Ka Nupepa Kuokoa, Volume LXIV, Number 35, 27 August 1925 — Page 2

ELUA ______________ __________NUPEPA KUOKOA, HONOLULU, T. H. POAHA, AUGATE 27, 1925.


	HOOLE KA AHA KIEKIE I KA MANA O KE KANAWAI HALE HULAHULA. Ma ka hoopii hoohalahala i waiho- ia ae imua o ka aha kiekie, e ku-e ana i ka olelo hooholo, i hoopukaia e ka Lunakanawai Apana Steiner, maluna o ke kanawai hale hulahula, i hoopuka mai ai kela aha i kana olelo hooholo, ma ka Poakolu o ka pule aku nei i hala, e hoole ana i ka mana o ke kauoha kanawai i hoo- holoia e ka papa o na lunakiai, o ke Kulanakauhale a Kalana o Honolulu nei, e pili ana i na hale hulahula. Ma ka manao nui o ka olelo hoo- holo a ka aha kiekie, ua ku i ka mana ole ke kanawai i hooholoia e ka papa o na lunakiai, e pili ana no na hale hulahula, no ke kuma, o haawi ana ia i fee kuleana i na lunanana e «pono aku ai, a i ole e hoole aku ai paha i ka hoopuka ana i kekahi laikini, no ka aeia o ka hulahula maloko o kekahi hale. Ma kekahi manawa ae nei i hala, ua hoopiiia o Carl Otani, ka ona o ka hale hulahula Liberty, mauka ae nei o ke alanui Liliha, no ka malama ana i ka hulahula maloko o kela hale, me ka loaa mua ole iaia o ka laikini ae. Ma ka hooloheia ana o kona hihia iloko o ka aha apana, ua hoole ka Lunakanawai Harry Steiner i na noi kumu, ma ka aoao o ka mea i hoopiiia no ka hoopau wale an» i ka hihia; a i ka manawa nae i hoo- halahala loa mai ai o Ontai imua o ka aha kiekie, ua kakooia aku kana hoohalahala, me ke kauohaia ana aku o ka lunakanawai o ka aha apana, e ae aku i na noi kumu, no ka hookuuia o ka mea i hoopiiia, malalo ae la o na kumu, o ia ka mana ole o ke kanawai hale hula- hula i hooholoia ai e ka papa o na lunakiai. 0 ke kanawai e pono ai e hooholo- ia, e ka papa o na lunakiai, wahi hou o ka manao hoakaka ma ka olelo hooholo a ka aha kiekie, e kaohi ana ia, i ka mana apau loa me ka papa, a o ka hana a na luna- nana, he hooko wale aku no i ke kanawai, aole hoi, o ke apono a apo- no olo paha, i ka haawi ana aku i ka laikini. CAIRO, Egypt, Aug. 23— He ehi- ku poe i ahewaia no ka pepehi ana a make i ke Sa Lee Stack, he Ko- misina Pelekane Kiekie mua ma Ai- gupita, i liia i keia la.	APONO KA PAPA KOMISINA I KE NOI A JOHN WISE. Ma ka halawai a ka Papa Komisi- na o na Home Hawali, ma ka Poaha aku nei i hala, i aponoia ae ai ke noi a Mr. John H. Wise, e haawiia aku iaia malalo o ka aie, ka huina o $905, no ke kuai ana i na papa e kukulu aku ai i home nona ma ka aina hoopulapula ma Molokai, a no ke kuai pu ana kekahi i mau puaa hoopulapula nana. Mawaho ae o ke noi a Mr. Wise ua ae pu mai kela komisina e haa- wi ia Mrs. Muriel, he kaikamahine a Wise, i ekolu haneri dala a ai, no kekahi pa uwea, no ka hoopuni ana i ko lana aina o elima haneri eka ka nui. E hoi ana o Mr. Wise ame hana kaikamahine no Molokai, i ka -»; puaa, na apono ke komisina e haa- wi no laua i elima haneri ?; ka nui; a no ka hoonee ana aku ka hana hanai puaa imua, pela i o * laua i noi ae ai i na kokua ^ mai ke komisina aku, ma na mea pili dala. HOOLAHA Ahiki i ka hoolaha hou ia ana aku, e halawai mau ana ke KOMI. SINA HOOKUONOONO O WAIA- KEA ma na kakahiaka Poakahi apau ma ka hora 9:30, ma kona keena, 301 Hale McCandless. Hono- lulu, e hoomaka ana ma ka