Ka Nupepa Kuokoa, Volume LXIV, Number 30, 23 July 1925 — Page 5

MA KE KAUOHA

(Mai ka Aoao Eha Mai)

mana piha e hana like me ka papa federala na oihana a'o hana

lima a mahiai i hookumu ia e ke kanawai a ka Ahaolelo Federala

hai mua ia ae nei, no ka hooko ana i na kauoha a keia kanawai

e oleloia nei, a e hana aku i na hana apau loa e pili ana i ka loaa

ana mai i ke Teritore nei na pomaikai o kela ame keia waihona

pakahi i hookaawale ia e ua kanawai nei; e ku ma ka aoao o ke

Teritore ma na hana apau e ulu mai ana mai a i hui pu ia aku

me ka hooko ia ana o ua kanawai nei e oleloia nei a ka Ahaolelo

Federala no ka pomaikai o ke Teritore nei; e ku ma ka aoao o ke

teritore ma kekahi a i ole ma na hana apau e pili ana i ka hoolilo

ana aku, mahelehele ana ame ka uku ia ana aku o na dala e loaa

mai ana ma o ua kanawai nei la e oleloia nei; e wae ae i mau

kula keena a papa e kupono ana i ka lawelawe ana i ka hana

i loaa aku ai na pomaikai e haawi ia mai ana e na haawina i

hookaawale ia ma ua kanawai nei la oleloia e like me ka lakou

i mana oai he kupono a he maikai no ka hooholomua ana aku i

ka hoonaauao ia ana ma ka oihana hana lima a mahiai maloko o ke

Teritore nei, a e hooko pu aku no hoi i ka oi maoli o ka manao, na

hana ame na kauoha a ua kanawai nei i oleloia a ka Ahaolelo

Federala; e hookumu a e hooponopono ma na rula hooponopono

i ke kulana naauao e loaa aku i na kanaka e a'o ana i ka oihana

mahiai, hana lima, ike mekanika ame na hana o na home maloko

o na kula e komo mai ana ka hooponopono ana malalo o na kau-

oha a ua kanawai nei i oleloia a ka Ahaolelo Federala maloko o

ke teritore nei, a e koi aku no hoi e hooko ia na rula ame na

hooponopono ana e pili ana i ka haawi ia ana o na laikini a pala-

pala ae e a'o i ua mau kumu nei, a e hoopuka maoli aku i mau

palapala hooia kumukula i ua mau kumu nei. E waiho ae ka

papa i hoike makahiki i ke Kiaaina e hoakaka ana i ke kulana

ame ka holomua o ka oihana a'o hana lima a mahiai ma ka ma-

kahiki i hala aku, a maloko pu o ia hoike e waiho ia ae na loaa

ame na hoolilo i pa-itamu ia o na dala apau e pili ana i ua ano

hoonaauao nei.

PAUKU 5. O ka papa ma keia e hookaawale ia nei, ma keia ke hoomana ia nei e hoolilo aku no na lilo o ka papa, no ka uku nana ame na lilo e ae o na poe kokua ame na mea alakai, no na kokua ma ke keena ame na lilo maa mau, komo pu ma keia ke pai ana ame na lilo e ae a ka papa i manao ai he kupono no ka hooholomua ia ana o ka hooko ia ana o na kauoha a ua kanawai i oleloia a ka Ahaolelo Federala.

PAUKU 6. O na kanawai apau ame na mahele kanawai e like ole ana a e ku-e ana i keia ma keia ke hoopau loa ia nei.

PAUKU 7. E mana keia kanawai ma kona hooholoia ana a aponoia ana e ke Kiaaina.

Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 208

(Bila Senate Helu 294)

HE KANAWAI

E HOOLOLI ANA I KA PAUKU 2471 O NA KANAWAI I HOOPONOPONO HOU IA O HAWAII 1925, E PILI ANA I KA LAWELAWE IA ANA O NA HIHIA MA KA AHA KAULIKE.

