauoli loa i loaa ia'u I iloko o na la apau o ko'u ola ana. Ua hana oe i ka mea e haaheo loa ai kou mama nei !" "O, e mama, hamau ! Mai hoopihoihoi loa oe i i kou noonoo no ia mea liilii wale no !" i pane aku ai o Toma me kahi leo liilii oluolu loa, me ka paipai ana aku i ka poohiwi o kona mama me ka helehelena hoihoi. Ia manawa he liilii loa ka kona makuahine mau mea i mao-popo no na noonoo e hana ana iloko o ke keiki ia manawa oia oia e hoolohe mai ana, e noono nui ana o Toma no kona pakele ana mai ka make mai ma ia la, a oia no hoi kekahi o na la kaumaha loa iloko o kona ola ana. Hopu aku la oia i na lima o ka makuahine, a honi aku la ma ke ano e hoomalielie aku ana i ko ka makuahine mau noonoo pihoihoi, me ka hawanawana pu ana aku mamua o ka makua-ine no kona piha i ka hauoli no ka hui pu hou ana me ia, he hui hou ana a na lani i haawi mai ai i kekahi kokua kupanaha loa mai luna mai iaia. "E ae aku oe imua o kela poe i kou inoa no ka wae ana ia oe i moho lunamakaainana, e ae mai ana anei oe?" i ninau ma ai ka makuahine oiai oia e alakai aku ana ia Toma noloko o ka rumi aina kahi a na kanaka o ia wahi kulanakauhale e akoakoa ana a e kakali mai an o ko Tom hoea aku. Mamua o ko Toma ku-e ana aku ia noi a ka makuahine, ua hala mua aku la oia. O ko Toma komo loa aku la no hoi ia no loko o ka rumiaina a hookipaia aku la e na kanaka lehulehu e noho mai ana me na leo hauoli, a ke nalu nui la nae oia iloko iho ona o keaha la ka mea oi ae o ka maikai iaia e pane aku ai, o kona haawi aku paha i ka ae, a i ole ka hoole aku paha i ka na kanaka mea e nonoi mai ana iaia. Ua koho koke no o Toma aole na kanaka e hoolohe -mai ana i kana hoole aku, nolaila hooholo iho la, ia ina no ko lakou paakiki loa mai i ke koi iaia hookahi wale no alahele ana e lawe ai oia kona haawi aku i kona ae. Ua makemake loa oia e hoi koke aku iloko o kona rumimoe a e haehae a i ole puhi aku paha i ke ahi i ka palapala ana kakau ai e hooili ana i kona mau waiwai maluna o kona ma kuahine ame kona kaikuahine, ina nei no kona make aku. Ua piha kona naau i ka mahalo ame ka hoomaikai i ke Akua no kona pakele ana mai ka make mai, a no kona ike ana hoi aole i loaa ia palapala i kona makuahine a i ole ia Dora kona kaikuahine, e waiho ana no ma kana wahi o ka huna ana. O kana i hooholo ai i kinohi e puhi oia ia palapala i ke ahi, aka mahope iho ua hoololi oia i kona manao, a hooholo iho la e huna loa ma kekahi wahi, no ka mea aole oia i maopopo i ko ka Haku Pelekane manao ma ia mua aku, ina no kona koi hou mai e hakaka lua laua, ua makaukau mua no kana palapala me ka hoololi ole ia o ka la i hanaia ai, ia palapala. | Ma ia ahiahi iho hoea mai la ke kaikuaana, ke Kauka Lolena, a hawanawan amalu mai la iaia: "I ka hale aku nei au o ka ohana Wela no ka. ike ana ia Wela opio, a ma ka'u ike aku nei e hala ana no kekahi mau Dtile kakaikahi mamua o kona ola loa ana ae. Ua haawi pu aku nei au i kona kaikuahine no na manawa lehulehu, no ka hoeafana ae -ona i ka manawa ktipono a hoopakeleia kou ola, i na hoomaikai he -nui. "E Toma, he kaikamahine ui a piha oluolu maoli oia me na ano maikai lehulehu e ae i loaa iaia. Ina aole au i mareia me ka'u oihana kauka, ke manao nei au e hoowalewale nui ia ana ko'u noonoo e haulehia aku i ke aloha nona." Nana ae la o Toma iluna i na maka o ke kaikuaana me ke kahaha no ka mea, o ka makamua loa iho la keia o kona lohe ana i kona kaikuaana i ke kamailio i ka mea e pili ana i nei mea he aloha, a o kekahi mea nana i hookahaha nui iaia oia no kona ike ana ae i ko ke kaikuaana kanaka ui a lamalama o ka helehelena i like ole me ko kekahi manawa