Ka Nupepa Kuokoa, Volume LXIV, Number 21, 21 May 1925 — He Moolelo Hooniua Puuwai NO KA UI NOHEA GELADIOLA Ka Ipo Aloha a na Mea Aloha Elua [ARTICLE]

He Moolelo Hooniua Puuwai NO KA UI NOHEA GELADIOLA Ka Ipo Aloha a na Mea Aloha Elua

"Maikai maoli kou helehelena, e Mrs. Demonaf "a ke haawi aku nei au i ka mahalo ia oe no ka maikai o kou ola kino, aole kanaka e lawe ana ia oe i makuahine o ka mea wale 110 e aloha ana i kau kaikamahine, 'aohe no hoi he kanaka e lawe ana ia oe he makuahine o ke kaikamahine wale no i aloha ia oe." "He ano maluhiluhi au, a ke ike ole nei au pehea la kou nanaina ma kekahi ano e ae," wahi .a ka lede, me kona alawa koke ana aku e nana i kona helehelena i ke aniani kilohi, me ka ikaaka iki ana iho. "Ua nui ka makou hana ma ka hoomakaukau ana i na mea e pili ana i ko olua mare, ua maopopo ia oe ia mea, a ua kau mai hoi ke koikoi o ia hana maluna iho ou. E hoike mai ia'u no kekahi mau hana hou aku au i makemake ai ho ko olua mare/' wahi hou ana, me ke alakai i ka haku Pelekane a ma kahi o ka noho pulu nui. " "No ia ninau au eia no ka'u mea i hoolala ai, mahope iho, ko maua mareia ana ua paa kuu manao e lawe aku ia Gcladiola c hoomakaikai i na aina e, a maloko o kekahi o na kakela ma kapa o.ka Muliwai Rine maua e hoohala ai i ko maua mau> la mahinameli," wahi a ka haku, mahope o kona noho ana iho maluna o ka noho. "O, ke aneane iho la ka au e lili iaia!" i kani iho ai ke uhu & Mrs. Demona, "o kekahi kela o na wahi nani loa, pela kuu manao." # 44 A pehea no hoi ina ooe pu kekahi e ukali ia maua? Oia maoli ka mea pono loa e hanaia nou a'no Geladiola, aole hoi o Geladiola wale no ke ike i na aina mamao a koe hoi oe," wahi a ka haku. "O kou manaoio maoli 110 nae ia? O, ina oia, ke hauoli nei au i ka hele pu ana aku me olua!" i pane aku.ai o Mrs. Demona. "Alaila e manao iho oe me ka hoohewahewa ole mai nei manawa aku ua holopono iho la ia manao!" wahi hou a ka haku. "Pehea ka loihi au i manao ai e hala ana ia'u ke hele aku au e ike ia olua?" i ninau aku ai ka lede. Aohe pane koke mai o ka haku, hopu niai la nae i ka lima o ka lede e anapa ana o na komo momi a hapai a e la iluna a; honi iho la, a eia kana o ka pane ana mai: ] "E holo mai ana maua e ike ia' oe elu amanawa o ka makahiki a e noho itio ana me oe i eono mahina i kela ame keia manawa." |iookuu iho la ka haku i ka lima o ka lede me ka haawi pu *na iho i kekahi kunou. "O ka piha no hoi ha ia o ka makahiki," i pane ae ai ka lede. v Aohe nae oia i ike aku f ka noonoo iloko o ka haku hoomalimali, o ka manao iloko o ka haku ia mauawa ina he makemake oia e ike ia Europa me ia aku ia, nana ponoi e uku i kona mau hoolilo a pau, no ka mea aohe makemake o ka haku e ike mau mai i kona helehelena alauka, kona papa niho kui, ame kona lauoho kui, me kona helehelena i penaia, ina no o na dala a pau iloko o ke aupuni ke haawiia mai ana iaia. "He