| | HE MOOLELO HOONIUA PUUWAI
— NO — KINIA KA KA UI HOOMAHIE A NA IPO ELUA.
Ame Ka Mea Huna Iloko o Ke Ola Ana
O Na Makua. Mahope iho o ka hoomaha liilii ana no kekahi mau minuke,
ua hoomau hou mai la o Mr. Ka i kana kamailio ana:
"Aia kekahi kumu ano nui loa e hiki ole ai ia oe e kuu kai-
kamahine ke mare aku ia Aka Valena i kane nau, ina nei no
ka loaa ia oe o ka ike no ia kumu i kinohi, ua lawa ia no kou
lawe okoa ana ae i kou ola iho; aka nae oiai ua aloha aku oe
i ka mea okoa i keia manawa, nolaila aole no e hoopilikia
loa ia ana kou noonoo, ke lohe mai oe i ka mea au i ake loa
ai e ike." Ua lilo kela mau olelo a Kinia e loheia, mai kona makua-
kane mai i kumu e hoopihoihoi loa ia ai kona noonoo, e ake
wale ana no, o ka lohe hou aku i ke koena o kana mau mea
aku i koe e hoakaka mai ana, a iloko o kona mau manao pi-
hoihoi, alawa iki mai la kana nana ana no kahi a Aka Valena
e noho ana, a ike mai la i ka huki ana aku o kela kanaka opio
i kona noho a kokoke ma ka aoao o kona makuahine, kela wa-
hine ana i aloha ai me kona puuwai apau, a o ka wahine no
hoi nana i kaupale loa mai i ka makemake o kana keiki, mai
ka mare ana aku i ke kaikamahine a kona puuwai i aloha ai.
"Ua makemake au ia oe e Paulina, e hoike ae i ka. moolelo o
ko kaua noho mare ana, a hoea mai i ko kaua hookaawaleia
ana malalo o na kanawai o ka aina, aia hoi a pau kau moolelo
i ka hoike, aiaila kamailio aku au i ka'u moolelo."
No ka manawa mua loa, akahi no a maopopo i ka poe e noho
ana maloko o kela rumi, eia ka he pili loa o Mr. Ka ame Mrs.
V alena ma ka mare, a ua hookahaha loa ia ku lakou manao, no
ka oili ana ae o keia mea oiaio, o ia no oe o ke pa-hu ana o ke-
kahi kiana pauda.
Ke naka wale la no o Kinia me ka haalulu, i awili pu ia me
ka pihoihoi, me ka puili loa ana aku o ka Madame Lahela iaia
iloko o kona poli, me ka hawanawana ana iho:
"E hoomanawanui e kuu hoaloha, ke manaoio nei au, ua ko-
koke loa e hoea mai i ka manawa e hookoia ai ko'u mau ma-
nao hoohuoi kahiko.
No kekahi mau minuke pokole, aole e hiki ia Mrs. Valena ke
kamailio mai, ke noonoo la ua wahine nei, ua hoea mai i ka
wa e weheia ae ai kekahi eha kahiko, a hamama ma kona aoao,
a no ka hoohakalia loa o ua wahine nei i ka pane ana ae i ke-
kahi mea, hopu okoa aku la o Aka Valena i ka a-i o kona
makuahine a hawanawana aku la me ka leo oluolu loa:
"Auhea oe e mama, ua maopopo no ia'u, he hana ehaeha
loa ka i kau mai maluna ou, aka e hoomanao, i ke noi a ka
mea ma ka'e o ka luakupapau."
"Aole no au i makemake e hua'i pau ae oe i kela ame keia
mea ua hiki ia oe e Paulina ke hoopokole i kau moolelo, hoo-
kahi no iini nui iloko o'u, o ia ke kaa n akou mau lehelehe
ponoi e kamailio mai i na mea e pili ana i ko kaua mareia
ana ame ka hookaawaleia ana, aole hoi mai ko'u waha aku," i
kamailio hou mai ai o Mr. Ka.
Aea ae la ke poo o Mrs. Valena iluna, me ka hoauhee ana
aku i kona mau manao pihoihoi apau mai iaia aku, alaila nana
mai la ia Kinia e puliki la i ka Madame Lahela, me ka hooma-
ka ana mai e kamailio:
"Ma ka manawa mua loa i halawai ai au me kou makuakane,
oia kekahi o na loio opiopio akamai loa, i hoolimalimaia e kuu
makuakane, no kekahi mau hana pohihihi. Iloko o kela hoo-
kamaaina ana, ua kawowo iho la ke aloha iloko o maua pakahi
ahiki i ko'u hoopalauia ana e mare aku me ia, me ke ku-e no
o kuu makuakane, i ko'u makemake.
