Ka Nupepa Kuokoa, Volume LXIV, Number 29, 16 July 1925 — Page 3

HE MOOLELO

— No Ka —

MEAHUNA POHIHIHI

a i ole

Ke Aka Maalo i ke Kulu Aumoe Ame na

Miliona Dala i Nalowale ka Poe Haki

haki Kanawai Iloko o ka Umii.

Ua hoomakaukau mua nae ka makaikiu iaia iho, oiai aia mau no ka manao hopohopo iloko ona, e moku ana ke kaula nolaila aole oia i noho nanea wale, nolaila, i keia moku ana o ke kaula, ua haule pololei iho la no ka makaikiu maluna o kona mau wawae me kona hikaka ana aku nae no kekahi mau kapuai lehulehu ahiki i kona ku pololei ana ae iluna, me ka hina ole ilalo.

Ua ikeia mai kela hana koa a wiwoole a ka makaikiu e ka nui o na kanaka i hoea mai no kahi o ka hale pauahi; ua hoopuni koke ae la kekahi poe kanaka ia Demona, me ka hoohainu ana mai o kekahi o lakou i ka wisake, a no kekahi mau minuke pokole wale no, ua hoi pono mai la ka noonoo maikai iloko o Demona, me kona waiho ana aku i ka wahine ado, malalo o na lawelawe ana mai a kekahi poe, i wahi e pohala ae ai oia mai kona noonoo kupouli mai. Me ka nana ole aku no kela wahine aoo, alaalawa ae la ka Makaikiu Demona ma kela ame keia wahi, a ike aku la ia Mode i ke ku mai, hele aku la oia no ka hui pu ana me ke kaikamahine opio. Elike me ke kauoha i haawiia aku i ke kalaiwa, aia no ua kanaka nei ke ku makaukau mau la me kana pu panapana iloko o ka lima, aohe he poe hookokoke aku i kana wahi e ku kiai la no ka pono o ke kaikamahine. I ke kokoke ana aku o ka makaikiu imua o Mode Linekona, wehe ae la oia i kona papale, me ka ninau ana aku: "Ke mahao nei au, aole i loaa ia oe e Miss Linekona kekahi mau poino, mawaho ae o kou mau manao pihoihoi, pela anei ka mea oiaio?" Ma kahi o ka pane koke mai o Mode Linekona i ka ninau a ka makaikiu, nana pono loa mai la oia me na manao hoohewahewa i piha pu no hoi me ke kahaha, no ka mea ua kaokoa loa ae keia kanaka mai ke ano mai o ke kanaka ana i ike mua ai, he oiaio ua pau na ku'eku'emaka o ka makaikiu i ke ahi, ua hele hoi kona lole e komo ana a eleele i ka uwahi, a no kona pane ole mai, i hoomau hou aku ai no ka makaikiu i kana kamailio ana: "Ke ike aku la au, ua hoohewahewa oe ia'u. Owau no keia o ka Makaikiu Demona." "Auwe no ka hoi kuu hoohewahewa ia oe!" i pane mai ai e Mode Linekona me kona nee ana mai imua he mau kaina-wa^n^1 me ka haawi pu ana mai i kona lima akau no ke aloha ana. "E huikala mai oe ia'u no ko'u hoomaopopo ole ana ia oe a ua aie nui loa au i kou lokomaikai, no ka hoopakele ana i kuu ola mai ka make mai." "Ua hooko wale aku no au i ka mea hiki i kekahi kanaka ke lawelawe; ina no paha he mea okoa aku ka i hoea mua mai no keia hale pauahi, e hooko aku ana no oia i ka hana hoopakele, elike me ia a'u i hana aku ai," wahi a ka makaikiu ma ke ano hoolalau, i wahi e kaohiia aku ai ke kaikamahine opio mai ka noke ana mai i ka mahalo iaia nei. "Ua loaa anei ka ikaika maikai ia oe, e hiki ai ke hele no kekahi mau kapuai lehulehu ahiki i kahi i ku ai o ke kaapio?" I ka haawi ana aku o Mode i kona ae, no ka hiki iaia ke hele me ka pilikia ole, olelo aku la ka makaikiu iaia e kakali no kekahi mau minuke alaila hele aku la oia no kahi o ka wahine aoo e hoopuniia ana e na kanaka. Ua pohala ae ua wahine nei, a mamuli o ke kokua ana mai a kekahi mau kanaka elua, i hiki ai iaia ke ku iluna, me ke noi ana aku o ka makaikiu i kela mau kanaka e kokua mai laua i na wahine nei, ma ka lawe ana mai iaia no kahi o ke kaa i