E Hooholoia e ka Ahaolelo o ke Teritore o Hawaii:

PAUKU 1. O ka pauku 2471 6 na Kanawai i Hooponopono Hou ia o Hawaii 1925, ma keia ke hoololi ia nei i heluhelu ai peni: "Pauku 2471. Ka hoopuka palapala ana. Mahope iho o ka waiho ia ana o ua hoopii nei, e hoopuka ia aka no ka palapala e ke kakauolelo o ka aha e like me ka maa mau ma na hana e ae ma ke kanawai koe nae ina he palapala noi kekahi e papa ana a i ole o kekahi ano like me ia, alaila ma ia hana ana, e hookolokolo ka lunakanawai, ma ka aoao hookahi wale no i ka pono o ia haawi ia ana o ia noi papa, a ma na hihia e koi ole ia mai ana e hana ia me ka malu, a i ole e ulu mai ana ke kanalua, o ka lunakanawai, mamua o ka hoopuka ana aku i ka palapala, e haawi ae oia i kauoha e hoike mai ana i na kumu, a e kauoha ia e papa ana ma na mea i waiho ia mai imua o ka aha no ka hana ia ana o ke kaulike no na mea apau."

PAUKU 2. E mana keia kanawai i kona aponoia ana. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritore o Hawaii.

KANAWAI 209

(Bila Senate Helu 298) HE KANAWAI

E UKU ANA IA MESSRS. WALL AME CASE O KA HELU 14 ALANUI WALL, NU IOKA, NO KA HANA I HANA IA E LAKOU NO NA BONA O NA KIA HOOMANAO KAUA.

E Hooholoia e ka Ahaolelo o ke Teritori o Hawaii:

PAUKU 1. Ma keia ke hookaawale ia nei ka huina o hookahi haneri dala ($100.00) mailoko ae o na dala apau e waiho ana ma ka waihona i loaa mai na loaa laula oke Teritore o Hawaii, e uku ia aku ia Messrs. White ame Case o Alanui Wall Helu 14, Nu Ioka, no ka hana i hana ia e lakou e pili ana i ka hooiaio ia ana o ka huina o elua haneri tausani dala, ($200,000.-00) o na bona o ke Kia Hoomanao Kaua i hoopuka ia ma ka Ia 26 o Iune 1923 a ke kauoha ia nei ka luna hooia ma keia e hoopuka ae i bila kikoo dala no ka uku ana aku i ua huina nei ma kekahi bila e aponoia ana e ka puuku o ke teritore.

PAUKU 2. E mana keia kanawai i kona aponoia ana. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 210

(Bila Senate Helu 300) HE KANAWAI

E HOIHOI ANA I NA DALA HE KANAKOLUKUMAMAIWA AME

20/100 ($39.20) IA MRS. HANNAH G. SUYEHIRO, NO NA

DALA I UKU IA AKU E IA ILOKO O KA WAIHONA UKU HOO-

MAU O NA KUMUKULA.

E Hooholoia e ka Ahaolelo o ke Teritore o Hawaii:

PAUKU 1. Ke hoomana ia nei ka Puuku o ke Teritore o Ha-

waii e uku aku ia Mrs. Hannah G. Suyehiro, ma kekahi bila ki-

koo dala i hoopuka ia ae e ka luna hooia o ke teritore o Hawaii

i ka huina o kanakolukumamaiwa ame 20/100 dala (39.20) o

keia ka huina o ke koena o na dala i hookomo ia aku e Mrs. Su-

yehiro iloko o ka waihona uku hoomau o na kumukula aupuni .

O ka huina e kauoha ia nei ma keia kanawai e hookaawale ia

ae no ia mailoko mai o na dala maloko o ka waihona o ke Teritore o Hawaii i hookaawale mua ole ia.

