Ka Nupepa Kuokoa, Volume LXIV, Number 31, 30 July 1925 — Page 2

ELUA NUPEPA KUOKOA, HONOLULU, T. H. POAHA, IULAI 30, 1925


HOOPII HOAHEWA IA KA LUNA- HOOMALU O KA PAPA LUNA- KIAI O MAUI He lono mai ka buro mai o ka Advertiser ma Maui ke hoakaka ana ma ka Radio o ka Poaha i hala aku la no ka hoopii hoahewa ia ana ae o Sam K. Kalama ka lunahoo- malu o ka papa o. na lunakiai o ke Kalana o Maui, e ke kiure kiekie ma ke ahiahi o ia Poaha no elua mau kumuhoopii e kue ana iaia, a pala hopu no ka hopu ana iaia. ua hoopukaia ae ka elua mau pala O kekahi o na kumuhoopii, elike me ia o ka hooiaioia aua ae, o ia ka kona uku ana ae i ka Loio Kalana Bevins i ka huina o $500 no ka hana i hanaia e ka loio kalana iloko o ka manawa e noho ana o ke kau aha- olelo i hala, o ka hoopii i hookomoia ae ai e kue ana iaia ma ke ano he lunahoomalu oia no ka papa, uo kona apono ana e ukuia ae ia huina i ka loio kalana oiai nae aohe haa- wina dala ma ka waihona no ia huina dala. Ua hoopiiia ae oia no ke kue. i na manao o ka Pauku 1484 o na Kanawai i Hooponopono ia o 1925. O ka lua o ke kumuhoopii no kona kauoha ana ae e ukuia ka loio kalana Bevins no kekahi mau hana ma kona ano he loio kalana me kona ike no aohe haawina dala i hookaawaleia i loaa ia manawa no ia hana. O kekahi kanaka i hoopiiia ae e ke kiure kiekie o Wailuku oia ke Kapena E, H. Parker, ka luna mua o ke awa mamuli o kekahi mau hana kupono ole ana i kue loa i ka Pauku 4447 o na kanawai o ke teri- tore. HE 58 KA NUI O KA POE I KA- KAUINOA MALUNA O NA PALA- PALA HOOPII Ma ka lono i loaa mai i Honolulu nei mai Wailuku mai ma ka radio o ia mau no ka ka lawe hele ia ana ae o na palapala hoopii lunanui no Samuel Kalania ame ka loio Ka- lana Bevins ma Wailuku ma ka Poa- kahi nei. Ma ka palapala hoopii no Kalania he iwakalua-kumamawalu, a no Bevins he kanakolu mau inoa i ikeia maluna o ia mau palapala hoopii. He heluna nui o na Demo- kalaka i kakau i ko lakou mau inoa maluna o ia mau palapala hoopii.	Eia o Kalama ame Bevins i Hono- lulu nei no ka huli ana i mau loio no laua. Eia ke Kapena E. H. Parker, ka luna nui o ke awakumoku mamua ma Wailuku, ma ka noho ana o ka aha e hoolohe i kona hihia ua hoole oai i kona hewa i hoopiiia ae ai no kana hana makaleho a kuko ino. He $50 ka bela i kauia mai a e hoea aku ana oia iloko o ka ma- nawa e noho ai ke kau i ka mahina o Sepatemaba. O ka loio Jenkins ke kokua ma ko Parker aoa a o ka Loio Eno» ka loio hoopii ma ka aoao o ka loio kuhina. UA KOHOIA KEKAHI KANAKA O MAUI I ALII NO KA LAHUI ILIKINI OHIPPEWA O William L . Mossman, ke kaiku- aana o ke Senatoa H. C. Mossman, o Maui, he kanaka i hanauia ma hiki he 54 i nei manawa, kekahi o na kanaka haawina aku loa ma- muli o kona kohoia ana mai nei e ka lahui Ilikini Chippewa, kekahi o na lahui Ilikini i hookaawaleia kekahi mau aina nui ma White Earth, mokuaina o Minesota i wahi no lakou e noho ai, i alii no ia la- hui kanaka e like me ka lono o ka hoikeia ana mai mai Wailuku mai. lulu mai. Na William Mossman ponoi i hoi- ke ae i ko Wailuku poe i ka moo- lelo o kona ohana ame kona haalele koke iho i na mokupuni Hawaii ma- loko o elua pule mai ka Poalua o ka pule aku la i hala. 0 kela lahui kanaka Ilikini a Mossman e hoi aku ana a lilo i alii no lakou he mau aina nui ko lakou i hookaawaleia e ke aupuni makua. Ahiki mai he manawa kokoke aku nei i hala o Madson ke alii o kela lahui, a i r ei manawa ua haalele aku ka oia i kela wahi a holo ae la no Kanada, a no ia kumu i kahea- ia ma ai oia e hoi aku i alii no ia lahui. "Ua hanauia au ma Wailuku nei maluna o ke kahua e ku nei ka Hokele o Wailuku," wahi a Moss- man o ka hoike ana ae ma kona manawa e hoakaka aaa i kona moo- lelo. O kuu makuakane he kanaka Pelekane oia a ma Ladana i hanau- ia ai. O kuu makuahine he hapa Bikini, o ka lahui Ilikini