"Aole he mau kumu ano nui o ke ku-e ana o kuu makuakane
no ko'u mare aku i kou makuakane, hookahi wale iho no,
aole kou makuakane he kanaka waiwai, i kulike me ke kulana
o ko'u ohana; aka nae mahope iho o ko'u uwalo hoomano ana
aku imua ona, haawi mai la oia i kona ae, a hookoia iho la ka
mare mawaena o maua."
Mi kela wahi o ka Mrs. Valena moolelo, hoomaha iki iho
la oia, me ka nui ana iho o kona hanu, a lohe pu aku la no ho
na mea apau oloko o ka rumi, i ka nui ana iho o ka hanu o Mr
Ka, me kona kahamaha ole mai nae i na mea i kamailioia ae e
Mrs. Valena.
"Hoomau aku i kau kamailio ana e mama," i pane iho ai o
Aka Valena, me ka nana mai ia Kinia.
"Ma kela hoohuiia ana ae o maua iloko o ka mare, ua loaa
maoli ka ka hauoli ia maua, no ka mea he kulana kilakila a ka-
pukapuka ko kuu kane, i loaa ole mai i ka hapanui o na kanaka
ma ka honua nei.
"E noho ana maua me kuu makuakane ma Polorida i kela
manawa; me ka hooliloia ana o Evalena i lunanui maluna o na
waiwai apau o kuu makuakane, ma keia ano iho la, i noho kuo-
koa ai oia nona iho, e kapa ole ia aku ai, mamuli mai o ko'u
mau waiwai ke kumu o kona hooikaika ana e lilo aku au i wa-
hine mare nana.
"He hookahi makahiki o ko matia noho mare ana, ua hanai
mai la au i ka'u keikikane, oia o Aka nei, a mai kela manawa
mai ahiki i ka piha ana iaia o na makahiki eha, owau ka wahine
hauoli hookahi ma ke ao nei."
Ma kela wahi i huli hou aku ai ka Mr. Ka nana ana ia Mrs
Valena, a nui hou iho la no hoi ka hanu o ua wahine nei, me ka
hoomau hou ana mai i kana kamailio ana:
"Mailoko mai nae o kela noho hauoli ana o maua, ua oili mai
la kekahi ao eleele, ka mea nana i papani ae i ka malamalama
o ko maua mau hauoli, ma o ke kino la o kekahi wahine opio
he kaikamahine na kekahi hoa lawelawe pili oihana o kuu kane
"Ua hoea mai la oia me ka maopopo mua ole no ko maua
home i kekahi la, me ka lawe ana mai i kekahi leka i kakauia e
kona makuakane, o ka make koke ana aku no he mau Ia ka- kaikahi. "Maloko o kela leka, e hoakaka mai ana ka makuakane, no kona waiho ana mai i kana kaikamahine malalo o ka malama
ana aku a kuu kane, o Galadi Lo, ka inoa o keia kaikamahine, ahiki i ka mare ana o ua kaikamahine nei i kana kane.
"No ka hoolilo ana i ka moolelo loihi i moolelo pokole, ua
hooliloia kela kaikamahine, i kaikamahine ilihune, mahope iho
o ka hooponoponoia ana o na waiwai o kona makuakane, «
ke kaa na maua e malama aku iaia, eia ka auanei, owau ma | no ka ilina o na ehaeha ame na kaumaha, no ka maikai i hana-
ia aku no kela kaikamahine.
"Ma kela noho pu ana o makou, e hooha'i mau ana oia i kuu
kane, he mea kau la i kona ike mai, owau ka wahine i mareia
me kuu kane, a o ka mea nana e malama aku ana iaia me ka
maikai, a wiwo iho oia, a i ole hopohopo iho paha, aka e hoike-
ike okoa mai ana no oia i kana mau hana hooha'i no kuu kane
imua o kuu alo, e nele ole ai ke komo o na manao lili iloko o
kekahi wahine no kela ano hana.
