| | HE MOOLELO
— No Ka — MEAHUNA POHIHIHI — a i ole — Ke Aka Maalo i ke Kulu Aumoe Ame na Miliona Dala i Nalowale ka Poe Haki haki Kanawai Iloko o ka Umii. "Ke hoomanao nei au no kuu hoike ana aku ia oe, i kekahi mau huahelu. Heaha la hoi ua mau huahelu nei? E hoike mai e Mode ia'u, i hiki ai ke hookoloia aku, ahiki i ka loaa ana o kela wahi i hunaia ai kuu mau dala." "Heaha auanei ko'u pomaikai ke loaa kela mau dala ina oe e make aku ana, pela hoi ka make pu ana o Akeneki? E hoopau loa kou noonoo nui ana no kela mau dala, hookahi wale no a u mea nui e kau aku nei, o ka nana aku i kou helehelena, a honi aku hoi ma kou mau lehelehe e papa." "Aole e hiki ia oe ke hookokoke mai ia'u e Mode, aka e hoike koke mai i kela mau huahelu," i kamailio hou mai ai ka leo maloko o ka pa-ku ma ke ano hookikina. "E wiki, heaha la hoi kela mau huahelu?" Ua loli loa ae keia ano o ka leo a Mode e lohe aku la, mai ke ano mai o ka leo ana i lohe ai i kinohi. Mamua aku, e kamailio mai ana ka mea maluna o ka moe, me ka malie ame ke akahele loa, aka i keia manawa he ku maoli i ka okalakala, a he nui hoi, elike me ke ano o ka leo o kekahi mea i baa ole i ka ma'i. Me ka hoohakalia hou ole iho, hopu aku la o Mode i ka ipukukui e ku ana maluna o ke pakaukau, a hoomalamalama aku la i ka mea e moe ana iluna o ka moe, a ike aku la oia me ka hoohewahewa ole, aole kela o kona makuakane, a no ka manawa mua loa, akahi no oia a ike iho, ua poholo oia iloko o ke pahele a ka puulu o ka poe kolohe, kela puulu paha i lilo aku ai kona makuakane he pio na lakou, a o ka puulu hookahi no hoi, na lakou i pepehi i kona hoahanau a make. I ka manawa hoi i loaa aku ai ka ike i ka mea iluna o ka moe, ua ahuwale kana hana kolohe, a aole hoi i hookoia kana mea i makemake ai e loaa aku na huahelu, a ka makuakane, ma ke ano he ki e loaa ai kahi o na miliona dala i hunaia ai eia, ua hoopiha loa ia ua kanaka nei me ka inaina, me ka lele ino ana mailuna mai o ka moe a ku ana iluna o ka papahele, a iloko no hoi o kela manawa hookahi, i hopu mai ai kela kanaka nana i alakai mai i ke kaikamahine opio, ma na lima o Mode, me ka hoopuka ana i na olelo kuamuamu ino, no ka hoohokaia ana o na mea apau i hoolalaia ai, no ka holopono o kekahi hana kolohe. MOKUNA IV. E waiho iki aku kaua ia Mode Linekona, malalo o ka malu
o kela puulu kolohe, a e hookolo ae hoi kaua mahope o ka
Makaikiu Demona, eia la oia ihea kahi i nalowale ai, i hoea
koke ole mai ai oia no ka haawi ana i na kokua i keia kaika-
mahine.
Ma kela haalele ana aku o ka Makaikiu Demona i ka home
o Mode, kamoe pololei aku la kana hele ana no ke keena o ka
oihana makai. O kana hana mua nia kela hoea ana aku, o ia
no kona haawi ana ae i ke kauoha i ke poo o ka oihana makai,
e hoihoiia ke kino make o ke kaikamahine i loaa aku. ai iloko
o ka muliwai; no kahi o ka mea malama kino make; me kona
haalele ana iho i ka halewai, a hele holoholo iku la no kapa
o ka muliwai, ma na wahi e kokoke ana i kela wahi i loaa ai
ke kino make, ma ka po mamua aku.
