Ka Nupepa Kuokoa, Volume LXIV, Number 31, 30 July 1925 — Makemakeia e Hoopau ka Loio Kalana Bevins Kakauinoaia he Palapala Hoohalahala e na Demokarata e Ku-e Ana Iaia HOOLE KEKAHI POE I KE KAKAUINOA ANA Ala na Manao Hoohuoi o Kekahi Poe he Mau Hana Paani Kalaiaina Kela [ARTICLE]

Makemakeia e Hoopau ka Loio Kalana Bevins

Kakauinoaia he Palapala Hoohalahala e na Demokarata e Ku-e Ana Iaia

HOOLE KEKAHI POE I KE KAKAUINOA ANA

Ala na Manao Hoohuoi o Kekahi Poe he Mau Hana Paani Kalaiaina Kela

Mamuli o na kumu hoopii hoahewa elua, e ku-e ana i ka Lunahoomalu Samuel E. Kalama o ka papa lunakial o ke kalana o Maui, na kumu hoopii i hopuia ai oia, elike me kekahi meahou o ka hoounaia ana mai no Honolulu nei, mai Wailuku, Maui mai; ua laweia ae la kekahi palapala, no ke kakauinoa ana mai o na makaainana koho baloka, e hoopau ana i ka noho ana 0 ka Loio Bevinß, i loio kalana no Maui, no ke kumu, ua owili pu ia aku oia iloko o na hano, i loaa ai na hoopii hoahewa ku-e i ka Lunahoomalu S. E. Kalama. He palapala kipaku kela i hanaia no ka Loio Kalana Bevins inai kona kulana oihana aku, eia. nae he nui ka poe i hoole i ko lakou kakau ana i na inoa ma kela palapala, no ke kumu wahi k lakou, he palapala kela i hanaia, ma ke ano he hana pili politika. No na hihia e pili ana i ka Lunahoomalu Kalama, ua hookuuia oia malalo o ka boua o elimi. haneri dala, no ke kakali ana, ahiki mai 1 ka manawa e hooloheia ai kona hihia, iloko ae nei o ka mahina o Sepatemaba. Ma ka Poaono aku la i hala, ka hoounaia ana mai o keia lono meahou, me ka hoakaka pu, no ka haalele ana aku o ku Loi& Kuhui{> Lymer ia Maui, ma kona alahel® no Honolulu nei, a ma ka la 13 o Augate ae nei, e huli hoi hou aku ai oia no Maui, ma ka manawa e noho hou fii ke kiekie, a ninaninauia i kekahi mau hihia e waihoia ae ana imua o kela kiure.