| AHA'I KA PAPA HIMENI O KAUAI I KA HELU EKAHI (Mai ka aoao Ekahi mai) o kela mau papa; alaila ukali aku la ka papa himeni o Kalihi ame Moanalua. Me kela mau papa ekolu i kake- lekele mua ae maluna o ke kahua mokomoko, ua hiki i ka poe makai- kai ke ike aku, i ka leleoi o ka papa himeni hope, maluna o na papa himeni elua mamua aku, aka aia nae ka hilinai piha na mea apau, maluna o na papa himeni, i kaulana i ka honi ana i ka uwahi pauda, imua o na kahua kaua. O ka papa himeni o Maui ka ukali aku mahope, malalo o ke alakai ana a Moses Panui, me ka noke o ke anaina i ka pa'ipa'i, a i ka ma- nawa i hoomaka mai ai e himeni, he nani okoa no ke mele ana a keia papa. He akahele me ka malie ke ano o ka lakou himeni ana. Mahope aku o keia papa himeni, i ku mai ai ka papa himeni o Hilo. No ke kaa mau hoi paha kekahi o ka lanakila i keia papa, ma na hookuku himeni o na makahiki ae nei i hala, ua noke ke anaina i ka pa'ipa'i, a aia no paha iloko o ka hapanui o kela anaina, ka manao- paa, e aha'i hou ana no o Hilo, i ka lanakila ma kela hookuku ana. Elike no me ke kulana eleu mau o ke alakai o keia papa, pela no ke kulana o ke mele ana mai o kela papa himeni, me ka noke okoa o ke anaina i ka pa'ipa'i mamua ae o ka hoea ana aku i ka paw ana. I ka pau ana o kela papa, aole he mau hoohewahewa ana, no ka • ni o ka poe maikai, e hoike mui ana, i ka leleoi loa o keia papa himeni mamua o na papa e ae i ku imua o ke kahua kaua. Ua lilo nae kela piha ohohia o ke anaina, no ka papa himeni o Hilo, i kumu e ho-aia aku ai na manao uilani, iloko o na alakai o ua papa himeni mahope aku. I ke kuu ana iho o na pa'ipa'i- lima ana, ia wa i ku mai ai ka papa himeni o Kawaiahao, e alakaiia ana e Miss Kawainui; lulu ka makani i keia papa himeni, he kanawalu ka nui o ka poe himeni. Oiai no e ka'i aku ana imua o ke kahua mokomoko, ua noke ke ana- ina i ka pa'ipa'i; a i ka hoonee ana o ka alihikaua i kona mau koa imua, auwe, pili pu ka hanu, o ka poe e hoolohe aku ana, i kau a mea o ka nani, ka mea nana i uhi ae, i ka nani a ko Hilo papa himeni, i mele mai ai. Ua nokeia keia papa himeni i ka pa'ipa'i, mamua ae o ka hoea ana i ka hopena o ka hi- meni. O ka papa himeni o Makua, ka ukali aku mahope o kela papa ae la; he maikai no, a he ku no hoi i ka nani, ke ano o ka himeni ana a -keia papa, aole no nae i heluia me na papa o Hilo ame ko Kawai- ahao. Hookahi wale no papa himeni i koe, alaila kaa aku ka hana iloko o na lima o na lunakanawai, o ia ka papa himeni o Kauai. No ka lohe mua hoi paha o kekahi mahele o ke anaina, i keia papa himeni, ma ka po mamua aku ma na hana hoolaulea i malamaia maloko o Kawaiahao, aia ke kau nui ana o ko lakou noonoo, no keia papa. He kanalima ka nui o ka poe ilo- ko o keia papa himeni, oiai e ka'i ae ana noluna o kahi hookuku, ua hoopaiakuliia oloko o kela hale me na pa 'ipa 'ilima, a i ka hoomaka ana mai e himeni, mai ka mua mai ahiki i ka pau