Ka Nupepa Kuokoa, Volume LXIV, Number 18, 30 April 1925 — Page 6

Page PDF (1.55 MB)

View this newspaper issue

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA, NA NUHOU KALAIAINA
ME NA NUHOU O KA MANAWA

AOAO NO NA MANAO PEPA
SOLOMON HANOHANO, LUNAHOOPONOPONO

NUPEPA KUOKOA, HONOLULU, T. H. POAHA, APERILA 30, 1925


	HE HOOMAIKAI NUI PALENA OLE. Ma ko ke Akua aloha la ke pa- hola, a ke haawi aku nei i ka'u hoomaikai; nui, i ke Kula Sabati o Palolo, i ka hoouna ana mai i ka oukou makana pua hiwahiwa, i ha- na maiauia, he hoike nui no ko ou- kou aloha oiaio i ko kakou makua- hine, i haalele mai i keia ola ana, he makuahine i piha i ke aloha, i hana pu ana me oukou i ka ke Akua, hana; e oluolu e lawe aku keia hoomaikai nui, a'u a ke kane wahi-make, na keiki ame na moo- puna a maua; na ke Akua e kokua mai ia oukou apau iloko o Kona aloha. Ke haawi hou aku nei i na hoo- maikai nui palena ole, i ka poe apau i hoouna mai i ka lakou mau bo-ke pua nani, o na ana pua like ole, na ohana, na hoaloha ame na ma- kamaka no apau i hiki kino ae ma kahi e Waiho ana o ke kino lepo o ka'u wahine aloha, a i ku kiai pu hoi; e oluolu oukou apau e lawe aku i keia hoomaikai nui; na ka Makua Lani e kokua mai ia oukou apau, iloko o Kona aloha ma ka inoa o Iesu Kristo, Atntafc Owau ke kane wahine-make, JOSEPH W. K. KEIKI ame ka ohana NANI KA AHAMELE A NA KE- IKI HOOKANI PILI O MO- LOKAI Ia oe e Mr. Solomon Hanohano e oluolu hoi oe, e haawi iho i wahi rumi kaawale e ke Kuokoa no kela wahi meahou e kau ae la maluna i ike mai ai ka poe o Wailuku ame Kahului, i hele ole e ike i keia ahamele, o ia hoi ia Hiiaka i ka Poli o Pele. He nui ka nani, o keia ahamele nui ko makou minamina no ka wehe ole ia ana o keia ahamele ma Wai-	luku. He nui ka nani o ka paani ana a David Burrow i kana vaiolina, he uwehone mai hoikau o na kaula o ka vaiolina, pela no hoi na puu- kani o Molokai, he nui ka nani, a peia no hoi na hoikeike e pili ana no Hiiaka i ka Poli o Pele, he nani, he nui ka nani, a ka puuwai e hii- poi ai. Pela no hoi me Bill Kuhulu, he nani no hoi kana himeni ana e pili ana no ka aina hoopulapula ame ke kani pu no hoi o kona leo a ka puuwai e kapalili ai. He nui ka nani aohe nui ka poe i hiki mai i keia ahamele. Iu ana na haole keia ahamele, ike aku oe i na kanaka Hawaii, e kilo an» i k» dala hokahi, a ina ua kakou na na Hawaii, he pipii loa Nolaila me keia wahi meahou lii- lii, ua lawa kaua e Mr. Lunahoo- ponopono ame kou poe keiki lima hei o ka papapa 'i ko 'u welina. Owau iho no me ka haahaa, KOU KIU HANU MEAHOU NA HANAU Na David Kaawa ame Annie Wil- liams he kaikamahine April 17. Na George Alex Will ame Bernice Bush he keikikane April 21. Na Solomon Campbell ame Helua Aiona he keikikane April 22. Na Kawai Kaikana ame Emma Kekauoha he keikikane April 24. Na William Kau ame Jennie Keo» loha he keikikane April 24. Na Thomas Mary ame Bella Gnomes he kaikamahine April 25. Na Antone Santos ame Isabella Keawe he keikikane April 25. Na Harold A. Weight ame Mareia Ellen Kane he keikikane April 26. NA MAKE Jerry P. Umiamaka jr, ma ka hale- ma'i Moiwahine April 11. Richard Kea, ma ke alanui Christi- an April 25. Lucy Kaunuhiolelo Aea ma alanui Kalihi April 25.