ku ai. Haalele aku la o Demona i ka wahine aoo, a hoi mai la no kahi a Mode e kakali aku ana, o ko laua hele aku la no ia no kahi i ku ai o ke kaa, me ka ukali mai o ke kalaiwakaa mahope. O ka mea apiki nae ia lakou o ka hoea ana aku no kahi i kukuluia ai o ke kaa, aole ke kaa ma kela wahi, a no ka manawa mua loa akahi no a komo aku ka noonoo iloko o ka makaikiu, ua lilo ua kaa nei i kela kanaka paahao ana o ka lawe pu ana mai ka halewai mai. Iloko o ka pioloke o kona noonoo, ua palaka maoli no ka Makaikiu Demona no kana lawehala, aka no kela lawehala nae, ua kakali malie oia ahiki i kona ike ana, aohe mea noonoo mai nona, o kona haalele aku la no ia i ka hale pauahi, ame ka nui o na kanaka e akoakoa ana malaila, a holo mai la no kahi i kukuluia ai o ke kaapio, o kona kau aku la no ia, a holo aku la no kahi e paa hou ole aku ai oia i ka hopuia. Ua lilo kela hana hemahema ma ka aoao o ka makaikiu i kumu nona e mihi ai, he mihi make nae wahi a ka olelo, he

mea makehewa wale no ka noonoo ana ae no ka mea i hala,

nolaila mahope o na hooikaika ana, ua loaa aku la he kaa hou,

a kau aku la ka makaikiu me kana mau ohua, a huli hoi aku

la no ke kulanakauhale.

Ma keia alahele huli hoi no ke kulanakauhale, aole he mau

olelo i kamailioia mawaena o ka makaikiu ame kona mau hoa,

aka he nui nae na mea iloko o ka noonoo o ka makaikiu e hana

la i kela ame keia manawa.

O ka holo hoi ia o ke kaapio ahiki i ka hoea ana aku mawaho

o ka hale o Mode Linekona, lele aku la ka makaikiu ilalo, me

ka lalau ana mai i ka lima o Mode, a huki aku la ilalo, a ma-

mua o ka haalele ana aku o Demona i ke kaikamahine opio,

pane mai la o Mode i ka i ana mai:

"Ua nele loa au me na huaolelo kupono, no ka haawi ana

aku i ko'u mahalo nui loa ia oe, oiai nae ua hele kuu puuwai

a piha no kau mau mea i hana mai ai no'u. Hookahi a'u noi

ia oe, ke ae mai oe, o ia kou hele ana mai e ike ia'u ma ke

kakahiaka o ka la apopo e Mr Demona."

Haawi aku la ka makaikiu i kana hooia, no kona hoea aku

no ka ike ana i ke kaikamahine opio ma kekahi la ae, alaila

kuikuilima aku la oia me Mode ahiki i ke komo ana aku o ke

kaikamahine opio maloko o kona home, hoi hou mai la oia

no kahi o ke kaapio, a kauoha aku la i ke kalaiwa, e holo polo-

lei no kahi o ka halema'i.