noonoo maikai maoli kou, e ka Haku Kalaweina i ka'u nana aku, he helehelena kou o ka i nele ka noonoo maikai, eia nae, ma kau minoaka ana he noonoo elike me kekahi 0 na anela," wahi a ka lede, mahope o kona hoomaha iki ana. Nana pono mai la ka haku iaia me ka noonoo nui no ka manao o kana mea oke kamailio ana aku la. Oia iho la ka manawa mua iloko o kona ola ana i hiki ai iaia ke hpomanao 1 kekahi mea e pili ana iaia me na mea i pili i ka lani. "E pono au e holo i kai e ike aku i na kanaka o ka hanakō no ka wawahi ana i kekahi mau bila dala a'u. He mau bila aie liilii ka'u i makemake ai e hookaa aku i keia auwina la, a ua poina loa au ia mau aie 110 kuu makemake loa e ike niua ia Geladiola," wahi a ka haku, mahope o kona hoomaha ana no kekahi manawa. •'Malia e hiki ana no hoi ia'u ke kokua aku ia oe. Ehia au dala i makemake ai i keia kakahiaka la? Aohe waiWai o kou holo ana aku i ka banako e kikoo a i ole e wawahi ai i kena mau bila au; e hoohala Iho oe 5 kou manawa nui maanei, a m'ai hele aku," i pane aku ai ka lede. 4 *He wahi huina dala uuku wale no ka'u i makemake ai, he hookahi kaukani dala wale no. Me ka mahalo no kau kokua, e ka raadame," wahi a ka haku. Aneane o Mrs. Demona e haule mailuna iho o kona noho i kona manawa i lohe aku ai he hookahi kaukani dala ka ka haku i makemake ai, ke ike iho la no oia aole e hiki ana iaia ke hoolawa aku ia huina no ka mea, he elima haneri dala wale no kana ia manawa, a he hana pono ole nana ka haawi ana aku ia huina apau loa, e pono oia e aie dala aku ma kekahi wahi, i lawa ai ka huina a ka haku i makemake ai. a i ole, e kuai aku paha oia i kona mau mea makamae a pau loa, na komolima momi a daimana ona a me kekahi mau mea gula e ae, i loaa ia huina. MOKUNA VIII. \ La ike iho la ka liaku Kalaweina i ka lilo o kana kamailio e pili ana i ke dala i mea hoohuikau i ka noonoo a ua hoopilihuaia iho la hoi kona noonoo no ia mea ia ma'nawa. He mea oiaio loa aole e hoohakalia ana o Mrs. Demona i ka haawi ana aku i kekahi huina uuku elike me ia a ka haku o ka hoike ana mai la iaia, wahi a ka haku iaia iho, ina he like ka waiwai o ka wahine me ko na kanaka e ae. Ua makaala loa ka haku maluna o keia kumuhana, a he liilii loa ka hoala ana ae i na hoohuoi iloko ona ma ka mea e pili ana ia mea he nele i ke dala. Ua hooholo oia i kona noonoo malaila a ma ia manawa e nana mai ana oia me ke akahele ame ka makaala loa ma ka mea e pili ana i ka lako o nei wahine me ke dala ame ka ole, mamua o kona hookau ana iho i ka haawe kaumaha maluna on#ma ona ma kona manawa e mare ai me ke kaikamahine ui b ia hale. Ua ike oia i ka lilo ana o hookahi onamiliona a oi aku i poe ilihune a makilo, a ia manawa ua oki koke ia ae la me ka hiki\vawe loa kona mau noonoo mamuli o ke komo koke ana aku o Geladiola. "O, o ka Haku Kalaweina ka! Ua hiki mai nei ka oe. r> wahi ana me ka hoihoi i ka ike ana mai.