"Ua kaulana ka ohana Valena i ka ohana lili, aole au e hoole
aku ana i ka oiaio o kela olelo; ua piha loa au i ka manao lili
no kela kaikamahine, a ina e hoomau loa iho ana kona noho
pu ana me maua, o ka hopena, e kailiia ana kuu kane eia, no
keia kumu, ua koi aku la au i kuu kane, e hoouna aku oia ia
Miss Lo, e hoi a noho ma kekahi wahi okoa loa, a e pau kona
noho ana mai maloko o kuu home." . MOKUNA XXXIX— Ike Pono ia ka Oiaio. "Ke hoolohe pono loa la na mea apau me na manao pihoihoi
no na hoakaka a Mrs. Valena, aia pu hoi ka lakou nana ana
maluna o ka helehelena haikea, o Mr. Ka, me kona mau maka
hulili, o ia no oe o na puupuu lanahu e aa ana i ka peapeahiia
aku e ka makani ikaika.
No Kinia hoi, ke pupue wale la no oia, iloko o ka poli o ka
Madame Lahela, me ka puliki ana o kona mau lima ma ka a-i
o kona hoaloha, aohe wahi mea a maliu aku i kana kane hoo-
palau, e noho kokoke mai la ma kona aoao, aka ke kakali fa
oia me na manao pilihua, no ka lohe aku i ke koena o ka mo-
olelo a Mrs. Valena e kamailio ae ana imua o lakou.
Mahope o ka hoomaha liilii ana iho no kekahi mau minuke,
me ka pinapina'i hoi o kona hanu ana, elike me ke ano o ka
mea i loaa i kekahi haawina ehaeha a kaumaha loa, ia wa i
hoomau hou mai ai o Mrs. Valena i kana kamailio ana:
"Iloko o kela koi ikaika aku a'u i kuu kane e hookaawale i
kela kaikamahine opio mai kona noho pu ana mai me maua,
aole nae ona wahi mea a maiki mai, aka akaaka mai la oia
imua o kuu alo, me ke kapa ana mai i ko'u lili, a olelo pu mai
a ia'u i ka wahine lokoino, no ke kipaku i kekahi kaikamahine
makua ole, e kuewa ai oia i ke ala me ka waimaka.
"Iloko o ka paa o kona manao e ku-e mai ia'u, hoike okoa mai
a kuu kane, aole loa e hiki iaia ke kipaku aku i kela kaika-
mahine, no ka mea ua waihoia mai oia malalo o kana malama
ana, e ke kanaka nana i haawi mua mai iaia i ka ike ma kana
oihana loio.
"Ua nonoi ikaika mai la oia ia'u, e hoomanawanui au, ma ka
uumi ana i ko'u mau manao maikai ole no Miss Lo, ahiki i ka
oaa ana o kana kane; ua hoole loa aku nae au i kona make-
make, no ka mea me kuu mau maka ponoi e nana aku ana
ua maopopo loa ia'u, aole o Miss Lo, he kaikamahine maikai
aka ua piha oia i ka maalea, ke akamai ame ke kolohe, ma ke
pahele ana i ka noonoo o ka mea ana i makemake ai e hoolilo
i pio nana.
"I ka manawa i loaa aku ai ka ike ia Miss Lo, no ko'u lili
iaia, ua hooi loa i amai la kana mau hana maalea, o ke ano
hoohaehae ia'u, e ku a huhu maoli ai no au, me ka maopopo
ole nae i kuu kane, o na hoolala ana a kela kaikamahine e kaa
aku oia malalo o kona mau kapuai wawae.
"Ua ike no au i na hana maalea a kela kaikamahine i hoolala
ai, no ke poholo aku o kuu kane iloko o kana umii ; aka no kuu
ike he mea makehewa wale no ka uwalo hou ana aku imua
o kuu kane, e akahele mai oia, mai ka puni wale ana aku i ke
kahi mau hana a Miss Lo i hoolala ai; ua hunakele loa iho la
au i ka'u mau mea o ka ike ana, me ko makou noho pu ana
aku no kekahi manawa loihi.
"No hookahi makahiki kela noho pu ana o makou, me ko'u
hoomanawanui no nae aka mamuli o na a'o ana a kuu makua-
kane, ua lawe okoa ae Ia au i ka mana iloko o kuu mau lima
a kauoha aku la i kela kaikamahine e haalele iho oia i na ipuka
o kuu home.