Chippewa. O ko'u mau pilikoko e noho mai la	ma ka ainamakua he mau aina nui "Ma kekahi manawa kokoke aku nei ka loaa ana mai o kekahi leka ia'u e hoike mai ana no ko'u koho- ia ana ma ke ano i alii no kela la- hui a ua hanaia kekahi mau hoo- ponopono ana me ke aupuni makua no ko'u hoihoiia ana aku no kela wahi a ka lahui Ilikini i hookaa- waleia ai e noho mai la i nei ma- nawa. "Ma o ko'u mau kupuna la, ma ka aoao o ko'u makuahine, o kona makuakane oia ke alii i kapaia "Ka Ua iloko o ka helehelena," ke ike nei au he kuleana ko'u i kekahi mau aina a ua koho mai na kanaka o kela lahui ia'u i alii no lakou. "E lilo ana i mea hoomokumokua- hua i ka naau ko'u haalele ana iho i Hawaii nei aka nae, e hana aku ana u ia hana." KE HOOMAKA MAI LA KA PAI- LA O KE KALAAINA MA MAUI Ke hoomaka mai la ke kukuku D ka mahu o ka ipuhao kalaiaina ma Wailuku e like me ka lono i hoikeia mai, he mau papainoa o ka poe e holo ana ka i hoakakaia ae; o ko emi loa he 20 mau moho e hookomo ae ana i ka lakou mau palapala noi wae moho ma ka hora hope e pau ai ka waiho inoa ana; he mau Re- pubalika ame na Demokalaka pu na moho i hoikeia ae no ke alualu ana no na kulana hana like ole e hoopi- haia ae ana iloko o ka mahina o Novemaba e hiki mai ana. No ko kulana lunahoomalu o ka papa, ua hoike ina ae kekahi poe o ka lunahoomalu no e noho nei, Samuel K. Kalama, e holo hou ana no oia no kona wae hou ia wa ka paa paloka Repubalika. Ma ka aoao hoi o na Demokalaka o H. C. Moss- man ka moho e loheloheia aku nei, kekahi hoa o ka aha senate. Ma ka hoakaka a kekahi poe o ka aoao Demokalaka mamuli o ka haule ana o Peruvia Goodness ia Mossman ua Juki iaia ke hoohaule ia Sam Ka- lama, aka nae, ma ka aoao hoi o ka poe i maopopo ialoko o ka poe koho paloka he okoa loa ko lakou manao, Wahi a lakou o ole na Re- pubalika i kokua ia Mossman oia ke kumu o kona puka ana a haule o Goodness, ina aole ke kokua a na Repubalika aole o Mossman e koho- ia ana, ina ua kohoia no o Good-	ness, a he olelo oiaio ia. No na hoa hoi o ka papa o na lunakiai, a oiai he elua wale no mau palapala noi wae moho i komo ae ahiki i keia la, oia ka C. W. Kinney o Molokai ame ka Sam Ako o La- haina, ma ka oleloia o Mrs. A. Garcia kekahi moho a Maui ma ka paa paloka Repubalika e alualu ana no ia kulana, a he lehulehu na De- mokalaka me ka loaa maopopo ole nae o ka manaolana no ko lakou waeia, o na hoa mua ao o ka papa kekahi e holo hou ana ao ko lakou waeia. No ke kulana puuku kalana, no ke pani ana ma kahi o Pia Cockett, o Charles R. Shaw, he Demokalaka ka inoa i hoopu-ia ae, no Hilo oia mamua, oia kekahi i komo kuho- honu aku iloko o na hana kalaiaina iloko o na makahiki lehulehu i hala, a ma kekahi manawa i hala oia ke- kahi i alualu no ke kulana luna- leka no Hilo, eia nae ia H. C. Corb- ett, he Demokalaka no, ia oihana i haawiia ae ai. HAULE KE KAA OTO I KA OWA- WA PAKELE KE OLA O KE KA- LAIWA He kaa oto na Otto Schrooder o ke alanui Beritania ka i loaa aku i na makai ma na hora aumoe o ka po o ka Poaono aku la i hala e waiho ana ilalo loa o ke Awawa o Kipapa, ma ke alanui holopuni Ka- mehameha ua nahaha aohe nae ke kanaka a no kekahi nau hora ku- lehu na makai o ka huli ana ma ia wahi apuni no kekahi kanaka i manaoia ua eha aohe nae he loaa. Ma ka auwinala o ke Sabati mai i hoomaka hou ai na makai e huli komo pu ma ka Lutanela Makai Lono McCallum ame ka Makai Cornwell. Ma ka po o ke Sabati mai ka loaa ana o Schroeder i ka makai Kamau- oha, a ma kona ninaninauia aaa i hoike ae ai oia hookahi wale no ke holo ana maluna e ke alanui holo- puni Kamehameha ma ka hora 5 o kela Auwinala Poaono ma ka ma- nawa i poino ai ka huila e kia ai i ke kaa a ua lele oia mailuna aku o ke kaa i ka manawa i holo aku ai ilalo o ke awawa hohonu 200 ka- puai, o ke kaa ka i nahaha, a pa- kele mai kona ola.