mamua aku. Ninau iho la o Toma iloko iho ona, e aloha mai ana no anei o Felorika iaia? Iaia e noonoo nui ana.no ia mea, ke ike iho la oia i ka ulu ae o ka manao lili iloko ona me ka ehaeha pu o kona noonoo. "Wahi au i olelo mai nei e ola ae ana no o Wela opio mahope o ka hala ana o kekahi mau pule elua, o ia anei ka pololei? " i ninau ae ai o Toma. Kunou mai la ke kaikuaana e apono mai ana no ia ninau ana. "O ka hana pono loa ma ko lakou aoao o ia no ka ae ole mai i kekahi mea e hele aku e hookaumaha ia lakou," wahi a Toma i pane, aku ai, me kona huli aku a haalele mai la i ka rumi, a i ke kaikuaana e noho ana mamua o ke kapuahi hoopumehana, me ka nalu nui iloko ona no ko Toma anoe ana i kona manawa i hoike aku ai iaia no kona aneane loa ana e haulehia i ke aloha no Felorika. O kela kekahi o na la hiki ole ia Felorika ke hoopoina. Iaia e hele ai ma o a maanei maloko o ka hale aia mau ka noonoo nui iloko o kona poo no kana mau mea i ikemaka ai maloko o ka ululaau, a no ke ano hoihoi ole aku o Felorika i hoomaopopo iho ai kona makuahine he mea koikoi a he manao hohonu loa kana e noonoo mau ana. E aneane loa ana ka makuahine e ninau mai i ua Felorika no ia mea, hele e aku ana nae o Felorika a ku mamua ona a noho iho la ma kona aoao maluna o kekahi noho haahaa ma na wawae o na. ' Ninau koke mai la oia,, "E Felorika, he kanaka oluolu maoli kela kauka i hele mai nei, ianei e ike i ko kaikunane ia Pili i keia la, ua aneane no elike kona maikai ame kona oluolu me kona kaikaina me Toma Gerina," wahi a ka makuahine. Heaha la oia nau?" "Pela anei kou manao, e kuu mama aloha? Pehea i ulu ae la kena manao iloko ou a haupu ae la nona?" i ninau ae ai ke kaikamahine. "Aohe au i ike aka nae o ko'u makemake iaia he oi aku e hiki pono ole ai ia'u ke uumi iho, no na kumu lehulehu no a'u i ike aku ai, o ia hoi ka maikai o kana mau olelo, ka oluolu o kana kamailio ana mat, a o ka oi ae oia kona hoike maopopo ana mai i kona piha aloha i ka hoakanaka," wahi a ka makuahine. Aole ka makuahine i olelo hou mai no kona ike ana me kona mau maka kilo no ko ke Kauka Lolena makemake i ua o Felorika, ua huna Wale iho la no oia ia mea iloko ona. Elike me na makuahine e ae apau aia mau iloko o lakou na manao kuko no ka loaa o na kane maikai a kupono no ka lakou mau keikikane, pela no keia makuahine. O kona makemake nui ia manawa e ike mai oia ua loaa ke kane kupono no kana kaikamahine mamua o kona haalele ana mai i keia ao; aka he oi ae kona makemake e kaua i ka mare koke ana o ikana kaikamahine no kekahi mau makahiki mamua o ka mare ana aku i kekahi kane kupono ole e lilo ai kana kaikamahine i mea palukuluku a haalele wale ia, a o ia ano kane nae ka poe makemake loa mai i kana kaikamahine, aole ka poe i ike maopopoia aku ke kupono maoli e lilo ai i makua nona. I kela ame keia la ma ia hope mai e hoea mau aku ana ke Kauka Lolena i ka home o Felorika ma no ka nana ana i ke kanaka opio ma'i, a no ia pinai mau aku o ke kauka ua lilo oia i hoaloha no Pili, ke kaikunane o Felorika. I na manawa apau a ke Kauka Lolena e hiki aku ai ilaila, ua hookipa mau ia aku oia e Felorika me ke ohaoha, no ke kumu, ma o ke Kauka Lolena la e loaa aku ai na ike apau e pili ana no Toma ame kana mau hana apau, me ka loaa ole nae o kekahi hoohuoi iloko o Felorika o ia ka makeneki nana i huki mau aku i ke Kauka Lolena i ko lakou hale. Aohe ona kamailio mau mai ma ka mea e pili ana i ka hakaka lua o Toma ma, hookahi wale no ana manawa o ke kamailio ana mai, oia no ka mea e pili ana i ka hoapaio o Toma pehea la kona manao, ua ola loa ae paha kona eha a aole paha. No ka mea e pili