Elike me ka ka Makaikiu Demona i hoike mua aku ai ia Mo-
de, aia kekahi manao hoohuoi iloko ona, a e hooiaio aku ana
oia no ka pololei a pololei ole paha o kela manao, pela ua ma-
kaikiu nei e holoholo la ma kapa o ka muliwai, no ka huli ana
i na moali o ka poe pepehikanaka.
Mamua nae o kona hookolo ana aku mahope o ka meheu
o ka puulu o ka poe pepehikanaka, ua noonoo nui loa oia no
kana mea i kamailio aku ai ia Mode, no kona hoea hou aku
imua ona, a i ole hoouna aku paha i kekahi elele, ahiki i kona
hooholo ana iho, ua hiki no ke hoopaneeia ka hele ana aku
e ike hou i kela kaikamahine no kekahi manawa okoa aku.
Me kela manao e hookolo aku mahope o ka poe pepehika-
naka, i komo mai ai oia i ka lole o kekahi Iuiha moku, a ma-
waena o ka hora ewalu ame eiwa o kela po, i haalele iho ai oia
i kona hale no ka hooko ana aku i kana misiona.
Ua loli loa ke ano o ka Makaikiu Demona ke nana aku, ma
kona mau lole e komo ana, pela ke ano o kona lauoho ame
na umiumi, pela no hoi kona ili, aohe wahi lilo o na luina i
hoohala nui i ko lakou mau la ma ka moana.
Me kela kulana o ke kanaka luina moku, hoomaka aku la
ua makaikiu nei e hele ahiki i ka hoea ana aku mawaho o
kekahi hale e ku ana ma kapa o ka muliwai, he hale i maa
i na luina moku i ka hoohala ana i ko lakou manawa kaawale Elike me kekahi kanaka i kahi'ohi'o i ka waiona, hilinai aku
la ka Makaikiu Demona ma kekahi pou ipukukui, wehe ae
la i kona ipupaka, a hoopiha iho la i ka paka, a hoomaka ae la e puhi. He nui na makai o ke kaalo ana ae ma kela wahi, me ka nana ana mai iaia nei, aole no nae ona nana aku no lakou, a aole no hoi he hana wale mai o kela poe makai iaia, nolaila ke hoomau la no oia i ka hilinai ma kahi o ka pou ipukukui ahiki paha i ka piha ana o ka hora hookahi. Ke komo mau la na luina moku iloko o ka hale mamua pono aku ona, a e puka mai ana no hoi kekahi poe luina iwaho a iaia no paha ka ike i kekahi mea hoohina wale iho la no oia iaia iho ilalo, a kahea ae la me ka leo nui: "E o'u mau hoa luina!" wahi ana. "Ua huhewa ko'u moku ua nalowale ke panana, a ua haki ka hoe, owai keia awaku- moku?" Ua loheia mai keia mau olelo a ka makakiu e kekahi luina
moku e hoomakaukau ana e komo aku iloko o ka hale, hoo-
kokoke mai la oia no kahi a ka Makaikiu Demona e kaa-pa wale ana no ilalo o ke alanui, a e hoomaka aku ana ua ma- kaikiu nei, e hoakaka i kona pilikia, ua kaa e mai la ma ka aoao o ka luina ke kamailio ana; "O Kimo Paraki ko'u inoa o Nu Bedafoda, he iwakalua o'u makahiki o ka hoohala ana maluna o ka moana; ina ua huhe- wa kou moku ea, alaila e hele mai oe me a'u, eia ae ke awaku- moku lulu maloko nei, e komo kaua e pa-kiaha." Aohe hoole ana aku a ka makaikiu i kela kono o kona ma- | kemake no ia e kakali ana, o ka loaa o kona hoa e komo ai iloko o kela hale, ku ino ae la oia iluna, a ukali aku la mahope o ka luina moku. Ia laua maloko o ke keena nui, o kela hale, e nonoho mai ana na luina moku he lehulehu, kauoha aku la laua nei e laweia mai i mau kiaiia rama no laua ; no ke kokoolua nae o ka makaikiu, hakalia no a kau ke kiaha i ka waha, o