Maloko o ka halema'i i waihoia aku ai ka wahine aoo, ma-

lalo o ka lapaau ana mai a na kauka, me ka haawiia ana aku

o kekahi kauoha paa, e malama loa lakou i kela wahine, me ka

ae ole aku i kekahi mea e ike iaia, ahiki i ka hoea hou ana aku o ka makaikiu, alaila hoi pololei loa aku la o Demona no kona hale, no ka hooluolu ana mai na luhi mai o kela po. Ua hele no hoi a awakea, akahi no a haalele iho ka Makaikiu Demona i kona mau rumi, me ke komo ana i kona lole kahunapule, elike no me kela kulana mua ana i hoea aku ai no ka home o Mode. I kela hoea ana aku o ka Makaikiu Demona no ka home o Mode Linekona, e kakali mai ana no ua kaikamahine nei iaia, ma kona helehelena nae, e hoike mai ana na hoailona, no ka hoohala ana o ua kaikamahine nei i kekahi manawa o kela kakahiaka ma ka uwe ana. I ka wa a Mode i ike mai ai i ke komo ana aku o ka makaikiu ku mai la oia iluna, me ka hele ana mai e halawai me kona hoopakele, me ka pane pu ana mai: "Ke hauoli loa nei au no kou hele ana mai la e ike ia'u, a no ka hiki ole ia'u ke moe oluolu ma ka po nei, no ka nui palena ole o kau mea i hana mai ai no'u, e ae mai e haawi hou aku au i ka'u mau hoomaikai palena ole ia oe, mailoko mai o kuu puuwai." No ke kui'o Ioa o kela mau olelo i kamailioia mai, a no ka hiki ole i ka makaikiu ke hoohewahewa aku i ka maemae maoli o kela kaikamahine, ma na hiona o kona helehelena, ua hoopaia aku kona uhane, ka. mea i loaa ole iaia pela mamua, a o ia kana o ka pane hoolalau wale ana ku no: "Aohe a kaua kamailio hou ana no na mea i hanaia ma ka po i hala ; no ka mea ua hoike mua aku no au ia oe, he hana ia a na kanaka apau e hiki ole ai ke nanamaka wale aku. No kau kono ia'u e hele mai e hui pu me oe i keia kakahiaka ke hooia aku nei au imua ou, ua makaukau loa au e hooko aku i kou mau makemake apau, ina no kou waiho mai i kekahi hana na'u e lawelawe aku." Hiolo makawalu mai la na waimaka mai na lihilihi mai o Mode Linekona, me ka paa ana mai o kona mau Uma maluna o na poohiwi o ka makaikiu alaila pane mai la: "Ke makemake nei au, ma he mea hiki kekahi e hanaia, i kumu no'u e ike hou aku ai i na maka o kuu hoahanau." "He oi ae ka pono, o kou uumi hoomanawanui ana i ke aloha hona," wahi a ka makaikiu, me kela manao hiipoi no iloko ona no ke ano o kela kaikamahine opio. "Ina nae ua hiki ole ia oe ke uumi i kela makemake ou, malia roa ia ano wale no paha au e ae aku ai." "Ua nui ko'u makemake e ike hou i kona helehelena, a aole e loaa ka maha i kuu uhane ahiki i ko'u honi hou ana ma kona mau papalina." No kela paakiki loa o Mode Linekona ua haawi okoa aku la o Demona i kona ae, e ike o Mode i ka helehelena o Akeneki kona hoahanau. Ua waiho aku ka makaikiu i ka malama ame ka hoomaemae ana i ke kino o ke kaikamahine opio malalo o kekahi kanaka hoolewa kino kupapau, nolaila aole ona hopohopo iki, no ka maemae o ke kino make, e lilo ole ai 1 mea hoopilikia mai, i ka wa e ike aku ai o Mode. No ka hooko ana aku i kela makemake o ke kaikamahine opio, e hele e ike i kona hoahanau, kauoha aku la ka makaikiu ia Mode e hoomaaukau iaia nolaila ua kakali malie o Demona ahiki i ka paa ana o ko Mode Lole, o ko laua haalele iho la no ia ialoko o ka hale, a i ka maalo ana. ae o kekahi kaapio ma ke alanui, kauoha aku la o Demona, i ke kalaiwa e lawe pololei ia laua nei no ka hale waiho o na kino kupapau. Ia laua i lele aku ai mailuna mai o ke kaa, mawaho o ka hale waiho kupapau pane aku la ka makaikiu ia Mode i ka i ana ae: "E hoao oe e uumi i kou mau manao kaumaha apau, ma kou manawa e ike aku ai i ka helehelena o kou hoahanau. Ua oi ae kona hauoli i keia manawa, mamua o ka wa ma ka honua nei, a pehea ka nui o kou mau manao kaumaha ame ka ehaeha, aole ia he kumu e hoi hou mai ai ke ola iloko o kona kino." Ke naka la o Mode me ka haalulu, no kona piha me na manao pihoihoi, oiai ka makaikiu e noke aku ana i ke kamailio i kela mau olelo ae la maluna, aka pane mai la oia ma ka olelo ana mai: "Elike me kau kauoha, pela no au e hoao ai ma na ano apau e uumi i ko'u mau manao kaumaha," wahi ana me ka haka pono loa ana mai o kana nana ana maluna o na maka o ka makaikiu. Malalo o na kauoha a ka Makaikiu Demona, ua maikai maoli ka hoomaemaeia ana o ke kino o ke kaikamahine make, ua hanaia hoi ka puka poka ma ka lae, a nalo loa, me he mea la, e hiamoe ana no kela kaikamahine maloko o ka pahu kupapau. Lawe pololei aku la ka makaikiu ia Mode noloko o ke keena i waihoia ai ke kino kupapau o Akeneki, a i ka manawa mua loa i halawai aku ai ka ike a ke kaikamahine opio me ka helehelena o kona hoahanau, ua hiolo makawalu mai la kona mau waimaka, aia no hoi ka makaikiu ke noho malie mai Ia nana i ke kulana o Mode. Mai kela hiolo makawalu mai nae o na kulu waimaka o ua kaikamahine nei ahiki i kona holoi okoa ana ae i na waimaka alaila, neenee mai la oia imua, me ke kii ana aku, a wehe ae la i ke pihi o ka lole i hookomoia maluna o ke kino make, a ahuwale ae la na poohiwi elua. Me he mea la, ua auhee koke aku Ia ke kaumaha ame ka ehaeha mai ia Mode aku, a o ke kahaha ame ke kanalua ke nohoalii ana maluna o kona helehelena me ka huli ana aku imua o ka makaikiu, a i aku la: "Aole no kou hoahanau keia kino make, aka he mea okoa loa no!" MOKUNA IX.