HALAWAI KA MOKUKOLO HOU MAOI ME KA PILIKIA MAW- AHO AE O HONOKOWAI I ka mokukolo hou Maoi a ka hu mokuahi e holo mai ana no Hon 3alu nei a ma ka hora 11 o ka po ka Poalua o ka pule i hala ka haa- lele aoa aku i ke awa o Kahului, e kolo mai ana i kekahi kaokila i piha me 12,000 mau pahu halaka- hiki a ka hui Maui Agricultural Co. ame 1200 mau pahu halakahiki a ka HOOLAHA A KE KOMISINA PA LENA AINA NO KA HOOLOHE ANA I KA PALAPALA NOI N KA HOOPONOPONO ANA I NA PALENA O NA MAHELE O KE AHUPUAA O AKI, LAHAINA, MAUI Mamuli o ka waihoia ana mai o kekahi palapala noi kupono i ka mea nona ka inoa malalo iho nei na Kahuwaiwai malalo o ka Palapala Kauoha Hooilina a o ka Waiwai o Bernice Pauahi Bishop no ka hoo- ponopono ana i na palena o na ma- hele o ke Ahupuaa o Aki (L. C. A. 7713, Apana 25 ia V. Kama- malu) e waiho la ma Lahaina, Mo- kupuni o Maui, Teritore o Hawaii, ma keia ke haawiia aku nei ka hoo- laha i na ona apau o na aina e pili kokoke mai ana ame ka poe ku- leana e ae apau e malamaia ana he hoolohe ana no ka hooponoponoia o na palena o na mahele i oleloia o lie Ahupuaa o Aki maloko o ke Keena Hookolokolo o ka Aha Kaa- puni o ka Apana Hookolokolo Kaa- puna Elua, Teritore o Hawaii, ma Wailuku, Kalana a Mokupuni o Maui, Poaono, ka la 5 o Sepatemaba 1925, ma ia hora 10 A. M. ma ia manawa ame ia wahi, ma keia ke hoikeia aku nei ka lohe i ka poe apau i kuleana a ke koiia aku nei e hoea ae a waiho mai i ka lakou mau koi ame na hooiaio e pili ana i r. a palena i oleloia. Ua hiki ke nanaia ka palapala noi i oleloia, hui pu me ke kii palapala aina ame ke anaia ana ame na hoa- kaka piha o na palena i koiia e ka poe noi ma kahi i olelo mua ia ae nei e kekahi mea i kuleana ma ke- kahi manawa iloko o na hora lawe- lawe oihana mamua ae o ka hoo- lohe ana i oleloia. Hanaia, Wailuku, Maui, T. H., Iulai 22, 1925. D. H. CASE Komisina o na Palena Aina o ka Apana Hookolokolo Kaapuni Elua, Teritore o Hawaii. 6371— Iulai 30, Aug. 6, 13, 20. HOOLAHA A KE KOMISINA PA- LENA AINA NO KA HOOLOHE ANA I KA PALAPALA NOI NO KA HOOPONOPONO ANA I NA PALENA O NA MAHELE O KE AHUPUAA O PAUNAU, LA- HAINA, MAUI Mamuli o ka waihoia ana mai o kekahi palapala noi kupono i ka mea nona ka inoa malalo iho nei na Kahuwaiwai malalo o ka Palapala Kauoha Hooilina a o ka Waiwai o Bernice Pauahi Bishop no ka hoo-ponopono ana i na palena o na mahele o ke Ahupuaa e Paunau (L. C. A. 7713, Apana 26, ia V. Kamamalu) e waiho la ma Lahaina, Mokupuni o Maui, Teritore o Hawaii, ma keia ke haawiia aku nei ka hoolaha i na ona apau o na aina e pili 1 *koi j mai ana ame ka poe ku-] -aa e ae apau e malamaia ana he hoolohe ana no ka hooponoponoia o aa palena o na mahele i oleloia o ke Ahupuaa o Paunau maloko o ke Keena Hookolokolo u ka Aha Kaapuni o ka Apana Hookolokolo Kaapuna Elua. Teritore o Hawaii, ma Wailuku, Kalana a Mokupuni o Maui, Poaono, ka la 5 o Sepatemaba 3925, ma ka hora 10 A. M. ma ia manawa ame ia wahi, ma keia ke hoikeia aku nei ka lohe i ka poe apau i kuleana a ke koiia aku nei e hoea ae a waiho mai i ka lakou mau koi ame na hooiaio e pili ana i na palena i oleloia. Ua hiki ke nanaia ka palapala noi i oleloia, hui pu me ke kii palapala aina ame ke anaia ana ame na hoakaka piha o na palena i koiia e ka poe noi ma kahi i olelo mua ia ae nei e kekahi mea i kuleana ma kekahi manawa iloko o na hora lawelawe oihana mamua ae o ka hoolohe ana i oleloia. Hanaia, Wailuku, Maui, T. H., Iulai 22, 1925. D. H. CASE Komisina o na Palena Aina o ka Apana Hookolokolo Kaapuni Elua. Teritore o Hawaii. 