ana i ka eha o ka hoapaio o Toma ua hoike aku ke kauka aole e ola koke ana ia eha ona a hala kekahi mau mahina loihi ekolu. "Ua oi aku ka pilikia mamua o ka mea i manaoia mamua; ua nahaha ka iwi o ka wawae i ka poka, a no ka hoola aua ae ia eha me ka hala o kekahi manawa loihi e malama a e kau mau ai i ka laau. Ua piha loa au i ka hauoli no kona hara ana no a eha oia iaia iho, aole hoi na kuu kaikaina, o ka mea pono loa no nae, e hanaia aku maluna o kela kanaka o ia no kona make," i pane aku ai ke kauka. "Owau pu kekahi i hoomaikai ae i na lani no ka hoopakele ana i ko Toma ola," i pane mai ai o Felorika, me ka puliki ana ae i kona mau lima. "E hoike mai i ka mea oiaio, ua lilo anei kela hana i r ea hoopihoihoi i ko kaikaina? Mai kela la mai aole au i ike lou iaia, oiai nae i ko lakou hale aku ai no kekahi mau manawa lehulehu no ka hele ana aku e ike ia Dora aole nae oia o ka hale," wahi a Felorika o ka pane ana mai. "Aole oia e loaa ia oe ma ka hale, ua nui kana mau bana i keia mau la e huki hele mau ia ana oia e kanaka i o a ianei no ko lakou makemake e e lilo oia i moho lunamakaainana mai keia apana aku." "Ua ae aku anei e a ia manao o lakou?" "Ae; ua ae aku," wahi a Lolena. "Ina no kona koh-ia a lanakila e loaa ana iaia kekahi kulana kiekie a e hoea aku ana oia i Wakinekona a i ka Hale Keokeo," wahi a Fe >rika me ka lamalama o kona helehelena, oiai oia e noho mai na maluna o kona noho paipai a e nana pono ae ana hoi i ! i lanahu e aa ana maloko o ke kapuahi hoopumehana, me kekahi noonoo nui iloko ona. "Me ke ka-nalua ole ke olelo ae, ina no kona kohoia, e konoia mai ana oia i kekahi mau a a hulahula ame kekahi mau anaina hoo-hauoli, a ike paha i na luna aupuni kiekie o na lahui e; a e ike pu aku ana oia na lede kiekie a ui ame na —" "Aole loa oia e ae aku ana hookahi kono," i kahamaha koke mai ai k'e Kauka Le elia. "Ua kamaaina au i kona ano. Aole | loa oia e haalele ana i kona keena no kekahi mau lede L «==* e kono mai ana iaia e hele ae ana e hoohanohano i ke ca-pitala. He kanaka opio hoowahawaha oia i na wahine ma kekahi manawa kokoke aku nei no i hala no ka lilo ana aku o ka mea ana i aloha ai kekahi kanaka okoa. E hoao mau ana oia e hoalo ae iaia mai ka huikau pu ana aku ma kekahi anaina ma kekahi mau manawa i hala aku nei, pela ka'u ike aku ia ano hana ana. Aohe ke Kauka Lolena i hoomau hou aku i kana kamailio ana maluna o ia kumuhana, aka hoohuli, koke ae la oia i ka laua mea e kamailio ai ma kekahi mau kumuhana okoa no kona makemake ole iho la e kamailio aku mamua o Feloni» i kekahi mea e pili ana no Toma ame kana mau mea e hana aku ana. No ka elua pule a oi mahope mai o kela manawa i aneane ai elilo kona ola mai iaia aku ko Toma ike hou ole ana ia Felorika. Ua lilo ka noho loihi o kona kaikuaana Lolena maloko o ia kauhale i mea hoopilihua i kona noonoo, a ua maopopo no ke kumu iaia o ia hoololohi ana ona, ua haulehia oia i ke aloha ame ka makemake ia Felorika. No kekahi manawa kona noonoo ana iho ina no ko Lolena mare nei me Felorika e lilo ana laua i paamare hauoli, e lilo ana o Felorika i wahine maikai, aka nae, ma kekahi ano ua lilo ia noonoo iloko ona no laua me he akua lapu la e hoomaka'uka'u mai ana iaia. Ua noonoo oia e hoali aku ia Felorika imua o kona kaikuaana Kauka Lolena i wahine nana i kekahi la, aka nae ma kekahi kumu noonoo iho la oia he manao ku pono ole ia no ka mea ua lilo ia noonoo i mea hoonaluea a hoehaeha i kona noonoo a ua hiki ole e loaa ka maha iaia, nolaila hoopau koke iho la oia ia noonoo mai kona waihona noonoo aku, no ka mea ke ike iho la oia i ka hoouluhua loa ia o kona