PAUKU 2. E mana keia kanawai i kona aponoia ana. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 211

(Bila Senate Helu 211) HE KANAWAI

E HOOLILO ANA I NA PAUKU 2521, 2527 AME 2528 O NA KANAWAI I HOOPONOPONO HOU IA O HAWAII, 1925, E PILI ANA I NA PALAPALA HELE HEWA MA NA HIHIA KARAIMA.

E Hooholoia e ka Ahaolelo o kg Teritori o Hawaii:

PAUKU 1. O ka pauku 2521 o na Kanawai i Hooponopono Hou ia o Hawaii; 1925, ma keia ke hoololi ia nei i heluhelu ai penei : "Pauku 2521. Ahea loaa. He palapala hoohalahala no kekahi, e holo aku i ka Aha Kiekie, e hoopuka ia ae e ke kakauolelo, a hope kakauolelo a kokua kakauolelo o ka Aha Kiekie, ma ke noi ana a kekahi mea i manao ua pono ole ka olelo hooholo a kekahi luna kanawai kaapuni, aha aina, a aha apana, a i ole a kekahi olelo hooholo a ka lunakanawai kaapuni e noho ana ma ke keena i kela ame keia manawa mamua o ka hooko ia ana o na hoopai maluna ona, iloko o eono mahina mai ka hoopuka ia ana o ua olelo holo la, olelo kauoha a hoopai a ka aha ina he hihia karaima ia.

PAUKU 2. O ka pauku 2527 o na Kanawai i Hooponopono Hou ia o Hawaii 1925 ma keia ke hoololi ia nei i heluhelu ai penei : "Pauku 2527. Ma na hihia kivila ame karaima. Ua hiki no ke loaa kekahi palapala hoohalahala ma ke ano he hookuleana maoli i ke Kau mau a ka Aha, a i ole ma ka manawa hoomaha ma ke noi ana a kekahi mea pale ma kekahi hihia karaima, a i ole a kekahi o na aoao a elua o ka hihia kivila, a i ole a na hope a loio o kekahi mea i make ma kekahi hihia kivila." PAUKU 3. O na kauoha a ka Pauku 2528 o na Kanawai i Hooponopono Hou ia o Hawaii 1925 ma keia ke hoololi ia nei, a o ua pauku nei ke hoololi ia nei i heluhelu ai penei: "Pauku 2528. Ma na hihia karaima. O ka haawi ana aku i hoike ma ke kakau a i ole ma ka olelo waha iloko o ka aha akea e ka mea i hoopii ia a i ole e kona loio iloko o umi la mahope iho o ka olelo hooholo no ka hoolala ia e noi aku i palapala hoohalahala e lilo no ia i mea e paa aku ai i ka mana o ka olelo hooholo a e waiho wale ka oni ana o ka hoopai maluna o na hihia karaima apau ; koe hae keia, aole e mau ka paa ana o ia mea a oi aku maluna o kanakolu la a i ole o ka manawa kaulele i haawi hou ia mai e ka aha no kekahi kumu maikai, aia wale no a iloko o ia manawa a i ole o ka manawa i hooloihi ia aku e hoopuka ia ae no ua palapala hoohalahala nei."

PAUKU 4. E mana keia kanawai i kona aponoia ana. Aponoia i keia la 29 o Aperila M. H. 1925.

W, R, FARRINGTON. Kiaaina o ke Teritori o Hawaii.

KANAWAI 212

(Bila o ka Hale Helu 496)

HE KANAWAI

E HOOMAKAUKAU ANA I UKU HOOMAU NO KEKAHI MAU MEA E HAI IA NEI NA INOA MALOKO O KEIA, A E HOOMANA ANA A E KAUOHA ANA I KE KALANA O KAUAI E UKU IA UKU HOOMAU.

