Ka Nupepa Kuokoa, Volume LXIV, Number 33, 13 August 1925 — KE KUMU O KA PILIKIA ANA [ARTICLE]

KE KUMU O KA PILIKIA ANA

O kekahi o na ulia kaa, nana i hoopii mai i ka lia maeele i ko kc kulanakauhale nei poe, o ia no ka halawai ana o ka Makai Edwin H. Boyd me ka make, ma ka po o ka Poakolu o ka pule aku nei i hala mamuli o ka hooku'i ana o ke kaa makai ana e kau ana me ke kaa o kg oihana kinaiahi. Ma ka mea oiaio maoli, aole loa he kuleana iki o kela mau kaa a elua e hooku'i ai, koe wale no a kapaeia ae na rula o ka holo ana o na kaa na alanui aupuni, e na kanaka e hookele ana i kela mau kaa. Ina e malama mau kela mau kaa pakahi, i ko laua aoao akau, i na manawa apau, aole loa he manawa e hooku'i ai laua, no laua iho, a i ole hooku'i aku paha me kekahi mau kaa okoa aku; nolaila o ke kumu i loaa ai o kela pilikia, no ka malama ole ia ana o na rula o na alanui, e ke kiakaa o ke kaa o ka oihana kinaiahi, ma k* holo ana ae ma ka aoao hema o ke kaa uwila, oiai nae o ka aoao akau ia o ke kaa makai, e holo mai ana. Ua loaa'ka hoomaopopo ana i na mea apau, i ka wa e kani ai 0 ka hoailona pauahi, a i ole kani paha ka bele o na kaa kinaiahi, ame na kaa maikai, he mea pono, e hookuuia na alanui no kela mau kaa e holo ai, me ke ku ana o na kaa e ae, ma na wahi e pili kokoke aku ana i ke alanui kauaoao. Me ke kaa kinaiahi nae e huli hoi ana no kona halfe hōolulu, mai kahi mai o ka pauahi, aole keia pepa i ike, i na kumu kupono, e hoomau aku ai kela kaa i ka holo ana, me'he mea la, ua kaawale mau ke alanui nona; no ka mea aole he mau hana 1 konoia ai na kanaka kinaiahi e koke aku i ka manawa pokole, no keia kumu, he mea pono no ke malama mau ia ka makaala ana ma ka ioao o na kiakaa o na ano kaa i hoopakeleia ae ai ke ola, kā waiwai ame na mea apau mai ka poino mai. Xo keia ulia poino nae i make ai kela makai, he mea pono no e laweia ae kekahi keehina, ma ka aoao o na luna oihana e hooko ana i ke kanawai, imua o na aha hookolokolo, i loaa ai he kahua e ku ai he mau hihia o kela ano hookahi ma keia mua aku. a pela hoi ke kau ana o na ko'iko'i maluna o kahi e pono i'o ai e ahewaia.