ka wala aku la no ia, aia ka palena he pau no ka wai oloko, aka no ka makaikiu, ua ike mua oia i ke ano o ka waiona ma kela hale, aole i kupono no ka inuia, nolaila ua hoomakaukau mua oia i kekahi u-pi, aia iloko o ka pulima o kona lole, ua nininiia ka rama o kona kiaha iloko o kela u-pi. Aole i loihi loa ko laua nanea ana maloko o kela keena, ia wa i pane mai ai ke kanaka bakipa : "E komo aku e na keonimana maloko o kela rumi, akahi no a hoomaka na hana hulahula !" No kela kono a ka bakipa, pale ae la laua nei i kekahi puka i hanaia me ka uwea liilii, a komo aku la iloko o kekahi keena okoa, ma kahi o kanakolu kapuai ke akea, a he umi-kumamalima kapuai ka loa, a ua hoonohonohoia no hoi na pakaukau liilii, a e nonoho ana na kane ame na wahine e noke ana i ka inu. E hoomalamalamaia ana oloko o kela rumi, e na kukui mai ka paia mai, a mai kekahi kukui lewalewa iwaenakonu o ke alina, a e noho ana hoi ka mea hookani pila me kona noho maluna o kekahi pakaukau, e hoohalikelike ana i ke kani o na aha o kana vaiolina. "Pehea, he makemake no nae paha oe e pau ka mauluulu o kou mau wawae ea?" i ninau mai ai ke kokoolua o ka makakiu. "Aole i keia manawa, e hookuu aku kaua i ka nui ae o ka poe maloko nei, na lakou e kaa mua i ke kahua hulahula, E pa wahi kiaha hou kaua !" i pane aku ai ka Makaikiu Demona. Ua maikai keia i ka manao o ke kokoolua o ka makaikiu, nolaila hele aku la laua a noho iho la ma kekahi pakaukau kaawale, me ke kauoha ana aku o ka makaikiu, e laweia mai i rama no Iaua, a mahope o ka ukuia ana aku no na kiaha elua, noho iho la ua mau kanaka nei e inu. O keia pakaukau a na kanaka elua e noho nei, ua kukuluia ma kahi e huli ai ko laua kua i kahi o ka poe hulahula. I ko laua manawa i hopu aku ai i na kiaha no ka inu ana ae, mahope o na olelo kalokalo, lalau aku la ka makaikiu i kona kiaha me kona lima hema, aia hoi ma kona lima akau e paa ana kana pu panapana, a mamua o ka hapai ana ae o kona kokoolua i kona kiaha iluna, ua pa-e koke aku la ka leo o ka makaikiu i ka i ana aku: "Ina oe e nee ana hookahi iniha mai kou wahi e noho nei, a hoao paha oe e hoopuka ae i hookahi huaolelo, he kanaka make oe iloko o ka imo ana a ka maka e Bila Balaki. E lohe oe i keia manawa ea, o Demona ko'u inoa, aole au he kanaka maa i ka hooko ole i ka'u mea e hoopuka ai." Hakalia no a pau na olelo a ka makaikiu i kamailio aku ai imua o koiia kokoolua, o ka manawa no ia i pio iho ai na kukui e kau ana ma ka paia ma ke ano pohihihi loa, a koe wale no ke kukui lewalewa iwaena o ka rumi, eia nae ua holo mai la kekahi kanaka no ke kinai ana, a mamua nae o kona kinai ana aku i kela kukui, ua hoohuli aku la ka makaikiu i kana pu panapana imua ona, me ka i ana aku : "Mai hoao oe e hoopa i kela kukui, me kou manao e kinai, o ike auanei oe, o kou kino make ke waiho maluna o keia papahele! No kela mau olelo i kamailioia aku me ke kuoo loa, ku honua wale iho la no ua kanaka nei i kahi hookahi, a no ka nui aku hoi 0 ka poe maloko o kela rumi, ua hoakoakoa ae la lakou i kahi hookahi, me he mea la ua hele a piha i ka maka'u a