E Hooholoia e ka Ahaolelo o ke Teritori o Hawaii:

PAUKU 1. Ma keia ke hoomanaia nei a ke kauoha ia nei ka Papa Luna Kiai o ke Kalana o Kauai e uku i kela ame keia mahina, e hoomaka ana ma ka mahina o Iulai, 1925, a e hoomau ana a ka hope o ka mahina o Iune 1927, i na huina e kau ia nei mao ae o na inoa malalo iho nei, penei: Ma ka mahina Mrs. George Kaupiko ............... .25.00 Mrs. William E. Werner ............. .25.00 koe nae keia, aole kekahi mea lawe waiwai malalo o keia kanawai e ae ia e lawe ae i ua huina nei e hoomaopopo ia nei ma keia kanawai ina o ua mea lawe waiwai nei e paa ana i kekahi kulana oihana e uku ia ana maloko o ke Teritore o Hawaii a i ole ia o kekahi mahele aupuni maloko ona.

PAUKU 2. E mana keia kanawai i kona aponoia ana. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 213

(Bila o ka Hale Helu 179) HE KANAWAI

E HOOMANA ANA I NA POE ANA AINA AUPUNI AME KEKAHI POE E AE E KOMO MA KEKAHI MAU AINA A E HOOMAOPOPO ANA I HOOPAI NO NA OLELO HOOPUNIPUNI ANA AME KA

HOOLOLOIAHILI ANA I UA MAU ANA AlNA AUPUNI NEI AME

KEKAHI POE E AE MA KA LAKOU HANA. E Hooholoia e ka Ahaolelo o ke Teritore o Hawaii:

PAUKU 1. 0 kekahi luna aupuni, limahana a agena o ke Aupuni o Amerika Huipuia, oiai e hana ana i kekahi hana ana aina, a i ole i kekahi hana e pili like ana me ia ke ano, ua hiki no iaia ke komo ae ma kekahi aina i noho ona ia e kekahi kauaka a maluna o ia aina e lawelawe ai i kana hana na ke aupuni elike me ka mea i makemake ia, a oia komo ana mai, koe wale no keia ua hiki ke hoopii ia no na poho i ulu mai ma kona hoohemahema ana i kana hana, a i ole o kona mau poe kokua hana malalo ona.

PAUKU 2. O kela ame keia kanaka, e komo ana ma ua mau aina nei i noho ona ia e kekahi kanaka e hoopunipuni aku ana ke komo nei oia malalo o na kauoha a keia kanawai ma ka pauku 1, a o kela ame keia kanaka e hoololoiahili ana a ku-e aku i ka hana a ua mau luna aupuni nei, na limahana ame na agena e lawelawe ana i ka hana malalo o na kauoha a ka pauku i oleloia, e ku no ka hewa mikamina iaia a e hoopai ia ma ka hoopai dala aole e oi aku mamua o hookahi tausani dala ($1,000.00) a i ole ma ka hoopaahao aole e oi aku maluna o eono mahina (6), a i ole ma ka hoopai dala ame ka hoopaahao pu ana.

PAUKU 3. E mana keia kanawai i kona aponoia ana. Aponoia i keia la 29 b Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 214

(Bila Senate Helu 251)

HE KANAWAI

E HOOKAAWALE ANA I HAAWINA NO KE KUKULU IA ANA o KEKAHI AUWAI LAWE WAI A KA UA MALOKO O NA HOME HOOKUONOONO O HAUULA, KOOLAULOA, OAHU.

E Hooholoia e ka Ahaolelo o ke Teritore o Hawaii:

PAUKU 1. O ka huina o ekolu tausani elima haneri dala ($3,-500.00) ma keia ke hookaawale ia nei mailoko mai o na dala ma ka waihona o ke Teritore o Hawaii, i hookaawale mua ole ia, no ka kii ana aku a loaa mai ke kuleana aina e holo ai, a no ke kukulu ana i kekahi auwai lawe wai a ka ua maloko aku o na apana 27-D ame 27-E o na mahelehele o na Apana 26 ame 27, o na Home Hookuonoono ma Hauula, Koolauloa, Oahu, a mailaila mai ma ke ala e hiki maikai ai ke holo ka wai a ka lokowai opilopilo o Waipuhi, ma ka hikina aku o ka apana o ka halekula ma Hauula.