No kela lele ana aku o ke pio iloko o ka nanea o Kapena. Paka, e uumi i kona kania-i, ua hiki ole i ua alakai nei o ka poe hakihaki kanawai, ke maopopo i kana mea e hana mai ai, no kona palekana. Iloko o ka hele o kona kino a wiwi, me ka nawaliwali pu o na lima ame na wawae, i ka hoopaaia i ka hao, he mea hookahaha i ka manao, ka hiki ana ikeia kanaka pio, ke hoonahoa mai maluna o Kapena Paka, hookahi nae kumu nui o ka hiki ana iaia ke lawelawe i kela hana, ua lilo kona piha inaina ame ka huhu, i kumu e hookomoia aku ai ka ikaika iloko o kona kino, a iloko o ka manawa a Kapena Paka, i moeuhane mua ole ai, aia hoi, ua paa mai la kona kania-i i ka hopuia, ua like kela mau manamanalima nawaliwali me he mau hao kila la, me ka hookeia ana aku o Kapena Paka a pili pu i ka paia, uwoki oe e nui ana ka leo i ka uwe. He kanaka kino ikaika nae o Kapena Paka, a ua komo nui iloko o na hana hooikaika kino, nolaila iaia i ike ai i kona pilikia, ua hoomaka ae la pia e kupaka me ka hoao ana e kiola aku i kona hoa paio iluna o ka papahele, aohe nae wahi mea a makili ae o na manamanalima o ke kanaka pio. Aia na kanaka a elua ke aumeume la maluna a malalo no kekahi manawa, ahiki i ka paa loa ana o Kpena Paka malalo, me ke kukuli okoa ana iho o ke kanaka pio maluna o ka uma-

