Ka Nupepa Kuokoa, Volume LXIV, Number 19, 7 May 1925 — KA LUNAMAKAAINANA ROSALIE KELIIONI [ARTICLE]

KA LUNAMAKAAINANA ROSALIE KELIIONI

Ma kc ano u ke kau ahaolelo i liala aku la, o ke kau niua loa ia, i kohoia ai kekahi lunamakaainana wahine, ma o Rosalic Keliinoi la, ua hoohanohanoia aku kela ahaolelo, ma ona la, o ka hanohano kiekie loa nae, mamuli no ia o kela kulana kanaka-makua, a makuahine oiaio, ka mea nana i kono aku i kona mau hoa lunamakaainana, e malama i ko lakou mau kulana keonimana, a e lawelawe i ka lakou mau hana me ke kui'o. He nui na hooponopono ahaolelo a Mrs. Rosalie Keliinoi i liookomo ae ai, he mau hooponopono ahaolelo, ana i manaoio ai, no ka pono o kona mau hoa makaainana wahine; o ka lilo ole ana nae o ia mau hooponopono ahaolelo i mau "kanawai, aole nona ia hewa, aka ua hooko aku oia i ka hana, i hoounaia mai ai oia noloko o ka ahaolelo. Ua, lilo ke kulana ame na hana ma ka aoao o keia lunamakaainana wahine, i mea na ko Kauai poe e haaheo ai; a ina e nui na lunamakaainana wahine, o ke ano elike me ko Mrs. Keliinoi, e lilo i mau hoa no ka ahaolelo kuloleo; alaila e hoemiia mai ana ka lawelaweia o na hana kalaiaina, a e konoia aku ai na kane, e malama i ko lakou mau kulana, a e lawelawe i ka lakou mau hana me ke kui'o a kanaka makua, e hoemi ole ia iho ai ko lakou mahaloia aku.