Ka Nupepa Kuokoa, Volume LXIV, Number 18, 30 April 1925 — Make ia Wahine i Hooku'iia e ke Kaa Oto Kalaka Halawai o Lucy Kaunuhiaea me Kona Hopena ma ka Poaono Aku la i Hala HIKI OLE KE ALO AE NO KELA ULIA POINO Paa ke Kiakaa o ke Kaa Oto Kalaka i ka Hopuia no ka Ninaninau Pono ia Aku [ARTICLE]

Make ia Wahine i Hooku'iia e ke Kaa Oto Kalaka

Halawai o Lucy Kaunuhiaea me Kona Hopena ma ka Poaono Aku la i Hala

HIKI OLE KE ALO AE NO KELA ULIA POINO

Paa ke Kiakaa o ke Kaa Oto Kalaka i ka Hopuia no ka Ninaninau Pono ia Aku

Me ka heluna nui o na kaa oto-! mobile ame na kaa kalaka iloko nei o ka aina, aia mau ka make imua o ke alo o na makaainana o keia teritore i kela ame keia manawa, no ka mea pela ka hopena i kau aku maluna o Luoy Kaunuhiaea, nona na niakahiki he 53 ma ka auwina la o ka Poaono aku Ia i hala, o ia kona make ana i na huila o ke kaa kalaka e hookeleia ana e B. Muroshige, ma ke alanui Kapahulu. Ma ka hapalua o ka hora elima o kela auwina Ia Poaono, i halawai ax keia makuahine Hawaii me kona hepena poino, a hoihoi loa ia mai kona kino no kahi o na kino make mil ke keena o ka papia ola, a paa hoi ke kiakaa o ke kaa ka* laka i ka hopuia, a hoopaaia ae maloko o kahi hoopaa o na lawehala. I kulike ai me ka hoike a Mrs. Jack V. Paterson, kekahi o na hoike i ikemaka i kela ulia poino, mai kekahi aoao mai o ke alanui, ka hele ana o Lucj Kaunuhiaea, no kekahi aoao, a no ka nui loa o na kaa e holo ana i kela manawa, ua maopopo • ole i kela wahine kana mea e hana aku ai, ina paha no ka hoomau aku i ka hele ana imua, a i ole no ka hoi hou ana aku paha ihope o ke alanui kauaoao. O ka mea nae i ikeia ua hoi hou aku la o Lucy Kaunuhiaea ihope, a oiai e holo mai ana kf o Muroshige, ma ke a)ahele e ku pono ana j kahi a kela wahine i hoi hou aku ai ihope, o kona hoono 0 ke kaā kalaka m'aluna <>na.'' 1 Ma ka hoakaka a kela hoike, e holo ana no ke kaa kalaka me ka malie, a ua hiki ole i ke kiakaa ke alo ao mai ka liooku'i ana aku 0 Kona kaa me kela wahine. Ma kela hooku'iia ana e ke kaa, ua naha ke poo o kela wahine; a ua hoihoiia mai oia me ka awiwi loa no ka halema'i o na poino ulia, a i ka wa i nana pono ia ai, ua hoike ae la ke kauka o ka halewai, ua halawai kela wahine me ka make, mahope koke iho, . o kona hooku'iia ana e ke kaa, a pii na huila o ke kaa maluna o kona kino, ma ka hoakaka hoi a Muroshige, ke kiakaa o ke kaa kalaka, ua hoopaa no ka oia i ka holo o kona kaa, 1 kona manawa i ike mai ai i ka hele ana ae o Lucj Kaunuhiaea a ku iwaena o ke alanui, a no kona manao, ua ma)aelae ke alkhele no kona kaa, ua hoomau mai la oia i ka holo ana, eia nae iloko o kela manawa hookahi, i hoi hou aku ai kela wahine ihope, pela- iho la i hooku?iia, mai ai e kona kaa. Me kela hoakaka nae mai ke kiakaa aku o ke kaa kalaka, a mai ia Mrs. Paterson mai, ua paaia o Mtiroshige, no ka ninaninan pono ia aku, o ke ano o ka halawai ana o Lucy KaAluhiaea me ina paha no ka pili a pili ole o ka hewa maluna ona, no ka make ana o kela wahine.