ana, na hiki loa ke ikeia me ka hoohewahewa ole, aia maluna o ka papa himeni o Hilo, ame Kauai, ka lanakila o na hana hookuku ma kela po. Ka Olelo Hooholo Ua kaa aku la ka hana iloko o na lima o na lunakanawai no ka hoo- puka ana mai i ka lakou olelo hoo- holo; ua hala okoa he manawa nui ma ka lakou noonoo ana, a oiai e ' kakali ana o ka lohe i ka olelo hoo- holo, ua hoonanea hou ia ke anaina, me na himeni mai kela ame keia pa- pa pakahi mai, me ke ku i ka nani a nanea ka pepeiao ke hoolohe aku. Iwaena nae o ka manawa e hime- niia ana ka elua o na himeni e na papa, i hoikeia mai ai ka olelo hoo- holo a na lunakanawai, ma o Kinaina W. R. Farrington la, me ka haawi pu ia ana hoi o na makana ekolu i kela manawa hookahi. O ka helu ekahi, ua kaa i ka papa himeni o Kauai me na pakene- ka he 96 me hookahi hapa-lima, o ka helu elua i ka papa himeni o Kilo» me na pakeneka he 93 me eha-hapalima, a o ka helu ekolu, i na papa himeni o Mani ame Ka- waiahao, me na pakeneka he 92 ame eha-hapalima pakahi. Ua kaheaia na alakai o na papa himeni i aha'i i na helu kiekie ekolu ame na makana; a ua apoia aku na makana me na manao ohohia iloko o na alakai, me ke anaina pu. No ka himeni elua hoi a ka papa himeni o Kauai i mele mai ai, he himeni haku no ka mokupuni o Kau- ai. "Lei ana i ka Mokihana", ua hooi Ioa ia aku ka pa'ipa'i o na mea apau, no ke ku maoli i ka nani o kela mele. Ua lokahi loa ka olelo hoohola a na lunakanawai i haawi ae ai uo kela hookuku ana, me ka noonoo o ke anaina, ua lohe maoli ia na manao apono mai na wahi like ole mai o kela hale, a i ka manawa uo hoi i puka aku ai ka lehulehu ma- waho; a wahi a lakou, hookahi kumu nui i kaa ai ka lanakila i ka papa | himeni o Kauai ma keia hookuku ana, mamuli no ia o ke kulana o ke alakaiia ana o kela papa ame ka nani maoli o ka leo alakai, ka mea i loaa ole i ka nui o na papa himeni e ae. KE PAILA MAI LA KA IPUHAO KALAIAINA MA KAUAI (Mai ka aoao Ekahi mai) ka holo ku-e ana i ka Lunakiai James Kula o Koloa, me he mea la nae, e oi aku ana mamua o ka elua mau inoa, ke hoea mai i ka ma- nawa e hoouka maoli ia ai ke kalai- aina. No ka apana hoi o Waimea, he ekolu poe i maopopo loa i keia ma- nawa e holo ku-e mai ana i ka Luna- kiai Knudsen, oia o August Kruse ame John J. Gomes ma ka aoao Repubalika, a o Louis Kilauano, ma ka aoao Demokarata. No ke kulana loio kalana, ma na mea i hoomaopopoia iloko o keia manawa, e holo hou mai ana no ka Loio Kalana 8. K. Kaeo, no ke ku-e ana i ka Loio Kalana A. O. Kaulukou; a o J. Mahiai Kaneakua hookahi wale no, ka mea lohelohe ole ia he hoa ku-e kekahi ona, me he mea la, oia hookahi wale no, ke alualu aku ana ia kulana. KU I KA NANI KA AHAMELE A KO KAUAI POE. O ka ahamele i malamaia e ka papa himeni o Kauai, maloko o ka hale haiolelo, ma ka po o ka Poaono aku Ia i hala, no ka pomaikai o kela papa himeni, o kekahi ahamele ia a ko Honolulu nei poe, i olelo ae ai i