"O, c kuu ipo aloha!" i namunamu iho ai ka haku, a kulou pu mai la kona poo imua a honi mai la i kona papalina lahilahi. "E noho iho olua a e hele ae hoi au e nana ma ka mea e pili ana i keia wahi hana liilii a kaua i kamailio iho nei," wahi a Mrs. Demona. "Mai hoi koke aku oe, e noho iho oe a paina pu aku kakou!" wahi hou ana. Haawi aku la ka haku i kekahi kunou, a haalele koke mai la ka makuahine 1 ka rumi, a koe iho la o Geladiola me kana ipo o laua wale no ka iloko. "He nui ka iini iloko o'u e loaa kekahi manawa maikai elike me keia no kaua e halawai ai, a ke hauoli loa nei au i ko kaua , halawai ana iho la," wahi a ka haku, me ka huki pu ana aku ia GelaclTola a piii iaia. "Pehea la, ua haohao anei oe no'u no ka loihi loa o ko kaua kaawale ana? A Pehea, iloko o ka loihi 0 na la o ko kaua kaawale ana ua nui no anei kou aloha no'u?" ; Aole i hala kekahi manawa loihi mamua o ka loaa ana o ka Geladiola haina no keia ninau, me he mea la,'i kona lehelehe no kahi i kau ai, a pane iho la: "Aole oe e jkc ana i ka nui o ko'u aloha ia oe i nei manawa. A Ua like no hoi au me oe, ua helu au i na la me ka ehaeha oiai kaua e kaawale ana, a oiai ua hui hou iho la kaua, ke hauoli loa nei au no keia hui ana. Pehea, ua ola loa anei ko eha i nei manawa?" | "Aohe i ola loa,,.aka nae, ua hala aku la na lā ikiiki loa, a ke manao nei au ina e hala ana na pule elua i koe elike ana. no ko'u maikai me ko na la mamua aku o ko'u eha ana, a ma ko'u noonoo ana ua lilo kau mau wa-hi leka i loaa ae ai ia'u 1 kela ame keia la ame ka malama a makaala loa ana a ke kauka, i mau mea hoohikiwawe loa i ko'u ola ana. I "Ui maoli kou helehelena i nei manawa, lamalama kou mau , maka, a ua like no hoi ka hoihoi o kou helehelena i ka'u ike f aku .me ke alaula i ke ka:kahiaka, a ke ike nei au i ko'u laki, me ko'u ninau pu iho la iloko o'u iho i nei manawa pehea la ke I au 0 ka manawa i hoopomaikai mai ai ia'u ma o ka haawi ana i mai i kekahi wahine ui na'u." [ Nana iho la o Geladiola i na maka o ka haku me ke kahaha, I me ka ninau pu iho iloko ona 110 ko ka haku manaoio ma kana I mau mea 0 ke kamailio ana ae la, he mau olelo pai wale no paha ia ana nona a he okoa no kona manaoio maoli, a malia 0 ke ano iho la 110 paha 0 na kanaka o ke aupuni a ka haku 1 hele mai ai. , "Ea, e Geladiola," wahi a ka haku," e hoike mai ia'u i nei manaiwa, pehea ka loihi hou aku 0 ka manawa a'u e kakali aku ai mamua o kou lilo ana mai na'u, e kuu Geladiola onaona?" "I ka wa hea ka kaua e mareia ai i kou manao?" i ninau iho ai o Geladiola. "I keia la no, i keia hora, o ia a ko'u puuwai!" wahi a-ka haku o ka pane ana ae; "aka, ina ua hiki wawe loa keia i kou manao, a i loaa ai kekahi manawa lawa kupono no ko kaua hoohuiia ana imua o ka lehulehu, pehea la ina maloko 0 hookahi mahina mai keia la aku, ua kupono anei ia manawa 1 kou makemake?"' z "Ke manao nei au oia ka manawa kuponō loa," i pane iho ai o Geladiola mamuli o kona hoomanao ana ae i na olelo a kona makuahine, o ka hooko kokeia o ko laua mare oia ka oi aku o ka maikai i kona manao., no ka mea, aole i ikeia aku ka manawa e hoi mai ai o Ralepa Demona, kona anakala, me ka wahint, a o ko laua kaiehuia aku no paha auanei ia, a lewa na wahi opeope a laua i ke ala me ka waimaka. ' "O, me ka mahalo nui ia oe no ia apono ana mai la ou!" wahi o ka pane a ka haku. "E kaahope koke