uma, a hui pu iho me kela mau lima e puliki ana no i ke kania-i, ua lilo maoli ua kapena nei he pio. O na hiona ke nana aku maluna o ke kanaka a Kapena Paka o ka hoopaa pio aha, he kulana weliweli ia ke nana aku, o ia no oe o kekahi kanaka i uluhia e ka ma'i pupule, a ke nana aku ma kona mau maka, me he mea la, hookahi wale no noonoo nui iloko ona, o ia ka hookau ana aku i ka make maluna o ke kanaka nana i hoolilo iaia he pio malalo o kona malu. No kela loihi loa o ka uumiia. ana o ke kania-i o Kapena Paka, ua hele maoli a pii ka uli o kona helehelena, hoho ae la no hoi kona puu, iaia i hoao ae ai e hanu, no kela ano o ua kanaka nei, i hookuu ae ai ka mea i lilo he pio, i kana paa ana i ke kania-i, a iaia i hookuu ae ai i kona mau lima, i haule iho ai ke kino o Kapena Paka i ka papahele me ka onioni ole o ia no oe o ka mea ua make. Me ka hoohakalia hou ole iho, kii aku la ua kanaka nei i ka pu panapana, a hoopili iho la i ka waha o ka pu, ma ka lae o Kapena Paka, a no ka onioni ole ae o ua kapena nei, noonoo iho la oia, ua kupouli ka noonoo o ua kanaka nei nana i hoolilo mai iaia he pio nana mamua aku, nolaila ku ae la oia iluna me ka maloeloe, me ka hooho ana ae i keia mau olelo : "Akahi a loaa ia'u ka palekana; ua lilo keia kanaka ino i pio; he mea lanakila au i keia wa! Elike me ko'u hoomanawanui ana i na ehaeha iloko o na la aku la i hala, pela auanei oe e hoehaehaia aku ai ma keia hope aku, ahiki i ko ike maoli ana i ka hua awahia o kau hana kolohe." Me kela hiona no o ka inaina ma kona mau maka, hopu iho la oia i ke kino o Kapena Paka, a kaualako aku la no kahi o ka mauu e waiho mokaki mai ana, lalau aku la i ke kaulahao, ana i oki ai a moku, a hauhoa ae la i na lima ame na wawae o Kapena Paka, me kona hana ana iho, e hiki ole ai ke hemo, ke ole e ehe maoli ia e kekahi mea okoa aku. Iaia i ike iho ai, ua paa kana pio i ka hauhoaia me ke kaulahao, lalau aku la oia i ka pu panapana, hopu iho la i ka ipukukui, o kona haalele aku la no ia ialoko o kela hale, a hele mai la no kalii o ka puka, a iaia i hemo Ioa aku ai iwaho, i ki mai ai i ka puka a paa mawaho mai. Mamua o kona hele ana aku no kahi o ke alanui, huna iho la oia i ka pu panapana iloko o ka pakeke o kona lolewawae, kinai iho la no hoi i ka ipukukui a pio, o kona hoomaka aku la no ia e hele, a i ka pa ana mai o ka makani, honi aku la oia i na ea oluolu, ka mea nana i hoihoi hou mai i ka ikaika iloko o kona kino. Me kela kulana o- ke kanaka ano hou, i hooho ae ai oia, i ka pane ana ae i keia mau huaolelo o ka hoomaikai: "E ke Akua lokomaikai, ua like pu keia me na ea o Kou Paredaiso nani; ua haawi mai Oe ia'u i na kokua ana, e lanakila au maluna o ka mea nana i hoomainoino i kuu kino. Nani ka nui o keia makana hiwahiwa au i haawi mai nei ia'u iloko o ko'u mau ehaeha." Me kela mau olelo i hoopukaia ae, i kamoe pololei aku ai kana hele ana noloko o ke kulanakauhale, me ka maopopo ole nae iaia o ka pahuhopu o kana huakai ma kela po. No ka loihi loa o kona paapio ana, me ka honi ole aku i na ea oluolu, ua like pu oia me kekahi kanaka ona, ka hikaka o kana hele ana, he mea liilii wale no nae kela i kona noonoo hookahi mea nui, o ia no ka loaa hou ana iaia o ka lanakila a ua pau ka noho ana he pio malalo o kekahi kanaka lokoino. No hookahi hora paha kela hoomau ana aku ana i ka hele no ke kulanakauhale hoea aku la oia no kekahi paka, a ma luna o kekahi noho loihi, i noho iho ai