"Aole i lilo i hana hilahila ma ka aoao o kela kaikamahine
ko'u kipaku ana iaia, aka hoole loa mat la oia i ka haalele
ana i kuu home, me ka olelo okoa ana mai no ko'u lili, i ka
lilo o kuu kane iaia.
"Ua hele au a piha maoli i ka inaina, me kuu olelo okoa am
aku, e hookomo ana au i kekahi hoopii oki-mare, no ka hoo
kaawale ana ia'u mai kuu kane mai, me ka hoakaka ana ma
loko o ka'u hoopii, o ua kaikamahine nei ka mea nana i hoo
walewale i kuu kane; ua lilo loa kela mau olelo a'u i mea hau
oli iaia, a olelo okoa mai la, o ka laila no ia i makemake loa
ai, e kaawale kuu kane mai ia'u aku, i hiki ai ke hookoia ka
mare maluna o laua.
"Me ko'u kamailio mua ole aku i kuu kane, i ka'u mea e
hana ai, haalele iho Ia au i kuu home, me ka lawe pu. ana
ka'u keiki, ame ko'u makuakane, a hoi aku la makou e noho
ma kekahi wahi okoa loa, me ko'u hookomo ana aku-i ka hoo
pii oki-mare imua o ka aha hookolokolo, e ku-e ana i kuu kane
no kona pailani i ka wahine nana i kaili ae i ka noho hauoli
ana mai ia'u aku.
"He mea makehewa wale no paha ko'u hoike neepapa ana
aku i na mea apau, aka no ka hoopokole ana mai i kekahi
moolelo pokole; ua ala ku-e mai kuu kane i kela hoopii a'u
imua o ka aha, me ka hoole ana i na kumu hoopii apau, ei
nae iloko o na manao hilahila ole, a iloko hoi o kona hauoi
piha, ua ku ae la o Miss Lo, a hooia aku la imua o ka aha, no
ka pololei o na kumu hoopii apau e ku-e ana iaia, malalo iho
la o kela ano, i ae mai ai ka aha i ka'u hoopii oki-mare, me
ka haawi pu ana mat i ke kuleana maluna o ke keiki a maua
maluna o'u, pela hoi ko'u kapa ana ia'u iho, ma ka inoa o ko'u
makuakane.
"Ma kela hope mai o ko maua hookaawaleia ana malalo o
na kanawai o ka aina, ua haalele iho la o Mr. Ka, i kona noho
ana maloko o Polorida, a hoi aku la oia maloko o Keokia, me
ka huli ana aku no o Miss Lo iaia a loaa ma kela mokuaina,
a iloko o na mahina elua wale no, i mareia ai laua ; nolaila ma
keia ano iho Ta, i hooiaio loa ia ai, ka epa ame ke aloha ole o
kuu kane ia'u."
Ma kela wahi i hooki iho ai o Mrs. Valena i kana moolelo, me
ka hilinai ana mai iluna o kana keiki, upo'i iho la hoi kona
mau maka, i ole ai oia e nana mai maluna o ka poe e noho ana
maloko o kela rumi iaia, a i lohe i ka moolelo ku i ka hilahila
iloko o kona noho mare ana.
"Nani ka nui o kou hoomanawanui e kuu makuahine, i ka
uumi ana i kou mau manao ehaeha," i pane iho ai o Aka Va-
lena, me ka honi ana aku ma ka lae o kona makuahine. "He
nani hoi ia, ua lohe ae la oukou apau i na mea a Mrs. Valena
o ka hoakaka ana mai nei, no kana mahele o ka moolelo o ko
laua noho mare ana, nolaila o ko'u manawa keia e hoike ae
ai i ka'u moolelo," i pane mai ai o Mr. Ka, mailuna mai o kona
wahi e moe ana, a mamua nae o kona hoomaka ana mai e ka-
mailio, i komo e mai ai ke kauka ma ka hoakaka ana i kona
manao: | "Mamua o kou kamailio ana aku i kau mau mea apau i ma-
nao ai, ke makemake nei au, e hoike oe ma na mea ano nui
wale no, a e kamailio hoi no kekahi manawa pokole."