ke ku i ka nani ame ka maikai, ka mea i ike mau ole ia ma keia kulanakauhale, ma na ahamele o keia ano. Me ka papa himeni o Kauai, ma kela ahamele, i komo mai ai o Mrs. Alohikea ame na keiki hookani pila o ka bana Hawaii, pela hoi o Mrs. Leilehua Hall, Miss Alohikea, Sa- muel Toomey, me ka nokeia o na himeni apau i ka pa'ipa'i, i kau a mea o ka piha ohohia maoli o na mea apau. O Mrs. Sheldon, kekahi i ku mai e himeni pakahi, me ka nui o ka pa 'ipa 'iia. O ka mua o na himeni ma ka papa kuhikuhi, "Hawaii, ka Pare- daiso o ka Pakipika, " na ka papa himeni holookoa o Kauai. Ka elua mai o na himeni: "Ka- ililauokekoa" na ko Lihue poe. "Ai a ka manu" na ko Waimea poe; "Mokihana" na ko Hanalei poe; "Uanoe o Koloa, himeni pa- lua, na kekahi mau lede o Koloa. Himeni hou na ka papa himeni holookoa: "E ka Makua Aloha Mau, a mahope o keia himeni, i me leia ai ka himeni hookuku, i aha'i ai ka papa himeni o Kauai i ka makana helu ekahi o hookahi haneri dala. O Mrs. Leilehua Hall aku, he hi- meni ku-pakahi, i ukaliia aku e Samuel Toomey, Mrs. Alohikea, me ka hui himeni o ka bana Hawaii. He himeni hou na ka papa himeni holookoa "Mele no Iehova, i ukaliia aku me ka himeni hookuku, no ka Ahahui C. E., kela himeni i aha'i hou ai ka papa himeni o Kauai i ke eo, me ka makana kiaha dala, a o ka hope loa o ka himeni, o ia no "Kuu Lei Mokihana". O keia himeni hope kekahi o na himeni nani loa, me kekahi poe kai- kamahine liilii e haa ana ma ka ma- nawa e meleia ana o kela himeni, a hoolei ae la i ka lei mokihana maluna o lakou pakahi. HOOLAHA A KE KOMISINA PA- LENA AINA MAHELE KUAHIWI O KE AHUPUAA O PAALAA Mamuli o ka waihoia ana mai o kekahi palapala noi kupono i ka mea nona ka inoa malalo iho nei e na Kahu Waiwai malalo o ka Palapala Kauoha Hooilina a Bernice Pauahi Bishop no ka hooponopono ana i na palena o ka mahele kuahiwi o ke Ahupuaa o Paalaa (L C. A. 7713, Apana 34, ia V. Kamamalu) e waiho la ma Waialua, Kulanakauhale a Kalana o Honolulu, Teritore o Ha- waii, ma keia ke haawiia aku nei ka hoolaha i na ona apau o na aina e pili pu ana ame ka poe kuleana e ae apau, e malamala ana he hoolohe ana no ka hooponopono ana i na pa- lena o ka mahele i oleloia o ke Ahu- puaa o Paalaa, ma ke keena halawai o ka Papa o na Komisina Awa ma- loko o ka Hale Kapitala ma ka la 8 o Augate, 1925, ma ka hora 9:00 A. M. Eia ke kii palapala aina ame ka hoakaka no na palena o ka aina i oleloia elike me la i koiia mai ai e ka poe noi ke waiho nei ma kahi o na palapala a e ikeia no ma ke keena o ke Komisina o na Aina Aupuni. A C. ALEXANDER Komisina o na Palena Aina no ka Apana Hookolokolo Kaapuni Ekahi Honolulu, Iune 20, 1925. Robertson & Castle, Na Loio no ka Poe Noi. 6366— Iune 25; Iulai 2, 9, 16. Ikeia ka pokole o ka waihona o ka puuku kulanakauhale, ma ka huli pono ia ana o na buke oloko o kela keena e ka Lunahooia Kuika wa James H. Fiddes, o ke keena o ka lunahooia