	KA AHAOLELO I PAU AKU LA. Ma ka hora umi-kumamalua o ka po nei, i hoea mai ai na hana o ko kakou ahaolelo kuloko i kona hopena. E huli hoi aku ana na hoa o ka ahaolelo no ko lakou mau home, a imua o ko lakou mau haku makaainana, me ka hoike- ike aku i ka lakou mau mea i hana ai, a i hooikaika ai e hana no ka pono o ko lakou mau haku. No ka hiki ole i keia pepa ke hoopuka aku ma ke ano e loaa ai ka ike piha i ka lehulehu, no na bila kanawai i hooko- moia aku iloko o ka ahaolelo, e kela ame keia hoa oloko o na hale kaukanawai a elua, koe wale no kekahi mau hoakaka liilii ma na bila ano nui, no keia kumu i makemake ai keia pepa, i na Hawaii apau, e heluhelu, a e malama aku i na ka- nawai apau i hooholoia ma keia kau, i ka wa e hoopukaia aku ai ma ka olelo makuahine maloko nei o ke Kuokoa, ke komo mai ka hoolaha ana i na kanawai i keia keena. Hookahi mea maopopo loa, i ikeia iloko o na hana o keia kau, o ia no ka hooikaika ana o kela ame keia hoa o ka aha- olelo, e loaa na haawina dala no na hana i pili i ko lakou mau apana ponoi iho, a ua pomaikai no na apana i hooholoia he mau haawina dala, e kau aku ai na mahalo ana maluna o ka poe na lakou i hooikaika kela mau haawina, pela hoi maluna o ka poe, i komo pu mai e kokua ma ia mau hooikaika ana. Ma ke ano nui nae ke olelo ae, ua nui na bila maikai i hoo- komoia aku ma keia kau, me ka lilo ana o kekahi o kela mau bila i kanawai ; e omoia ai na bila maikai ole, e na mea maikai i oili ae. Me na moolelo nae o na hana o ka ahaolelo, i waihoia iho mahope nei, e na hoa o na hale kaukanawai a elua, ua kipapa iho kekahi poe o lakou i na pohaku paepae no ko lakou haule- hia ame ko lakou lanakila ma keia kau koho baloka ae e hoea mai ana. Me ka nema ole aku nae i kekahi mau hoa o ka ahaolelo, no ka lakou mau mea i hana aku ai, oiai o ke alakai no ia a ko lakou mau lunaikehala, koe wale no, ina ua hana aku lakou mamuli o ke alakaiia e kekahi pohai, e hookuu aku kakou ia lakou, elike me ka hookuu ana o ka ahaolelo, a e nana aku kakou no keia mua aku. NA MELE HAWAII MA NA KULA. O kekahi o na hooponopono ahaolelo maikai Ioa i hapaiia mai ma keia kau o ka ahaolelo i pau aku la, o ia no ke a'oia o na himeni Hawaii maloko o na kula aupuni. O na himeni Hawaii, e meleia ana ma ke ano Hawaii, o ke- kahi mea ano nui loa ia i akeia mai ai e lohe e na malihini makaikai, i kipa mai i Hawaii nei ; aole o na ano himeni e meleia nei i keia la e ko kakou poe ike himeni ka hoololiloliia ae, mai ko Iakou mau ano kahiko mai, i kohu ai elike me na ano o na hi- meni e meleia nei i keia manawa. Aia iloko o na malihini, na manao hoohihi maoli i ko kakou mau himeni, i ka manawa e meleia ai, e na Hawaii, me kela leo o ke kanaka Hawaii ; no ka mea o ka kakou mele ana, ke ano o ko kakou leo, aole ia i loaa i na ano lahui e ae o ka honua nei; he mea oiaio loa keia i ikeia, ma na manawa apau a na malihini makaikai honua, i hoea mai ai, a lohe pono i ko kakou maw himeni, ame ke ano o ke meleia ana, ka mea a lakou i lohe ole ai mamua. Pehea ka malihini o kekahi mea i ka