"Aole no e loihi loa ana ka'u mau mea e hoike aku ana imua
o oukou, oiai ua pau mai nei oo ka hapanui o na mea i ke ka-
mailioia e Mrs. Valena. O na mea apau a Mrs. Valena i hoa-
kaka mai nei, mai kinohi mai ahiki i ka pau ana, he mau
mea oiaio loa ia, ma ka helehelena mawaho ke nana aku, aku
mahope aku o kela oki mare i hanaia, aia iloko olaila kekahi
kuhihewa nui loa i kau aku maluna o kekahi wahine lili, pela
hoi ke kuhihewa iloko o kekahi kanaka paakiki, no ka hiki ole
ana iaia ke makaala a ke kupale, no na hana maalea a ka mea
lokoino.
"Ke lawe mai nei au i na ahewa ana maluna iho o'u, no ko'u
akaaka pahenehene ana aku i kuu wahine, me ke kapa ana aku
iaia i ka lili, me ka manao kuhihewa, e hoao ana o Miss Lo,
e lilo aku a iaia.
"Aole loa he kumu e ae malalo iho o ka la, o ko'u kupale
ana no ka pono o kela wahine opio, no ka ike wale aku no iaia
aole ona makua, a aole he mea nana e malama iaia. No kela
manao aloha i ka hoakanaka, i ka mea iloko o ka pilikia, ame
ka nele, ua papaniia ae la ko'u mau maka, mai ka ike ana aku
i na pahele a kela kaikamahine i hoohohola mai ai no ko'u
poholo ana aku iloko o kana umii.
"Me ia mau hana maalea a kela kaikamahine, aole loa ia
he kumu e hoemiia iho ai ko'u aloha no kuu wahine i hookahi
iniha, a no kona hiki ole ke hilinai mai ia'u, ma ke ano he
kane kupaa no ka wahine hookahi; ua hookomoia mai ka ma-
nao huhu iloko o'u nona, me ka maopopo ole nae ia'u iloko
o kela manawa, i ka hopena e hoea mai ana maluna o maua."
"Ke loihi loa nei kau moolelo e ka mea ma'i," i kahamaha
mai ai ke kauka, me ka papa okoa ana mai ia Mr. Ka, e noho
malie loa.
"Heaha auanei ka like ole e loaa aku ana i kekahi mea
i aneane loa i kona hopena, ina e kaili koke ia ae ana ke ola
mailoko ae ona i keia manawa, a i ole ke hooloihiia aku paha
kona ola ana no kekahi mau la."
"Ina pela, e hoomau aku i kau kamailio ana, a e hoao no hoi
e hoopokole mai."
"Ua kaahope loa ka loaa aua ia'u o ka ike no ko Miss Lo
mau ano maoli, mai ka'u mau mea i noonoo ai nona mamua
aku. Eia ka aia iloko o kela wahine ke aloha no'u, a o ke
kumu hookahi wale no ia, o kona ae ana aku imua o ka aha
hookolokolo, i na mea oiaio ole a kuu wahine i hoopii ai ia'u,
i wahi e lilo aku ai au i kane mare nana.
"He mea oiaio, ua ukali ae oia mahope o'u no Keokia, ua
mare i'o aku au iaia i wahine na'u, aole nae no ko'u makemake
maoli, aka no kona koi hoomanao mai ia'u, me ka olelo okoa
ana mai, ua lilo ka lili ame ka inaina o kuu wahine iaia, i kumu
e hoohaahaaia ai oia, a e nanakeeia aku ai oia e ko ka honua
nei. Ua ae aku au e lilo kuu inoa, i mea nona e hoopakeleia
ae ai, aka e huikalaia mai au e ke Akua, ke olelo ae, ua hele
au a piha loa me ka hoowahawaha iaia, a ua lilo kona make
ana, i mea hoohauoli mai ia'u.
"Mamuli o ka loaa ana ia'u o kekahi hana, he kanaka ka-
lewa waiwai no kekahi hui nui, ua hoohala nui ia ko'u ma-
nawa ma ke kaahele ana mai kekahi wahi a i kekahi, me ka
noho mau ole aku me ia; nolaila ina he lanakila kekahi i loaa
i kela wahine, alaila he lanakila ano ole ia, no ka mea ma-
hope iho o kona kaili ana ae i ka hauoli, mailoko ae o kela ola
ana o kekahi mau mea elua, aole i loaa he hauoli iaia nona iho.
