| | PONO HOU IA O HAWAII 1925, E PILI ANA I NA LUNA HAAWI LAIKINI NO NA KALAIWA KAA OTOMOBILE E Hooholoia e ka Ahaolelo o ke Teritori o Hawaii: PAUKU 1. O ka Pauku 2003 o na Kanawai i Hooponopono Hou ia o Hawaii, 1925, ma keia ke hoololiia nei i heluhelu ai penei: "Pauku 2003. O na Makai Nui o na Kalana like ole a i oleia o ke Kulanakauhale ame Kalana, e hookohu lakou mai kela ame keia manawa i hookahi a oi aku mau kanaka, e noho ana iloko o ke kalana a kulanakauhale a kalana, me ka uku a mau
uku e hookaawaleia ana e ka papa lunakiai, i makaukau i ka
hoohana i na kaa otomobile, a i ikeia a kapaia he Luna Haawi
Laikini no na Kalaiwa Kaa Otomobila no ia kalana a kulana-
kauhale a kalana paha; a o kana hana oia no ka noii ana aku i
ke kupono ame ka makaukau o kela ame keia kanaka e make-
make ana e loaa ka laikini e kalaiwa i kaa otomobila e like me
ia i hoomaopopo ia mahope aku nei; koe no nae keia, o kela
ame keia makaainana o ke Teritore e noii ia nona maloko o ke
kalana a kulanakauhale a kalana i ike ia o kona wahi noho nui
ia. PAUKU 2. E mana keia Kanawai mai a mahope aku o ka
la o kona aponoia ana. Aponoia i keia la 31 o Maraki, M. H. 1925. W, R. FARRINGTON,
Kiaaina o ke Teritori o Hawaii. KANAWAI 8. (Bila o ka Hale Helu 114.) HE KANAWAI E HOOMANA ANA A E KAUOHA ANA I KA PAPA LUNA KIAI o KE
KULANAKAUHALE AME KLAANA O HONOLULU E HOOKAAWALE
I HAAWINA NO, A E UKU I KE KOI A JOSEPH DUARTE. E Hooholoia e ka Ahaolelo o ke Teritori o Hawaii: PAUKU 1. O ka Papa Luna Kiai a ke Kulanakauhale a
Kalana o Honolulu ma keia ke hoomanaia nei a ke kauohaia
nei e uku ae ia Joseph Duarte i ka huina o eha haneri kanawalu-
kumamahiku ame 50/100 dala ($487.50) mailoko mai o ka wai-
hona laula o ua kulanakauhale a kalana nei, ma ke ano he uku
no kekahi hana i hanaia. PAUKU 2. 1 ka manawa e ukuia ai elike me ia e oleloia nei
alaila e haawi aku o ua Joseph Duarte nei i oleloia i palapala
hookuu loa i ke Kulanakauhale a Kalana o Honolulu mai na koi
apau loa e pili no kana lawelawe oihana ana. PAUKU 3. E mana keia Kanawai mai a mahope aku o ka la
o kona aponoia ana. Aponoia i keia la 31 o Maraki, M. H. 1925. W. R. FARRINGTON,
Kiaaina o ke Teritori o Hawaii. KANAWAI 9.
(Bila e ka Hale Helu 334.)