kakou mau himeni o kela au kahiko, pehea ka pohihihi ame ka maopopo ole iaia o na huaolelo e meleia ana, hookahi nae mea nana i hooni aku i kona uhane; aia iloko o na himeni Hawaii, ka nani, o ka leo ke hoolohe aku, aia iloko olaila ka ilihia ame ke kailipuuwai maoli no; a o ka mea oi loa aku, o ka leo o na Hawaii, ke mele mai i na himeni, he leo ia, i hanau maoli ia mai no me keia lahui kanaka, aole i hoololiloliia elike me ke ano o ke mele ana a na lahui e ae. Ke minamina loa nei kakou i keia la, no ka hiki ole e hoo- mauia aku ka olelo Hawaii ame na himeni Hawaii ; ma keia hooponopono ahaolelo nae, o keia ke keehina mua, e hiki ai ke hoomauia aku keia hana, i kaulana ai o Hawaii nei ame kona lahui kanaka. NA KANAKA O KA OIHANA KAUA ME KAKOU. Eia me kakou na kanaka o ke aumokukaua Amerika kahi i hoohala ai iloko o keia mau la, no ka hoohauoli ana ia lakou iho. aole wale no ma na hookipa a na. makaainana o keia teri- tore i pahola aku ai imua o lakou; aka ma ka ike ana i na hiona nani o ko kakou mau mokupuni; ka luakaha ana me ko kakou mau ea oluolu; a maluna ae o keia mau mea a elua; e loaa pu aku ana ka ike nui ia lakou, no ka mahamaha, ka hookipa ame ka lokomaikai o na makaainana o Hawaii nei. Me keia mau malihini a ke aupuni teritore, e hoohala ana me kakou, he hana ku i ka hoohaahaaia ma ko kakou aoao, ka lawelawe ana aku i kekahi mau hana maluna o lakou, e komo- hia maoli iho ai no na manao hilahila iloko o kakou, e laa na hana limanui, a lima-ikaika, elike me ia a kekahi mau puulu o ka poe kolohe, i hooko mau aku ai maluna o na koa, o na manawa ae nei i hala. Ma ka huakai makaikai kuikawa a ka Mauna Kea no Kauai, ma ka po o keia Poaono iho; e loaa ana i ka poe apau i ma- nao e holo ma kela huakai, he manawa kupono a maikai loa e ike ai i na hiona o Kela mokupuni mai ke kai aku; e ike pu ana i na wahi pana mauka o ka aina, e ike ana i kekahi mau hiona malihini, ma ka Paka Hoomanao Kuhio; o ka mea oi loa aku. e komo ana iloko o na hauoli ana, ma ke ano he mau malihini hanohano na ka Ahahui Kaumualii no na mea maikai apau e paneeia mai ana imua o ko lakou alo. Nui na hana imi pomaikai e lawelaweia mai nei iloko o keia mau la a na kanaka o ke aumokukaua Amerika e hoopiha ana i keia kulanakauhale. Aohe hewa o ka imi ana ia mau pomai- kai ma na hana kupono apau, i ku i ke kanawai; aka nia na hana hakihaki "kanawai apau, e pono e hoopau loa ia kela mau hana! Ma ka hoopuka ana ae i ke kauoha pili oihana, e hookapu loa ana i na kanaka apau e noho hana ana maloko o ka oihana kukeawa maanei nei, aole e puhipaka i ko lakou wa e lawelawe ana i ka lakou mau hana, i hoike mai ai ka luna kukeawa hou, i kona makee e malamaia ka ihiihi ame ke kapukapu o ka oihana, i noho poo ai oia ka mea a koonei poe i moeuhane mua ole ai, aia iloko o Mrs. Jeannette Hyde, ka mana hooko pili oihana.	