ke halii la hoi ka meha ame ke anoano maloko o kela rumi. "E hoIo no ko oukou mau ola," i kahea ae ai ke kokoolua o ka makaikiu me ka leo nui. "O Demona ka makaikiu, e wiki!" - Aole i pau pono kela mau olelo I ke kamailioia ae, hoihoi ae la ka makaikiu i kana pu panapana iloko o ka lima hema, a ku'i aku la kona lima akau ma ke kumu pepeiao o ke kanaka kumakaia, a hina aku la iluna o ka papahele, me ka moe malie o ia no oe o kekahi pauku laau, alaila huli mai la oia imua o ke anaina kanaka a hoomaka aku la e kamailio: . "Ae, owau i'o no keia o ka Makaikiu Demona, heaha ka oukou mea i manao ai e haha mai no'u?" Hakalia no apau kela mau olelo i ke kamailioia aku e ka makaikiu, o ka wa no ia i hemo like ae ai na pahi, ame na pu panapana a kela poe kanaka, a lele makawalu mai la ua poe nei maluna o ka makaikiu, me ko lakou manao, he hana maalahi loa na lakou ka hoolilo ana i kela makaikiu i pio na lakou. Aole nae i maopopo i kela poe kanaka oki-puu a hakihaki kanawai, ke ano maoli o ka Makaikiu Demona; no ka mea ia lakou i hoomaka mai ai e nee imua mai ko lakou mau wahi e ku ana, aole i lilo ko lakou nui ame ka lakou mau lako kaua, i kumu nona e kuha'u ai, aia no oia ke ku la i kahi hookahi, me ke kau pono ana aku i kana pu panapana imua o kela puulu kanaka. MOKUNA V. Pela iki mai no kaua e ka makamaka heluhelu e hoomanawanui ai, e hoi hou ae kaua ihope, a nana aku ia Mode Linekona maloko o kela hale i alakaiia aku ai oia ma ke ano pahele, no kahi ana i kuhihewa loa ai, aia malaila kona makuakane kahi i waiho ai iloko o kekahi kulana ma'i kupilikii loa. Ma kela manawa a ke kanaka nana i alakai aku ia Mode Linekona no kela hale i lele mai ai e puliki i ka lima o ke kaikamahine opio, o ka manawa hookahi no ia a ka mea e moe ana iluna o kahi moe, i ala ae ai iluna a kamailio ae la: "E hookuu ae oe i ke kaikamahine opio, ua hele maoli oia a piha ine na manao pioloke no keia hana hoopuiwaiwa a kakou iaia," ia wa i haalele aku ai ka mea e puliki ana i na lima o Mode. "E nonoi aku ana au ia oe e ke kaikamahine opio, e huikala mai ia'u," i hoomaka mai ai ke kanaka maluna o kahi moe e kamailio, "no keia hana i alakaiia mai ai oe noloko nei o keia hale. Aole he hewa maoli i hanaia, a ina oe e oluolu ma ana, alaila e hoakaka aku no au imua ou, i na mea oiaio." Ke haka pono Ia na maka o Mode maluna o kela kanaka, me ke kahaha, no ka loli hikiwawe ana ae o ua kanaka nei, mai kela ano ana i kuhihewa aku ai, he kanaka elemakule, a i keia ano okoa. Ma kana hoomaopopo aku, he kanaka kela aia mawaena o ke kahaha ame ke kanalima makahiki, he kanaka hoi i loaa na hoonaauao kiekie ia, a ua maa oia i ka launa ana me ka poe hanohano, a ua hoopuniia hoi kona ola ana me na mea maikai he nui. O kona mau maka he maka no kekahi kanaka kolohe, aia hoi ma kekahi o kona mau manamanalima e anapa ana he komolima daimana. "E oluolu oe e ke kaikamahine opio e noho iho ilalo," i hoo- | mau hou mai ai ua kanaka nei i kana kamailio ana, me ka lalau ana mai i ka ipukukui e paa ana iloko o ka lima o Mode, a uwai mai la hoi i kekahi noho. "Ua