PAUKU 2. O ua huina nei o ekolu tausani elima haneri dala ($3,500.00) e oleloia a ma keia hoi e hookaawale ia nei e hoolilo ia aku no ia ma na bila kikoo dala i hoopuka ia e ka luna hooia maluna o na bila i hookumu ia a i apono ia e ke Komisina o na Aina Aupuni, ka mea nana e hoohana i ke kukulu ia ana o ua auwai lawe wai nei a ka ua, a e kukulu ana hoi i ua auwai lawe wai nei me, a i ole mao ke Kulanakauhale a Kalana o Honolulu, e like me ka hoakaka a ke kanawai.

PAUKU 3. Ona dala ma keia e hookaawale ia nei e manao ia no ia he hoaie mai ka waihona laula mai o ke Teritore o Hawaii, a o ka huina o ia hoolilo ia ana e uku hou ia ae no ia iloko o ka waihona laula o ke Teritore o Hawaii mai na loaa mai o ke kuai ia ana o na home hookuonoono o Oahu nei.

PAUKU 4. E mana keia kanawai i kona aponoia ana.

Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 215 (Bila o ka Hale Helu 339)

HE KANAWAI.

E HOOLOLI ANA I KA PAUKU 243 O NA KANAWAI I HOOPONO-PONO HOU IA O HAWAII 1925, E PILI ANA I KA UKU O NA KOA PUALI OIAI LAKOU MA KA HANA o KA OIHANA KOA.

E Hooholoia e ka Ahaolelo o ke Teritori o Hawaii:

PAUKU 1. O ka pauku 243 o na Kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei : "Pauku 243. Ka uku o na koa puala oiai ma ka hana o ka oihana koa. O na koa pualu ke komo ae lakou i ka hana koa me ka hana io no ke Teritore, koe ma ka manawa hoomoana, hoomaamaa ame na mea ano like me ia, i hui pu ia mai ke kikiki pu hoomaamaa mawaho, e uku ia no lakou i keia mau uku no ka la hookahi e like me keia malalo iho nei :

Na koa ame na koa papa ekahi ........... .$2.00 Na kopala ............................ 2.25 Na kakiana. ........... .......... 2.50

Na kakiana o na bataliona a regimana. ... 2.75 Na kakiana mekanika. . . ................... 2.75 Na kakiana ekahi . . . .................... 2.75 Na kakiana papa ekahi . . ................ 2.75, Na aliikoa palapala hookohu wale no ........ 3.50.

PAUKU 2. E mana keia kanawai ma ka la 1 o Iulai 1925. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 216 (Bila o ka Hale Helu 419)

HE KANAWAI

E HOOMANA ANA A E KAUOHA ANA I KE KALANA O HAWAII E UKU I KEKAHI MAU KOI NO NA AUHAU I OHI HEWA IA.

E Hooholoia e ka Ahaolelo o ke Teritore o Hawaii:

PAUKU 1. Oka Papa Luna Kiai o ke Kalana o Hawaii ma keia ke hoomana ia nei a ke kauoha ia nei e hookaawale ae i haawina a e uku aku i ka huina o hookahi haneri kanahakumamaha ame 10/100 dala ($144.10) ia Estafanio; ka huina o kanaonokumamaha ame 65/100 dala ($64.65) ia Charles Takahata, ka huina o ekolu dala ($3.00) ia Chriss Bertelmann; ame ka huina o umikumamakahi ame 31/100 dala ($11.31) ia Panaewa Moi, no na dala auhau i ohi hewa ia mai mai a lakou mai.

PAUKU 2. O keia mau huina maluha ae la, e uku ia aku no ia ma na bila kikoo dala i hookumu ia maluna o na bila i apono ia e ka Luna Auhau o ka Mahele Auhau Ekolu.