KA HUAKAI MAKAIKAI KO KA PAKA HOOMANAO KUHIO. Ma ka hora ewalu o ke ahiahi o keia Poaono iho, e haalele iho ai ka mokuahi Mauna Kea, me na lala o ka Ahahui Kamehameha, ame ke- kahi poe e ae, ma kekahi huakai makaikai no ka Paka Hoomanao Kuhio, ma Hoai Koloa, Kauai, e hoea hou mai ai kela huakai no ke kulanakauhale nei, ma ke kakahi- aka o ka Poakahi o keia pule ae. He huakai makaikai keia i hoo- lalaia e ka Ahahui Kaumualii o Kauai, a no ka pono o na malihini, e haawiia ana i manawa maikai loa no lakou e ike ai i ka mokupuni holookoa o Manokalanipo, ma ka holo kaapuni ana o ka Mauna Kea, mamua o ka hooleleia aha aku o. na ohiia nouka, o ka aina; me ka lawe hoomakaikai pu ia ana ma na wahi pana o ka aina, mamua o ka akoakoa ana ae o na mea apau ma kekahi paina luau nui, e haawi- ia ana maloko o ka Paka Hoomanao Kuhio. Î kulike ai me na mea i hoolalaia e ke komite o ka Ahahui Kaumu- alii, no keia huakai makaikai, e malamaia ana he hukilau ma La- wai, ma ka manawa e hoea aku ai na malihini, a ua makemakeia lakou e holo pu aku me na lole auaukai, i hiki ai ke komo pu aku iloko o ka hana hukilau. O ka paina luau e haawiia ana maloko o ka Paka Hoomanao Kuhio, aia malalo o ka hooponopono ana a ka Hope Makai Nui Naleimaile o Koloa, ka Lunakiai Kula ame ka Lunakanawai Chandler, no Koloa lakou apau. I kulike ai me na hoike i loaa mai i keia kulanakauhale, he ekolu mau puaa nunui, i makaukau no kela luau, me na pipi elua, e hiki ai ke hoolawaia o, Kauai holookoa ame na malihini mai Honolulu nei aku; a mawaho ae o kela mau meaai, e hoolako pu ia ana na ono apau o kahakai, pela me ko ke kuahiwi, elike me na mea maa i ikeia ma na luau apau. O ka poe o ka Ahahui Kameha- meha i hoea mua no Kauai, ma kela paina luau i malamaia ma Waimea, he elua makahiki ae nei i hala, o lakou ka i olelo ae, o kela paina Iuau, ka helu ekahi a lakou i ike ai, a o ia no ka lakou o ka olelo ana ae, e like aku ana no keia Iuau hou maloko o ka Paka Hoomanao Kuhio, me kela luau ka- hiko no ka mea ua lokahi maoli no na lala apau o ka Ahahui Kaumu- alii, ma ka hoolako ana mai i na meaai apau, e loaa ole ai na ma- nao hoohalahala ma ka aoao o na malihini. No ka hoolilo ana i keia huakai makaikai no ka Paka Hoomanao Kuhio, i pohaku paepae, nana e hooni aku i na manao uwila iloko o. ko Kauai mau makaainana, ame na lala o ka Ahahui Kamehameha ame ka lehulehu o ko Honolulu "nei poe, no ka hana imi dala, no ka pono ame ka pomaikai o kela paka hoomanao, o ka Bana Hawaii ke- kahi e hoea aku ana no kela paka, pela me na kalapu himeni, no ka hoonanea ana i ka lehulehu, a o ko Kauai mau keiki puukani ke- kahi e komo pu mai ana iloko o kela anaina hoonanea, e hoopiha mau ia auka manawa, me na hana hoohauoli, mai ka wa e lele aku ai iuka o ka aina, ahiki i ke kau hou ana iluna o ka mokuahi. KA OPERA "KE KEIKIALII O HAWAII" MA KA LIBERTY. Maloko o ka Halekeaka Liberty, e hoomaka ana ma ka po o keia Poakahi ae, Mei 4 a pau ma ka po o ka Poaono, Mei 9, e haawi ae ana ka Hui Himeni a Mr. C. E. King he himeni opera i kapaia "Ke Kei- kialii, o Hawaii", ka mua loa o na opera i hakuia ma Hawaii nei. He kanaono ka nui o ka poe hi- meni na lakou e mele mai ana i kela opera, ame na himeni Hawaii e ae, i hoomakaukauia no kela ahamele nui. No