6371— Iulai 30, Aug. 6, 13, 20. HOOLAHA A KE KOMISINA PA- LEKA AINA NO KA HOOLOHE ANA I KA PALAPALA NOI NO KA HOOPONOPONO ANA I NA PALENA O NA MAHELE O KE AHUPUAA O KELAWEA, LA- HAINA, MAUI Mamuli o ia waihoia ana mai o kakahi palapala noi kupono i ka mea nona ka inoa malalo iho nei na Kahuwaiwai malalo o ka Palapala Kauoha Hooilina a o ka Waiwai o Bernice Pauahi Bishop no ka hoo- ponopono ana i na palena o na ma- hele o ke Ahupuaa o Kelawea (L. C. A. 7713, Apana 27, ia V. Kama- malu) e waiho la ma Lahaina, Mo- kupuni o Maui, Teritore o Hawaii, ma keia ke haawiia aku nei ka hoo- laha i na ona apau o na aina e pili kokoke mai ana ame ka poe ku- leana e ae apau e malamaia ana he hoolohe ana no ka hooponoponoia o na palena o na mahele i oleloia o ke Ahupuaa o Kelawea maloko o ke Keena Hookolokolo o ka Aha Kaa- puni o ka Apana Hookolokolo Kaa- puna Elua, Teritore o Hawaii, ma Wailuku, Kalana a Mokupuni o Maui, Poaono, ka la 5 o Sepatemaba 1925, ma ka hora 10 A. M. ma ia nanawa ame ia wahi, ma keia ke hoikeia aku nei ka lohe i ka poe apau i kuleana a ke koiia aku nei e hoea ae a waiho mai i ka Iakou man koi ame na hooiaio e pili ana i na palena i oleloia. Ua hiki ke nanaia ka palapala noi i oleloia, hui pu me ke kii palapala aina ame ke anaia ana ame na hoa- kaka piha o na palena i koiia e ka poe noi ma kahi i olelo mua ia ae nei e kekahi mea i kuleana ma ke- kahi manawa iloko o na hora lawe- lawe oihana mamua ae o ka hoo- lohe ana i oleloia. Hanaia, Wailuku, Maui, T. H., Iulai 22, 1925. D. H. CASE Komisina o na Palena Aina o ka Apana Hookolokolo Kaapuni Elua, Teritore o Hawaii 6371-Iulai 30, Aug. 6, 13, 20	Haleakala Ranch Co., ua ikaheleia ae la ia a kokoke i kapakahakai a hookuu okoa i kona heleuma ma kahi aneane ekolu mile mai Hono- lua aku, o ke kumu o kona pilikia ua manao wale ia ua haki paha ka iho o kona epaepa a i ole o kekahi paha o ka epaepa ka i haki ma ka wanaao o ka Pokolu mai, e like me ka hoike mai a Harry A. Baldwin mai o ka Poakolu o ka pule i hala aku la. Ua hoikeia mai kela pilikia ana o ka mokukolo Maoi i Honolulu nei ma ke kelekalapa uweole i ka hui mokuahi holo piliaina a o ka moku- ahi Helene ka i hoounaia aku no ke kolo ana mai i ka mokukolo poino no Honolulu nei, a ma ke kakahiaka o ka Poaha mai ka hoea ana mai. 0 keia iho la ke kolu o na piha kao i ka halakahiki i hoounaia mai e ka Maui Agricultural Co. mai Ka- hului mai a i Honolulu nei, a o ka mua loa hoi o ka hoounaia ana mai e ka Halekala Ranch Co., Mamua aku nei aole i hoikeia ae ua komo aku ka Haleakala Ranch Co. i ka bana aelike kanu halakahiki e like me ia a ka Maui Agricultural Co. i hana ai, a ke kanu mai nei ia hui i ka