hookahaha loa ia aku kou manao e ke kaikamahine opio, no kou halawai ana me kekahi hiona au i noonoo mua ole ai; ua hana nae au i keia mea no kou palekana iho, ame ka palekana o kou makuakane. He pio olua a elua na ka puulu o ka poe hana kolohe, a ua konoia mai au e lawelawe i kekahi hana e hoea mai ai i ka hoohokaia ana o ko lakou mau manao kolohe," alaila huli ae la oia imua o ke kanaka e ku kokoke mai ana ma ka aoao o ke kaikamahine opio, me ka i ana aku: "E haalele mai oe ialoko nei o keia keena e Kalakona i keia manawa, aia au a kahea aku ia oe, alaila oe komo hou mai ilo-ko nei!" No ka hoolohe ana i kela kauoha, haalele iho la o Kalakona i kela keena a oili aku la iwaho, a i ke koe kokoolua ana iho o Mode me ke kanaka ana i kuhihewa loa ai, o kona makuakane ia, hoomaka mai la ua kanaka nei e kamailio : "Ua hoopunipuni ino loi ia oe ekua hoaloha, a no ka hoopakele ana a'e ia oe, mai ke kaa ana aku iloko o ka umii a kela poe, pela au e makemake nei e hoike aku i ka mea oiaio loa. "O kela kanaka o ka hoea ana aku e ike ia oe ma nehinei, me ka aahu o ke kahunapule, a i kapa iaia iho o ka Makaikiu Demona, he mau hana pulapu wale no kela; o ka mea oiaio loa, owau ka Makaikiu Demona." Ma kela mau olelo a keia kanaka e noke mai Ia i ke kamailio imua o Mode Linekona, aole he wahi mea hiki iaia ke hoomaopopo i ka oiaio maoli, he mau mea kana i makemake ai e pane aku, aole nae he hiki i kona waha ke owaka ae, nolaila ke noho hamau loa la no oia, a o ia ka kela kanaka i pane hou mai ai: "O kela kanaka o ka hoea ana aku imua ou i nehinei, oia kekahi o na kanaka ino loa, he aiwaiwa oia ma na hana hakihaki kanawai apau, ua maopopo ke ano o kana mau hana i ka oihana makai, a ke hookolo nei lakou mahope o kona meheu. "O kela ponoi no ke kanaka nana i pepehi i kou hoahanau a make. Ma ka manawa i loaa aku ai ka ike i kela kanaka, no ka hoolilo ana o kou makuakane i kona mau waiwai apau ma ke dala maoli, a huna ma kekahi wahi nalo loa; ua hooholo iho la oia ame kona puulu, e pahele i ka noonoo o kou makuakane, ma ke alakai ana iaia mai kona home mai, no kekahi wahi mehameha loa, me ka manao, e kaa aku kana mau dala malalo o ko lakou malu." Ma kela wahi o na mea i kamailioia mai imua o Mode, akahi no ua kaikamahine nei, a hoomaopopo i na mea oiaio e pili ana i kona makuakane, nolaila ku ino ae la oia iluna, a no ka manawa mua loa, pane aku la i ka i ana: "Alaila ke ola nei no anei kuu makuakane, aole oia i make?" "Ae, ke ola mai nei no oia, eia nae mamuli o na mea i hanaia aku maluna ona, ua olalau maoli kona noonoo, aole elike me kona ano mamua. No na mahina eono, ke kaa ana o kou makuakane he pio, na ke kanaka a'u i olelo ae nei, oia kekahi o na kanaka ino loa, a i hoea aku ai iama ou ma ka inoia hoopunipuni, he makaikiu oia "Owau ka mea nana I hoopakele i kou makuakane mai ka mana mai o kela kanaka, a ke noho nei ua makuakane la ou, maloko o ka halepupule, malalo o ka lapaau ana a na kauka akamai loa, me ka hiki ole no nae ke hoihoi hou ia mai kona noonoo maikai. "Hookahi mea paa loa iloko o kona noonoo, a o