| | | | | | | | | | | kauhale, a kuewa hele aku la ka uhane ma ke ala Koikua a Kane O, auwe kuu aloha, kuu lihaliha hoi i kuu mama hele loa. E hoomakua wale aku ana no paha auanei au la ia hai. Auwe kuu walania ia oe al Aka, e hoonaniia no ka Akua Mana Loa, no ka mea Noua ke kino ame ka uhane, ke ola ame ka make. Ua hanauia o Mrs. Rebeka Kahele opio ma Kaauhuhu, Kohala, Hawaii, ma ka la 26 o Aperila o ka 1857, inai ka puhaka mai o Nawaahemahema (w) ame Niheuwewaimakaokalani (k), a i kuu mama i moe aku la ua piha iaia na makahiki he 68 ame na la kou o ka hanu ana i na ea huihui o keia ola ana ma ka hora 9 p. m., o ka po o ka la 11 o Mei, 1925, iaia i aili ae ai i kona hanu hope loa, he minuke ia o ka ikiiki loa o ke aloha makua. Ua imiia no ke ola, aka, mamuli no o ka oi loa aku o ka ikaika o ka ma'i i io ka laau, ua lilo ka ikaika o ka laau i mea waiwai ole, a hala wale aku la oia me ke aloha ame ka minamina nui, aka, he hopena loaa aku kona i ka ukaliia. Hai ka puhaka mai o kuu mama Rebeka ame Kapuaahiwalani kana kane mua he ehiku mau pua i oili mai i keia ao, ha eono mau keikikane a owau hookahi wale no ke kaikamahine, ua pau loa ko'u mau kaikunane i ka hala ma kela ao a owau hookahi wale no koe e ola nei e u aku nona. Ua mare hou oia ia Kahele opio, a ua loaa no he mau pua hou na laua, eia nae, ua pau. loa no lakou i ka hala mua ma kela ao, a mahope aku o Kahele, a o mama Rebeka aku la no hoi, No kuu mama aloha he wahine puuwai hamama oia, e hea ana i ka nui ame ka iki, he lokomaikai a he wahine hoopono, ma na hana pono o kona Haku kona hilinai nui ahiki wale i kona moe ana aka la, a no kona launa nui me na mea apau ua nui a lehulehu kona mau hoaloha. He hoahanau oia no ka ekalesia makua a o ka luakini no o Kawaiahao kona halepule hele mau, a na ka nawaliwali i kaohi iaia mai ka maalo mau ana aku maloko o ia halepule. He lala oia no ka Ahahui Poola a na wahine o keia kulanakauhale, he kakauolelo olu dala oia no ia ahahui a ma ia kulana bana no. oia i paa ai me ka hoopono a moe wale aku la, a mamuli no hoi o kana hoo-ikaika. ana i ku hou ai ka Ahahui Poola wahine ahiki i keia la, mahope o kona hoohuihui ana me umikumamalima mau wahine e ae a kukulu boa ae la i ka ahahui i hiolo He lala pu oia no ka Ahahui Kalama o keia kulanakauhale, a iaia i moe aka la oia kekahi o na lala kumai kai, a mamuli o ia kulana maikai ona i komo pu mai ai ka Ahahui Kalama e ko kiai iaia oiai kona kino wailua e kau ana ma ka hale kupapau o Borthwick a pela hoi me ke kai pu ana aku ma kana huakai hope Ioa ahiki i ka hoomoe ana aku ma ka Ilina o Kawaiahao. Ke haawi aku nei au i ka'u hoo-maikai i ka Ahahui Manawalea Wahine o na Poola no ke ku kiai ana i ke kino wailua o kau mea aloha he makua, a pela hoi me ke kai pu ana aku ma ka Mrs. Rebeka Kahele opio huakai hope loa no ka luakini o Kawaiahao, kahi hope loa i malamaia ai o kona anaina haipule hope loa, a no ka ilina, a