halekahaiki malalo o ka aelike mahele-pomaikai me ke California Packing Corporation. O kela aina mahi halakahiki a ka Haleakala Ranch Co., aia maluna o kahi kiekie loa o ka aina mamua o ka "M. A. Co.," a ua lohi no hoi ka pala ana o ka halakahiki ,aka nae ma ka oleloia he nunui a he maikai ka hua o ka halakahiki. O ke kaokila i hoohanaia no ka lawe ana mai i ka halakahiki i Ho- nolulu nei he 475 tona ka hiki iaia ke lawe a i'ole he 15,700 mau pahu piha me ka halakahiki o 60 paona ke kaumaha o ka pahu hookahi ma ka averike ana. MAKE IA ALAKAI KAHIKO O KA AOAO DEMOKARATA Ma ka hapalua o ka hora eha o ka auwina la o ke Sabati aku la i hala i pauaho mai ai o William Jennings Bryan kekahi o na Demokarata ka- hiko loa i keia ola ana ma Dayton, Tenn., i kulike ai me kekahi lono kelekalapa o ka loaa ana mai i keia kulanakauhale ma ke Sabati iho nei. I kulike ai me na hoakaka maloko o kela lono kelekalapa, aole he hoo- kahi mea i ike i kona hookuu ana aku i kona aho hope loa, no ka mea ua kii mai ka anela o ka make a kaili ae i ke ola mailoko ae o kona kino, oiai oia e hiamoe ana, aole oia i ike i na haawna ehaeha o kona hopena. He kulana maikai ko Mr. Bryan, mamua ae o kona haalele ana mai i keia ola ana; ua hoike aku oia i kana wahine, no ka maikai o kona kulana, mahope iho o ka ai ana i ke- kahi mau meaai, alaila hoi aku la e hiamoe, no ka hooluolu ana. I ke kakali ana o ka wahine a hala kekahi manawa, manao iho la oia ua loihi loa kela hiamoe ana a kana kane, hoouna aku la i ke kau- va e kii e hoala i kona haku. Ma ka hoea ana aku o ke kauwa a hoala aku la ia Mr. Bryan, aole he onioni mai, a nana pono loa iho la oia, aole he hanu ae, ia wa i hoi- ke koke mai ai ia Mrs. Bryan me ka hoounaia ana o kekahi kauka e hele mai e nana. Ma ka nana ana a ke kauka, ua hoike ae la oia, ua make o Mr. Bryan, he hapaha hora mamua aku o ka hora ana ak uo ke kauwa, a ike ua make kona haku, a o ke kumu o ka hikiwawae loa ana o ke- la make, mamuli no ia o ka ma'i kuhewa. Kona Kulana Kalaiaina Iloko o ka moolelo o na hana ka- laiaina ma Amerika Huipuia, he ka- kaikahi loa aa kanaka elike me ko Mr. Bryan ano, ke komo kuhohonu loa iloko o ke kalaiaina, a aole no i pau kana mau hana i hoolala ai, no ka hoouka hou ana aku i ke ka- laiaina, ma keia kau koho peresi- dena ae e hoea mai ana. He huakai haiolelo ka Mr. Bryan i hoolala ai, no ka Poakahi nei, ua uki ole nae ke holopono ia mau hoolala ana, mamuli iho la o kona make e ana. O Mrs. Bryan wale no me kekahi hoaloha ame ke kauwa maloko o ka hale, i ka manawa i hoea mai ai ke- la hopena maluna o kana kane, a ua hoao oia e hoomanawanui, me ka uumi ana i kona mau manao kau- maha no ke kane, me ka hoolala ana i na mea apau o pili ana i ka hoomoe ana aku i kona kino wailua maloko o ka ilina ma Arlington. Ma ka manawa i hoikeia ae ai ka make ana o Mr. Bryan, ua hoounaia mai la na manao aloha kui'o o na hoaloha ame ka poe apau i kama- aina iaia, i kana wahine, mai na wahi like ole mai o ka aina. O kekahi hana a M. Bryan i hoo- lala ai, me ka hoolimalima ana i kekahi moku no kana huakai, o ia no ka hele ana e