ke kumu no hoi ia o ka loaa koke ole o ka oluolu iaia. O ua mea la, ua palaka pu oia i kekahi mau huahelu ana i hoike aku ai ia oe ame kou hoahanau ; ma ka manaoio o na kauka, ina e hoikeia aku ana keia mau huahelu iaia, o ke auhee aku no ia o ka poino mai iaia aku, a hoi hou mai kela ano kahiko ona, au i kamaaina ai i kou makuakane. "No keia hana nui, pela au i kakau iho ai i ka palapala a ko'u elele i lawe aku ai a haawi ia oe, ke kumu hoi o kou hoea ana mai la imua o'u. Malia paha ua kuhihewa loa ka'u mau mea i hoolala ai, no na alahele e loaa mai ai na huahelu i makemake loa ia e kou makuakane, e huikala mai no nae oe ia'u no ia mea, hookahi wale no kumu nui o kuu ake ana e hoea mai oe, o ia no ka loaa o ke ola maikai i kou makuakane." Me ka maalea kela mau olelo e kamailioia mai la, i wahi e punihei aku ai o Mode Linekona ; aka i ua kaikamahine nei nae e hoolohe la i kela mau olelo, ke kanalua loa la oia, i ka oiaio ame ka pololei o kana mau mea i lohe ai, a i wahi nae e hoopauia ae ai kona pohihihi, pane aku la oia: "Ina hoi ha, eia no kau makuakane ke ola mai nei, alaila e lawe pololei aku ia'u imua ona, a na'u ponoi no e hoike aku iaia i na huahelu, i palaka loa i kona noonoo." No keia pane ma ka aoao o ke kaikamahine opio, pii ae la ka ula ma na papalina o kela kanaka, me ka hoike pu ana mai o kona helehelena i kona piha hoonaukiuki, no ka hoohokaia ana o kona mau manaolana, eia nae mamuli o na hooikaika ana e uumi i na manao inaina ame ka hoonukiuki, ua auhee aku la na hiona maikai ole mai iaia aku, alaila pane mai la, me kela piha maalea no elike me ia ana i pahele mai ai i ka noonoo o Mode i kinohi. "No kou pono e kuu hoaloha, ua konoia mai au e hoole aku i kau noi, no ke kumu, e lilo ana ke kulana o kou makuakane ke ike aku oe, i mea hoehaeha mai i kou manao; a aole no hoi e hiki ia oe ke hoomanawanui, ke hoea mai i ka wa e hoea mai ai ka ulupuni maluna ona. "Ke hooia aku nei au imua ou, ma ka manawa mua loa a'u e ike ai, ua hoi pono mai ka noonoo maikai iloko o kou makuakane, owau ponoi no ka mea nana e alakai aku ia oe imua ona, e hiki ai iaia ke apo mai i kana kaikamahine me ka manao aloha." No ka ae ole mai o kela kanaka, e hooko i na mea a Mode Linekona i koi aku ai, akahi no ua kaikamahine nei a hooiaio iho, o na olelo apau a kela kanaka i kamailio mai ai iaia, he hoopunipuni wale no, a ma kahi o ka lilo ana o keia kanaka i hoaloha nona, o keia kekahi o kona mau enemi ino loa, a ua piha maoli oia me ka manao inaina, iaia i hoomanao ae at no ka make ana o kona hoahanau, pela hoi ka auamo ana o kona makuakane i na haawina hoehaeha; eia nae pane aku la oia: "O ka mea au e noi mai nei, o kekahi kela o na koi hiki ole ia'u ke ae aku, no ka mea ua haawi aku au i ka'u hoohiki paa ma ka manawa a kuu makuakane i hoike mai ai i kela mau huahelu, aole Ioa au e hoike ae ia mea imua o kekahi kino kanaka okoa, aka imua wale no ona hookahi." Pahola hou ae la ka ula ma na papalina o kela kanaka, no ka hoohokaia ana o kana noi, alaila wikiwiki mai la i ka ninau ana: "Pehea ke malama nei no anei oe i kela hoohiki, me kou ka mailio ole i kekahi mea okoa aku, e pili ana i na huahelu a kou makuakane i hoike mai ai?" (Aole i pau.) | He Moolelo Hooniua Puuwai
