Ka Nupepa Kuokoa, Volume LXIV, Number 29, 16 July 1925 — NA HEIHEI WAAPA MALOKO O KE ALAWAI O WAIKIKI. [ARTICLE]

NA HEIHEI WAAPA MALOKO O KE ALAWAI O WAIKIKI.

0 na heihei waapa i hoolalaia ma* waena o na kanaka makua o ka hui Makala ame ka Healani maluna o ke alawai WaiMki ma ke ano he hapa o na hana kulaia mua no ka wehe ana i ka Feā Teritore ua manaoia he mea ano nui ia i na kanaka heihei waapa o na hui a elua. 1 ka poe kamaaina ole i na ano» o ka hoe ana me he mea la i ka nana āku o keia ka heihei e ikeia ai ka hopena i hoopaapaa loihi ia mawaena o na hui elua i heihei ai ma Hilo. O ka like ole o kela heihei ana ma Hilo ame ka heihei e hookukuia ana maluna o ke alawai he ooloku ke kai ma Hilo a he malino hoi maluna o ke alawai me ka ololi loa o kahi e heihei ai. 0 ka mea i oi aku me he mea la e nele ana ka hui Makala ia Bob Swan, kekahi o kona mau kanaka i ikeia ka ikaika amt ke akamai i ka hoe ana mamuli o ko Bob Swan haalele koke mai ia Honolulu nei ma na la mua o ka mahina o Augate oiai e hoi aku ana oia no ke kula nui ma Amcrika ma ia manawa. Ke nele o Swan maltfna o na waapa Waula ame Keokeo elike ole ana ia me ko na Polu ma ke Kaikuono ma Hilo. Ina no ka heihei nei mawaena o ka Makala ame ka Healani maluna o ke alawai he heihei wale ana no ia ma ke ano hookuku aole ma ke ano pili, o ka hanohano wale no no ka lanakila ana o kekahi a haule kekahi ka mea e heiheiia ana. He mau la aku keia no ka hoomaamaa ana o ka poe i heihei ana o na hui a elua mai na opio a na kanaka makua a no ka hoomakaukau ana hoi i kekahi papahana no ka la 31 0 Aukage, he mau pule ekolu wal< no i koe mamua o ka hiki ana aku 1 ka la heihei waapa.