Ka Nupepa Kuokoa, Volume LXIV, Number 18, 30 April 1925 — MOE MA KA PAPA KA BILA HOME WAIMANO. [ARTICLE]

MOE MA KA PAPA KA BILA HOME WAIMANO.

O ka hoolilo ana i ka mana hoomalu o ka Home Waimano ,no ka poe nawaliwali o ka noonoo mai kekahi komisina kuikawa ae a i ka papa ola, elike me ia i hoolalaia maloko o ka B. H. 466, ua moe ma ka papa maloko o ka aha senate ma ka Poakahi nei ma o ke koho ana a ka hapanui ma ka aoao ku-e. Ma ka hoakaka a Tavares ma kona manawa o ke noi ana ae e waihoia ka bila ma ka papa, o ke ano o ka malama ana me ke akamai ame ka haawi ana i na makaala kupono ma kela home aole ia i kupono malalo o ka papa ola. Ma ko Chillingworth manao hoi ina he hoololi kekahi e hanaia i ka bila e pono o na kanaka e malama mai nei ia home ke hoopauia aole ka mea nana e hoomalu ia home. O na hoa ma ka aoao e waihoia ka bila ma ka papa, oia o Tarares, Chillingworth, Jarrett, Akina, Aki, Rose, ame Vannatta; a ma ka aoao hoole, Bice, ame Arnold. Mahope o ka ninaninau a noiiia ana o na hana apau e pili ana i ka malama ana i ka poe nawaliwali 0 ka noonoo ma kela home e ke komite o ka hale, he elua mau hoike 1 waihoia ae e ke komite hoonaauao, ka hoike a ka hapanui ame ka ka hapauuko. Ua nui na hemahema i ikela maloko o kela Home,maloko o ka hoike a ka hapanui o ke komite, a e noi ana e hoopauia o Mrs. 61iss mai ia home aku, ka wahine a ke Kauka 6eorge S. Bliss. Ma ka hoike hoi a ka hapa-uuku e kakoo ana a e kaohi ana ia Mrs. Bliss na ke ano e hoomauia aku no oia i lunahoohana no ia home, oiai nāe, m* kekahi mau kumu i hoakakaia maloko e ka hoike a ka hapanui ua lokahi no ka hoike a ka hapauuku o ke komite. Ma ka ninauia ana o oa ae ame na hoole ua kaa ka hapanui o na hoa o ka hale ma ka aoao e kakoo ana i ka hoike a ka hapanui a ke komite, a waihoia ki bila ma ka papa.