kulanakauhale. Ma kahi o ka ehiku kaukani dala a oi ka huina dala pokole. | HALA AKU LA NO KA MOKU O KEAWE. I ke kulanakauhale iho nei ka Loio Kalana A. G. Kaulukou o Kauai ame ka Lunakiai James K. Kula, kahi i hoohala ai, iloko o keia mau la aku la i hala, a ma ka mo- kuahi Haleakala o ka Poalua nei, i holo aku ai laua no ka moku o Keawe no ka makaikai ana, i na hana o ke kalana o Hawaii. Eia ka Loio Kalana A. G. Ka- ulukou, ke hoohala nei i kona hoo- maha, a oiai ma ka mokupuni o Ha- waii, o kekahi o kana mau hana nui, o ia no ka hui pu ana aku me na lala o ka Ahahui Mamalahoa, mahele o ka Ahahui Kamehameha, no na mea e pili ana i ke noi dala, no ka Paka Hoomanao Kuhio ma Kauai. No ka Lunakiai James K. Kula hoi, e makaikai aku ana oia i na lawelawe hana ana a ka papa luna- kiai o Hawaii, no ka hoonaauao ana iaia iho, me na loina lawelawe oiha- na ano hou, malia he mau mea ke- kahi e pono ai kona kalana, iaia e huli hoi hou aku ai no Kauai. E hoohala ana laua i kekahi mau la pokole ma Hawaii, me ka holo maikaikai ana no ka luapele, a ma keia Poalima iho, a i olo ma keia Poakahi ae, e huli hoi mai ai laua no ke kulanakauhale nei, a huli hoi loa aku no ko laua mau home ma Kauai. No ka hana noi dala, no ka Paka Hoomanao Kuhio, ke mau la no ka makamaka iloko o ka noonoo O na keiki o Kauai; ua manaoia nae, ilo- ko o ka mahina ae nei o Sepatemaba e hoomaka aku ai kela hana noi dala, ke holopono na mea e hoolalaia nei i keia manawa. O ka iini o na lala apau o ka Ahahui Kamehameha, aia a paa ke alanui e hanaia mai la i keia ma- nawa mai Keanae aku a hoea no Hana, ma Maui, iloko o ka mahina ae nei o Sepatemaba, o ka manawa ia e akoakoa ai na ahahui Kameha- meha apau ma Maui, a e kaa na kela ahahui, e kakele mua i ke alanui hou; a e malamaia hoi ka halawai makahiki o na ahahui ma Maui. Me kela hana ano nui, o ia ka wehe ma aku i kela alanui imua o ka lehulehu, ua manao na alakai o ka Ahahui Kamehameha, he ma- nawa kupono loa ia no ka hoonee ana aku i ka hana noi dala, no ka Paka Hoomanao Kuhio; hookahi ku- mu o keia hooka 'ulua ana ahiki ia manawa, mamuli o ka huakai holo makaikai a na Kamehameha no LOS Angeles. No ka holopono nae o ka hoakoa- koa ana aku i na ahahui Kameha- meha apau ma Maui, iloko o ka mahina o Sepatemaba, ua ili aku ke ko'iko'i maluna o ka Ahahui Kahe- kili, ka noonoo ana no kela hana, me ke kanalua ole no nae o na lala o ka ahahui Kamehameha, no na keiki o Maui, a e oni mai ana lakou imua elike me ka moto kau- lana o kela mokupuni, o "Maui no ka Oi." MA KA LA 29 O KEIA MAHINA E HOOKOHUIA AI O CRAWFORD 1 kulike me ia a ke Kiaaina Far- rington o ka hoike ana ae ma ka Poakahi iho nei ma ka la 29 o Iune nei e hookohuia ae ai o W. E. Craw- ford, ka hope kahukula nui i nei manawa, i kahukula no Hawaii. Mai keia manawa aku ahiki i ka la 29 ke hana mai hei o Crawford ma ke ano he hope kahukula nui elike me kona kulana i ka manawa e noho