ka hanohano o kela ahamele i hoolalaia, e hoea kino ae ana ke Kiaaina Farrington ame ka Meia Wilson, pela me kekahi poe ko'i- ko'i e ae, ma ke ano he mau mali- hini hanohano na kela hui himeni. O na pomaikai e loaa mai ana, no kela hana, iloko o na po apau e weheia ai ka ahamele, e hoIo aku no ia no ka waihona hoonaau- ao i na keiki opio Hawaii, ka wai- hona i kukuluia e ka Hawaiian Civic Club. Ma na mea i hoomaopopoia, no ka holomua Ioa o ke kuaiia ana o na tikiki, iloko o na la aku Ia i hala, e piha ana kela ahamele i ka poe makaikai, no ke ake e lohe pono, i na himeni e meleia mai ana e kela mau puukani o na keikikane opiopio ame na kaika- mahine opiopio o keia kulanakau- hale. Ma ka hora umi kumamalua o ka po nei, i hoea mai ai na hana o ka ahaolelo kuloko i kona ho- pena, ma ka hookuu ana. o ka aha- olelo i keia kau.	Nuhou Kuloko O kekahi o na hana mua loa a ka lunakukeawa wahine o Hawaii nei Mrs. Jeannette Hyde, o ka hooko ana aku, ma kona manawa i lawe ae ai i kona kulana hou maanei nei o ia no ka papa loa ana i au mea apau e noho hana ana iloko o ka oihana kukeawa, aole lakou e puhipaka ma ka manawa e lawelawe ana i ka hana o ke a u puai federala I kulike ai me ka hoike o ka loaa ana mai i keia kulanakauhale, mai Hilo mai, ma ka Poakahi iho nei ua paa ae i ka hopuia ma Hilo, o Albert H. Pung, ka mea uku dala o ka Building Supply Co., no ka hewa lawe i ka waiwai i haawiia aku na- na e malama. Ma kahi o ka aneane i ka $4500 i poholaloia e keia lima hana i kulike ai me ka hoike a na luna nui o ka hui, Mamuli o ke noi a kona loio i hoopaneeia mai ai ka hoolohe ana i ka hihia o Kauka G. A. Braly, kela kauka nona kp kaa i hooku'i aku ai i kekahi Pake a make ma ka la 7 o keia mahina iho nei, a keia pule ae* He ka'i kukui nui ko ka po o keia Poaono iho, ma na alanui o ke ku- lanakauhale nei, na na Kepani, no ka hoikeike ana ae na manao hoo kipa ohaoha a kela lahui i na ka naka o ke aumokukaua Amerika. I wahi e maalahi ai ka hele ana o ka lehulehu iloko o keia mau la Ua hookapu loa ia ke kukulu ana i na kaa otomobile, ma na aoao o ke alanui Rikeke, mawaena o ke alanui Moi ame ke alanui Beritania, pela hoi ke alanui Hokele, mawaena o na alanui Rikeke me Alakea. Ma ka manawa e ka'i kukui ana na Kepani ma ka po o keia Poaono iho, ua hookapu loa ia ke kukulu ana i na kaa otomobile ma ke Kuea Pa 'lii, mawaena o ka pa Mii ame ka hale aupuni federala. Elike me na mea i hoolalaia, o na bana puhiohe o na kula o Ho- nolulu nei, ke ka'i pu ana me na Kepani ka'i kukui ma ka po o keia Poaono iho. , Ua puka mua aku no ka haina nane "unihipili, no ka nane manu a ke keiki o Kahuku, pela i hoo- puka hou ole ia aku ai kela haina, o ka loaa ana mai nei i keia keena. Maloko mai o keia keena ke Keiki o Kahuku, ma ka Poaono aku la i hala,a hoike mai la no kona piha ohohia loa i na haina i hoopuka mau ia aku maloko o ka nupepa no ka nane manu ana; a ua hele oia a lia ka ili, i na pana pua a Pikoiakaalala, no ka pakele mahu- nehune wale iho no o kana manu, i na keiki laeula kiamanu o ka uka. Ma ka