Ka Nupepa Kuokoa, Volume LXIV, Number 17, 23 April 1925 — APONO KA ADIMARALA COONTZ ME KENERALA HINES NO LAUA E HAIOLELO AKU. [ARTICLE]

APONO KA ADIMARALA COONTZ ME KENERALA HINES NO LAUA E HAIOLELO AKU.

0 ka leo poloai a ka ahaolelo o Hawaii i na aliikoa kiekie loa o na oihana kaua aina ame moana, ka Adimarala Coontz ame ke Kenerala Hines, e haawi ae laua i kekahi mau haiolelo maloko o ka halaWai hui a ke senate ame ka hale -ma ka auwina Ia o ka Poalua nei, ua aponoia ae, a maloko o ka rumi kalaunu, ka rumi o na lunamakaainana, i haioleio ae ai laua. Mamuli o kekahi olelo hooholo hui i lokahi like ia e na hale a elua i paholaia ae ai ke)a poloai ana i na aliikoa kiekie o ka aina ame ko ka moana; na ka Lunamakaainana L. W. Wishard i i ka olelo hooholo, ke 65 o na olelo hooholo o ia ano, a ma ka manawa o ka waihoia ana ae mamua o nā hoa o na hale a elua ua apono koke ia me ka lokahi, maliope o ka lioike ana aku o ka hale ia olelo I liooholo i ke senate.* O kela ka makamua loa o na haiolelo i liaawiia e na alii o ka moana ame ko ka aina o iia oihana kaua ma keia manawa.