pela hoi me na makana pua nani i haawiia mai no ka hoohiwahiwa ana iho i kona pahu a maluna o kona he. Ke haawi pu aku nei i na hoo-maikai he nui i ka Ahahui Kalama no ke ku kiai ana a ao ka po, a no ka ukali pu ana mahope o ka hua-kai hope loa a kuu mama a hoea i ka luakini o Kawaiahao, a i ka ilina hoi. Ke haawi pu aku nei i na hoomaikai i nana lala ka Ahahua. Manawalea o na Poola o na Wahine, Mrs. Heleloa Poka, Mrs. Kawaikahe Beck, Mrs. Emma Keola Mrs. Napahuekolu, Mrs. Kawai, Mrs Kahue Kekahio Mrs. Hosea ame Mrs. Ane Nakila no ka ahuula lei pepa ilima a lakou i hana noiau ai, a hoouhi iho maluna o ka pahu o kuu mama ma ka manawa o kau ana ma ka hale kupapau o Mr. Borthwick a pela hoi ma ka manawa e kai ana ka huakai ahiki i ka ilina, a o ka'u hoomaikai nui i na kane o ka Ahahui Kokua a Manawalea o na Poola no ko Iakou ku kiai ana ko lakou kai pu ana ma ka hua-kai hoolewa a no ka lakou mau makana pua, a ke hoomaikai pu aku nei i na hoaloha apau i u a i kumakena pu me makou ka ohana a o ka panina hole loa o ka'u hoomaikai i ka Ahahui C. E. O Kawai ahao no kona lawe ana, aku i kekahi haawe kaumaha nana e auamo, a na ka Haku na Iesu Kristo e haawi mai i kana hoopomaikai ma luna ou a maluna hoi o oukou apau loa. Amene. Ko ka Ahahui a Borthwick kekahi hoomaikai nui a'u a pela hoi i na hoapaahana o ke King Street Market no na makana pua, e oluolu e lawe aku i ka'u i ka'u mau hoomaikai kuio, a na ka mana ame ke aloha o ke Akua Mana Loa, e kiai a e kokua mai ia kakou apau. Ke hoomaikai aku nei au i ka lu nahooponopono no ka ae ana mai i kowa no keia kanaenae a pela hoi i na limahana apau o ke keena Kuokoa. Me ke aloha paumako! na makou no me ka luuluu, a ke hooki nei me ka waimaka. MRS. ESTHER. MAHOE, Me ka Ohana | MAUMAU NO UA ULIA POINO I NA KAA.
Ha'o o ole no hoi ua mea he poino i na kaa otomobile, aohe pule nele i ka ike ole ia o na ulia; hookahi nae mea laki, aole hookahi i make, aka be mau poino* liilii walo ao, e hiki ai ke lapaauia aku, pela no hoi na pilikia liilii i loaa i na kaa otomobile. I kulike ai me na hoike i waihoia aa i ka halewai, ma ke Sabati aku la i hala, he eono ka nui o ka poe i halawai me na poino mamuli o na ulia kaa otomobile, me ka nui no hoi o na kaa i halawai me iaa poino. Iwaena o kela poe i loaa na poino he elua mau keiki liilii ame hookahi wahine, i lapaauia maloko o ka halema'i o na poino ulia, ma-mua o ka hoihoi loa ia ana aku no ko lakou mau home. He wahine opio nona ka inoa o Miss Nani Pa, ka i mokumoku i na aniani nahaha o ke kaa ana e kau ana, i ka manawa i hooku'i ai kela kaa me ka pou kelepona ma ke alanui Moi me Middle. Ma ka hoike a ka Makai. Kelai, ma ka hapalua o ka hora eha o ka wanaao Sabati ka loaa ana o kela ulia poino. Aole i maopopo loa ke ano o kela ulia, ma ka oleloia nae ua hooholo ke kiakaa i kona no ka paehumu ma kekahi aoao o ke alanui, alaila hooholo ae la no kekahi aoao, me ka hooku'i