halawai makaainana o ka malamaia ana ae maloko o ka Hale Misiona Memoriala ma ka po o ka Poaono aku nei i hala, i aponoia ae ai kekahi olelo hooholo, e kakoo piha ana i ka Lunakula Nui W. E. Givens, no na loina ana i hooko aku ai e pili ana i ka oihana hoo- naauao ma Hawaii nei. No ka hoomaalahi ana aku i na kanaka o na mokukaua, no ka la- kou mau leka e hoouna ana i ko lakou mau ohana ma Amerika, pela, hoi ke kii ana ae i na leka i hoo- unaia mai ia lakou, i weheia ae ai he haleleka kaokoa loa na. lakou ma ka uwapo Helu 5, malalo o ka noho poo ana a kekahi aliimoku, nie kona mau kanaka kokua. Oiai na kanaka o na mokukaua Amerika e hoohala ana ma Honolulu nei, e malamaia ae ana he mau hookuku kinipopo mawaena o lakou me na koa Amerika e Hoomoana nei maanei. Mamuli o ka loaa ana aku o ke kauoha awiwi loa, i hoea hou mai nei o Mr. E. K. Kaaua o Hookena ma ka pule aku la i hala, a ke loaa ole kekahi mau kuia, alaila e huli hoi aku ana oia no kona home ma keia Poakahi ae. Ua hoohauoli loa ia aku oia, no ka lilo ana o ka bila lawai 'a opelu i kanawai i keia manawa, e papa ana i ka hanaiia o opelu me ka i'o i'a, koe ka la wai 'a ana me ka makau. Me he mea la, aole he kau ahaole- lo i ikeia ai ka nui o na ukuhoo- mau, elike me keia ahaolelo i pau aku la, ke hele la, a loaa na uku- hoomau i ka poe i loaa ole mamua aku nei. He o ia mau no ka hopuhopuia o ka opelu me ka i'o i'a, koe ka la- piliwaiwai iloko o keia mau la e nee nei, maloko o na punana i ikeia, ka lawelaweia o na hana hakihaki kanawai.	HOEMIIA KA UKU KAAAHI NO NA KAKAKA O NA MOKU- KAUA. He uku kaaahi kuikawa ko na kanaka o na mokukaua e holo mai ana mai Puuloa mai a i ke kaona nei ma ko lakou manawa e hoo- kuuia mai ai e lele iuka nei o ka aina i hoomakaukauia e ka hui kaaahi. Ua hoemiia mai ka ukukaa no lakou. Ua koho wale ia aia. ma kahi o ka 4000 mau kanaka e hookuuia mat ana i kela ame keia la mailo- ko ae o ka 16,000 kanaka maluna o na moku luu, na moku hahai to- pido, na mokuea ame na; molea hoo lako ai a i'a, wai no na moku e hekau ia ana maloko o ke awalau o Puuloa. No na kanaka e hookuuia mai ana e hoomaka ana ko lakou Iele ana mai mai ka hora 1 ahiki i ka hora 6 p. m., a no na aliikoa, ahiki i ka hora 10 p. m., no na kanaka e hoo- kuuia mai ana ma na la Sabati e hoomaka ana ko lakou lele mai ka hora 10 a. m., a ka hora 6 p. m. No ko lakou pono e holo mau ana na kaaahi i kela ame keia Ia mawaena o Puuloa ame Honolulu a ma ka hale hoolulu kaaahi e pau ai a na lakou ia e haumanana aku ma ka lakou mau wahi e makemake ai. No na kanaka maluna o na mo- kukaua nunui i hekauia mawaho e ka nuku o ke awa, elike ana no ko lakou manawa e hookuuia mai ai ma- ko na kanaka mai Puuloa mai o ma ke koho wale ia ma kahi o ka 6000 kanaka e hookuuia mai ana iuka nei o ka aina i kela ame keia la; o ka akahi hapaha wale ae la no ka keia o no kanaka apau iluna o na mokukaua pilikua. E laukanaka mai ana ke kaona nei ia Iakou. HAINA NANE. Mr. Sol, Hanohano; Aloha kaua: — Eia mai au imua ou ke ka aku nei me ka makaukau e hoike aku no ka nane