aku ka ka mahina a ia manawa owau kekahi o na kanaka hauoli loa ma keia ao." "Hookahi a'u mea e hoike aku ia oe a e hoomanao oe, oiai ua poina loa oe i kekahi mea, a o ia mea au i poina he mea ano nui a waiwai loa ia," wahi a ka Geladiola pane. "Heaha ia .mea a'u i poina ai la?" i ninau koke ae ai ka haku. Alaila hoikeike ae la o Geladiola i kona manamanalima me kekahi minoaka hoomahie, ame kekahi manamanalima kuhikuhi ae la i ka manamanalima kahi e kau ai o ke komo hoopalau. "E manao ana anei oe ua palaka loa ia mea i ko'u noonoo? O, aole loa! Ua noonoo no au.no ia mea, e kuu alolia. Mahope koke iho no o kou haawi ana mai i kou ae e lilo oe na'u, ua kauoha aku la au i ka mea nana e malama mai la ko'u waiwai. e wehe aku i ka pahuhao, a e 'wae me ke akahele loa maiwaena mai o na komo gula a pohaku momi e waiho la maloko olaila, ke komolima daimana pii loa o ke kumukuai, a e hana i komolima hou me ke daimana o ia komo kahiko, a ua pane mai lakou ia'u ua wae lakou i kekahi pohaku momi maikai loa i komoia ai e kekahi moiwahine o ka hanauna i puka mai ai au. Aole e ka moiwahine wale no, aka, e na kamaliiwahine, na duke wahine, a e na lede pu lje kokoalii kekahi iloko o lakou. Aka nae, aole e oi aku ana ka nani o ko lakou komo mamua o ko kuu moiwahine Amerika, o ia ka'u e hooiaio aku nei imua ou." Hulili ae la ko Geladiola mau maka me ka pinapinai pu o kona hanu ana ia manawa no kona lohe ana iho i nei mau olelo palau a ka haku Pelekane. "Aole no hoi e ole aku la ka nani 0 ia daimana, he puupuu daimana nui anei ia me—me ke keokeo?" i hooho ae ai o Geladiola. "Ae, he puupuu daimana nui ia a ma ko'u manao ua oi ae no kona nui mamua o na puupuu daimana i hanaia a e paa mai nei ma kekahi o na komo e paa mai nei ma ka ! manamanalima o kekahi o na lede Amenka waiwai Ua like kona aiai me ka maemae me ke kulu kehau o ka po, me na kaukani kukuna malamalama 0 na waihooluu o ke anuenue.e hoopuni ana mahai. E haaheo loa ana oe, e kuu aloha, ina e paa a«a ia komo ma kou manamanalima, pela ko'u manao." "Aia paha hoi i ka loa amai ka ikeia'aku o kon anani; ūa lawe pu mai nei nae paha oe ia komolima me oe?" "Aohe au i lawe mai nei no ka mea aole i pau i ka hanaia. No ko u ma'i la aku la i hala e kuhikuhi aku ai i ka- poe hana komolima i ke ano e hana mai ai a ku i ko'u makemake ke kumu ulolohi, aka nae, e hookikina aku ana au i kela poe hana komolima e hoawiwi mai ka lakou hana ana a hoouna koke mai me ka hoohakalia ole aku." "Pehea ki loihi e hanaia mai ai a pau mamua 0 ka loaa ana mai ia oe?" i ninau ae ai o Geladiola. "Ke maopopo ole aku la ia'u la kou manao, o kau anei i manao ai, peheaUa ka loihi mamua 0 ka loaa ana mai o ia komo ia oe?" "Pehea ka loihi e- hanaia mai ai mamua o ka loaa ana mai ia oe, a mai a oe mai hoi a ia'u," i pane aku a'i o Geladiola. Nee ae la ka haku i ka akaaka haāio'ulo'u, eia nae ua uumi hou iho la no oia mahope. Pehea ana o Geladiola e ike ai ua kamailio no ka haku iaia iho, ma e l?akali ana oia no ke komo a ka haku ī kamailio mai a laia e kakali oia no ia komo no kekahi mau makahiki lehulehu? Aka nae ua hoohikiwawe mai la nae oia i ka pane ana