HE KANAWAI E HOOLOU ANA I KA MOKUNA 85 O NA KANAWAI I HOOPONO-
PONO Hou IA o HAWAII 1925, E PILI ANA I KA OIHANA
HANA NIHO, MA KA PAKUI ANA AKU I PAUKU HOU ME IA
I IKEIA O KA PAUKU 1075A. E Hooholoia e ka Ahaolelo o ke Teritori o Hawaii: PAUKU 1. O ka Mokuna 85 ona Kanawai i Hooponopono
Hou ia o Hawaii 1925, ma keia ke hoololi ia nei ma ka paku
ana aku he pauku hou me ia, i ikeia o ka Pauku 1075 A, a e
heluhelu ana penei : "Pauku 1O75A. Aole kekahi kanaka e lawelawe i ka oihana
hana niho maloko o na Kalana o Hawaii, Maui ame Kauai, me
ke kakauinoa mua ole ana me ka Puuku Kalana o ke kalana a
ua kanaka la i makemake ai e lawelawe i ka oihana hana niho
a e hoopaaia ma kekahi buke i malamaia e ua Puuku no m mea
a i kapaia ka buke hoopaainoa o na kauka hana niho, e hoike
ana i kona inoa, ka nui o kona mau makahiki, ka wahi lawe
lawe oihana, ka la ame ka helu o kona laikini e lawelawe i ka
oihana kauka hana niho maloko o ke Teritore o Hawaii, ame ka
la o ua hoopaa inoa ana nei ; a e ae ia oia e hoopaa i kona inoa
mahope wale iho no o kona hoike ana aku i ua Puuku Kalana
nei he laikini kona a i ole he kope paha o ia laikini i hooia ia
- ke kakauolelo o ka Papa o na Kauka Hana Niho, a mahope
iho o kona hana ana a waiho ana aku he palapala i hoohikiia e
hoike ana i Kona inoa, ka nui o kona mau makahiki, ka wahi
lawelawe oihana, ka helu o kona laikini ame ka la o ka hoo-
pukaia ana o ia laikini, a e hooia ana hoi oia ka mea e hai ia
ana maloko o ua laikini nei. E malama ka Puuku Kalana i ua
mau palapala hoohiki la a e hoopuka aku oia i kela ame keia
mea i hana a waiho mai i ua mau palapala hoohiki la i palapala
hookohu lawelawe oihana noloko o kona Kalana i hookomoia
maloko he kope o ua palapala hoohiki la. O ka uku o ka Puuku no ka hoopaa ana i ua palapala hoopaa
inoa la ame ka palapala hoohiki ame ka hoopuka ana i ka pala-
pala hoomana i ka lawelawe oihana, he $2.50, a e lilo ia mau
dala i waiwai no ke kalana.
O ke kanaka e kakauinoa ole ana e like me ia e hoomaopo-
poia nei maloko o keia pauku e hoopai ia oia e like me ka mea
i hoakakaia mahope aku nei maloko o keia mokuna
PAUKU 2. E mana keia Kanawai mai ka la 1 aku o Iulai
1925.
Aponoia i keia la 31 o Maraki, 1925. W. R. FARRINGTON,
Kiaaina o ke Teritori o Hawaii. KANAWAI 10. (Bila o ka Hale Helu 49.) HE KANAWAI E HOILOLI ANA I KA PAUKU 1 O KE KANAWAI 194 O NA KANAWAI O KE KAU O 1923, E PILI ANA I KA HOOLOIHI ANA AKU I KA HOAKEA ANA AE A ME KA HOOPONOPONO HOU ANA KEKAHI MAU ALANUI MA HONOLULU, KULANAKAUHALE A KALANA O HONOLULU. E Hooholoia e ka Ahaolelo o ke Teritore o Hawali: PAUKU 1 O ka Pauku 1 o ke Kanawai 194 o na Kanawai
o ke Kau o 1923, ma keia ke hoololi ia nei i heluhelu ai penei i
"Pauku 1. O ka Puuku o ke Kulanakauhale a Kalana o Ho- nolulu e like me ke kauoha ana a ka Papa Luna Kiai o ke Kulanakauhale a Kalana o Honolulu, ma keia ke hoomanaia nei a ke kauohaia nei e hoopuka aku, mai kela ame keia manawa, i mau bona no ke Kulanakauhale ame Kalana o Honolulu, me na | palapala hoike ukupanee i hoopili pu ia me ia mau bona, no ka
