Ka Nupepa Kuokoa, Volume LXIV, Number 18, 30 April 1925 — KA OPERA "KE KEIKIALII O HAWAII" MA KA LIBERTY. [ARTICLE]

KA OPERA "KE KEIKIALII O HAWAII" MA KA LIBERTY.

Maloko o ka Halekeaka. Liberty, e hoomaka ana ma ka po o keia Poakahi ae, Mei 4 a pau ma ka po 0 ka Poaono, Mei 9, e haawi ae ana ka Hui Himeni a Mr. C. E. King he himeni opera i kapaia "Ke Kei* kialii. o Hawaii ,> , ka mua loa o na. operft j hakuia ma Hawaii nei. He kanaono ka nui o ka poe himeni na lakou e mele mai ana i kelaopera, ame na himeni Hawaii e ae, 1 hoomakaukauia no kela- ahamele nui. Xo ka hanohano o kela āhamele i hoolalaia, e hoea kino ae ana ke Kiaaina: Farrington ame ka Meia Wilson, pela me kekahi poe ko'iko'i e ae, ma ke ano h® mau malihini hanohano na kela hui himeni. O na pomaikai e loaa mai ana, no keīa hana, iloko o na po apau » Treheia aj ka e holo aku no ia no ka waihona hoonaauao i na keiki opio Hawaii, ka waihona. i. kukuluia e ka Hawaiinn Ciri e Club. Ma na mea j hoomaopopoia. no ka holomua loa o ke kuaiia ana o na tikiki, iloko o na la aku Ia i hala, e piha ana kela ahamele i ka poe makaikai, no l?e ake e lohe pono, i na hin\eni e meleia mai ana e kela mau puukani, o na keikikane opiopio ame na kaikamahine opiopio o keia kulanakauhale. . *+* — Ma ka hora umi- kumamalua o ka po nei, i hoea mai ai na hana o ka ahaolelo knloko i kona hopena, ma ka hookuu ana o ka ahaolelo i keia kau.