manu a ke keiki a ka aina lewa, no kela manu melemele momona no ana; ua huli au ma ka aina, he hapa o ka mahu ka i loaa, i kuu huli hou ana i ka hapa o ka manu, loaa i ka pili o ke aouli o ia hoi keia. Haina. MAHINA, o ka manu ia a ke keiki o Kahuku aole nae oia i momona i ka lani i ka honua ne! ia i momona ai, eia na momona o ka honua, hana ke kanaka mai ka la ekahi o ka mahina ahiki i ka la 30 a 31 paha o ka mahina alaila piha ka mahina hoomanao oe la ua ai ono i ka momona o ka manu. O ke poo o ia no na uku kiekie o na ekekeu o ia no na uku haahaa iho, o ke kino o ia no ka uku paa- mau, o na u-ha o ia no na uku hora, o ka puapua hoi, o ia no na hora kaulele, ina ua pau loa i ka hanaia e oe keia mau hana apau pihau pono ka manu me ka momona, aohe wa- hi a ka manao e hoohalahala; ai, a ke lele nei ua manu nei i ka po ame ke ao, pololei na heluia aka na la o ka mahina he hapa i ke; ue a he hapa i ka po pela i heluia ai na hora o ka la a pela i, piha ai ka mahina. Me ka mahalo nui i ka Lunahoo- ponopono o ke Kuokoa ame kou mau keiki o ka papapa'i. Owau iho no me ka haahaa, KEIKI O KA UKA PUA LAU-I, Waimea, Kauai. Hamohamo wale mai la no oe r ka kikala upehupehu o ka Mauna Kea, alo iki wale iho la no ka manu a olua. Huli hou ia mai:— L. H. HOOHUIIA MA KA MAREIA MAU KEIKI Ia oe e Mr. Solomon. Hanohano, e oluolu hoi oe e haawi iho i wahi rumi kaa wale no kela mau wahi ma- punaolelo e kau ae la maluna. Ma ka po Poaono, la. 18 o Ape- rila, i hoohuiia ai o Joseph Kama- kahukilani Kekipi, me Eliza Kuoha, ma ka halepule Kakolika o Wailuku a ma ka lapule ae, i malamaia ai he wahi paina luau no ka paamare. Ua nui ka poe i konoia, a oe hiki mai lakou, a ua ai e lawa ka poe apau Ioa ua hauoli me ka maikai. Ono no hoi na meaai, o i ai ako a hiki ole. He eha pakaukau i hanaia, o ia, hoi elua maloko o ka hale, a he elua mawaho o ke alanui, a o ke pakaukau hope Ioa, no na kuene. O kou kiu nei kekahi malaila o i ai aku i ka puaa, huhu o Hanale ai aku la i na meaono i hana maiau ia e Mrs. Cecilia Kekipi, hakaka o John Bull me Hanale, ka ua mea o ka ono, a ua ai a hu. Nolaila ke pule nei au e noho olua me ka hauoli, e na keiki, a e hooloihiia mai ko olua mau la. Ke hooki nei an me ka hoomaikai a nui loa i ka Lunahooponopono o ke Kuokoa ame na keiki kaomi hua	Nuhou Kuwaho SOFIA, Apr. 25.—Ua hookapu loa ia ka malama ana i na halawai ka- laiaina ma Bulgaria apuni ahiki i ka hoike hou ia ana anai ma ke kauoha a ke Kenerala Lazareff, ka alihikaua o na pualikoa o Sofia, a pela me na nupepa ame na buke mo- olelo e ae na hookapu pu ia iloko e ka manawa o ke kanawai koa e ku ana maloko o Sofia, e ia ka mea i hoikeia ae. O ke Kenerala Kor- deff, ka luna nui o ka banako Pa- lani onei ka i hopuia i keia la no ka hoolilo ana i ke dala i ka aoao kalaiaina Cumminists. He mau ka- naka lehulehu hou aku ke hopuia ana ma keia mua koke iho mamuli o kekahi hoike i loaa ae i ke au- puni ma o na akena la, ka poe na lakou kekahi hoike aia ka eheu he- ma o ka puali a ka aoao kalaiaina makaainana ke hoolala mai la e ku- kulu