huina aole e oi aku mamua o ehiku haneri me kanalima tausani
dala ($750,000.00) no ka uku ana aku i ka hapa o na hoolilo
ma ka aoao o ua kulanakauhale ame kalana la i na lilo o ka
hooloihi ana aku, hoakea ana ae, hoonoho papa ana a ma ano
e ae, ka hooponopono hou ana i kekahi hapa a mau mahele
paha o ke Alanui Kula mai ke Alanui Kalihi aku a ke Alanui
Waena, Alanui Moi mai ka uwapo aku maluna o ke kahawai
o Nuuanu ahiki i ka palena o Moanalua ame Kahauiki ma Papu
Shafter, me Alanui Moiwahine Komohana mai ka hookuina o
na Alanui Moi ame Liliha a hiki i ke alaloa Puuloa, o. ua
hana la, e like me ka manao ana a ka Papa Luna Kiai elike me
ka helunaia ana ae la maluna ; koe nae keia, mai na loaa mai no
ke kuai ia ana o ua mau bona la, e hookaawale kokeia he kana-
hiku-kumamalima tausani dala ($75,000.00) no ka hooloihi ana,
hoakea ana, hahau maikai ana ame ka hooponopono hou ana i
kela hapa o ke Alanui Kula mai ke Alanui Kalihi aku a hiki
aku i ke Alanui Waena. O ke kumupaa ame ka ukupanee o
ua mau bona la i oleloia e uku ia me ke dala gula o Amerika
Huipuia ame kona ano like, e like me kona waiwai io i keia
manawa, e like me ia i hoomaopopoia, malalo ame ka manao
maoli no o keia kanawai, a mawaho ae o na kauoha o keia
pauku, o ka hoopuka ana o ia mau bona e hoomaopopoia ma-
alo o kekahi kanawai i aponoia e ka Ahaolelo o Amerika Hui-
puia ma ki la 30 o Aperila, 1900, i kapaia, "He Kanawai e
Hoomaopopo ana no ke Aupuni o ke Teritore o Hawaii," ame
na hoololi apau i pili aku me ia i ka manawa e kuai ia ai ua
mau bona nei. Aole e hoopukaia kekahi bona aia wale no a
mahope iho o ke aponoia ana o ia hoopuka ana e ka Peresidena
o Amerika Huipuia. O ia apono ana ma ka aoao o ka Pere-
sidena o Amerika Huipuia, he hooia maopopo ana mai no ia
ua hookoia na koina a pau a ke kanawai, a o ua mau bona la, ua
ku i ke kanawai, a aole e hiki ke hoopaapaaia." PAUKU 2. E mana keia Kanawai mai kona aponoia ana.
Aponoia i keia la 4 o Aperila, M. H. 1925. W. K. FARRINGTON,
Kiaaina o ke Teritori o Hawaii. KANAWAI 11. (Bila Senate Helu 40.) HE KANAWAI E HOOKAAWALE ANA I HAAWINA MAILOKO MAI O NA LOAA O KE AUPUNI NO KA UKU ANA I NA LILO O KE ANA ANA, ELI LUA HOAO ANA, ANA ANA I KA HOHONU, PULUMI ANA AME KA ELI HOU ANA I KE AWA KUMOKU O HANA, MAUI. E Hooholoia e ka Ahaolelo o ke Teritore o Hawaii: PAUKU 1. O ka huina o umi-kumamalima tausani dala ($15,000.00) ma keia ke hookaawaleia nei mailoko mai o na loaa huikau o ke Teritori p Hawaii no ka uku ana i na lilo o ke ana ana, eli Iua hoao ana, ana ana i ka hohonu, ame ka pulumi ana i ke awa kumoku o Hana, Maui, ame ka hoopahu ana a eli hou ana i na mea alalai i loaa aku mamuli o keia ana ana e hoopilikia ana i ka holopono o ka lawelawe ia ana o ka hookele moku ana maloko o ua awa nei. PAUKU 2. E mana keia Kanawai mai kona aponoia ana.
Aponoia i keia la 7 o Aperila, M. H. 1925. W. R. FARRINGTON,
Kiaaina o ke Teritori o Hawaii, KANAWAI 12. (Bila Senate Helu 66.)