ana aku i ka pou kelepona, o ka mea apiki nae, aole he mau hoailona i loaa aku i na makai no ka holo pahu'a ana o ke kaa maluna o ke alanui. O ke kiakaa kekahi i moku i ke aniani ma kona poo, a ua lapaauia oia ma ka halema'i o na poino ulia. Ma ka hora umi hoi a oi o ke kakahiaka o kela Sabati no, mar uka ae nei o Kalihi, i hooku'iia aku ai he keiki Kepani o M. Satsuga ka inoa e ke kaa otomobile e hookeleia ana o Joseph J. Tavares, a eha loa, me ke kauohaia ana aku o Tavares e hoea ae oia imua o ke Kapena Kamauoha ma ke kakahiaka o ka Poakahi iho nei. E paani ana kela keiki me ka nui ae o na kamalii ma ke kahua o ka halekula o Kalihi-kai, a mai kekahi aoao mai o ke alanui kona holo ana aku no kekahi aoao, ma-mua pono o ke alahele a ke kaa otomobile e holo aku ana, pela i loaa ai kela ulia poino. Oiai hoi o Edward Ching e huli hoi mai ana ao ke taona noi maluna o kona kaa ma ke alanui Puuloa, ma ke awakea o kela Sabati no, ua hauhili ae la ka huila hoopololei i ka holo ana o ke kaa, ma kekahi ano i maopopo ole, a o ka hopena i ikeia, o ia no ka hu ana o ke kaa ma ha'i, o ke alanui, a haule iloko o ka auwaha me ke kahuli ana o ko kaa. Ua kiolaia aku la o Ching mailuna aku o kona kaa, a haule iwaho, me ka loaa ana iaia o ka eha ma kona poohiwi; o ka mea apiki nae, he ohua kekahi e kau pu ana maluna o kela kaa, a kiolaia hoi mailuna aku o ke kaa, aole nae he wahi poino iki i loaa iaia. Ma ka auwina la o kela la no, i waiho ae ai o J. C. Chun i kana hoike i ka Makai Boyd, oiai ka oia e holo ana ma ke alanui Moi nowaho o Waikiki, ma ka hapalua o ka hora ekahi o kela auwina la, no kona ike i ka helewawae o kekahi mau koa elua, i koi aku ui oia ia laua e. kau mai iluna o kona kaa. Ua kau i'o mai la kela mau koa iluna o kona kaa, a hoomau mai la lakou i ka holo ana no ke taona nei, aka i ka hoea ana i ke alanui Liliha, o ka manawa ia a kekahi o kela mau koa, i hopu aku ai i ka huila hookele, a holo pahu 'a aku la ke kaa, a hooku'i me kekahi kaa kalaka Ford e ku ana ma ha'i o ke alanui, me ka nahaha o ke aniani pale omua o ke kaa kalaka, a moku hoi ka lima o S. Yoshima ke Kepani e noho ana mamua o kela. kaa, i ke aniani nahaha. Ika manawa ka i loaa ai kela ulia, ua lele aku la na koa elua mailuna aku o ke kaa a hoomaka aku la e holo, me ka haule ana be omole okolehao mai kekahi mai o kela mau koa. Ma ke alanui Repubalika e kokoke ana i ke alanui Mokauea, mauka ae nei o Kalihi i hooku'iia aku ai he keiki uuku o Sonny Foster ka inoa; e ke kaa otomobile, e hookeleia ana e C. E. Lau, a eha kona wawae akau. I kulike ai me ka moolelo i pili i kela ulia, e holo ana ke keiki uuku mawaena o ke alanui, a iaia i lohe aku ai i kekahi kaa e holo mai ana mahope ona, na pioo kona noonoo, me ka maopopo ole o kana wahi e holo aku ai, ahiki i kona hooku'iia aia mai, a ma ka oleloia, be ulia kela i hiki ole ke alo ae. PIHA KA PALII NO KA IKEMA
KA ANA I NA TABALO. O ka po o ka Poaono aku nei i
