Ka Nupepa Kuokoa, Volume LXIV, Number 28, 9 July 1925 — EHA HE WAHINE MA KEKAHI ULIA KAA [ARTICLE]

EHA HE WAHINE MA KEKAHI ULIA KAA

' Mamuli o ka hoohu'i ana o kekahi mau kaa otomobile elua ma ke ! kihi o na alanui Moi me Bihopa ma ' ka po o ka Poakolu o ka pule aku la i hala, i halawai ai o Mrs. A. C. Gouveia me ka eha kukonukonu, ka ' mea nana i kono mai i ka oihana makai, e hoihoi aku iaia maloko o ka Halema'i Moiwahine e lapaauia mai. Ma ka moolelo e pili ana i ka hooku'i ana o na kaa otomobile elua, v kau ana kela wahine maluna o ke I.aa otomobile o kana hunona, oia o H. N. Nivens, a iloko o kona nanea, i kiolaia aku ai oia a hooku'i me * noho mamua o e kaa a eha loa, i ka wa i hooku'i aku ai ke kaa ana e kau ana me ka kaa otomobile e hookeleia ana e Dennis Cruz. Hookahi ka kumu o ka hookn'i ana o na kaa a elua i kahi hookahi, 0 ia no ke o"ki pokole ana o Nivens 1 kona kaa, iaia i hoohuli ai ma ke kihi o na alanui Moi me Bihopa.