"Ia'u nae e waiho nei ma ka'e o ka luakupapau, ke ae aku
nei au imua o oukou, a imua o ke Akua Kiekie Loa, elike me
ka maemae o na anela, pela iho la ko'u pili ole i kekahi kiko
eleele, ame Galadi Lo, mamua aku o ko'u hookaawaleia ana
ma ka mare mai ia Mrs. Valena mai,
"Aole a'u mau hoahewa wale ana aku maluna o Mrs. Valena
no kona mau manao lili a inaina ia'u pela kana hoopii oki-
mare i hookomo aku ai iloko o ka aha hookolokolo, no ka mea
ua piha maoli no na hana a keia wahine me ka epa, ke kolohe
ame ka maalea, owai no ia mea nele ole o ka huhu; a o ia
ka'u e kalokalo ae nei ma k ainoa o na Lani, e huikala mai
ia Mrs. Valena."
Ma kela wahi, i loheia aku ai k aleo uwe kapalili mai ai
Kinia mai, i ka maopopo pono ana iaia, o na ano o kona ma-
kuahine, ma kela moolelo a Mr. Ka. i hoakaka mai ai e pili
ana ia Galadi Lo, oiai o kela no ka ua kaikamahine nei e ka-
kali ana o kona lohe mai i na mea oiaio loa no kona mau ma-
kua.
"Auhea oe e Kinia," i huli mai ai ka nana ana a Mr. Ka
no kahi a kana kaikamahine e noho aku ana, "akahi no a mao-
popo pono ia oe na mea apau. O kou makuahine i'o kela a'u
i hoike ae nei, a malia aole oe e hoahewa mai ana ia'u i ke
kumu o ko'u aloha ole ana ia oe, elike me kekahi makuakane
i makee i kana keiki; a ua hoohemahema aku paha au ia oe,
ka hana au e kapa mai ai; he mau hua ia i oili ae mai ke aloha
mai o kekahi wahine ino, ka wahine nana i hoopilikia mai i kuu
ola ana, ma ka hookaawale ana iloko o na hana maalea ia'u
mai ka'u poe mai i aloha aku ai me ka oiaio loa."
Ua hooi loa ia ae la ko Kinia uwe ana, a no ka hooluolu
ana aku iaia, i haalele aku ai o Aka i kona makuahine, a hele
mat la imua o Kinia, me ka hopu ana aku i kekahi lima, a i
mai la me ka leo hoomalielie:
"Akahi a maopopo ia oe na mea apau, a mai lilo na mea
au i lohe ai, i kumu e hookaumahaia aku ai kou noonoo, no
ka mea he manawa pokole wale no ma keia hope aku, e lilo
ana o Palika, i mea nana e hoohauoli mai ia oe e kuu kaikuahi-
ne."
Ma leahi o ka lilo o kela mau olelo, i mea hooluolu aku i na
manao kaumaha o Kinia, ku ino ae la ua kaikamahine nei ilu-
na, pahola aku la i kona mau lima imua me ka naka haalulu
ana o kona kino, o ia no oe o kekahi mea i kiia mai i ka poka
ma kona puuwai, a hoopuka ae Ia i na olelo o ka ehaeha:
"0 e ke Akua, e lawe koke aku i kuu ola!" alaila hina iho
la oia ilalo me ka maule iluna o na u-ha o ka Madame Lahela. MOKUNA XL— Uhiia Na Hewa Kahiko. Ma kela manawa i maule aku ai o Kinia, ua haawi koke ae
la ke kauka i ke kauoha i na mea apau e hookaawale aku o kela
rumi, no kona hopohopo, o lilo auanei na manao pihoihoi
i pahola ae ma na minuke aku i kumu e hooi loa ia aku ai ka
pilikia o ka mea ma'i, a koe hookahi wale iho la no oia ame
Mrs. Pilina iloko o ka rumi.
No Mrs. Pilina, ua hoopiha maoli ia aku kela wahine me
na manao kahaha he nui, i kona lohe pono ana i na mea oiaio
ma kela po, oiai 6 kela ka manawa mua Ioa aku ai iaia ka ike
no ka mare ana o kona kaikunane no na manawa elua, aka
nae no ka pono o kona kaikunane, hoauhee aku la i kona mau
manao maikai ole apau mai iaia aka, neenee mai la a pili ma ka
aoao o ka moe, hopu aku la i kekahi lima, me ka hamohamo
ana iho, alaila puana ae la i keia mau olelo me ka malie loa: | "O e Evalena kuu kaikunane, nani wale ka nui ame ke ko'i-
ko'i o ka hewa i hanaia mai ia oe, a he keu aku no hoi a ka nui
o kou hoomanawanui ana i na haawina hoehaeha i kau aku
maluna ou. Ina i loaa mua ia'u ka ike, no na kumu oiaio o
kou hoohemahema ana ia Kinia, ina aole au e hookau aku i
na ahewa ana maluna ou ; aka nae, o ka mea i hala, he make-
hewa wale no ka hoala hou ana mai, a ke hopohopo loa nei
$t£\\io ka hiki ole e loaa hou ka ikaika ia Kinia, ua lawa na
mea ana i lohe ai, i kumu e iho koke aku ai oia iloko o ka lua-
kupapau.