hala, o kekahi kela o na po i ikeia ai
ka hele oloko o ka pa'lii a piha
i na kanaka no ka makaikai ana | i na hoikeike tabalo, i haawiia mai, e ka Ahahui o na Mamakakaua, no ka hanania ana o la Moi Kauikeaouli, Kamehameha III, pela hoi kona noho moi ana, ame ka hoikeike tabalo o Pele, iaia i holo mai ai no Hawaii nei, e huli ai i home nona e noho ai. Ua hoohiwahiwaia ka halealii holookoa me na kukui uwila, pela hoi i kauia ai na huapalapala nunui , "Ua Mau Ke Ea o Ka Aina i Ka Pono" mamua o ka puka e komo aku ai iloko o ka pa'lii, e hoomalamalamaia ana e na kuku uwila, a ma ke ano nui ke olelo ae, me he mea la, ua hoakoakoaia aku na kanaka a kahi hookahi ma kela po, he nonanona wale no ke nana aku ma na wahi apau. Ma kekahi wahi i hanaia, ma na anuu o ke alapii o ka halealii, ma-laila i paneeia mai ai ka hoikeike tabalo e pili ana no Pele, malaila pu no hoi na lunanui ame na lala o ka Ahahui Mamakakaua, me ko lakou kahiko piha o ka ahahui. O ka mua o na hana ma kela po, o ia no ka hoikeike tabalo e pili ana no Pele, i ukaliia mai me na himeni o ke meleia ana mai e kekahi poe puukani alaila ukali mai la me ka haiolelo a Kiaaina Farrington. Hookahi no mea ano nui ma kana haiolelo, o ia no ke au o ka hookele aupuni ana o ka Moi Kauikeaouli. O ka ukali aku mahope o kela haiolelo, o ia no ka oili ana mai o kekahi mau wahine holo pa-u, malalo o ke alakai ana a Mr. J. K. Mokumaia, alaila hoikeikeia mai la ke tabalo, no ka hanauia ana o ka Moi Kauikeaouli, he tabalo keia ilu-na loa o ka halealii, e hiki pono ai i na mea apau ke ike aku me ka moakaka. -Mahope aku o kela hoikeike tabalo, ka hoikeike, no ka wawahiia ana o ka ai kapu, i ka makahiki 1819; alaila ukali mai la ka haiolelo a ka Hope Loio Kuhina Charles B, Dwight, e. pili ana no na hana a ka Moi Kauikeaouli iluna o ka noho kalaunu o Hawaii nei, ka hanaia ana o ke kuikahi panailike, a o ka mahele aina, ka hoikeike tabalo hope Ioa. O keia ka mua loa o ka hanaia ana o kekahi hoikeike tabalo o kela ano e pili ana no ka Moi Kauikeaouli, he hoikeike tabalo hoi, i hoakoakoaia ae. ai na aho o kela au kahiko a kahi hookahi, o ia no oe, o kela au e maa ana ka mana o na moi ma Hawaii nei. Ua paa ke anaina o ka poe makaikai, mai ka hoomakaia ana o na hoikeike ahiki wale no i ka panina hope loa o na hana, alaila huli hoi aku ka lehulehu no ko lakou mau home, me na manao hoomaikai, no na mea a lakou i ike ai. MOOLELO O KA HALAWAI MA-
KAHIKI HOOKAHI HANERI
ME EKOLU O KA AHAHUI EU-