PAUKU 3. E mana keia kanawai i kona aponoia ana. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 217

(Bila o ka Hale Helu 445)

HE KANAWAI

E HOOLOLI ANA I KA PAUKU 2085 O NA KANAWAI I HOOPONOPONO Hou IA O HAWAII 1925, E HOOKAPU ANA I KA HOOHANA ANA, I KE PUHI ANA AME KA MALAMA ANA I KA OPIUMA MAI AME NA LAAU HOONAONA o IA ANO

E Hooholoia e ka Ahaolelo o ke Teritore o Hawaii:

PAUKU 1. O ka pauku 2085 o na Kanawai i Hooponopono hou ia o Hawaii 1925, ma keia ke hoololi ia nei i heluhelu ai penei: "Pauku 2085. Hoohana ana, puhi ana ame ka malama ana i ka opiuma ame na mea i hoomakaukau ia mailaila mai ame na laau hoonaona o ia no; hoopai. O ke kanaka e hoohana ana, a e puhi ana i ka opiuma a i ole ia i kekahi mea i hoomakaukau ia mailaila mai, a i ole e malama ana ia mea, koe keia aia wale no e like me ia i hoomaopopo ia malalo o na pauku 2082 ame 2084, e manao ia no ua ku iaia ke hewa mikamina, a ma hoahewa ia ana e hoopai ia no ma ka hoopai dala aole e oi aku maluna o

hookahi tausani dala ($1,000.00) a i ole ma ka hoopaahao ia ana no ka manawa aole e oi aku maluna o hookahi makahiki.

PAUKU 2. E mana keia kanawai i kona aponoia ana. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritore o Hawaii

KANAWAI 218

(Bila o ka Hale Helu 449) HE KANAWAI

E HOOKAAWALE ANA I HAAWINA NO KA WAIHONA HOIHOI AIE O KE TERITORE I HAULE MAI I KEIA MANAWA MALALO O KA HUINA E LAWA AI.

E Hooholoia e ka Ahaolelo o ke Teritori o Hawaii:

PAUKU 1. O ka puuku o ke Teritore o Hawaii ma keia ke hoomanaia nei a ke kauoha ia nei e hoonui ae i ka pakeneta auhau no kela ame keia makahiki no na makahiki he iwakalua e hiki mai ana mai Ianuari 1, 1926 aku, ma ka huina e hiki ai ke piha a loaa mai no ka makahiki hookahi ka huina o kanahakumamalima tausani elua haneri eiwa ame 18/100 Dala ($45,209.18) a oia huina ina e hoopukapuka ia no kela ame keia makahiki ma ka ekolu ame ka hapa pakeneta (3½ %) e piha no ma ka hopena o ia manawa ka huina nui o hookahi miliona elua haneri kanahikukumamawalu tausani elima haneri me kanaka ame 06/100 dala ($1,278,540.06).

PAUKU 2. Ma keia ke hoomanaia nei a ke kauohaia nei ka puuku e hookomo aku iloko o ka waihona hoihoi aie ka huina e hoomaopopo ia nei maloko o keia.

PAUKU 3. E mahelehele ia keia huina mawaena o na Kalana like ole ame ke kulanakauhale a kalana ma ka mahelehele ana ma ke ana waiwai o na waiwai paa a lewa o kela ame keia kalana a kulanakauhale a kalana e like me ke kaulike o ia huina waiwai i ka huina waiwai holookoa o na waiwai paa a lewa maloko nei o ke Teritore, e like me ia i auhau ia aku no ka hooko ana i pa manao o keia kanawai ma na hoonohonoho pakeneta helu auhau ana ma ka la 10 o Mei o kela ame keia makahiki auhau.

PAUKU 4. E mana keia kanawai i kona aponoia ana. Aponoia i keia la 29 o Aperila, M. H. 1925.