Poakahi, Augate 10, 1925, no ka lawe ana mai i na hoike a ka poe kuleana i ke kulana o ka Aina Hookuonoono o Waiakea. Ma ke kauoha a ka Lunahoomalu: B. C. STEWART. Kakauolelo. (6372— Aug. 6, 27. HOOPAU ANA I KA HAWAIIAN SOT CO., LTD. Hoolaha i ka Poe Paa Aie. Mamuli o ka hookohuia ana mai o ka poe no lakou na inoa malalo iho nei e ka Puuku o ke Teritore o Hawaii ma ke ano he kahu no ka poe paa mahele ame ka poe paa aie, no ka hui Hawaii i hoopauia maluna ae nei, ma keia ke haawiia aku nei ka hoolaha i ka poe paa mahele apau o ka hui i oleloia e waiho mai i ka lakou mau koi i hooiaio pono ia i na kahuwaiwai i oleloia ma ka halekuai o K. Tanaka, kekahi o la- kou Helu 417 Alanui Moi Akau, Honolulu, Hawaii, iloko o Kanaiwa (90) la mai ka hoopuka mua ia ana aku o keia hoolaha. . Honolulu, Augate 12, 1925. K. TANAKA, H. AKASHI, K. MIYATA, ame S. TAKAKUWA, Na kahu i olelo mua ia ae nei. 6375— Aug. 27; Sept. 3, 10, 17, 24.


HAULE HE KAA I KA PALI A PAKELE MAI KE OLA. Oiai e holo ana maluna o kona kaa otomobile hou, ma ka auwina la o ke Sabati aku nei i hala, ma kahi e kokoke ana i Kapukaki, i haule, aku ai ke kaa otomobile o Konela Will E. Fisher o ke alanui Puunui, i ka pali, ma kahi o umi- kumamalima kapuai ke kiekie, me ke kuwalawala ana o hela kaa no elua manawa, me ka pakele mahune- hune ana mai nae o ke ola o Mr. Fisher, mamuli o na. ulia pomai- kai. I kulike ai me ka moolelo no ka loaa ana o kela ulia poino, e holo mai ana ka o Fisher maluna o kona kaa otomobile, no ke taona nei, a i ka hoea ana ma Kapukaki, i oili aku ai he kaa kalaka, nolaila ua hoohuli ae la oia i kona kaa ma ka aoao hema o ke alanui, i ole ai e hooku'i na kaa a elua i kahi hoo- kahi. Me he mea Ia, na kuhihewa paha oia i ke akea o ke alanui, a i ole, ua hookeia mai paha e ke kaa ka- laka, pela i haule aku ai kona kaa ma ka aoao o ke alanui, aole he mea i maopopo i ke kumu oiai ma- oli o kela pilikia, hookahi nae mea i ikeia, o ia no ka nui o na poino i kau aku maluna o ke kaa otomo- bile. Ma ka po hoi o ka Poaono aku, he eha poe i halawai me ka poino kukonukonu, ma ka huli Koolau aku nei, i ka manawa i haule ai ke kaa otomobile a lakou e kau ana iloko o kekahi auwaha ma ka aoao o ke alanui holopuni, he elua mile ma ka aoao o ke taona nei, mai Wai- ahole mai. O na inoa o kela poe i halawai me na poino, oia o Dan Kawaihoa o ke alanui Ala Moana, Frank Ke- ola ame ka laua mau wahine elua; ua eha like lakou apau loa. I kulike ai me ka hoike i hoihoiia ae i ka halewai e pili ana no kela ulia poino, o Dan Kawaihoa ka mat nana e hookele ana i ke kaa oto- mobile, ma ke alanui Kamehameha, ma ka bora umi o ka po o kela Poa- ono, a i ka hoea ana o ke kaa ma kahi uakee o ke alanui, ua hiki ole iho la i ka huila hoopololei ke lawe- lawe i kana bana, no ia kumu, ua hu aku la ke kaa ma ka aoao o ke alanui, a haule aku la iloko o kekahi auwaha akea, O L. S. McLane, ka mea nana i hookau i kela poe i eha maluna o kona kaa otomobile, a hoihoi loa mai la ia lakou noloko o ka halema'i o na poino ulia, a mailaila i hoihoi loa ia aku ai noloko o ka Halema'i Moiwahine. He mau ulia kaa hou ae no kekahi ma kela Sabati i hala, me ka nui o na kaa i poino, a ua eha no hoi kekahi poe, aole nae i kukonukonu loa, e make ai, ua