noonoo. la manawa ua loaa mai la ke kauoha iaia mai ka hui mai ana e noho ana he lala e hoi koke aku i kona keenahana ma Nu Ioka. Ua kakau mua aku nae ua o Toma i ka hu? e hoi aku ana no oia ma kahi o kona pakaukau kakau ma kekahi Poakahi ae, nolaila i ka hiki ana mai o ia la, hele mua aku U oia e haawi i kona aloha la Felorika Wela, a mahope o kona puliki ana mai iaia i kona poli no kekahi manawa, me kekahi manao ano nui e haupuupu mau ana iloko ona, o oe no e ka makamaka heluhelu ka i ike ia mea nui, huli aku la oia hele. Ma kela manawa ana i hele aku ai e ike ia Felorika no ka manawa hope, e hoihoi aku ana o Felorika i na pa lepo a lakou o ka ai ana ia kakahiaka, a iaia i lohe mai ai i ka halulu aku o na kainawawae o Toma, a ua haupu mua no palia oia e hoea aku ana no o Toma ia kakahiaka, hooho ae la oia me ka malie i keia mau huaolelo: "Oia kela i kikeke mai la!" Aohe mea hiki ke olelo ae, ma ke ano no kana hookipa ana aku ia Toma me ka haahaa loa, aia kona puuwai ke kapalili la ia manawa me ka pinapinai loa o kana hanu ana e lilo ai ia pinapinai i mea hoike ae i ka noahuna iloko o kona puuwai. Ia Toma i komo loa mai ai iloko o ka hale ua hookipaia mai la oia e Mrs. Wela ame Pili me ka hauoli loa. Ia laua ua lilo ka helehelena kanaka ui o Toma me he mea la he mea nui loa ia laua, a ua oi loa ae o Toma mamua o na kanaka opio e ae apau, aole no ka ui wale, aka no ka oluolu o kona helehelena ka maikai o kana mau olelo, kona kulana kiekie e hoike mai ana hoi i ke ano piha pono he kanaka koa a maka'u ole. No keia mau haawina maikai a pau iloko o Toma a laua o ka ike ana mai aia iloko pakahi o laua keia manao e hoao ae no hoi o Toma me Felorika me ka hoohakalia hou ole aku, e ike ae kekahi i kekahi he ipo a he ipo a e hooholo koke laua no ko laua awaiauluia ae i kekahi manawa koke ma ia mua iho. Iloko o kela hora hookahi a Toma e noho ana me ia ohana, me ka wahine kane-make wale no ka hapanui o kona manawa o ke kamailio pu ana no ko Felorika ano hoohilahila oia nae, iaia i ku ae ai no ka hoomakaukau aua e haalele iho i fcotr.ti, o ko Felorika Uma kana o ka paa loihi ana, a ua ike ia aku hoi ma ko Toma mau maka na ano hoohie apau i ko laua inaUeV* wa i kaawale ae ai. "E Mr. Gerina, ia oe e kaawale aku ana e poina ana oe ia makou, a e hala ana paha he manawa loihi ia oe ma Nu • r <-lorika, me ka leo ha'uha'u uwe. "O ke aloha nui koi. c ?>ff. Gerina." Me keia mau huaolelo hope huli aku ta o Toma h' lele mai la ia lakou, aole me ka naau mama a i pi ka hauoli, aka me ka naau i hoomokumokuanuaia. «l a la ke ulu !a (kekahi manao iloko ona e lawe pu --* me ia i kana wahi e hele aku ana, aka, he hana lu hanaia me ke kukakuka mua ole; o na ola makai ka poe ana o ka haalele ana iho la, malia paha. T * i mau ola olino a i poe kiekie, aka nae aohe wahi lamalama o ka la e pa mai ana maluna o lakou, e na hemahema o keia ola honua ana. Iaia e hele l*me he mea la aia no iloko o koii mau huaolelo papa a Felorika e kamoeoe la ka lehua, o punia e ka ino." Ua Kio ia mar mea ikno akaku la e ku mau mai a\\ia ma mea la e ike okoa aku ana no oia i ke kii helena e kau mat ana mamua o kona ma ana mai o ka halulu o ko Toma mau kain ko Felorika alo mai ka puka aniani aku 1 nana ana i ko Toma hele, a me kona mau , me na wainaoa a ke aloha, i holokiki aku a rumi moe, a malaila i hookaheawai aku ai i k E hoi ana o Toma no kahi mamao elike olelo mai ai ia lakou a pehea la oia, (Fclori ai iaia, malia, aole no he manawa ana e ik-o keia ka Felorika i noonoo iho ai Ma kekahi kakahiaka nui ae i ua o Fe mamua o ko Pili rtimimoe, kahea mai la (Aole i pau.) | |