oia e hoomaha, no ka mea ua hele maoli kona mau wawae a maopaopa. No kekahi manawa loihi kona noho malie ana, aole ona wa hi mea a ike aku i ka maaloalo ae o kekahi kanaka, a iloko o ka maha o kona noonoo, hoomaka wale ae la no oia e akaaka me ka hooho ana ae: . "Ua maopopo i na mea apau ka meahuna e pili ana no na miliona dala, aka nae o ke ki, e hiki ai ke loaa aku kela mau dala ia lakou, aole loa he mea e loaa ai ua ki nei. Ma kuu manawa i kanu ai i na dala iloko o ka lepo, ua kakau au i na mea apau maloko o ka apana pepa, a koe ka mea a kela poe i ake loa ai e ike. Ua haawi aku ai he hapalua o kela mau dala na Akeneki, a o kekahi hapalua ia Mode. "Ua kapa mai lakou ia'u, ua pupule ia au, o ka lakou paha ia i manao ai, aole nae au i pupule, no ka mea ke mau nei no ko'u hoomanao ana i na huahelu a'u i hoikeike aku ai i kuu mau kaikamahine." Aia no ua kanaka nei ke hoomau Ia i kana noho ana, me ka noonoo ole ae e hoi pololei no ka home i noho ai o kana mau kaikamahine elua, a i ka hala ana o kekahi manawa hou o ka noho hoomaha ana maloko o ka paka, ia wa i hoomaka ae a oia e akaaka me ka leo nui, aole he wahi hopohopo iki iloko ona, no ka lohe mai o kekahi mea i kona akaaka, alaila hoopuka hou ae la i keia mau huaolelo: "I kuu kaikamahine ia Akeneki, i hoike aku ai au i na huahelu 15, 15, o ka manao o kela mau huahelu, he waipuna; a ia Mode hoi, na huahelu 16, 125, a o ka manao o kela mau huaolelo,ka Mokupuni Kekena, Aole loa au i poina iki i kela mau huahelu, a e hele pololei loa aku ana au no kahi a'u i huna ai i kuu mau miliona dala, a e ike auanei kela puulu, na Iakou i hoao e aihue i kuu mau dala, he hana paakiki loa ka loaa ana aku o kekahi hunahuna o kela mau dala ia lakou." Ma kela wahi o kana mau olelo o ka hoopuka ana ae, ike aku la oia i ka hele ana mai o kekahi o na makai kiai paka nolaila ku ae la oia iluna a haalele iho la i ka paka; mai loihi loa aku paha kana noho ana malaila, ina aole i hoea koke mai kela makai ; aole no nae ona nana no ia mea. Ke pono hele wale la no oia, ua piha kona noonoo, me na mea e pili ana I kana mau miliona dala, no kona kii hou i kela mau dala, a lawe mai kana wahi o ka huna ana. No ka hora hookahi paha kela o kona hoomau ana i ka hele, hoea aku la oia ma kapa o ka Muliwai Hikina, a ma kekahi paila o na pou uwapo, e waiho ana ma ka uwapo, i hele aku ai oia a hoolilo iho la i kela wahi, i wahi nona e hiamoe ai. Ua hele no hoi a puka ka la ma kekahi kakahiaka ae, akahi no oia a ala mai kona hiamoe mai; ke alaalawa Ia kana nana ana ma kela ame keia wahi, o ia no oe o kekahi kanaka hana karaima, aole nae ona ike aku i kekahi poe, nolaila ku ino ae la oia iluna, a hoomaka maila ka hele ana ma ke alahele e hoea ai no ke taona. Ma kona alahele i halawai aku ai oia me kekahi poe kanaka lehulehu e hele ana ma ka lakou mau hana, nana mai la kela poe iaia me na manao hoihoi ole, i ko lakou ike ana mai i keia kanaka me kona mau lole nahaehae, aole hoi he papale ma kona poo; aka no kekahi poe nae, aia no na manao aloha iloko o lakou nona, me ke ku ana iho o kela poe ma ke alanui, me ka manao e haawi mai, i kekahi mau kenikeni, no ke kokua ana i keia kanaka nele a ilihune, aole nae oia nei, nana aku ia lakou, ke hoomau la no oia i ka hele ana imua; aia nae ka ka manao hilahila iloko ona, i ka ike iho i ka weluwelu o kona lole, ka pukalaki o kona lauoho, ame ka puhuluhulu p kona helehelena. (Aole i pau)