lawa no nae kela mau poino, i mea e pii ai ka lia maeele i ke kumu pepeiao. KE PAILA MAI LA KE KALAI- AINA MA HAWAII. I kulike ai me na hoike e oiliili mai nei iloko o keia mau la, aia ka ipuhao kalaiaina ma ke Kalana o Hawaii, ke paila mai Ia i keia ma- nawa, e komo aku ai oa moho e alualu ana i na kulana oihana iloko o ke kalana iloko o na paio hahana ana, ka mea i ike ole ia pela ma- mua aku nei. Hookahi ka kulana ano nui loa, e kau aku la na maka o ko Hawaii poe, no ka owelawela o na paio ana i keia kau koho baloka ae, o ia no ke kulana lunahoomalu o ka pa- pa o na lunakiai, a ma ka manaoio o kekahi mahele nui o na mana koho iloko o keia mau la, he hana paa- kiki ia Sam Mahuka Spencer, ke ka- la 'i ana aku i ka mea e holo ku-e mai ana iaia. O ka moho e holo ku-e mai ana ia Samuel M. Spencer, oia no o Har- ry H. Allen, ka mea no i alualu i kela kulana ma ke kau koho baloka aku nei i hala, ma ka aoao Demo- karata a haule. Ma na wahi apau o ke Kalana o Hawaii, o ka inoa hookahi wale no ka o Harry H. Allen ke loheia i ka ikaika, malalo iho la o kela kumu, i nana aku ai na loea kalaiaina i ka nee ana o ke au o ka manawa, no ka hahana loa o na paio ana ma- waena o kela mau moho, no ke ku- lana lunahoomalu o ka papa o na lunakiai. E ukali aku ana i ke kulana luna- hoomalu o ka papa o na lunakiai, o ke kulana makai nui ka kekahi ku- lana e loheloheia mai nei, i ke okai- kai, eia nae aole he wahi hopohopo iki o na hoaloha o Sam Pua, no ka aha'i hou no o ka Makai Nui Sam Pua, i ka lanakila ma keia kau koho. O Tom Pedro, Jr., ke alualu hou mai ana i kela kulana makai nui; aole he wahi hopohopo iki o na ho- aloha a Sam Pua nona, no ka mea ma ko lakou manaoio, e hooi loa ia ae ana ka ikaika o Sam Pua, ma keia kau, mamua o na manawa ae nei i hala, e hookahahaia aku ai ka manao o Pedro, no ke emi ana mai o kona ikaika o na kau aku nei i hala. O ke kulana puuku kekahi kulana e paonioniia ana, no ka mea e holo ku-e hou mai ana no o Charles S. Swain, i ka Puuku Shipman, e paa mai nei i kela kulana i keia mana- wa; a mawaho ae olaila, he nui na kamailio, e pili ana i aa moho, no ke kulana lunakiai, ma kela ame ke- ia apana; o ia hoi, e hoao ana ke-	LOAA KA ADIMARALA ME KA POE INU WAIONA. Maloko o ka Hokele Ikesu, o ke komoia ana e ka Hope Loio Ame- rika Miss Carrick Buck, ka Hope Ilamuku Heine, ame ka Luna Hoo- ko i ke kanawai waiona Mrs. Par- rott, ame ko lakou mau kanaka, ma ka pule aku nei i hala, he adimarala kekahi i loaa aku i kela mau luna oihana, me ka nui ae o na malihini e hoohauoli ana ia lakou iho, ma ka inu ana i ka waiona, ame ka nanea ana e hoolohe i na himeni ame ka hulahula. Nui ka poe ko'iko'i a hanohano o ke kulanakauhale nei, i loaa pono aku maloko o kela hokele, he poe i manao ole ia aku ai, e komo pa i ana lakou ma ka hakihaki ana i ke kanawai hookapu waiona, eia nae ua loaa aku lakou i kela mau luna oi hana ae la maluna, e noke ana ka inu waiona. Ua lilo i hana pohihihi na ka Ake na John Wise ame kona poe kanaka ke komo ana e hopu i ka ona nona kela hokele mamua aku, pela no hoi ka hiki ole i ka oihana makai ke hopu, aka nae ma ka aoao o keia mau luna oihana wahine, he hana maalahi loa ia, ma ko laua hoea kino ana aku noloko o kela hokele, a kuai aku la