makaikai i ka aina hemolele, no ka ukali ana aku ma na wahi a Iesu i kaahele ai , oiai oia ma ka honua nei , ua ko ole nae kela mea ana o ka hoolala ana. NA LUNANUI HOU O KA AHA- HUI KAAHUMANU O HANA, MAUI Mrs. Eva Cooper, peresidena hoa- hanohano; Mrs. Sarah Jacobs, per- esidena; Mrs. Annie Murry, hope peresidena; Mrs. Esther C. Faufata, kakauolelo; Mrs. Alice L. Kahoku- oluna, hope kakauolelo; Mrs, Mary Ann Oliveira, puuku; Mrs. Domit- ila Hue Sing, hope puuku; Mrs. Ka. haunani Medeirous, lunahooia. MRS. ESTHER C. FAUFATA Kakauolelo.	HE $10,000 KE POHO O KA HALE HOAHU A KA HUI PACIFIC GUANO I PAU AI I KE AHI O kela hale hoahu ukana a ka Hui Pacific Guano ame Fertilizer i piha me na paila eke i pau ka lepo guano oloko ka i holapuia ae e na ulaahi i maopopo ole ke kumu o ka a ana ae, a e ku ana makai ae nei o ka apana o Iwilei ma ke kakahiaka o ka Poa- kolu o ka pule aku la i hala a nona na poho i kohoia aia ma kahi o ka $10,000. Ma ka manawa e ikaika ana ka a ana a ke ahi ua lilo i mea hookau aku i ka weli i na hale e ae ke pa- hupahu o na eke paakai nitrate i ka anawa i pa aku ai i ka wai, o ia mau eke a pela hoi ka papaaina mai na uwea uwila mai e moe ana maluna o kaupaku o ia hale. Na na kanaka hana uwila i hookaawale ae i na uwea uwila ma kahi kaawale, a ma ka oleloia ua lawa -ka ikaika o ia mau uwea uwila e hoonui aku ai i ka poino ma kela wahi ina aole i hoopio koke ia. Mahope koke iho o ka hora 5 o ke kakahiaka o kela. Poakolu i hoo- maka ae ai ke ahi e ikaika loa a pa- hola ae la na ulaahi me ka hiki- wawae loa ma o a maanei o ia hale Ma ka manawa o na kaawai kinai- ahi i hoea aku ai mai Kapalama mai a mai ke kikowaena ae ua puni kela hale i ke ahi. Ua hoomoeia aku na iliwai elua mai ke kiwai nui aku kokoke loa ia hale, a no ka ikaika ole o ka wai me ka hana nui na ka- naka kinai ahi i kinai ai. No ka ikaika ole o ka wai ua kahea okoa- ia mai ka luna nui o ka oihana wai C. J. McCarthy e pani i na kiwai o na wahi e ae i ikaika ai ka wai e kahe aku no kela wahi. No kekahi manawa ua hookokoke aku na ulaahi i na hale e pili ko- koke mai ana a e pili kokoke loa aku ana hoi i ka pahu aila a ka Hui Standard Oil Co., e ku ana ma ke kahi aoao mai o ke alanui. O kahi i laki ai o kela hale ua paa mua i ka inisuaia. NA HUNAHUNA MEA HOU A KA OIHANA HOOMALU O KA PULE I HALA Ma ka hora 10 a. m. o ka Poaha o ka pule aku la i hala i noho ai ka aha kiure a ke koronero no ka nina- ninau ana i ke kumu o ka make ana o John Miguel Prestige, ke keiki i make ai ma kekahi ulia kaa oto ma Kaneohe ma ka po o ka Poaono i iala. Ma ke kakahiaka o ka Poa- kolu aku ka laweia aua ae o Moses Mokulehua, ke kalaiwa o ke kaa oto i make ai o John Miguel, mamua o ka aha hoomalu, i no ka hihia ona i hoopiiia ae ai he laweola, a ua hoopaneeia mai ka hoolohe ana i kona hihia a keia Poaono iho. No ke kalaiwa ana mai i ke kaa me ia ike mai no e moe ana ka ili- wai kinaiahi maluna o ke alanui a no ke akeakea ana i ke kaa o ka luna kinaiahi nui e holo aku ana elua mau kalaiwa kaa oto i hopuia ma ke kakahiaka o ka Poakolu o ka pule aku la i hala ma kahi o ka