ae i aupuni mahope o ka hoo- hioloia ana o ka lakou hana hooka- huli aupuni mamua. WAKINEKONA, Apr. 25— Ua hoikeia mai o kela kulana kupikipi- kio ma Bulgaria, ua kualilii mai eli- ke me ka hoike a ke Kuhina Ame- rika e noho mai la malaila maloko o kana lono kelekalapa i ke keena aupuni i keia la. Ma kana hoike he heluna nui o na kanaka i ki-pu ia a make a he 1500 a oi aku poe i paa ae i ka hopuia. WAKINEKONA, Apr, 25— Mai ke keena ae o ka oihana kaua me ana i hoopukaia ae ai kekahi hoike i keia la ma ka Ia 1 o Mei e hoo- maka ai ka hoomoe ana i ke kila o na mokuluu V-4 mua loa e kapi- liia ana, ke ano o na moku hoomoe maine. He oi ae ana ka nui ma- mua o na ano mokuluu o ke ano V-, o ke ano mokuluu e nanaia aku ana, he lehulehu na ano hou ae i oi ae ka loli mai ko na mokuluu mua i hanaia. O na lilo o ke kapili ana i na mokuluu V.4 e hiki aku ana i ka $6,000,000 a oi aku: WAKINEKONA, Apr. 25-Ua hoakaka ae ke kakauolelo o ke Au- puni Frank B. Kellog, i keia la i kona kokoa Ioa i ko Amerika komo pu aku iloko o ka aha hookolokolo- uwao mawaena o na lahui no ka hooponopono ana i na ninau hoopaa- paaia mawaena o na lahui. BERLIN, Apr. 25— Ma ke koho baloka laula e malamaia ana e ka poe koho baloka ma ka la apopo e hooholoia ai owai la ka mea e kohoia ana i peresidena hou a'o ke pani ana ma kahi o Frederick Ebert i make. Ma ka hoakaka a ka poe e kakoo mai nei ia Wilhelm Mara, ka moha Centrist, e hauoli ana no lakou ina he wahi oi liilii ko ka lakou moho, aka nae, ma ka lakou hoomaopopo o ka nui o na baloka e haawiia ana i ka. Marshall Hin- denberg, ka moho Nationalist he hui pu ana aku la e ku-e i ka manao o ka aoao Repubalika a he waiho ana iho hoi ia Kelemania Iloko o ka uluaoa no ka manawa i maopopo ole. Ma ka aoao o ka poe e kakoo ana ia Hindenburg, he manaolana ko lakou no kona lanakila. BERLIN, Apr. 26— Ua kohoia ka Ilamuku von Hindenburg ka mo- ho a ka aoao Lahui i peresidena no Kelemania i keia la me na baloka aneane i ka 500,000 oi aku mamua o na moho e ae. Mamua iki iho o ke aumoe o ka po nei i hoike ae ai o Wilhelm, ka moho Centrist, ame Ernest Thaelmann, ka moho Communist, i ka hiki ole ia laua ke ukali aku mahope o na. baloka oi o Hindenburg oiai nae maloko o na apana he 28 i koe, he mau apana lakou i ikeia ka paaia e ka poe o ka aoao repubalika. Ma na baloka o na luna koho baloka i hoikeia mai, he 14,639,389 mau baloka i haawiia ia Hindenburg ia Marx he, 13,752,640 a ia Thaelmann he 1- 931,591, he 21.000 a oi aku mau ba- loka i hoikeia ae ua kiolaia. KARLHUE, Apr. 26 He elua mau kanaka i make a he lehulehu aku i hoehaia maanei i keia la iloko o ka manawa o ka hakaka ana mawaena o na kanaka o ka ao- ao Repubalika awe ka aoao Nationa- lists iloko o ka manawa e koho baloka ana. kepau ko'u welina pauole. Owau no me ka oiaio, KOU KIU HANU MEAHOU NA MARE Solomon Kamahele ia Anita Yuen April 18. Wm. L. Waiwaiole ia Lahela Kaua April 19. Carl Louis Thoene ia Alice Walker April 22. August, Seavers ia Sarah Kahale- pua April 22. William Kekapa ia Piilani Witt- rock April 27.