i ka waiona, me ka hoohakalia ole iho o na Kepani ma- loko olaila, i ka hoolilo ana mai i ka waiona ia laua, elike me ko laua hopohopo ole, i ka hoolako ana aku i na malihini e ae me ka rama. Oiai ka Hope Loio Amerika Miss Carrick Buck ame Mrs. Parrott e noho ana ma ka aoao o ko laua pakaukau, me ka waiona a laua i kauoha aku ai, e ku ana imua o ko laua alo, o ka manawa ia a ka Hope Ilamuku Heine, i hooko aku ai i ke kanawai, mamuli o kona komo ana mai iloko o ka hokele, a hopu i na Kepani na lakou e hoolako ana i ka waiona i na malihini. HOOMAKAKIUIA KA HOPE LO- IO AMERIKA HEINE. No ka hoea pinepine ana aku o ke- kahi Pake opio o Harry S. Wong ka inoa no kahi e kokoke ana i ka homo o ka Hope Loio Amerika Hei- ne, no na po ekolu, o ka pule aku Ia i hala, i hopuia ae ai oia e ka Hope Ilamuku Heine, malalo o ke kumu hoopii, no ka hoopunipuni, he kiu oia e noho hana ana malalo o ke aupuni. Ma ka Poaha aku nei nae i hala, i hoopau wale ae ai o Heine i kana hoopii e ku-e ana ia Wong, aka ma ia wahi, i hookomoia ae ai he hoopii e Wong iloko o ka aha e ku-e ana iaia, no ka hoeha. Ua hopuia o Harry S. Wong e Heine ma ka po o ka Poakolu ma- mua aku no ke kapa ana iaia iho, he kiu e noho hana ana malalo o ke aupuni, oiai nae aole he hiki iaia ke hoikeike ae i kona komisina. No na po ekolu ka, e hoea mau aku ana kela Pake me kona kaa otomobile, a kukulu i kona kaa ma kahi kokoke i ka home o Heine, a i ka manawa i kauohaia aku ai oia e ku a hele mai kela wahi aku, ua hoopuka aku la oia i kekahi mau olelo kupono ole. Oiai ka e laweia mai ana no ka halewai, maluna o ke kaa makai, ua hoao o Wong e holo mahuka, aka ua paa hou ia oia e Heine ahiki i ka hoea ana no ka halewai; a ma kekahi la ae, mahope o ka ninaninau pono ana o ka Loio Amerika Parsons i ka hihia o Wong, i kauoha ae ai oia e hookuuia kela Pake a o kana mea i hana mai ai, o ia no ka hoo hiki ana ae i kekahi palapala hopu no ka hopu ana mai o na makai ia Heine ma kela Poaha. KOMO AIHUE IA ELUA HALE MA WAIANAE. Ma ka po o ka Poalua o ka pule aku nei i hala, he elua mau home ma Waianae i komoia ae e kekahi mau haole koa elua, o ka mea apiki nae, aole e hiki i kekahi Kepani i ike i ke komo ana aku o kela mau koa maloko o kona home, ke ike i ua mau koa nei, ma ka manawa i ku laina ia ai na koa apau, ma kokahi la ae. , Mawaena o ka hora eiwa ame ka hora umi, ma kela po, i komoia ai ai ka home o S. Hano, oiai na ona o kela home, e pa'uhia ana i ka hia- moe maloko o kekahi rumi, he mau uwaki ka i lilo i ka aihue ia, me ke ala ole mai o ka poe maloko o kela hale. O ka lua aku o na hale i komo aihue ia ma kela po hookahi no, o ia ka hale o Nakamoto, e ala mai ana no nae ka ona nona kela hale, i ka wa i komo aku ai na piko pau iole iloko, me ka hooweliweli ana aku o kela mau koa i ke Kepani, no kona pepehiia aku a make, ina e hoao ana oia e uwa, i wahi e lohe aku ai ka nui o ka poe ma kela wahi. Ma ke kakahiaka ana ae o kekahi la mai, ua hoikeia aku la ka lohe i ke alii koa, nana e hoomalu ana na koa ma Waianae, a ua kauohaia mai o Nakamoto, e hele aku oia e nana i na koa elua ana i ike ai ma ka po aku mamua, o ke komo ana iloko o kona hale, aole nae e hiki iaia ke hoomaopopo i ua mau koa nei, mai ka nui ae o na haole koa, nolaila ua pakele kela mau kolohe, me ka paa ole i ka hopuia. kahi poe hou, e holo ku-e i ka poe e paa mai nei i kela mau kulana i keia wa.	