Ka Nupepa Kuokoa, Volume LXIV, Number 18, 30 April 1925 — HAINA NANE. [ARTICLE]

HAINA NANE.

I ke Kuokoa: —Ina he *umi kaawale kahi, no'u hoi ia no ka elua o ka manawa no haina, oiai ua pane mua au i ka'u haina i ka la*26 o Maraki hooiliia au iluna 0 ka boe apiki ua lana ko'u manao e kau ana ko 'u helu i ka hale ipukukui, ua aiwaiw.i io no ka manu hulu melemele a ke keiki o Kahuku 1 kukulu mai ai i ka A. D. 1024. aolie wa e manumanu ai ahiki i keia A. D. 1925, no ke aiwaiwa maoli no. Eia ua manu nei la i ka naele i ka ale a ke kai me ka lipolipo olaila. Eia ka'u haina, BOE PELE. Penei ka'u wehewehe: He ono ke poo i kekahi poe, o ia no oluna oiai o ka maka ia e kau mai ai ka- ihu o ka mokū o na aupuni like ole, malaila ka ono o ka maka o na kapena i ka po me ke ao, ono na ekekeiī-o ia no na ku e kani ai ka waha o ua manu nei a lele ae i ka po me ke ao, ono na u-ha, wainui o ia na kaulahao o ka heleuma, e waiho la i ka papaku o ke kai lipolipo, ke kuleana e kau ai a lele aku i ka po me ke ao. Aohe puapua, he panapana no nae, 0 na auiui o ke kai me ka ale a ka makani e pai mai ai ua lawa loa ia no ka hoonioni ana i ka pO me ke ao, o na hulu melemele o keia manu, o ia no na pena like ole maluna o kona kino poo me ka lipolipo o ke kai, kahi ana e kau at 1 ka po me ke ao. Eia keia manu ma na aupuni apau he malama mau ia i na wa apau, i mau kona lele ana i ka po me ke ao. Ua manao au ua loaa aku la ua manu nei i na aī a ka lua, i ke alapii a ka opae. Me ka hoomaikai ia oe e Mr. Solomon Hanoliano, ame na keiki ko'u wehe papale me ke aloha. KAMAKANI WILĪ AHIU, Hooili hou mai la no kou moku i ka boe apiki, a pulelo aku la no ka manu kupua a olua, ke heo Ia he iwa no ka la makani. Hoonahoa hou ia mai! —L. H. +++