NO
KA UI NOHEA GELADIOLA Ka lpo Aloha a na Mea Aloha Elua O ke alahele wale no ana i noonoo iho ai, oia ka Iawe ana i ke kaikamahine ma ke ano aihue me ka malu loa, a e pono ia hana e hana koke ia mamua o ka puka ana mai o ka malamalama o ka la. He olelo hooholo manaolana poho no nae keia ana o ka noonoo ana iho la, aka, oia wale no ke alahele ana i manao ai e pakele ai oia mai ka pilikia mai e hoomaka'uka'u mau mai ana iaia ia manawa, mamua o ka hoi ana mai o ko Felorika mau noonoo maikai a pau me ia. Ua loaa nae ka maha i ua o Keoni mahope iho, mahope o ka hoi ana aku o na mea apau no ko lakou mau rumi a koa o Maira, kekahi o na kauwa wahine. Ua maopopo i ua O Keoni aole e hiki pono ana iaia ke ala me ka ninipo hiamoe ole a ao ia po, e hiamoe ana oia, me ka makaala ole i ka mea i kauohaia iho ai oia e kiai ; e pee ana oia mahope o kekahi o na paku a kakali mai o ka loaa o kekahi manawa kupono loa nona e kii mai ai ia Felorika a hapai aku iaia, a holo mahuka pu aku me ia i kekahi wahi. Ina kauwa apau i hoi aku ai noloko o ko lakou mau rumi aole lakou i haupu iki he poino kekahi e hanaia ana mahope iho a e hoi hou mai ana lakou no ka rumi e moe ana o Felorika, a e kiai ana hoi o Maira ma kona aoao. Ua kaahope ae la kekahi mau hora loloa o ka po, a no na manawa lehulehu i lulumi iho ai ko Maira mau maka no ki maluhiluhi, a e kunou iki ana hoi no kekahi mau manawa maluna o kona noho, a i kekahi manawa e hamama ae anai me ka haukeke ae la no ke anu, me ka alawa ae ma o a maanei i kekahi manawa, me he mea la he mea kana e makau ana ia manawa aia ma kahi kokoke loa mai iaia. He nui ka hana a nei kaikamahine i ka la mamua ae, a aa maluhiluhi maoli me ka makemake nui e loaa i manawa nona e hoomaha ai, a oiai o Keoni e noho mai ana mahope o na paku a e hakilo loa mai ana ua ike paka mai la oia i ka upoi ana iho o na lihilihi maka o Maira, a i kona lohe ana mai i ka nonolo o kona pukaihu, ike iho la oia ua kaia loa ia o Maira i ka hiamoe kulipolipo loa e hiki ole ai ke ala ae i kona manawa! e kii aku ai a hapai ia Felorika a Iawe aku iaia mailoko aku o ka rumi. Elike me ka nakeke ole o kekahi aka pela kona kokolo maila ana mai kahi mai ana o ka pee ana a hookokoke mau mai la me ka nihi malie loa no kahi o Felorika e moe ana, ku iki iho la nae oia mamua o Maira no kekahi minuke i maopopo lalai ua hiamoe loa oia, a i mea hoi e maopopo ai iaia aole e ala ae ana o Maira ina he wahi nakeke liilii loa kekahi ana e lohe ae ana. I ka maopopo ana iaia ko Maira kaia loa ia i ka hiamoe, hookokoke loa mai la oia i kahi o ka pimoe o moe ana o Felorika, kana pio. Ua like ka Felorika moe ana ia manawa me kekahi mea ua make mamuli o kekahi laau hoohiamoe a ke kauka o ka haawi ana iho iaia mamua o kona hoi ana. No ke pouli loa o ko Felorika noonoo he wahi maalahi wale no na Keoni ka hapai ana ae iaia a paa iloko o kona mau lima me ia mau no o ka paa o ko Felorika