He Moolelo Hooniua Puuwai NO KA UI NOHEA

GELADIOLA

Ra Ipo Aloha a na Mea Aloha Elua

Kulou iho la ko Felorika poo maluna o kona mau lima a i mai la: "He wahi moolelo liilii ano ole wale no, eia nae he kanaluna ko'u ina he kaikamahine e aku kekahi i like me a'u ka hoolauaiele wale ia o ka noonoo. Ua hui au me kekahi kana ka opio kulana keonimana ma kekahi ano a ua lilo ia hui ana a maua i mea hoehaehaia o ko'u noonoo. "O ke kumu no o ko'u aloha ana iaia no kona hoopakele ana i kuu ola he kaikamahine make au, e ole nae o ia pakele a au. No na pule lehulehu ko'u noho ana maloko o ka paredaiso nani me ka moeuhane mau ana nona, a i ka hala ana o ia manawa ike iho la au ua nahaha ka'u mau kakela i kukulu ai i ka lewa, i ka manawa a'u i ike maopopo ai ua lilo aku la ke aloha o kela kanaka opio i kekahi kaikamahine ui okoa aku, he kaikamahine i hoopunipuni loa mai iaia, he kaikamahine nae i hiki ole ai i kela kanaka opio ke hoopau i kona aloha ana iaia." "No keaha no ka kou mea hoike ole aku Ia kanaika ua aloha oe iaia?" hupo maoli ka oe, eia nae uumi malie wale iho la no oe iloko iho ou a aloha wale aku la no oe ia kanaka me kou nonoi ole aku iaia. Ma kou nanaina a'u e ike aku nei he noo-noo maikai kou eia nae, ua hoohupo oe ia oe iho. No'u iho ina he kanaka ka'u i aloha ai e nonoi aku ana wau iaia, a ina oia e hoole mai no ke kulike ole o ko maua mau manao pau iho la no au malaila," i pane mai ai o Mrs. Baraunu. "Ua manao iho nei au e loaa mai ana la kekahi aloha ia no'u e oe ma kahi hoi o kou hoehaeha mai, "i huna iho ai o Felorika i kona mau maka iloko o kona mau lima, me ka ho-lelei pu o na waimaka. "Ua hoike aku la au i ko'u aloha ia oe a nau ia e noonoo iho a no'u nei la ea, he aloha au i na kaikamahine i lilo ko lakou mau puuwai i ke kanaka e mamuli o kekahi hana hooipoipo a hana aloha paha." "Pehea la auanei e hiki ai ia'u, ke alo ae no ka mea he tia na maikai ka kela kanaka opio o ka hana ana mai no'u, ma lia paha o ko ke Akua makemake no ia e aloha aku au iaia, ka mea i hoike mai i kona aloha no'u," wahi a Felorika. "O he ano hewa loa kena e nana iho at ma keia ano Kamili Ina he paa mau kou manawa i ka hana aohe ulu mau ae e keia mau mea iloko o ka noonoo no ka mea aohe manawa, he moeuhane palaualelo loa na na kaikamahine ka noonoo wale ana aku no maluna o na kane, ka poe e hana ana me na manao kolohe. "Hoopau Ioa oe i ka mea e pili ana i ke aloha mai kou ; j)^ noo ae no ka manawa pau ole, a e hoao oe e huli i kana natjj e hiki ana ke malama mai ia oe, a o ka mea hoi e hiki ana lli hapai ae i na auamo kaumaha a pau mai kou mau poohiwi ae, oia no ka'u ao i kekahi mau kaikamahine, a pela no ia oe i nei manawa. "E hiki mai ana he manawa au e nana aku ai ihope a e kaumaha iho ana oe ina aole oe e hoolohe ana i keia ao a'u, E hoomakaukau, aneane i ka manawa no kaua e hoea aku ai i ke keena hana, iha he makemake kou e ike i ka lunahoohana no ka mea e pili ana i ka hana. "Aohe ou manawa e hooponopono