Ke lohe mai la no o Mr. Ka i na olelo a kona kaikuahine,
oiai nae ua hele oia a piha loa me ka maluhiluhi, aole e hiki
aia ke pane mai, aka ke moe hoololo wale la no oia, oiai hoi
ke kauka e haawi aku ana i kekahi laau, e hoihoiia mai ai ka
kaika kupono iloko o ka mea ma'i.
I ka pau ana o na mea a ke kauka i makemake ai e hana
aku no ka palekana o Mr, Ka, huli mai la oia imua o Mrs.
Pilina, a i mai la:
"Hookahi wale no hana pono ma ko kakou aoao no ka mea
ma'i, o ia ka hookuu ana aku iaia e hooluolu, me ka hoouluhua
ole aku ma kekahi ano, no ke koena aku i koe o keia la, e hoo-
noho ana au ia oe maanei no ke kiai makaala ana iaia, ina he
kulana kupilikii kekahi au e ike aku ana maluna ona alaila
e hoike koke ae i ka lohe ia'u, e loaa no au maloko o kekahi
rumi e waiho mai nei o kekahi poe pilikia."
Ua hoihoiia aku la o Kinia noloko o kekahi rumi kaawale
o ka hokele, me ka Madame Lahela hookahi wale no maloko
aole he aeia o ka poe e ae, mai ia Palika Poka, ke kane hoo-
palau a Kinia, a i ka nui ae o na malihini.
No Mrs. Valena, ua hoihoi loa aku la no o Aka i konallna-
kuahine noloko o kona rumi, a hoi aka la no hoi o Jeneta
noloko o ka rumi o Lahela Dane, aka no Palika Poka hoi,
ke holoholo wale la no oia maloko o ka holo, me ka hoolohe-
lohe ana mai i na mea e pili ana ia Kinia.
"Ma kela hoea ana aku o Mrs. Valena noloko o kona rumi,
hoomaka iho la oia e holoholo, i kau a mea o ka poloke o kona
noonoo, a o ia ka Aka o ka pane ana aku iaia :
"He mea pono ia oe e mama, e hoi noluna o kou moe, no ka
hooluolu ana, o lilo auanei kou mau ano pihoihoi, i kumu e
loohia ai oe i ka ma'i."
No kela mau olelo a kana keiki, ku iho la o Mrs. Valena iwa-
ena o ka rumi, puliki ae la kona mau lima i kahi hookahi, ala-
ila nana mai la maluna o Aka me ka pane ana mai me ka leo
haalulu:
"O e Aka, pehea la e hiki ai ia'u ke hooluolu? Aole loa e
hiki ia'u ke hiamoe, no ka mea aia oia ke waiho mai la ma ka'e
o ka luakupapau. Ua hele au a piha me na manao uluahewa
ame k aweliweli ! Auwe, ua ala mai na mea o ka wa i hala me
he mau akua lapu hoomaka'uka'u la. Ua hana hewa loa aku
anei au iaia? Ua pili anei ka hewa iaia, aole paha?"
"Auhea oe e mama, mai kona mau lehelehe ponoi mai, i
hoike mai ai oia imua ou, imua hoi o makou na hoike, a imua
6 na Lani aole loa oia i hewa!"
"Ua hoohiki mai no oia imua o'u pela no kona hewa ole ma-
mua aku o ko'u hookomo ana i ka hoopii imua o ka aha, a
ma kela la no i hooloheia ai o ka'u hoopii no kona Hewa ole
me ka uwalo ana mai imua o'u e aloha aku iaia, a o hoopakele
ae i kekahi haawina ehaeha e kau aku ana maluna ona eia
nae iloko o ko'u inaina ame ko'u huhu, ua papani ae au i ko'u
mau pepeiao, kipaku aku la iaia mai kuu alo aku, me ka ma-
liu ok aku i kana mau leo pule."