HE KANAWAI E HOOKAAWALE ANA I HUINA DALA NO KA UKU ANA I NA LILO O KE KUKULU ANA, KA HOOMAEMAE HOU ANA AME KA HOOKUMU HOU ANA I NA PA MALAMA WAI O KA MULIWAI O WAIMEA, MOKUPUNI O KAUAI. E Hooholoia e ka Ahaolelo o ke Teritore o Hawaii: PAUKU 1. O ka huina o iwakalua tausani dala ($20,000.00)
a i ole o ka huina e lawa ai, ma keia ke hookaawaleia nei no
ka uku ia mai mailoko mai o na huina dala e waiho ana maloko
o ka waihona o ke Teritore o Hawaii, i hookaawale ole ia ma-
mua, no ka uku ana aku i na lilo o ke kukulu ana, ka hoomae-
mae hou ana ame ka hookumu hou ana i ka pa malama wai o
ka muliwai o Waimea, Mokupuni o Kauai. PAUKU 2. O ka huina o iwakalua tausani dala e hookaa-
waleia nei ma keia, e hooliloia aku no ia ma na bila kikoo dala
i hoopukaia e ka luna hooia i hookumuia maluna o na bila
aponoia e ka Luna Nui o na Hana Aupuni, ka mea hoi nana e
hoomaopopo i ke kukulu ana, ka hoomaemae hou ame ka hoo-
kumu hou ana i ua pa wai la i oleloia ; koe nae keia, e aelike ua
Luna Nui nei o na Hana Aupuni no ke kukulu ana i ua pa
wai nei i oleloia ina e loaa kekahi mau koho kupono; aka nae
ina aole e loaa kekahi mea koho kupono, a i ole ia aole no he
koho i waiho ia mai, alaila ke hookohuia a ke hoomanaia nei ua
Luna Nui nei o na hana aupuni e hoohana i ka hana ma ka
uku la, aole nae e oi aku kana mau hoolilo ana maluna aku
o ka huina o iwakalua tausani dala ($20,000.00). PAUKU 3. O ua huina nei o iwakalua tausani dala ($20,-
000.00) a o ka hapa paha e lawa ai, e uku hou ia aku no ia
iloko o ka waihona laula o ke waihona o ke Teritore mailoko
mai o na loaa o na apana aina aupuni i hooliloia aku maloko
o ka apana o Waimea, maloko o ka Mokupuni o Kauai, mawaho
ae o na loaa o na home hookuonoono. Pauku 4. E mana keia Kanawai mai kona aponoia ana.
Aponoia i keia la 7 o Aperila, M. H. 1925. W. R. FARRINGTON,
Kiaaina o ke Teritore o Hawaii. KANAWAI 13.
(Bila Senate Helu 77) HE KANAWAI E HOOLOLI ANA I KEKAHI HAPA 3 O KA PAUKU 144 O NA KANAWAI I HOOPONOPONO HOU IA O HAWAII 1925. E Hooholoia e ka Ahaolelo o ke Teritori o Hawaii: PAUKU 1. O kekahi hapa 3 o ka Pauku 144 o na Kanawai i
Hooponopono Hou ia o Hawaii 1925, ma keia ke hoololi ia nei i
heluhelu ai penei:
O ka Mokupuni o Oahu, e maheleia iloko o ehiku apana a like
me keia malalo iho nei:
1. Mai Maunalua a hiki i Moanalua, me ke komo pu mai o
ia wahi, ame na mokupuni liilii i komo ole iloko o kekahi mau
apana e ae, e ike ia a e kapaia o ka apana o Honolulu; | 2. O kela mahele o ka Mokupuni o Oahu i hoakakaia e like
me keia malalo iho nei e kapaia ka apana o Ewa : "E hoomaka ana ma ka aeone, i ka huina o na Ahupuaa o Na-
nakuli ame Honouliuli, a e holo ana ma ia palena o ia mau