AHAI KE C. E. O WAIAKEA I KA MAKANA HOOKUKU. Ma ka hookuku himeni o ka ma- lamaia ana mai nei. e na papa hi- meni o na C. E. o Hawaii, maloko o ka hale kiionioni o Papaaloa, Ha- waii, ma ke Sabati, Augate 16, i aha'i ae ai ka papa himeni o ke C. E., o Waiakea i ka lanakila o kela hookuku, me ka lilo ana o ka makana helu ekahi i kela papa hi- meni, o ia hoi he $50.00. He elima ka nui o na papa himeni i komo ma kela hookuku ana, o ia na papa himeni o Laupahoehoe, Olaa, Opihikao, Kohala ame ko Wai- akea. Ua kaa ka helu elua ma kela hookuku ana i ka papa himeni o Laupahoehoe, me ka makana o ka- nakolu dala, a i ka papa himeni o Olaa ka helu ekolu, me ka makana o iwakalua dala. O ke alakai o ka papa himeni o Waiakea, oia o J. Kalima, a he iwakalua-kumamawalu ka nui o ka poe i komo maloko o kela papa. Me kekahi kaaahi kuikawa, o ka haalele ana iho ia Hilo, ma ka hora 8:00 o ke kakahiaka o kela Sabati, Aug. 16, i holo aku ai ko Hilo poe, ame ka papa himeni o ke C. E. o Waiakea no Laupahoe- hoe, kahi e malamaia ana o na hana o ka aha mokupuni. He hoolaa luakini, ka hana, i ma- lama mua ia, a mahope aku ke Kula Sabati, mahope o ka hoike ua hoi na mea apau e paina i ka aina awa- kea, a noho hou mai ka halawai a na G. E. ma ka auwina la, a ma- hope o ka aina ahiahi, i liuliu hoo- makaukau ai na mea apau, no ke kau hou ana maluna o ke kaaahi no Papaaloa. Ua hoea na mea apau ma ka hale kiionioni o Papaaloa, he elua mile a oi mai Laupahoehoe mai, a mala- ila kahi i malamaia ai o na hana hookuku, a mahope o kela hana i huli hoi hou aku ai ke kaaahi no Hilo, me ka piha o na mea apau me na manao hauoli, no na mea a la- kou i ike ai, a i lohe ai ma kela la. NO HAWAII NEI KE KELEPA A NA MOKULELE. E hoakaka ana ka lono mai Kapa- lakiko mai o na mokuea apau ekolu e hoao ana e lele mai me ka hoo- maha ole ahiki no Hawaii nei, i keia pule, ua hoea ae a pau i ke kahua o na mokulele Crissy ma ka la Sabati iho nei. O ka mokulele Boening PN-1 i haalele aku ai ia Seattle ma ke kakahiaka Poaono ua kuu iho ma ke Kaikuono Neha ma ka hora 12:55. 0 ka Mokulele PN-9 Helu 3 iloko o kana lele ana me ka hoomaha ole mai San Diego mai ma ka hora 3 p. m., ke kuu ana iho. O ke kolu o na mokulele, ka PN-9 Helu 1, i haalele aku ai ia San Diego a lele ae no Kapalakiko me ka hoomaha olo ua ku iho ia ilalo ma San Pedro mamuli o ke kulu o ka aila, aole i hoea ae i Kapalakiko ahiki i ka hora 5:50 o ke ahiahi Sa- bati aei. O na mokulele a pau eko- lu ua hoolako ia me na kanaka na lakou e lawe mai ana i na mokulele i Hawaii nei. Ua hoolahaia ae ma Kapalakiko ma ke Sabati iho nei elike me ka hoike ma ka lono, o ka lele ana ae o na mokulele mai San Diego a Ka- palakiko me ka hoomaha ole ua hoo- paneeia mai ka Poaono mai a ke Sabati mai no ka holopono ole o ka noonoo o ke Kokua Pailaka Connell, o ka mokulele lawe hae me ke ano o ka hanaia ana o na mea hoonui i ka malamalama o na mokulele, a ua ikeia ka holopono ole ma ka ma- nawa o ka lele hoao ia ana ma ka Poaha aku. Ma na wahi e ae apau o na mo- kulele ua ikeia ke akamai o ka poe na Iakou i hana na mokulele hookahi wale no