W. R. FARRINGTON. Kiaaina o ke Teritori o Hawaii.

KANAWAI 219

(Bila o ka Hale Helu 29)

HE KANAWAI

E HOOLOLI ANA I KA PAUKU 1738 O NA KANAWAI I HOOPONOPONO HOU IA O HAWAII 1925, E PILI ANA I NA MANA O KA PAPA LUNA KIAI.

E Hooholoia e ka Ahaolelo o ke Teritori o Hawaii:

PAUKU 1. O ke poo hou 3 o ka Pauku 1738 o na Kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei : "3. E kau ae i na palena maloko olaila e ae ole ia ai e kukulu na hale laau a i ole e ku ae a e malama ia ia mau hale a e papa loa ana ia mau ano hale maloko o ia wahi i kaupalenaia. Oia mau palena i ka manawa o eono mahina mai ka la aka e hooholoia a e lilo ai keia i kanawai, e lawe ae no ka Papa Luna Kiai a noonoo hou i na wahi i kaupalena ia ma ke ano he mau kaupalena no na malama ia ana o ke ahi, a iloko o ia manawa e hiki no ke hoololi hou ia ia mau kaupalena ia ana nei ma ka hoouuku ia ana mai, ina ua manao ia he mea pono ke hana pela."

PAUKU 2. E mana keia kanawai mai a mahope aku o kona aponoia ana.

Aponoia i keia Ia 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 220

(Bila Senate Helu 280.)

HE KANAWAI

E HOOLOLI ANA I NA PAUKU 2 AME 3 O KE KANAWAI 181, KAU O 1923, E PILI ANA I KE KOMISINA O NA HELUNA WAIWAI AUPUNI.

E Hooholoia e ka Ahaolelo o ke Teritori o Hawaii:

PAUKU 1. O ka pauku 2 o ke Kanawai 181 o ke Kau o 1923. ma keia ke hoololi ia nei i heluhelu ai penei: "Pauku 2. Ma keia ke hoomana ia nei a ke kauoha ia nei ke komisina e hoomakaukau i heluna like o ke ano o ka malama ia ana o na waiwai, na huahelu, ame ke ano o ka hoomaopopo ia ana o na loaa ame na hoolilo i hui pu ia aku me ka hoomaopopo ia ana o kekahi keena helu waiwai, a ina e apono ia e ke Kiaaina, e hookomo aku ia mau heluna waiwai ma na keena like ole o ke aupuni Teritore o Hawaii ame na kalana a kulanakauhale a kalana o ka teritore o Hawaii, a o ua mau hooponopono ana nei ke hookumu ia e like me ia, e hooko ia aku no ia e na keena ame na buro apau ke teritore, a e uhai ia na lawelawe ana a ka luna hooia ame ka puuku e like me ia i hoomaopopo ia ma ka pauku 1437 o na Kanawai i Hooponopono Hou ia o Hawaii, 1925. Ke hoomana hou ia nei no hoi a ke kauoha ia nei ke komisina e imi aku i ka mea pono e hana ai a e hoomakaukau i na bila kupono no ka noonoo ana o ka Ahaolelo i komo mai na limahana o na kalana ame ke kulanakauhale a kalana o ke teritore o Hawaii malalo o kekahi kanawai no ka uku hoomau ia ana o na limahana."

PAUKU 2. O ka pauku 3 o ke Kanawai 181 o ke Kau o 1923, ma keia ke hoololi ia nei i heluhelu ai penei: "Pauku 3. E hoomaka no ke komisina i kana mau hana ma ka la mua o Iune, 1923, a i ole mahope koke mai o ia manawa e like me ka mea hiki, a e hoomau U aku no ia hana no na makahiki he eha, a e hoomakaukau no hoi i hoike piha no ka waiho ana aku me ka ahaolelo o ke Teritore o Hawaii i ka noho ana mai ma Feberuari 1927, e hoike ana i na hana i hana ia, ka nui ame ke ano o ka hana a ke komisina."

PAUKU 3. E mana keia komisina i kona aponoia ana. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

KANAWAI 221

(E nana ma ka Aoao Eono)