aina ina ka lalani mauna o Waianae maluna aku o Puu Ma-
nawahua ame ka piko o Mauna Kapu a kau iluna o ka piko
o Palikea, alaila maluna aku o ka ama o Honouliuli ma ka
holo hikina-hema ana e ku pono ana i ka luawai helu 31 o ka
Hui Mahiko Oahu Sugar, alaila e uhai ana i ka auwai nui o
ka Auwai Waiahole me kona mau kikeekee ana a lalo o ke
awawa o Kipapa, alaila ma ke awawa aku o Kipapa me
kona mau kikeekee a holo ana a ka piko o ka laina mauna o
Koolau, alaila ma ia lihi luna o ka laina mauna o Koolau a
loaa ka hookuina o na Ahupuaa o Halawa ame Moanalua,
alaila e uhai mai ma ke ahua o ka Puu Ulaula ma ia palena
i oleloia "mawaena o Halawa ame Moanalua a hiki i ke kai, a
ma kahakai no hoi a hiki i ka wahi o ka hoomaka ana mai ;" 3. O Waianae, me ke koe no nae o Waianae-uka, e kapaia o ka Apana o Waianae; 4. O kela mahele o ka Mokupuni o Oahu i hoakakaia e like me keia malalo iho nei e kapaia o ka Apana o Waialua : E hoomaka ana ma ka aeone ma ka hookuina o na ahupuaa o Waimea ame Pupukea a e holo ana ma ka palena akau o Waimea a i Puu Kaimapuaa ma ka laina mauna o ke Koolau ma ka hookuina o na ahupuaa o Laie, Waimea ame Kawailoa, alaila maluna aku o ka piko o ka lalani malina o ke Koolau ma ka palena o ke ahupuaa o Kawailoa a hiki i ke poo o ke kahawai o Opaeula Hema, i maa nae i ke kapaia o ke kahawai o Halemano, alaila holo ilalo ma ua kahawai la o Opaeula Hema, i maa mau i ke kapaia o ke kahawai o Halemano me kona mau kikeekee ana. a hiki i ka Auwai o ka luawai o Wahiawa, alaila ma ia auwai aku me kona mau kikeekee like ole ame kekahi kina i. hooloihiia aku mai laila aku a i ke kahawai o Kaukonahua, alaila pii ma ia kahawai o Kaukonahua a hiki i ka hookuina o na ahupuaa o Kamananui ame Waianae-uka, alaila ma ia palena aku i oleloia a Puu Pane ma ka hookuina o na ahupuaa o Kamananui, Waianae-uka ame Mokuleia me ka ae ana aku maluna o Puu Kamaohanui ame Puu Kaala, a i ka piko o ka lalani mauna o Waianae ma ka hookuina o na ahupuaa o Mokuleia, Makaha ame Waianae-uka, alaila ma ka palena hema aku o na ahupuaa o Mokuleia. Kawaihapai, Kealia ame Kaena a hiki i ke kai ma ka Lae o Kaena, alaila ma ia kahakai ae ahiki i ka wahi i hoomaka ai." 5. Mai Waimea a ka Lae o Kaoio, e kapaia o ka Apana o Koolauloa; 6. O Koolaupoko, e kapaia o ka Apana o Koolaupoko; 7. O kela mahele o ka Mokupuni o Oahu i hooakakaia e like me keia malalo iho e kapaia o ka Apana o Wahiawa : "E hoomaka ana ma ka piko o ka Puu o Palikea ma ka lalani kuahiwi o Waianae, a e holo ana ma ke kiekiena o na lalani kuahiwi me ka a'e ana aku maluna o keia mau puu: Puu Kane, Puu Kanehoa, Puu Hapapa, Puu Kumakalii ame Puu Kalena a hiki aku i ka hookuina o na ahupuaa o Makaha, Mokuleia ame