kumu e hiki ole mai ai na mokulele i Hawaii nei o ka halawai o na kanaka o na moku- lele me na ulia pakalaki. Pakolu na Kiai ma ka Mokulele No ka hooiaio ana no ka palekana o na mokulele ua pakoluia na kiai e na kanaka o ke keena kaua moana no na mokuea e lele mai ana. Ko ka hoopakele ana i na kanaka o na mokuea e lele mai ana elike me ia i hoolala mua ia ai he umi-kuma- makahi mau moku e hoonohoia ana ma ka moana Pakipika ma ka laina a na mokulele e lele mai ana, a ma ke kauoha hope loa ka i hoopukaia mai ke keena kaua moana mai he iwakalua a oi aku mau moku holo- mama Ioa me na mokuloko ame na mokuea (Seaplanes) e hoonohoia ana ma ka moana ma ka manawa o na mokulele e lele mai ai maluna o ka lewa mai Kapalakiko mai no Hawaii nei. He umi-kumamalua mau mokuluu o hoonoho ia ana ma ka moana ma ke 30 mile ke kowa o kekahi mai kekahi mai; ma kahi kokoke mai i Honolulu nei, me kekahi moku kolo e bana ana ma ke ano ukali no ia mau mokulele. E hoonohoia ana hookahi moku holomama loa ma ke kowa o Holo- kai, Hawaii, a e hoonoho ia aku ana kekahi mokukolo ma kahi ko- koke i Hilo. He mau mokukolo a mau moku holo mama loa ke hoo- nohoia aku ana ma na wahi like ole mahope aku mx ka laina pololei a na mokuea e lele mai ana mawaho ae o na moku i hoonohonohoia aku i nei manawa.	LAWE IA HAOLE I KONA OLA IHO ME KA PU PANAPANA. Mamuli o na kumu i koho wale ia aku, o ia ka pilikia o kona noo- noo, no na mea pili dala, pela hoi ka maikai ole o kona ola kino, i lawe okoa ae ai he kakauolelo no ka oiha- na leka, e noho ana ma Leilehua, i kona ola ma ka auwina la o ka Poakahi iho nei, ma ke ki ana no iaia me ka pu panapana, ma ka puuwai, a make oia iloko o ka ma- nawa pokole loa mahope mai, o kela hana ki-pu. O ka inoa o kela kakauolelo o ka oihana leka ma Leilehua, oia o James B. Nichols, he kanaka kino ikaika oia ke nana aku mawaho, eia nae iaia o ka hoea ana ae no ka haleleka lala ma Leilehua, ma ka hora umi me ka hapa o ke kakahiaka o kela Poakahi, ine he mea la, oia kekahi o na kanaka ma'i maoli, i ke kau- maha o kona helehelena a kona mau hoaloha e nana mai ana iaia. Fa noho kela kakauolelo maloko o ke keena o ka oihana leka, ahiki i ka pau loa ana o ka poe hana o ka haleleka, i ka hele e ai i ko lakou aina awakea, a koe wale no oia me kekahi limahana e aku, 0 kona manawa ia i kii aku ai i kekahi o na pu panapana, e waiho ana ma- loko o ke keena o ka oihana leka, a lawe pu aku la me ia, iaia o ka haalele ana iho i kela keena, he hora mahope mai. Ma ke koena aku o kela auwina la Poakahi, aole i hoi hou aku o Nichols i kana hana, aka ua hoi loa no oia no kona wahi, a e nanea ana oia me ke kumu puhiohe, ma ka manawa a ka lunanui o ke keena leka, i hele aku ai no ka hui pu ana me ia, ma ka hora elima o ke ahiahi. Oiai ka kela lunanui, e hookokoke aku ana i ka hale e noho ana o kela kakauolelo, ua lawe mua ae la o Ni- chols i kona ola iho, ma ke ki ana iaia i ka pu ma kona puuwai. Mahope iho o ka Iawe ana ae o kela kakauolelo i kona ola iho, i hoike koke ia mai ai ka lohe i ka Lunaleka Nui MacAdam, ma Hono- lulu nei. He ekolu ae nei pule i hala, i na- 1 naia ai na buke moohelu waiwai a kela kakauolelo, a ua ikeia ka po- lolei, eia nae, ma ka oleloia, ua hoike okoa ae o Nichols imua o