hc man{folana kona e hoopuiwaia mai ana oia ma o ka lawe koke ana mai ia komo iloko o ka manaw apokole. "Ma ko'u manao wale iho malia e kakali ana paha kela poe ahiki i ka pau ana o ka hana no ke komo alaila hookahi manawa e hoouna mai ai me na pohaku momi e ae," i pane mai ai ka haku me ke ano hoopahemahema o kana olelo ana maL <4 He lehulehu no nae paha ia mau pohaku momi?" wahi hou a Geladiola. "Ae; a no ka lehulehu loa i kanaka ka mea nana e lawe mai ia mau mea, no ka makauia o«aihueia ia mau mea. Nau ia inau pohaku momi'a pau, he mau mea i kupono e haawiia mai i ka wahinemare a kekahi o na hāku. Me ia mau mea makamae e hookipa mai ai oe i kou mau hoaloha, a ia oe e hiki aku ai ma kdla aoao, o mau mea makamae loa wale no ke hiki ana ē ikeia mai ua oi ae ka nani mamua o ka kekahi mau wahine alii a koikoi e ae ma Europa." "O, ke ike e iho la ka hoi au i ko'u hilahila ia manawa, e ka Haku Kalaweina, no kou kamailio mai no ia mau mea e lilo ai au i mea nemaia mai. No na manawa pinepine ko'u nalu ana iho la e holoponeLana paha ko'u hui a launa ana aku me na wahine kiekie o Europa a aole paha," i pane ae ai o Geladiola. "Pehea, hilahila oe? O* elike ana kou anapanapa me na hoku o ka lani e lilelile ana-e lilo ai kekahi poe e aku i poe mae imua ou, elike me ka .mae a aneane a'na e nalowale ka malamalama o na hoku mamua o ka malama anapānapa o ka la i ke awakea. . "E lilo ana oe i mea liliia e na wahine a i mea kukoia hQi e na kanaka apau, a no'u iho, e hoopiha loa ia iho ana au me ka naau haaheo nou e haule iho ai au maluna o ko'u -mau kuli a hoomana aku ia oe mai ke kakahiaka ahiki i ka po ana." "O, ē ka Haku Kalaweina, ua uwoki kou pai loa ana mai, mahope lilo au i mea noonoo lapuwale!" wahi a Geladiola o ka papa ana ae. "Aole hiki ia'u ke hana ake kukulu aku i ka lewa, elike.me ia au i hoakaka mai la. Aole e hoolohe mai ana kau mau kauwa i a'oia i na kauoha e haawiia aku ana ia lakou e kekahi kaikamahine noonoo ole, a makeniake i ka lealea elike me a'u." "O, e hoolohe mai ana lakou 1 ka'u mau olelo liilii loa e kauoha aku ana ia lakou. Ua hoohala lakou a pau loa i na la apau o ko lakou ola ana ma ka hana ana no na lede o ke Kakela Kalaweina, a no ke kumu hea auanei e hiki ole ai ia lakou ke hoolohe mai i kau mau kauoha?" wahi, a ka haku. "E. hoakaka mai oe ia'u i kekahi mea e pili ana i ke Kakela Kalaweina," wahi a Geladiola. "Aole oe i hoikeike iki mai ia'u i kekahi kii o ia kakela; no keaha kou mea kauoha ole e hoounaia mai kekahi kii o ia kakela, kia ua loaa kekahi kii o ia kakela ia oe, he makemake au e ike i ke kii okuu home hou o nei mua aku," wahi a Geladiola. Minoaka iho la ka haku a i mai la: "Ua lawe pu mai no au i kekahi kii me a'u, ua noiia mai nae hoi e kekahi kanaka kahakii a haawiia aku e a'u iaia. Aka nae, ua hiki no ia\i ke kauoha i kii hou, a he mea hauoli nui ia no'u ke loaa aku ia oe." "Aohe paha i heluia ka nui o nei hale ke hoohalike aku me ia ha4e, pela ko u manao," wahi a Geladiola o ka noonoo ana iho. ] "Aohe i heluia. He hale nui ia me ke akea o na rumi a! o ka papahele o na rumi apau tia hana wale ia no me ka mahala, a he nui a lehulehu na mea hoonani i hana maiauia e na lima o ka poe akamai loa ia ano hana, me na kii pena a mau kii mahala lehulehu kahiko mai na hanauna lehulehu mai mua mai. "He mau kakini o na kakini mau rumi moe, me na lako hale o na mea like ole a pela hoi me na moena weleweka kumukuai kiekie loa." O ke kumukuai o kekahi mau mea hoonani kahiko loa o ia kakela ua lawa ia e kuai ai i kekahi o na hale nui a nani loa ma Nu loka nei.