kapa moe-po ana o ke komo ana oiai oia e holoholo ana iloko o ka rumi. I ka paa ana iho o ke kino o Felorika i ka hoouhiia me kekahi kihei huluhulu eleele e waiho ana mahope o ka noho, nihi malie loa aku la oia me kana ukana kaumaha e hii ana mamua o kona alo ahiki i ka oili ana iwaho. Ua ko keia hapa mua o kona makemake e kaili ia Felorika, aka ihea ana oia e lawe aku ai a huna i kana ukana waiwai loaa hewa? O keia ka ninau e hoopuhili ana i kona noonoo no kekahi manawa. He hopena keia ana i noonoo mua ole ai. Emoole o kona ike mai la no ia i kekahi aka kanaka e hele aku ana ma ke alanui, he kino kanaka i kamaaina mua no iaia, me ka aloalo ana ma na wahi paa o ka hau. I ka hoea ana mai a halawai kino laua, lele ae la oia mahai o ke aka a kahea aku la iaia me ka. ha o ka leo: "Maanei mai, e Diki. He makemake au e kamailio pu me oe, owau no keia o Keoni Makini, mai makau oe." "Puiwa ae la ke kanaka i kona wa i lohe mai ai i ka leo a. ninau mai la : "Heaha keia hana nui au nana i lawe mai la ia oe mailoko mai o kou punana iloko o ka po pouli a huihui loa elike me keia a hoea ana ianei?" "Mai ku wale mai no oe malaila a nana mai, hele mai a haawi mai i kou lima kokua," i kahea mai ai kona hoahanau, me ka leo kalakala. "O ke kunana wale mai no ka kau, e pono ia'u e kaawale koke mai keia wahi aku me keia kaikamahine a'u e hii nei, e wiki. A oia, a ihea au la e lawe aku ai iaia, oia ka ninau a o ka'u hana hope hoi e hana aku ai?" "He hana kena la e hookomo aku ai ia oe iloko o ke puhi i pane mai ai ka hoahanau," he hana kena e paa aku ai oe ilo-ko o ka halepaahao o ka mokuaina nei ina e loaa pono mai ana oe. A eia hou, o ke ano o kau uhi a owili ana i ke kihei huluhulu a paa loa oia ua lawa ia e paa ai kona hanu, aole anei ou ike iho i ka hewa o kau mea i hana ai?" "Ae ; aole au i noonoo iki no ia mea, no ka mea, me ka puapuahulu loa au o ka uhi ana mai nei iaia aia ka pono a kaa-. wale loa mai kahi mai e loaa mai ai i na kauwa, aohe i loaa i manawa kupono no'u e noonoo ai no ka'u mea e hana iho ai nona. Ua maikai mai la kela hoakaka au, e ole mai la oe ikeia iho la keia pilikia, ina la paha o ka paa wale ia o nei kaikamahine ahiki i ka paa ana o kona hanu." Oiai no oia e kamailio ana ke wehewehe pu la oia i ke kihei i uhiia ai o Felorika a paa, "Ua pololei oe, ke ike nei au ua paa ka hanu o ke kaikamahine, a ua make oia, pela i ka nana ana me ka maopopo loa ma o aku o na manao kanalua a pau," wahi a Keoni. Ia manawa ala mai la iloko ona ka makau no ke koikoi loa p ke karaima ana i hana ai, a no kona imi aku i kahi o kona palekana ka mea nui iloko o kona noonoo ia manawa. "E Diki, e oluolu oe e kokua mai ia'u ma ka huna ana i na mea oiaio e pili ana i keia hihia. Nau e malama iho iaia, a e hoi hou ae au i ka hale o i ala ole mai na kauwa," wahi a Keoni me ka ha o ka leo. "Alaila, e makemake ana anei oe e hookomo pu aku ia'u iloko o ka pilikia?" i nui mai ai ka leo o ka hoahanau, me kona piha Ioa i ka huhu. "O kau hana ana iho la ia i kau karaima a ike i ka pilikia alaila manao mai la e hookomo pu aku | |