Ka Nupepa Kuokoa, Volume LXIV, Number 29, 16 July 1925 — NA ANOAI POKIULAI O KA UA LANI HAAHAA [ARTICLE]

NA ANOAI POKIULAI O KA UA LANI HAAHAA

I ka Lunahooponopono o ka Nupepa Kookoa; Aloha, oe:-rE oluolu oe e hookomo iho maloko o ka hiwahiwa a ka lahui, i kela poomanao e kau ae la maluna, o ia keia: Hc umi-kūmamalima hora mamua ae o ka hoea ana mai o ka la hoomanao, a o ka la no hoi i kukuluia ai ka Repubalika mana, a ulakolako loa o ka hoonua nei, ke hoomaka e nei no kou meakakau, e haku, i mau lalani wenewehe, i na mea e boohana a e hoomakaukauia nei, e ko Hana nei mau kupa Amerika, no ua la nei. He mau pule mamua ae o ka manawa, ua akoakoa ae la keia'mau keonimana, oia o Geo. Gibb, ka haku 0 ka mahiko, Wm. Haia poo kumukula, J. Medeiros, luna ohi auhau ame kekahi mau keiki lalawai e ae no o Hana nei e hoolala i mau komite ame ona papa kuhikuhi o na lealea, me na hana e ae o ka la. O ka hoohui ana ae o ke poo o ka maiko me na poo aupuni, he hoike ana mai ia i ke ohohia o na makaainana o Anakala Same o keia welau o ke aeritore, e hoomanaoia ka la hanau o ke aupuni o Wakinekona, ka makuakane na'i aupuni o Amerika Huipuia. Ua hooholo iho la lakou, e hoohana o Hana nei i kā la nui o ka aina, ma o ka haawi ana i mau lealea kupono, i ka hnpa mua o ka la, me ka hoomakaukau ana i mau meaai, e ana ai ka lua o ka inaina o ke kanaka a i ke ahiahi ana iho, e hoohauoliia ka lehulehu, ma o ka haawi ana i aha hulahula iloko o ka 'hale hoolaule» o Wanainalua. Mamua o ka hiki ana mai i ka hora wehe o na hana hoolaulea, hooikaika kino, ame ka ahai ana 1 na makana lehulehu; ua okoakoa mai la he huina nui o na kanaka ma ua kahua nei, me ke kokoke e poai puni ia e na kaa otomobile. Ma k« kihi o ke kahua, "ua kukuluia e ka haku o ka mahiko, he lanai nui palena ole, nana e hoomalumalu ana i ka hapanui o na lede ame na kane pu ame na opio. Oiai aia keia kahua ma ke kihi hema o Kauiki, ka puu kaulana i pau ai'o Pe'ape'a i ka wela a ke ahi, nolaila pa pono mai la no ka, makani kaulana o ka aina he Ulumano, mai ke kai mai, a olu iho la ke anaina, ahiki wale no ka paholaia ana mai, o na meaai martiba, ke anaina, ahiki wale no i ka paho(hotgogs) me na palaoa, kope a pela wal® »ku. Ua ai kd anaāna, a koe nae ka poe ai ilio ole, no ka lohe lie naaukake ke paholaia mai ana. O keia iho ka papa kuliikuhi o na lealea o ka la: Hoomaka ina ka hora 9 o ke ka-. kahiaka maloko o ka pa kinipopo ma Kipahulu iho' o Kauki. Heihei 1. Heihei alualu uala kahiki, lilo ke eo ia Jos. Ahui. 2. Lele kiekie, Watanabe, Jr., amef Chas. Jacob. 3. Kukini o 300 i-a, Jos. Ahui, Joe Drummond. 4. Holei hamare Jas. Kalehua, Kala Palekai. .5. Heihei kamaa, Joe Helekahi, Geo. Kaaihue, 6. Kukini kamaliiwahine, Yaiko Hayashi, Grace Jacob. 7. Heihei eke, Eddie Manoa, Kala Palewai. 8. Lele pa kiekie, Arthur Kailua Kinney, Joe Drummond. 9. Uhau uluna, Sam Kalalau. 10. Hukihuki Kaula, Na keiki o Kowali. 11. Lele pahu-ku, Beligard Bardogo. 12. Kukini keikikane, Sam Kamana. 13. Nou hamare, Henry Cooper, JaB. Kalehua. 14. Holo a lele, Jos. Ahui. 15. Kinipopo makaupena, Kalapu Pilipino. 16. Heihei baikikala, Kenethe Lee, Keniehi Okano. 17. Heihei ekolu wawae, Jos. Ahui, Watanabe, 18. Hehei kekake, Fred Tomlimson. 19. Kukini hapa mile, Arthur Kailua Kinney, Chas. Jacob. 20. Hukihuki kaula, Kalapu mahiko. 21. Lele-pa, e ka lio, Wm. Kai.ma, Chas. Waikiki. Ua lawelaweia na lealea Pokiulai, malalo o na hooponopono ana, ame na lawelawe ana a na komite i hookaawaleia no kela ame keia ano lealea, pela hoi na hana hulahula o ka po ana iho. UA LAXIHAAHAA, Hana, Maui.