"Ma na wāhi apuni ia kakela he mau ululaau huaai, a o na kahua e waiho mai ana ma'mua ahiki i ke kumu o na kuahiwi he nani a he palahalaha, a he nani no hoi me ka uliuli na awawa elike me ka mamao hiki i ka maka ke ike aku, a he mau mea hoohauoli hoi i ua maka o ka poe pa'i a kaha kii. "Lehulehu ka poe kahakii a paikii na aina mamao mai i hele mai a lawe aku i ke kii o ke kakela, a o kekahi o ia mau kii aia maloko o ka hale o na alii o na aina e, no ka hoonani ana i ko lakou mau home. Ua nui ko'u haaheo no ia kakela, a e oi aku ana ko'u hāaheo ke hoihoi aku au i -kekahi wahine ui iloko o ia kakela i ike ole ia ka lua ma Enelani apuni. "Ia kaua inalaila e hele aku ana kaua e hōloholo ma kela ame keia wahi no ka hoomaikai ana aku ia oe, mai ke kakahiaka nui, ka manawa ma'u o ka la ahiki i ka napoo ana aku o na kukuna malamalama o ka la, a ikeia aku ka imoimo- mai o na hoku ma ka poiuiu lani." "A pehea, aohe ka au Hana e haawiia aku ai kou noonoo nui ana no ia mea?" i ninau ae ai o Geladiola. "No na kaukaualii aohe a lakou oihana paa mau elike* me kau e noonoo la e hoohala mau ia ai ko lakou manawa a e hoolilo nui ia ai ko lakou mau noonoo. Mai hoohuikai oe ia poe me ka poe lawelawe i na oihana kalepa a mau hana aupuni paha," wahi a ka haku. "A.pehea, aole anei na wahine a ia poe i hoouluhuaia i ka ike mau mai i ka 'lakou mau kane e okuu mau aku ana iloko o ka hale e kiai mai ai ia lakou i na manawa apau?" wahi hou a Gela<3iola. , "He ano paakiki kena e hiki ole ai ia'u ke pane aku, 110 ka mea aole au he kanaka heluhelu aku i ka manao o kela ame keia wahine, e hiki ai e loaa ia'u ka ike i ko lakou uluhua ame ka ole/' wahi a ka haku. "O ka hana may i maa ia'u i ka ike i na kaukaualii o ia no ka nana ana iloko o ka lakou mau buke hoomanao no na manawa e ukuia ai na hoolimalima no ko lakou mau aina, a pela hoi ka noonoo ana a hoolala i kekahi mau hana hou e oi ae ai ka nani o ko lakou inau aina, me ka noonoo pu aku i ka pono o ka poe hoolimalima e noho ana maluna o ko lakou mau aina." "He nui no nae paha ka poe noho hoolimalima mai malalo ou?" wahi hou a Geladiola. he nui ia poe, he haneri a oi aku paha la," wahi o ka pane a ka haku. "O kela waiwai o ka Haku Kalaweina, ka mea nona mai ko'u inoa, oia kekahi o na aina nui loa maloko o Hnelani.". ' "īna nei no kou hoihoi aku i kekahi wahine i kela kakela aole C nele ana ka hookahahaia aku o ka poe e noho mai la malaila, pela ko'u manao," wahi a Geladiola. "Heaha auanei kau nana ana aku i ko lakou hookahahaia aku, no ka mea ia manawa, o oe ko lakou hakuwahine, a © kau kauoha he kanawai ia." "Aole e nele arta ka lo&a aku o ia manao i ka poe e ike mai ana ia kaua," Avahi a ka haku," no ka mea aole i maa ka ikeia

