Ka Nupepa Kuokoa, Volume LXIV, Number 19, 7 May 1925 — HIKI I NA PILIPINO KE KOMO ILOKO O KA OIHANA KOA [ARTICLE]

HIKI I NA PILIPINO KE KOMO ILOKO O KA OIHANA KOA

E ku-e ana i ka manao kanawai o lia Loio Kuhina Matthewman, ka loio kuhina mua o ke Teritore o Hawaii nei, i waiho ae ai ka Hope Loio Kuhina Marguerite K. Ashford i kona manao kanawai, a i aponoia hoi kela manao kanawai e ka Loio Kuhina Lymer, no ka hiki i na Pilipino ke komo iloko o ka oihana koa, ina ua lilo mua lakou he mau makaainana Amerika. Ma ka maffao kanawai o ka Loio Kuhina Matthewman i pau, e hoakaka ana oia no ka hiki ole i na Pilipino ke lilo i mau makaainana, ma kela ano e hiki ole ai ia lakou ke komo iloko o ka oihana koa. Ma ka manao hoi o ka Hope Loio Kuhina Miss Ashford, e ku-e ana i ka manao kanawai o Matthewman, ua hiki no i na Pilipino ke lilo i mau īnakaainana malalo o ke kanawai hookupa o Amerika, elike me ke kuleana i loaa i kekahi mau lahui e ae, i hoakakaia malalo o ke kanawai. Me kela kuleana o na Pilipino e lilo i mau kupa makaainana, ua hiki loa ia lakou ke komo aku iloko o ka oihana koa, i kulike ai ma ka manao ame ka makemake o ke kanawai, i pili i na makaainana i makemake e komo iloko o ka oihana koa. Malalo o ka manao kanawai o ka Loio Kuhina Matthewman i pau, i hoopauia ai he heluna nui o na Pilipino moiloko aku o na pualikoaj kiai lahui maanei nei, ma kekahi, manawa ae nei i hala, aka nae, i ka manawa i hoopukaia ae ai keia manao kanawai hou, me he mea la, e hoi hou ae ana kela poe Pilipino iloko o ka pualikoa kiai lahui maanei nei, pela hoi ke komo ana aku o na Pilipino hou, iloko o ka oihana koa, ma kēia hope aku. v

0 ka poe kuleana i ka pa ilina o Kamoiliili e hele ae lakou e hoomaemae i ko lakou maa pa mamua o ka La Kaupua.