Ka Nupepa Kuokoa, Volume LXIV, Number 17, 23 April 1925 — KA PONO O NA KEIKI AME NA HOLOHOLONA. [ARTICLE]

KA PONO O NA KEIKI AME NA HOLOHOLONA.

Hc mea maa ma Amerika apuni, ka hookaawaleia hookahi pale iloko o ka makahiki, no ka poloai ana aku i ka lehulehu, e noonoo i ka pono o na keiki liilii ame na holoholona; malia he kumu ia e hoalaia mai ai ko lakou mau manao makee, e haawi aku i na kokua ana ma na mea i makemakeia ai e liana aku no ko lakou pono. » Mamuli nae o na mea i hoomaopopoia, aole i lilo na leo uwalo no ka pono o na holoholona i mea e hoalaia aku ai na manao menemene iloko o kekahi poe, ua hookaawale ae ka Ahahui Hawaiian Humane Sociiety, i hookahi pule, e pau ana ma keia Sabati iho, i manawa no na hooikaika ana imua o ka lehuJehu, no ka pono, ka palekana ame ke ola o na holoholona ame na keiki liilii, i hiki ole ke kokua ia lakou iho. Ma na mea oiaio, i ka nana aku, ua lilo na holoholona i mau pio malalo o ko ke kanaka mana. Aole no i nele na manao aloha iloko o na kanaka no ka lakou mau holoholona milimili a punahele, aka ina e kau aku ana na pilikia ame na poino maluna o na holoholona okoa; he hana paakiki loa, ke komohia ana aku o na manao aloha iloko o lakou no kela mau holoholona. O ka mea i makemakeia ma keia hoeueu ana i na manao o ka lehulehu, o ia no ko lakou haawi ana aku i na kokua i na holoholona a lakou i ike ai ua poino, aole no ko lakou hookomo kino ana aku ia lakou iho, ma na hana e hooluoluia ae ai kela mau holoholona, aka ma ka lawe ana ae i na ko'iko'i o ka hoike ana aku, i na lunanui o kela ahahui, e laweia aku ai kela mau holoholona poino, no kahi e loaa mai ai ia lakou na kokua ana, a e hoomamaia ae ai paha na auwe ana. Kui wale na holoholona i halawai me na poino ame ka make ma na alanui i na kaa otomobile, me ka waiho malie ia aku, me ka lawelawe ole ia o kekahi hana kokua a hoopakele paha, aole no ka ike ole o ka poe no lakou na kaa otomobile,"aka no ka nele maoli o na manao aloha iloko o lakou. Ua makaukau mau na lunanui o ka ahahui, e hana aku i na mea e pono ai kela mau holoholona, ke hookani ae v ke kelepona Helu 4768, i ke ao, a i ole i ke kelepona 7167 paha ina i ka po, i makemakeia ai na kokua ana aku. Nui wale na keiki liilii i poino ko lakou mau ola i na kaa otomobile ma na alanui, nia ka makahiki aku nei i hala, a hoea wale mai i keia makahiki, no ka hoopakele ana ae i na keiki liilii ma keia mua aku, he mea pono i na makua, ke malama i ka lakou mau keiki, ma na home, me ka hookuukuu ole e hele ma na alanui. Ina aia malalo o ka malama ana a na keiki nunui, kela poe keiki liilii, e lilo no i hana na ko lakou mau makua, ke a'o ikaika ana i kela 'poe nūnui, e makaala i ka poe liilii, ma ka waiho ana i ka paani; a ina paha ua oi aku ka makemake i ka paani. alaila e hoihoi mua ia na keiki liilii ma ko lakou mau home, mamua o ka hele ana aku i ka paani. Ua hala na la o ka palekana ame ka maluhia o ka hele ana ma na alanui, na la i komo ai ka manao iloko o na mea apau, he kuleana like ko lakou maluna o na alanui, iloko nae o keia mau la e nee nei, me he mea la, i ka nana aku, ua lawe okoa ae ka poe e hookele ana i na kaa otomobile, i ke kuleana o na alanui iloko o ko lakou mau lima, no keia kumu, e hoeueu ikaika aku nei keia pepa i na Hawaii, e komohia na manao aloha, no na keiki liilii ame na hololiolona, ma ka lawe ana ae i na alahele apau e palekana ai lakou, mai na poino mai. ; Htf mau Ia kakaikahi wale no koe, alaila laukanaka ihai ke kulanakauhale nei, i na kanaka olUna o na mokukaua Amerika, ka manawa mua loa e ikeia aku ai ka nui o na kanaka i ka manawa hookahi niaanei nei. Hookahi mea nui ma keia huakai hoomaamaa a ke aumokukaua o Amei'ika ma na kai o Hawaii nei, o ia no ka loaa ana o ka ike i koonei poe, no ke ano o ka hoohanaia ana o ka oihana kaua moana, ame aina, iloko o ka wa o ke kaua me na enemi. ka mea i loaa ole maanei mamua aku nei, a e ike hou ole ia aku ai paha ma keia mua aku.

Ma na hooponopono ahaolelo i liookomoia aku e na Hoa o ka hale o na lunamakaainana ame ka aha senate; na hooponopono ahaolelo, i hoomahuahuaia ae ai na bila haawina no na keena oihana like ole, a no na hana i pili aku i ka hookele ana i ke aupuni no keia mau makahiki elua e lioea mai ana; ua maopopo loa ma kahi o ko lakou hooiaio ana mai i ka lakou mau olelo imua o na makaainana no ka hoemiia iho o ke ana auhau, e hoomahuahiiaia aku ana ia; ma ka ili ana aku o ke ko'iko'i o ka auamo ana i kela mau liana hoomahuahua, maluna o ka poe uku auhau apuni ke Teritore.