ai i kou mau aahu ina e hele aku ana oe i ka hoikeike o keia la." "Manao au aole hiki ia'u ke hoopiha aku i kalii o kela hana elike me kau i makemake ai," i pane aku ai o Felorika. "Aole kela he hana paakiki, o kau hana wale no o ka fc-J| ikeike aku i ko minoaka hoihoi a me ka hoomaikai ae i few nanaina, ina he mea kekahi e kamailio mai ana ia oe." "Pela no, aka i ko'u manao he hana ia e hoikeike aku «nt i ke ola hoopunipuni o kekahi," wahi a Felorika. "O, mai hoolilo oe i kekahi mea liilii elike me kela i mea hoopilikia i kou noonoo, no ka mea, ke hana oe pela, aole loa oe e holomua ana ma kau mau hana ma keia ao. Ina e loaa mai ana kela hana ia oe ea, e mahalo iho oe, no ka mea na ka lokomaikai o na. lani ia pomaikai i haawi mai la. Me na manao like ole e hana ana iloko o ko Felorika naau i hele aku ai laua me kona hoaloha ahiki i kahi i manaoia malaila e loaa aku ai ka lunahoohana. Ua paa loa ko Mr. Seridana manawa i ka hana ia manawa 4 laua i hiki aku ai maluna o kekahi mau palapala ana e naaol ana maloko o kona keenahana, a komo aku ana o Mrs. Baraunu me ke kikeke ole aku i ka puka elike me ka rula. "E Mr. Seridana," i hoomaka aku ai ka wahine e kamailio me kela ano leo i kamaaina mawaena iho o laua no na make hiki lehulehu i hala," ua lawe mai nei au i kekahi gula mailoko mai o ka. lua maine imua ou i nei manawa." "O ia anei ka mea oiaio? O, ke hauoli loa nei au i ke lohe ana mai la no ia meal" wahi a ka lunahoohana o ka pano ana mai, mahope o kona wehe ana ae i kona maka aniani. "E hiki mai aha anei oia maanei ma ka po o ka Poaono? Manao an aole e ukuia ana, aohe no he makemakeia o kekahi kaikama-hine hou." "Ua kaumaha hoi oe no ka haalele ana o na kaikamahine Casiana ui au, owai ana ma ko laua wahi? Ua hiki kela wahi i hakahaka ke hoopihaia e kuu hoaloha opio eia maanei i nei manawa," i pane aku ai ka wahine. Ia manawa huli mai Ia o Mr. Seridana a nana mai la ia Felorika i ke ku aku mahope o Mrs. Baraunu me ka helehelena kahaha. "O kekahi anei keia o na kaikamahine i manao e lilo i hooilina wahine no kekahi miliona dala ina e loaa ana kana hana maluna o kahi hoikeike?" wahi hou ana i ninau mai ai. "O, aole. Aohe ona manao pela, na'u i hoakaka aku nei iaia no kona makemake i hana nana, o onei kahi e loaa ai kana hana, ke ae oe. O keia ke kaikamahine a'u i kamailio mua aku ai ia oe ka mea nona ka helehelena e lilo ai i mea huli pomai-kai nui ina e hiki ana e loaa oia i kekahi kanaka." "A he! Ae, ke hoomanao nei au ia olelo ana mai au, alaila o keia ua kaikamahine la ea? E Miss Wela, ke hauoli nei au i ko'u halawai ana me oe. "Ua mele mai ko hoaloha nei i kekahi Himeni hoomaikai a mahalo nui nou," wahi a ka lunahoohana ia Felorika, mai kela po mua mai no ana i hui ai me oe a aneane loa au e noonoo iho ua ike, no au ia oe. Able i lilo ka ia nei hoakaka nou i hiki aku i ka hapalua o ka mea oiaio e pili ana noa, pela ko'u ike iho i nei manawa." "Ua lokahi ko'u manao me ko Mrs. Baraunu nei no kou |0*