ANELIO O HAWAII. La Hana 1, Poaono, Iune 13, 1925. Malamaia ka Halawai Makahiki Hookahi Haneri me Ekolu o ka Ahahui Euanelio o Hawaii, maloko o ka Luakini o Kawaiahao, ma Honolulu, T. H. Kau o Iune Iulai, 1925, ma ka hora 9:00 a. m. Rev. Henry K, Poepoe, lunahoomalu, ma ka noho. Weheia ka halawai me ka himeni aoao 107 o ka Leo Hoonani, ame ka pule a ka Lunahoomalu; a hooneeia na bana imua ma ka malamaia ana o ka Halawai Haipule i alakaiia e ka Rev. Henry K. Poepoe maluna o ka manao alakai i hoikeia ma ka Mokuna 2 o na Oihana a na Lunaolelo, ma ka hapa-hope o ka pauku 28, " E hoopiha mai no hoi oe ia'u i ka olioli ma kou maka," a hookuuia me ka pule a ka lunahoomalu. Hoomaopopoia na lala o ka aha ma ka heluhelu ana mai e ke Kakauolelo i ka hoike a ke komite o na palapala hookohu ame ke kaheainoa pu ana penei: Hapaiia ke kumuhana no ke koho ana i maheleolelo no ka Aha. Ka Rev. Desha i waiho mai i na inoa o Rev. H. P. Judd ame Mr. L. K. Kupau; kokuaia a aponoia. Na Rev. H. P. Judd i waiho mai i !?a lakou hoike komite papa kuhi-kuhi hana o ka Aha elike me ia i paiia ma ka olelo Haole ame Ha-waii, a i hoolakoia aku i na Iala ame na hoa i akoakoa mai. a aponoia. Na Rev. J. P. Erdman i noi mai e lilo o Dr. E. Lyman Hood, D.D., i Hoakuka pu me na Iala o keia Aha: kokuaia a aponoia. Koho ka Lunahoomalu i na Komite Kumau, penei: Komite Imi Hana:— H. P. Judd, M. M. Kahiapo, D. K. Kaaeamoku, T. Hori ame Tse Hin Weng. Komite o na Palapala Hoopii :— J. P. Erdman, L. B. Kaumeheiwa, S. L. Desha, T. Okumura ame Yee Taien Kui. Komite Hoalohaloha: Wm. K. Poai, L. K, Kakani, Wm. Kamau, K. Higuehi ame U. Cho Ping. Komite o na Hoike Kihapai ame | na Aha Mokupuni:— C. M. Kamakawioole, Chas. Keahi, K. Maeda,Thos. N Haae ame Lo Yuet Fu. Komite Haipule:— S. L. Desha, Sr., Alice Kahokuoluna ame Akaiko Akana. Na Rev. H. P. Judd, kakauleka, i heluhelu mai i kana Hoike Papahelu, a Ianuari 1, 1925, e hoike ana penei: 1. — Ka heluna o na Ekalesia iloko o ka Ahahui, he 108, Hawaii, 64; lapana, 17, Uniona, 12; Pake, 8; Pilipino, S; Pukiki, 2. Ka huina nui o na hoahanau i Ianuari 1. 1925, he 10,488, i maheleheleia, penei: Hawaii, 4261; Uniona, 2369; Iapana, 2331; Pake, 912 ; Pilipino, 366, Pukiki, 249. Ua maheleheleia keia ma na mokupuni, penei: Hawaii, 2197; Maui-Molokai, 1409; Oahu, 5834; Kauai, 1068. Na Oi a Emi Paha. 2. — Ua loaa i na Ekalesia Hawaii be heluna oi, Uniona, 184; Iapana, 110; Pake, $3; Pilipino, 03; Pukiki, he heluna emi o 10. Huina oi o 429. 3 — Heluna o ka poe i hookomoia ma ka Hoike Manaoio, 832. 4— Na Kula Sabati. Huina i paa ma ka Buke Inoa, 12,330; Huina oi, 492. Ma ke noi a Mrs. Kahokuoluna i kokuaia, ua aponoia keia Hoike. Na ke Kakauolelo i heluhelu mai i ka pane a Dr. Rothwell Harmon Potter, D. D., o ka Ekalesia mua o Kristo ma Harford, i ke kono a keia Aha, e hoole mai ana me ka minamina nui no ,ka hiki ole iaia ke hui pu mai mamuli o na hana i kauia aku maluna ona; me. ka manaolana nae e hiki ana ia Dr. Halliday, kakauolelo nui o ka Ekalesia o na Papa Akea ke launa pu mai ma ka halawai o ka Aha ma keia Kau. Na Rev, Judd i hoike mai aole no i biki ia Dr. Halliday ke hele mai mamuli o na hana, a o Dr. Pat-ton nae ka mea e hui pu mai ana, a ua hiki mai nei oia a e hui pu mai ana me kakou ma keia kakahiaka, a oia ka mea nana e lawe mai ana i ke Aloha o ka Ahahui