kahukula nui ana o Mr Givens, ma ka Ia 29 e mana ai ka Mr. Givens waiho oihana ana aka oiai he kuleana kona i kona manawa hoomaha, ua holo mua oia i Kapa- lakiko mamua ae o ka la e mana ai kana waiho oihana. Ke hookohuia ae o Crawford no ka manawa wale no ia o Givens i pau ole a i ole ahiki paha i ka la 2 o Aperila o ka 1027. Ma kekahi manawa kokoke . aku nei i hala ma ko Givens manawa i hoihoi ae ai i kona hookohu ma- muli o ka hana i haawiia mai inia ma Okalana, ua kakau ae ke Kia- aina i kekahi leka i na komisina kula e hookohu ae ana no oia ia Crawford ma kahi i hoohakahaka- ia a ma ka Poakahi nei i hooiaio ae ai oia i kana olelo hooholo. O ko Crawford hookohuia ana ae i kahukula nui he hoomau ana aku ia i ke kanaka i kamaaina i ka hana i na kula mai Hawaii a Niihau, ma ko Givens manawa i waiho mai ai i ka hana ua lawe ae o Crawford ia kulana a ua hookeleia aku na hana apau elike me ia i ko Givens ma- nawa e noho ana ma ka hoeuli o ka papa hoonaauao. Ua hoike pu ae ke kiaaina o na komisina kula i nei manawa, no lakou ka manawa o na hookohu e pau ana ina ka mahina ae nei o Au gate, e hoomauia aku ana no Iakou ma ko lakou mau kulana a ina ko lakou mau apana pakahi. Ma ke Sabati iho hei keia poe i paa ae ai i ka hopuia. Ma ke kakahiaka nui o ka Poaono aku ekolu mau kanaka i hopuia e ka Makaikiu Sam Kwai, e piliwaiwai ana ma kahi kokoke i ka halehana halakahiki o Libby, McNeill ame Libby, no lakou keia mau inoa Francis Bran, Albanto Cantuengo ame Consorcio Potalon, he poe Pi- lipino wale no apau. Ua laweia ae uei poe apau i ka halewai. | WEHEIA KA LUA-WAI AUAU O NFUANU. O na papa no na keikikane akahi no a hoomaamaaia i ka au ma ka auwina la o ka Poakahi nei i we- heia ai maloko o ka luawai West- veldt ma ka Nuuanu Y. M. C. A., o keia mau papa e malama mau ia ana ma na Poakahi ame na Poa- kolu apau mai ka hora 2 ahiki i ka hora 4 o ka auwina la. Ua wehe hamama ia ia luawai auau na keiki apau oloko iho o ke kulanakauhale ma kela ame keia auwina la Poaono mai ka hora 1 ahiki i ka hora 4. Ma ka luawai ma ka aoao o ke alanui Vinia e ko- mo mai ai a e pono lakou e lawe pu mai i kawele ame ona kopa. 0 ke keiki e lawe ole mai ana i keia mau mea ae la aole oia e aeia ana e auau. Ua noiia ae na keiki e auau mua lakou malalo o ka waiua mamua o ke komo ana mai iloko o ka lua- wai auau. Ona lala o ke kalapu o na keiki- kane o lakou ka i noiia ae e hele ao ma na Poalua a ma na Poalima mawaena o na hora 2 ahiki i ka 4 a mai hora 7 ahiki i ka hora 8:30. Me na tikiki a ke kalapu e hiki ai lakou e hookomoia ae i ka halawai. O na keikikane e nele ana ka hoike ao i ke tikiki ma ka puka komo aole e aeia ana e auau, pilikia maoli. Ua hookoeia ka luawai Westveldt ma na Poakahi ame na Poakolu ame na Poalima mai ka hora 1 ahiki ka hora 2 «o, na haumana o ke kula hoomaha o ka Y. M. C. A., o Nuuanu ia manawa. NUI NA KANAKA I KAHEAIA AE NO KA WAEIA MAI I KIURE