"Pehea Ia i oi loa aku ai ka paakiki ame ka uahoa o kou
naau e mama?"
"Hookahi no kumu nui e kuu keiki, o kela aloha iloko o'u no
kou makuakane, ka mea nana i hoala mai i ka inaina ame ka
manao lili iloko o'u. Mamuli o kuu ae ana aku, e lanakila na
hana maalea a kela wahine, iloko o ka aahu huna o ke diabolo;
i konoia mai ai au, e hoopau i ko'u hilinai ana maluna o kuu
kane, a hui pu iho hoi, me ke ku-e o kuu makuakane iaia, ma
ke ano ua mare wale mai no oia ia'u mamuli o ko'u waiwai,
pela iho la i hiki ole ai ia'u ke noho hoomalu maluna o ko'u
mau manao maikai."
"O e kuu mama, nani ka nui o na haawina ehaeha au i au-
amo ai iloko o keia mau makahiki, mamuli o kou mau manao
kuhihewa I"
"O e Aka, e Aka kuu keiki, ke manaoio nei Anei oe, ua ku-
hihewa au ma ka'u mau mea apau i hana aku ai?" wahi a MM.
Valena me ka leo e hoike okoa mai ana i ka ehaeha iloko o
kona puuwai.
Haalele aku la o Aka i kona wahi e noho ana, a hele mei la
me ke apo ana aku o kekahi lima, ma ka a-i o kona makua-
hine, nana pono loa aku la hoi maluna o kona man maka, a
i aku la:
"E mama, e hoike anei au ia oe, no ka'u mea i manaoio
loa ai iloko o kuu uhane, mahope mai o kela hui mua loa ana
o'u me kuu makuakane ma Wakinekona?"
"Ae, ke makemake loa nei au e lohe i kau hoakaka, ina no
ia he mea e kau mai ai ka make maluna o'u !"
"Aole loa he wahi manao iki Iloko o'u e hoehaeha aku ia oe
e mama, kuu makuahine aloha. Ala iloko o'u na manao aloha.
nou, a ua maopopo ia'u na hopena apau i kau mai no kau mau
mea i hana aku ai, aka nae iloko o kuu puuwai, ua paa loa kuu
manao, no ka pili ole o kekahi hewa i kuu makuakane, a UA
hiipoi oia i kona mau ano maikai ame kona kulana kilakila
ahiki i ka minuke hope loa. Ua hoike piha mai oia i kona
moolelo ia'u ma Wakinekona, a ma kana mau mea apau i
kamailio mai ai, ua komohia ke aloha iloko o'u nona, mahope
mai, a ina no ka hoea mai i kona hopena, ua like pu ia me
kekahi puupuu ikaika loa i ku'iia mai ia'u, mawaho ae o na
haawina hoehaeha e kau mai ant maluna o'u, ke ukali aku oe
ma ke alahele o ka make e kuu makuahine."
"Ina e manaoio aku ana kaua elike me kau mau mea e hoa-
kaka mai nei e Aka imua o'u, alaila owai ka i hana hewa loa
aku, aole iaia wale no, aka imua o na Lani maluna iho o'u
na ahewa kiekie ia, no ka hookomo ana aku i kou makuakane
Iloko o na haawina o ke kaumaha."
"Ina pela ka ike a kou lunaikehala i keia manawa, o ka'u
nonoi wale no ia oe e mama, e mihi aku oe imua ona, a e no-
noi aku i kana mau huikala ana mai."
"Pehea la e hiki ai ia'u ke nonoi aku i kana mau huikala ana
mai, no ka mea ua paa loa kana olelo hoohiki, aole oia e kala
mai ana ia'u, elike me ka loihi o kona mau Ia e ola ai ma keia
honua. O, nani ka piha o kuu uhane me ka ehaeha i keia ma-
nawa no ka'u mea i hana aku ai iaia. Ahiki mai i keia ma-
nawa ke mau nei no kuu aloha iaia ; e kupono ole ai kona hui-
kala ana mai ia'u."
"Ke paa loa nei kuu manao, aole ana e nele kona huikala
ana mai ia oe, a e lilo au, i mea kokua aku, iloko o kau mau
leo uwalo imua ona."
(Aole i pau.) | |