mai he kanaka m a rc au a i ko lakou n,ana»"a e ile, mai ai e loaa aku ana no na manāo kahaha 1 ka lehulehu. "Oiai au he kanaka kuokoa a no r u no ko'u manao ponoi, ua hiki ia'u ke hana elike me ko'u makeniake; ua lehulehu no na wahine ula'u i halawai ai, aka aole hookahiio» poe i komo mai ka makemake ame ke aloha iloko o'u ahiki i kuu halawai ana me oe, a ia manawa i ike iho ai au i ka lrk> o ko u puuwai ia oe. Ika awihi iki ana mai no a kou mau maka onaona ia u no hookahi manawa ua liaawi koke aku au i ko'u noonoo apau nou elike no me ke ano o na kanaka e ae i ka manawa e hala* wai ai ko lakou mau maka me ka mea kupono a lakou e koho i a *"" "Aole no hoi' e nele ana kou ike aku i na wahine ui maloko o Europa maloko o na aha hulahula nui a u i heluhelu ai. [ "Ae, ua ike au ina wahine kaulana loa ikaui a Enelani e kaena ai, eia nāe, aole hookahi iwaena o ia mau ui i hoopaia mai ai ko'u-naau. I ka manawa mua loa no a ko'u mau maka i kau aku ai maluna ou, i wale iho [a no au iloko ou. "Aia ka pua a'u i iini loa nei e lilo mai na u, mawaena o na kaika- ■ mahine ui loa iloko o Enelani, apuni, o kela ke kaikamahine ui hookahi a'u e makemake nei e lilo mai i u. E hoolilo aku ana au iaia i haku wahine a i Lede Kalaweina hoi, ina e hiki ana, a e noho alii oia malmia o kuu home a maluna 0 kuu puuwai. "E hoike mai ano he ipo aloha hou aku no anei kekahi au mawaho ae o u?" No kekahi manawa aole hiki ia Geladiola ke nana pon® mai i ka mea nana ka ninau, ke kapalili la kona houpo ia ma* nawa, a he nanaina hoi kona e ikeia aku ana ua piha oia me na manao pihoihoi, o ka ae mai a o ka hoole mai paha, mahea la oia e koho ai. Iloko o kona noonoo ia manawa aia ke akaku o Toma Gerina ke kau mai la mamua ona, kela helehelena ui o Toma, ke ka« | naka opio hoi ana 1 aloha ai me kona puuwai oiai, eia nae, | uumi'wale iho la no oia ia manao e pee maloko, a pane mai lai "Aole a'u ipo aloha e ae, ooe wale no!" He pane hoopuni* puni ana i mea nona e haalele ole ia. mai ai, aohe no ona makemake io i nei haku, aole hoi « liihi o ka hookokono a kona makuahine. Ia Geladiola e noonoo ana no ieana pane o ka haku pu ke4 kahi i haupu ae no Toma, a ke nalu la oia iloko iho ona, he« aha ana la ka Geladiola pane. j "He lehulehu ka poe i makemake mai. ia oe, aka malia paha aole hookahi o lakou ,i ku i kou makemake," wahi a ka hakil 1 hoakaka aku ai. "Oia no," wahi a Geladiola. a ke niahalo la oloko ona no kā I loaa ana he alahele e kaawale ai oia mai ka lana mea e ka« mailio ana, no ka mea aohe ona makemake e kamailioia e laum kekalii mea no Toma. "He mea kekahi eia me a'u no ka papa kuhikuhi hana noi keia auwina la, oia hoi he mau pepa hoolauna ma? nei ka'u mai ka hoaloha Kakalaika mai ka mea nana kekahi wahi ē noho ai ma'ka pahu no ka Hoikeike Lio o keia au*dna la. 11« makemake anei oe e ike ia hoikeike, e Gcla-de?" "O, he makemake loa au!" wahi a Geladiola. "E hoea ae ana na onamiliona Astors, Goulds, Vanderbnts' ame kekahi poe waiwai loa e ae i kaulana he mau hanen ila, pela ka maopopo ia'u. Eia hou keia. e oluolu ana anei ©e e kauoha aku i kou kaalio a i ole na'u paha e kauoha M J kaalio no kaua e holo ai?" "E lawe no kaua i ko kaua kaa ponoi me ke kauoha akif i kaalio okoa," wahi a Geladiola. "A, he