No ka wae ana i papa kiure hou no ka lua o ka manawa o ka hoo- kolokolo ana i ka hoopii koi poho o $25,000 a Yascha Borowski, ke ka- naka hookani vaiolina kaulana, e koi ana i ka Hui Kaa Uwila o Ho- nolulu no kona eha ana ma ke ka- kahiaka o ka Poakahi nei i hoomaka ai maloko o ka aha kaapuni a ka Lunakanawai O'Brien. Ua Iawa ole ka papa kiure he umi-kumamakahi wale no i waeia: O ka poe i kaheaia no ka wae ana maiwaena mai o lakou o ia keia malalo nei: Geo. A. Alapa, Edward Baker, Joseph James Hiton, Henry J. Hulu, James D. Reid, William T. Smith, Gilbert W. Summer, John M, Whitenack, ame Frank H. S Yuen. O na kanaka iloko o ka pahu ma ka manawa i hoopaneeia ai ma ko manawa i hoopaneeia ai ma ka PO akahi nei oia keia: Frank B." Frei- tas, F. D. Creedon, William H. Zige- ler, Sylverster Marks, Raymond M Kam, Charles, H. Walton, Henry Wong Aki, Jean M. P. Poirier, Jacin- tho F. Miranda, Wong Ah Wo ame Alvin H. Aki. O ke kumu o keia hoopii koipoho ma kekahi manawa o ka makahiki aku la i hala ua hooku'iia mai ke kaa otomobile o Yascha Borowski e ke kaa uwila maluna o ke ala nui Beritania. Ua nahaha ke kaa otomobile a Borowski e kau ana me ka eha pu o Borowski, elike me ka hoakaka ma ka moolelo. Ma ka hoolohe mua ia ana o keia hoopii koipoho, ua lehulehu na pule i hala a ma na manawa o ka waihoia ana aku i ke kiure ua lokahi ole lakou ft ua hoopau wale ia ia papa kiure, a no ka hoolohe hou ana ia hihia keia wae hou ia i papa kiure. O MISS HYDE ANA KEKAHI KU MUKULA O KE KULA O KAPUNAHOU. Ma ka Poalua o ka pule aku la i hala ka hoea ana mai o Golda V Hyde, ke kaikamahine a ka luna kukeawa teritore wahine Jeannette A. Hyde, mai ke Kulanakauhale ma o Loko Paakai, ma Uta, i Honolulu nei, a e hoho loa iho ana ka oia ma Hawaii nei. He haumana o Miss Hyde i puka pono mai mai kekahi kula kiekie ma Uta, a ua hana mua oia ma ke ano he kumukula no ke kula kiekie o na opio ma Loko Paakai, ma keia komo hou ana aku a na kula oia ana kekahi o na kumukula o ke kula nui o Kapunahou no ke a'o ana i na haumana ma ka olelo Ene lani ame ka moolelo. Aole ka oia he mea malihini ia Hawaii nei, ua hoea mua mai no oia no ka ike ana i kona hoahanau Mrs. Ralph E. Wooley o keia kula nakauhale a no na mahina kona no ho ana i ka 1923. LILO KA HANA HEMAHEMA I KUMU MAKE NO KEKAHI WAHINE KEPANI. Mamuli o kekahi eha ulia i loaa i kekahi wahine Kepani, o Mrs. Haro Yashki ka inoa o ke alanui 8 Ka imuki, ma kona manawa i pina ma ai e ka huila o ke kaa oto maloko o kona pa-hale ma ke ahiahi o ke Sabati nei a laweia aku i ka hale ma'i Moiwahine, he eha liilii loa i manaoia aole oia e make ana, eia nae, na make aku Ia oia maloko o ka halema'i ma ka hora 8:30 o ka po Poakahi nei. O ke kumu o kona eha ana a i lilo ai hoi i kumu make nona, ua lawe o R. Otani i kona ohana ame ka moopuna a ka wahine Kepani i make ai i kahakai nia ka auwina la o keia Sabati iho nei, a ia Otani i ho | |