hale pauahi ma Iwilei, oiai ke ahi e a ana i ka hale a ka Hui Pacific Guano and Fertilizer Co. Ma ke ka kahiaka o ka Poaha mai ka hooko lokoloia ana o aa hihia o ia mau kalaiwa. Ia A. A. Freirelsei o ka hoi ana mai kekahi kelepa aku nei ana i Ka- palakiko ma ka pule aku la i hala ua paa koke aku oia i ka hopuia e ka makai ma ka po Poalua no ka hoopuka ana i kekahi bila kikoo dala me kona ike no aohe ana dala lawa i hoahu ai maloko o kekahi o na banako e hiki ai ke hoopuka ae a bila. O Edwin S. Strauchman ke- kahi i hopuia no ia hewa like ma ka Poalua. He ohe (trombone) ka i loaa aku ma ke kakahiaka o ka Poakolu aku la i hala e waiho ana maluna o ke alanui 6 ame Harding a hoihoiia ae i ka halewai. HAALELE KA ENEKINIA WHITEHOUSE I KA HUI A LORD Ma ka Poakolu o ka pule aku la i haia ka hoikeia ana ae o ko L. M. Whitehouse, ka nekinia a lunahoohana a E. J. Lord, haalele ana aku ia hui ma ka manawa o ka pau ana o ka hana o ke kolu o na pauku o ke alanui Waimanalo, ma ka Poaono aku la i hala, a ua manao o Whitehouse e holo hoomaha aku no kekahi mau pule kakaikahi ma- mua o kona hoomaka hou ana aku e hana me kekahi hui lawe aelike hana hou maloko o keia kulanakau- hale, he hui hoi e lawe ana i na ana aelike no ke aupuni. Mai ka manawa mai o ko White- house hoea ana mai i Honolulu nei i ka mahina o Malaki, 1897, ma ke ano he enekinia no kekahi mau hana mawaho, a ma ke ano hoi he ene- kinia i hoolimalimaia e ke aupuni kulanakauhale ame kalana, he ku- lana hana ana i paa ai mai ka 1912 i ka 1916, oia kekahi o na kanaka ike hana ma ka hana ana i na ala- nui a mau hana e ae. O kana hana mua loa i ikeia ai kona makaukau oia ke alanui pali o Nuuanu i hana pu ai me John H. Wilson, a o ka wehe muaia ana hoi o ke alanui nona kaa oto e holo ai mai Waimanalo ahiki i Kahuku.	O METZER, HE DEMOKALAKA, KA MOHO E LOHELOHEIA AKU NEI NO KA LOIO KALANA Mai Hilo mai he lono e hoakaka ana, mai ka buro mai o ka Adver- tiser ma Hawaii, aia ka poe alu alu oihana ma kela mokupuni ke haha mai la i keia mau la mawaena o ka poe kupono i ke koho baloka i mea e maopopo ai ko lakou ikaika ame ka ole no ke kau koho baloka e hiki mai ana a mai ka manawa mai o ka puka aua ae o kekahi ma nao maloko o ka Advertiser ma kekahi manawa kokoke aku nei hala lehulehu walo na inoa hoopu- aia ae e alualu ana no na kulana oihana like ole ma ua koho baloka kalana ma ka mahina o Okatoba e hiki mai ana. O kekuhi o na hiohiona ano nui o ke koho baloka no keia maka- hiki, o ia hoi he mau paa baloka ua na mahiko ke waihoia mai ana imua o ka lehulehu; o ka paa baloka i hauwawaia ae no Hawaii Hikina o B. A. Hutchinson ko Papaaloa, Aug- ust Costa ko Wa ia loa ame Thomas E. Cook ko Hilo, a no Hawaii Komo hana, o James Campsie o Pahala ame Wilmot Vredenburg na moho ma ka aoao o na mahiko ma kela noao o ka mokupuni. No Hawaii Komohana o na inoa o Francis Aona ame S. P. Woods kekahi i hoopuaia ae. --e Wahine Kekahi Inoa I Hoikeia Ae Ma ka aoao hikina o Hawaii ke jmaka mai nei i nei manawa ka pehu hou ae o ka papainoa o ka poe e holo aua mamua o ka mea i hoike mua ia mai, o na inoa hou e