koe ana iho ia o ka V dala," wahi a ka haku ? noonoo iho ai.. Ua kani mai Ia ka belc a ke katiwa ia manawa 110 ka aina awakea, a ma ka papaaina i hui mai ai o Mrs. P.emona me kei kaikamahine anie ka Haku Kalaweina me ka heJehelena hoihoi, aohe nae he mea hookahi i ike aku i ka ehaeha iloko o kona naau. Iloko o na la apau o kona ola ana aohe manawa « ae ana i hakoko ai me kekahi pilikia koikoi loa elike me ia ana i hooikaika ai e loaa ke kaukani dala a ka haku i makemake ai, ua loaa ia huina aole nae me ka maalahi o ka huli ana aka, me ka hana nui no, a no ia hana nui ana i hana ai aole pono e ike ka haku i ka paakiki ame ka nui o ka hana ma ka huli ana. Hakalia no apau ka lakou paina ana, ku ae la ka lede a hoopa malie iho la ma ka poohiwi o ka haku a pane iho la. "Ina e oluolu ana oe e komo mai iloko o ka rumi hoahu bnke, alaila e pau koke ana no kela wahi hana liilii a kaua i kamailio ai t ka liooponoponoia. "E ae mua mai oe e pii ae au i ka rumi maluna no ka hoololi ana ae i ko'u mau aahu a e pau koke ana no ia hana i,ka manawa pokole." wahi a Geladiola o ka pane ana iho," a i ka wa e pau ai o ko'u mau aahu i ke komo ea. alaila kauoha aku au 1 ke kahttlro e hana mai i ke kaalio no kaua e holo aku ai, ke laweia ae a ka puka mamua oka hale. E mama, e hele ana maua i ka Iloikeike Lio." i hoakaka aku ai o GeJadiola. Hahai aku la ka Haku Kalaweina ia Mrs. Demona me ka mama o na kaina wawae ahiki i ke komo ana iloko o ka rumi hoahu buke. me ka piha hoihoi, e ake ana o ka lohe koke mai no ka Mrs - Oemona mea i hana ai ahiki i ka loaa ana o ke kaukani dala. Ia kua i komo aku ai huli mai la o Mrs. Demona a i mal la: "E loaa iho ana ia oe ka huina au i makemake ai maloko o kena wahi leka loihi," wahi ana. . "O, me ka mahalo i kou ahonui; loleomaikai mao1? no oe!" wahi a ka haku, ma ke ano oiaio ole o ia olelo mahalo anat auwe, he keu ko'u hupo, aohe ka au « lawe pu mai nei i bil* dala paihakahaka no ka hoopiha ana iho i keia huina!" Aohe pilikia, mai noonoo nui oe ia mea, he mea hiki waie no la ke hanaia ma kekahi manawa kaawale aku e loaa ana,* 1 pane mai ai ka lede: "Mai hookaumaha oe i kou noonoo no la mea lnln wale 110. L'a hana wale aku no au i keia no ke kokua ana aku i a oe e hoopauia ae ai kou pilikia," wahi Imu a ka ledc, me ka manao nei he pono a e pani-hou ia mai ana īa huina ī .ka wa pono. ° ka . noo . no ° oka hak » > a manawa lre.iha ana la ..®. P " e l aku a ' ma e kipa hou mai ana oia ilaila an i ma t hmna <iala ni.i hou elike me ia iloko o elua a ekolu la m h r\ tT 7 ~ mea> ke ike iho la oia «al'ine oluol,. ° ' Lede . Demona ke a 'e <iala aka, ana i ike ole ai 1 Ka lua elike me la. e -T, n ana . n ° ke noi h . ou mai ika no keWe m A .t T " ma " a,Va like ke « a 'n ' a "0 hoi ka l u e ;^ S ° kona , naaU ihei U oia e hele aku a ' « noi, i kona ma V a - ,a,a • * Wki ai iaia ke hooka! > aku kona mau aie lulu ina o a maanei. ' a 8 Ge ' adiola ame ka Haku Kala- . L h l 10 me aka nae - ™ k» niai pau.)