Na Rev. Desha he noi e lilo hoi keia manawa o ka Aha i wa e lohe ai na Lala i kekahi mau mea mai ia Rev. N. C. Schenck no kana huakai ma ka aina Pilipino, oiai ka Aha e kali ana no ka hiki mai o Dr. Pat-ton, kokuaia a hooholoia pela. Ua ku mai o Rev, Schenck a hoike mai i tei moolelo o kana huakaihele ma ka aina Pilipino. I ka hiki ana mai o Dr. Patton, na Rev. Judd i hoolauna mai iaia i na lala o ka Aha, a mai ia Dr. Patton na manao hoomaikai me ka haawi pu ana mai i ke aloha o ka Ahahui Nui iloko o ke apo o ka hoaloha. Ma ke noi a Rev. Desha, ua ku ke anaina holookoa iluna no ka hoike ana i ke aloha o keia Aha no na manao maikai i laweia mai nei me ke aloha o ka Ahahui ma o Dr. Patton la; a na haawi pu mai o Dr. Patton i kona mahalo no na mea i hoikeia aku. Hapaiia no na Hoike Kihapai ame na Aha Mokupuni. Na Rev. C. M. Kamakawioole i kana hoike no na hana o ka Aha Mokupuni o Hawaii; na Rev. L. B. Kaumeheiwa i luina Hoike Kihapai no na Mokupuni o Maui, Molokai ame Lanai; na P. D. Kellett i ka laua Hoike Kihapai ame na hana o ka Aha Mokupuni o Oahu; a waihoia keia mau Hoike i ke Komite. Ma ka hora 11:35 a; m., ua noho ka Aha e hoolohe i ka wehewehe Baibala a Rev, John P. Erdman ma Kolosa I. Na ka Lunahoomalu he hoolaha, mamua o na hookuu ana apau o keia Aha ma keia nee ana aku, e malamaia ka lulu no ka waihona o ka Aha. No ka pau e o ka manawa o keia Aha elike me ia i hoikeia ma ka Papa Kuhikuhi Hana; ua hoopaneeia keia halawai a noho hou mai ma ka Poakahi, Iune 15, ma kona ma-nawa i hoikeia ma ka Papa Kuhi-kuhi Hana. Hookuuia me ka pule mai ka Lu-
nahoomalu, Rev. Henry K. Poepoe,
mai.
PAALUA D. KELLETT,
Kakauolelo.
(Aole i pau.) HOOMANAO KA AHAHUI KAA-
HUMANU. Ua malama ae ka Ahahui Kaa-
humanu he anaina hoomanao no ka
piha ana o ka 20 makahiki o ke
ku ana o keia ahahui me ka maikai
ame ka holomua, ma ka hele ana
i ka pule ma Kawaiahao, i ka pau
ana o ka pule ua nane aku na Iala
apau oko Oahu nei ahahui, me ko
Hawaii, Maui ame Kauai mau Kaa-
humanu i hele mai aei i ka ahahui
paeaina, ka Rev. A. Akana, Rev.
S. L. Desha, ka Meia J. H. Wilson,
kekahi mau lunanui o na Ahahui
Hawaii o ke kulanakauhale nei, ma
ka home o Mr, Kaoo no ke kapaakai
pu ana iho i kahi mea nuku i hoo-
makaukauia no ka hoomanao pu ana
i keia la.
He ma'u no kahi mea uuku o ke | | | | | | | | | | aloha no ka mea nui. Ua malama ae ka Ahahui Kaahumanu i ka lakou halawai makahiki, mo ke koho hou aoa o na lunanui no keia makahiki e noo nei. Ua heluheluia na hoike o na loaa ame na hoolilo o ka ahahui, a ua ikeia e na lunahooia, he o ia mau no ka holopono o na lawelawe oihana a na lunahooko, na kakauolelo, na luna e ae ame na komite o keia ahahui, Aohe o kakou aie, a ke komo mau
mai nei no na lala hou. I ka makahiki 1924 o no lala i make, i keia makahiki 1925, he 3 no lala i make. He 8 Iala komo hou no keia makahiki. Ka moowaiwai o keia ahahui ma
ke dala ame ka aina, he $13,723.88.