alualu ana no ke kulana lunakiai oia o Mrs. Nellie Carlsmith, E. H. Aus- tin, B. H. Vicars. No ke kulana kakauolelo kalana o ka inoa o B. H. Kelekolio, ke kokua kakauolelo o ka aha kaapuni eha, kekahi inoa i hoopuaia ae, aka nae, ua hoakaka- ia ae kekahi mea nona o ia hoi he mea pono e loaa kona hookuponoia mamua o kona alualu ana ia kulana. No ke kulana lunahooia kalana o ko C. H. Weatherbee inoa ka i hoopuaia, ma kona uiia ana aku nae e kekahi kanaka o ka Advertiser ua hoole mai oia i ke komo hou ana iloko o oa hana kalaiaina i keia makahiki. No Ke —ulana Loio Kalana No ke kulana loio kalaha e paaia . - ^! »e ""lilia Beers o i)ji.* Mtezer, !> •"•moi lai" ka mea e hoio kue r i iala no ia oihana. 4;Ahiki mai i nei manawa aohe mau inoa ma ka aoao Dem kalaka i hoopuaia ae no ke kulana lunakiai, aka v.*e me he mea la he ekolu mau inoa e ikeia ana ma ka paa baloka ma ka ma- nawa hope a paniia ka waiho inoa ana. Mamuli o ka hoi ana mai o Eva. De Silva uu, pah ' a _v kekahi lono oia ke ' o'o kue ana ia Sam K Pua, a m ka olelo hoi a kekahi poe i maopopo i kona manao he ku- la okoa ae no ka kana e alualu ana. Eia o Norman K. Lyman i Hilo nei a ua lehulehu na lono hauwawa like ole i hoopuaia ae nona ma ka nv e pili ana i kona kulana ma keia koho baloka ana ae, lehulehu wale ka poe i hoike ae i ko lakou mau mau • oia aim hi ma ka paa baloka no kekahi kulana aohe nae i maopopo kana oihana e alu- a ¹ 1 ana. Ua loheia nae kekahi mau olelo a Lyman o ka hoike ana ae e kakali wale ana no oia me ke kiai no kekahi hana mawaho mai no nei. manawa. E HOOPIIIA AE ANA KA HOPE AKENA AINA O MAUI Ma ia Poalima o ka pule i hala ko hoi ana mai o ke kakauolelo poo o ke keena aina A. A. Dunn mai Maui mai kahi ana o ka holo ana aku no ke kokua ana i ka Loio Ku- hina William B. Lymer ma ka hoo- pii ana ae ia Frank K Kalua, ka hope-akena aina o Maui. O ka hewa o Kalua i hoopiiia ae ai oia kona la- we ana i ka waiwai i haawiia ma kono lima ma ke ano kalohe i ka huina o $237.48, he mau dala na ke aupuni teritore. Ma kela hoi ana mai a A. A. Dunn ua hoole oia i ka hoike mai i na oiaio apau e pili ana a luhia ahiki i ka hoi ana mai o ka Loo Kuhina W. B. Lymer mai Maui mai. Ma ka hoakaka a ke komisina aina C. T. Bailey, ma kekahi ma- nawa hoomaha a Daunn o ka holo ana no Maui ma kekahi manawa ko- koke aku nei i hala i hoohuoi ai oia ka pokole o ke dala ma ka Uma o Kalua, a iaia i hoi ai ua hoike ae oia ia mea ana i hoohuoi ai i ka oio kuhina, o ka hopena ua hoo- maka koke ka ninaninauia ana o Kalua me ka huliia ana o kana mau buke a hookomo koke ia ae ka hoo- hoopii nona. Ma ka Poalima o ka pule i hala aku la ka hoike ana ae o ke ko- misina aina aupuni Bailey e hoo- komo ae ana oia i kekahi hoopii no ka bona $5000 o Kalua. pii nona. ka bona $5000 o Kalua. I kulike ai me na hoike mai Maui mai, ua ae ae o Kalua, na kona hewa a kauia aku ka hoopai o elua makahiki ka haahaa, a ke elima makahiki ke kiekie e noho ai ma- loko o ka halepaahao. Nui na kiakaa i pau i ka hopu- hopuia i na la aku nei i hala, no ko lakou hooko ole i ke kanawai i hanaia na na kukui olinolino.