Waianae-uka, alaila e holo ana ma ka palena o na ahupuaa o Mokuleia ame Waianae-uka me ka a'e ana maluna o ka piko o Puu Pane ma ka hookuina o na ahupuaa o Mokuleia, Kamanuwai ame Waianae-uka, alaila ma ka palena mawaena o Kamanuwai ame Waianae-uka a loaa aku ke kahawai o Kaukonahua, alaila e hahai ma ia kahawai e iho la ilalo a hiki i kahi e ku pololei ana i ka auwai o ka Luawai o Wahiawa, alaila ma ia auwai aku me kona mau kikeekee like ole a hiki i ke kahawai; o Opaeula Hema, i maa i ke kapaia o ke kahawai o Halemano, alaila e holo ma ia kahawai i uka me kona mau kikeekee like ole a hala ae ka Wahi Lawaia o Kaape a hiki i ka piko o ka lalani kuahiwi o ke Koolau e a'e ana maluna o Puu Pauoa ame Puu Kaaumakua a loaa aku ke awawa o Kipapa, alaila ma ia Awawa mai o Kipapa me kona mau kikeekee like ole a loaa mai ka Auwai Waiahole, alaila ma ia Auwai mai me kona mau kikeekee like ole a hiki i ka Luawai Helu 31 o ka Hui Mahiko Oahu Sugar, alaila e holo ana roa kekahi laina pololei a hiki i ka wahi i hoomake ai." PAUKU 2. E mana keia Kanawai i kona aponoia ana.
Aponoia i keia la 8 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 14. (Bila Senate Helu 84.) HE KANAWAI E HOOLOLI ANA I NA PAUKU 1 AME 2 O KE KANAWAI 199, O NA KANAWAI O KE KAU, O 1923, E HOOKAAWALE ANA I HAAWINA DALA NO KA HANA ANA I KEKAHI MAU ALANUI MA KEKAHA, APANA O WAIMEA, MOKUPUNI O KAUAI. E Hooholoia e ka Ahaolelo o ke Teritori o Hawaii: PAUKU 1. O na Pauku 1 ame 2 o ke Kanawai 199, o na Kanawai o ke Kau o 1923, ma keia ke hoololiia nei i heluhelu ai penei: "Pauku 1. O ka huina o umi tausani dala ($10,000.00) ma keia ke hookaawaleia nei mailoko mai o na dala e waiho ana ma ka waihona o ke Teritori o Hawaii, i hookaawale ole ia mamua, no ka hoohana ana i na alanui o na apana aina home o Kekaha i haawi mua ia mamuli o ka noho kuleana loihi ana, ame na alanui maloko o ka apana aina kukulu hale ma Kekaha, maloko o ka Apana o Waimea, Mokupuni o Kauai. PAUKU 2. O ka huina o umi tausani dala i oleloia ($10,000.00) a ma keia e hookaawaleia nei, e hoolilo ia ma na bila kikoo dala i hoopukaia ae e ka luna hooia no na bila i aponoia e ke Komisina o na Aina Aupuni ka mea nana e hooponopono ana i ka hana ana i ua mau alanui nei ; me keia no nae, e komo aku ke Komisina o na aina aupuni iloko o ka aelike me ke Kalana o Kauai no ka hana ana i ua mau alanui nei, aka aole nae e oi aku ka huina o ia aelike maluna aku o ka huina o umi tausani dala ($10,000.00). O ka huina e hookaawaleia nei ma keia e hoihoi hou ia aku no ia iloko o ka waihona o ke Teritore o Hawaii mai na loaa mai o na aina aupuni e kuai ia ana moloko o ka Mokupuni o Kauai." PAUKU 2. E mana keia Kanawai i kona aponoia ana.