E ola mau ka Ahahui Kaahumanu i
ke Akua mana Ioa. Koho hou ia na lunanui kahiko apau: Miss Lucy K. Peabody, peresidena; Mrs. Caroline K. Wallace; hopeperesidena; Mrs. Lahilahi Webb, Kakauolelo; Mrs. Lilia K. Aholo, i hope kakauolelo; Mrs Esther W. Kelle, puuku; Miss Kawailani Sylva, Komite; Mrs. Ellen H. Dwight, lunahooia; Mr. Henry Smith, kahu aina. Na lala o ka papa mana hooko.
Mrs. Louisa Ahrens,. Mrs. Kalani
Henriques, Mrs. Caroline Robinson,
Mrs. Elizabeth H. Gittel, Mrs. Liz-
zie Kahookano, Mrs. Kanea Simer-
son, Mrs. Julia Kahanamoku, Mrs.
Elizabeth K. Defries, Mrs. Susan
Kaahea. HE HOALOHALOHA KO MRS. LE-
PEKA KAHELE OPIO, Mr. Solomon Hanohano; Aloha oe ame na keiki pa'i Nupepa Kuokoa: E oluolu mai me ka haahaa i kekahi kolamu o kau nupepa pookela no na manao hoalohaloha no ko makou hoaloha i hala Mrs. Lepeka Kahele opio. Ua hanauia o Mrs. Lepeka Kahele Opio ma Kohala-loko, Hawaii, a haalele mai oia i keia ola honua ana ma ka la 11 o Mei, 1925. Ua nui a lehulehu na keiki i lawe aku ka make a koe hookahi; oia o Mrs. Esther Kaniho Mahoe ame na moopuna kane elua. He mea nui keia mau moopuna iaia i kona wa e ola ana. Auwe auwe, ua hala, ua hala, ko makou hoaloha Mrs. Lahapa Kahele Opio, ke ala hoi ole mai. He lunanui oia no ka Ahahui Poola o na wahine, ma ke kulana kakauolelo ohi dala nei kona mahaloia no kona malama, a hoopono i ke kulana ana i paa ai no na makahiki lehulehu. He lala oia ao ka ahahui Kalama. Ke haawi nei makou i na hoomaikai ana i ka Ahahui Poola o na wa-hine, ka Ahahui Kalama, ka ohana ame na hoaloha i akoakoa mai no ke kokua like ana i kona la hope. Ke pule nei makou, i ka Makua Lani, e haawi mai i na kokua ana ame na hoomaikai ana ia kakou apau. O makou iho ao ine ke aloha,
MRS. K. KAILIANU,
MRS. LOKALIA LUHANA MRS. K. SCHUTTE, HOOLAHA. Hoolimalima o ka Lokoi'a, Kahana,
Koolauloa, Oahu. E apoia aku no na koho apau no ka hoolimalima o ka lokoi'a i onaia e ka Hui o Kahana, e waiho la ma ka aoao Kaneohe o ke Kaikuono o Kahana, no ka manawa o elima ma-kahiki mai ka Ia mua aku o Augate, 1925. Ma ke kakau na koho apau e pono ai a e waihoia mai me E. H. Wodehouse, Puuku o ka Hui o Kahana, Bumi 606 Hale Stangenwald, Alanui Kalepa, Honolulu, ma a i ole mamua ae o ka Poalima, Iulai 31, 1925 ma ka hora o ke awakea. Ke hookoe nei na lunanui o ka Hui o Kahana i ka pono e hoole i kekahi a i na koho apau. Hanaia ma Honolulu, T. H. Iune
18. 1925. E. H. WODEHOUSE,
Puuku, Hui o Kahana.
6366—Iune, 25; Iulai 2. 9, 16. Nupepa Kuokoa No ka makahiki (one year)....$2.50 O na Dala ame na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 8110, Honolulu, T. H. 217 Alanui Moi, ma Waikiki O ke Alanui Alakea; ka Nupepa Advertiser. Entered at the Post Office at Honolulu, T. H., as Second Class Matter. SOLOMON HANOHANO, Luna
hooponopono, CHARLES S. CRANE Luna Nui | | |