Aponoia i keia la 8 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 15. (Bila Senate Helu 116.) E HOOLOLI ANA I KA PAUKU 432 O NA KANAWAI I HOOPONOPONO HOU IA O HAWAII 1925, E PILI ANA I NA HAAWINA NO KE KOMISINA FEA O HAWAII. E Hooholoia e ka Ahaolelo o ke Teritore o Hawaii: PAUKU 1. O ka Pauku 432 o na Kanawai i Hooponopono Hou ia o Hawaii 1925, ma keia ke hoololi ia nei i heluhelu ia ai penei "Pauku 432. Haawina. Ma keia ke hookaawaleia nei mailoko mai o na loaa kumau o ke Teritore ka huina o kanakolu tausani dala ($30,000.00) maluna aku o na dala i hookaawale mua ia no ka uku ana i na lilo o kekahi mau fea mekanika, hoikeike holo holona, mea kanu a huaai, a lealea no hoi e malama ia ana maloko o ke Kulanakauhale a Kalana o Honolulu, e like me ia i hoomaopopoia maloko o keia kanawai, a o ua huina dala nei i oleloia e hookaawaleia ae mai ka waihona kumau mai o ke Teritori e lilo ia i waihona no ka manawa no ia hana i hoomaopopoia, a o na dala apau e unuhi ia mai ana malioko mai o ia huina dala e uku hou ia aku a hoihoi hou ia aku iloko o ia waihona mailoko mai o | na dala e ohi ia ana e like me ka hoakaka a keia mokuna.
PAUKU 2. E mana keia Kanawai mai kona aponoia ana.
Aponoia i keia la 8 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 16. (Bila o ka Hale Helu 113.) HE KANAWAI E HOOLOLI ANA I KA PAUKU 1958 O NA KANAWAI I HOOPONOPONO HOU IA O HAWAII 1925, E PILI ANA I NA LAIKINI. PAUKU 1. O ka Pauku 1958 o na Kanawai i Hooponopono Hou
ia o Hawaii, ma keia ke hoololi ia nei i heluhelu ia ai penei : "Pauku 1958. Ina he auhau i uku oleia, aole laikini. Aole e
hoopukaia kekahi laikini e kekahi puuku kalana a kulanakauhale a
kalana, a i oleia kekahi luna oihana e ae a mea paahana no ke au-
puni i kekahi kanaka, me ka nana ole owai la ia, ke ole e hoike
mai «a kanaka la i ua puuku la, luna oihana a kanaka paahana o
ke aupuni he palapala e hooia ana ua uku ia na auhau apau i uku
mua oleia ina he mau auhau kekahi o ia ano mahope iho o ka hoo-
kanawaiia ana o keia mokuna, koe nae na auhau i uku mua ole ia
mamua aku o ka la 1 o Ianuari, 1915." PAUKU 2. E mana keia Kanawai wai kona aponoia ana.
Aponoia i keia la 8 o Aperila, 1925. W. R. FARRINGTON. Kiaaina o ke Teritori o Hawaii. KANAWAI 17.
(Bila o ka Hale Helu 141.) HE KANAWAI E HOOLOLI ANA I KA PAUKU 4136 O NA KANAWAI I HOOPONOPONO HOU IA O HAWAII 1925, E PILI ANA I KA HOOMAKAUKAU AME KA HOEHA. E Hooholoia e ka Ahaolelo o ke Teritori o Hawaii: PAUKU 1. O ka Pauku 4136 o na Kanawai i Hooponopono Hou
ia o Hawaii 1925, ma keia ke hoololi ia nei i heluhelu ai penei : "Pauku 4136. Na maewaewa liilii wale no. O ka mea e hoeha
ana i kekahi a loaa kekahi mau maewaewa liilii, e like me ke ku'i
ana iaia me ka puupuu lima, ke kuha ana i ka maka, hookikina
ana i kekahi ilio e nahu iaia, a me na maewaewa ano like me ia
ke koikoi, ina no paha he wahi huna liilii wale no ka pilikia i
loaa aku, ua hoomaopopoia ua ku iaia ka hewa o ka hoomakaukau
ame ka hoeha, a e hoopai ia oia ma ka uku dala aole e oi aku
mamua o elua haneri dala, a i ole, ma ka hoopaahao aole e oi aku
mamua o hookahi makahiki, e like ine ka ka Aha i manao ai he
kupono. PAUKU 2. E mana keia Kanawai mai a mahope aku o ka U
o kona aponoia ana. Aponoia i keia la 8 o Aperila, M. H. 1925. W. R. FARRINGTON.
Kiaaina o ke Teritori o Hawaii. KANAWAI 18, (Bila o ka Hale Helu 150.) HE KANAWAI E HOOKAAWALE ANA I KA HUINA O UMI TAUSANI DALA ($10,-
000.00) NO KA UKU ANA I NA LILO O KA HALIHALI ANA
AME KE KUKULU HALE ANA NO NA PAAHAO E HOOKAA-
WALEIA ANA NO KA HOOMAEMAE ANA, KA HOILIWAI ANA
I KE KAHUA HOOPAE O NA MOKULELE MA WAIAKEA, HILO,
HAWAII. E Hooholoia e ka Ahaolelo o ke Teritori o Hawaii: PAUKU 1. O ka huina o umi tausani dala ($10,000.00) ma keia ke hookaawaleia nei e uku ia ae mailoko mai o ka waihona o ke Teritori o Hawaii, i hookaawale mua ole ia, no ka uku «ana i na lilo o ka halihali ana ame na lilo e ae o na ano like ole ho ka hooponopono ana i loaa ai ka hale ma ka apana o Hilo Hema, Kalana o Hawaii, no na paahao e hoounaia ana, e like me ke kauoha a ka Paliku 1523 o na Kanawai i Hooponopono Hou ia o Hawaii 1925, no ka hana i ka hana ma ke kahua hoopae mokulele, i hookaawaleia e kekahi hoolaha kuahaua a ke Kiaaina, ma Waiakea, Apana o Hilo Hema, Kalana o Hawii. PAUKU 2. O na waiwai apau e kuai ia ana malalo o ka haawina i hoakakaia ae la mamua e lilo i mau waiwai no ke Teritore, ina no i kukulu ia maluna o na aina i hoolimalimaia mai i ke aupuni, a ma keia ke kauoha ia nei ka Loio Kuhina e hookomo i kekahi pauku maloko o na aina e hoolimalimaia ana i ke Teritore no ke kukulu ana i mau hale no ua mau paahao nei, ke pau ka manawa o ka hoolimalima, e ae ia ke teritori e Iawe aku i na hale apau ame na waiwai e ae mailuna aku o ua aina hoolimalima nei i kukuluia ai maluna iho olaila e ke teritori. PAUKU 3. I ka manawa e pau ai o ua hoolimalima hei, ua ku-
leana ka Loio Kuhina, ma ka aoao o ke Teritori o Hawaii, e lawe
ae i ua maii waiwai nei mailuna ae o ka aina i hoolimalimaia, a e
kukulu ae ia mau waiwai ma kokahi wahi e ae i mau hale no na
paahao i hookaawaleia no ka hana ana i kekahi alanui a hana
aupuni e ae, a i ole e hoolilo ia mau waiwai, a i oleia, me ka lawe
ole mai i ua mau waiwai la mailuna mai o ka aina i hooIimalimaia,
e hoolilo aku ma ke kuai i ua mau waiwai la i ka ona o ka aina,
e like me kana i manao ai he mea pono e hana ia no ka pono o ke
teritori. PAUKU 4. O na hoolilo apau mailoko mai o keia haawina i hookaawaleia e hanaia malalo o na bila i aponoia e ka Loio Kuhina. PAUKU 5. E mana km Kanawai mai kona aponoia ana. Aponoia i keia la 8 o Aperila, 1925. W. R. FARRINGTON.
Kiaaina o ke Teritori o Hawaii. KANAWAI 19. . (Bila Senate Helu 35.) HE KANAWAI E HOOKAAWALE ANA I HAAWINA NO KA HOIHOI HOU ANA AKU I NA LILO O KE KALANA o KAUAI NO NA AUHAU WAIWAI I UKUIA I KA MAKAHIKI 1921, 1922 AME 1923 MA KE ANO (Nana Ma Ka Aoao Eono) | |