kona mau hoaloha ma kela kakahi- aka, ua hoopilikia loa ia kona noo- noo, no na mea pili dala, ma ke ano hea nae i hoopilikiaia aku ai ka noonoo o kela kakauolelo, aole i mao- popo i na luna oihana o ke keena leka ma kela la. ILI HE WAAPA MOKUAHI PA- KELE NAE NA OHUA. E ole ke koa ame ka maka'u ole o kekahi wahine opio nona ka inoa o Mary Watson, o ia kona au ana mailuna aku o kekahi waapa moku- ahi i ili, ma kalu kokoke i ka nuku o ke awa ae nei o Kou, ma ka po o ka Poaono aku la i hala, pela iho la i hoopakeleia mai ai ke ola o kekahi poe ekolu mai ka make mai. I kulike ai me ka moolelo e pili ana i ka hoopakeleia ana o kela poe mai ka waapa mokuahi mai; penei no ia: Ma ka po o kela Poaono, ma ka hokele Tropic ka o Robert Purdy kahi i nanea ai me kekahi mau ho- aloha lehulehu, a oiai he wiliki kana hana noluna o kekahi o na waapa mokuahi o na Hoahanau Young, ua kono aku la ka oia i kekahi poe, e hele lakou i ka holoholo waapa ma kela po. Ua kahi 'ohi 'o ka oia i ka waiona ma kela manawa, nolaila ua ae mai la kona mau hoaloha e hele i'o la- kou i ka holo waapa, o ka poe i hele mai me ia, oia o Y. Yum, Mary Watson ame Mrs. Nishi. Iho mai la lakou apau no ka uwapo 12, malaila i kau nui aku ai ma- luna o kekahi o na waapa mokuahi, a hoomaka mai la e holo no ka nuku o ke awa. He hora ka a oi, mahope iho o kela haalele ana aku i ka uwapo, ua kapalulu aku Ia ke kila o ua waapa nei, iluna o ka holopapa, ma ka aoao maluna o ka nuku o ke awa, a no ka hoopakele ana i ke ola o ka poe apau maluna o kela waapa, ua au okoa mai la o Mary Watson, nouka nei o ka aina, a pae mai oia ma ka Papu Limaikaika, a hoike aku la i ko Iakou moolelo poino. I ka lohe ana aku o na aliikoa i kana moolelo, ua hoohuliia mai la ke kukui uwila no kahi o ka waapa ili, a iloko no hoi o ia manawa hookahi, i hoikeia ae ai ka lohe i ka oihana makai, a iloko o ka ma- nawa pokole, i hoounaia mai ai kekahi poe, no ka hoopakele ana i ka poe poino, he oiaio, ua hoopa- keleia kela poe apau. Ua hopuia o Robert Purdy e ke Kakiana Makai Louis, a laweia ae e hoopaa ma ka halewai, ma kela po, no ka noii poao ana aku o ka oihana makai, i ke ano o ka hana nana i alako aku iaia iloko o ka pilikia. Ma ka olelo a na makai, ma ko lakou manaoio, ina aole i ili maoli ka waapa mokuahi, ina ua hoomau ka holo ana o kela waapa, ahiki i ke piholo ana iloko o ka moana Mamuli o kekahi mau hemahema i ikeia, i hoopaneeia ai ka manawa e haalele aku ai na mokulele ekolu ia Kapalakiko mai ka Poaono ae nei, a i ka Poakahi o keia pule ae.

KA NINAU i'A ma HAWAII NEI

(Mai Ka Aoao Ekahi Mai)

mau hua. a ina aole Iakou e hookuuia aku ana e hana pela, aohe
kumu e hookapuia ai lakou.

Ka Elua, o na mahina hooilo o Dekemaba, Ianuari ame Feberuari, he mau mahina ino ia, e hiki ole ai i na waapa lawai'a ke holo ma ka moana, a i ole hapa mai paha ka loaa ana o na amaama. Iloko o keia kikina i kauka'iia aku ai na amaama loko no ka hoolawa ana mai i ka i'a. Nolaila iho la i aeia at ke kuaiia o na amaama loko. Na Manao Hoakaka Pili no ka Aaeia Ana o na Amaama Loko

Ua manaoia paha aole e hiki ke ikeia ka like ole o ka amaama loko mai ka amaama kai mai, nolaila o ka ae ana aku e kuaiia ka amaama loko e wehe hamama ia ae ana ka ipuka no ke kuai pu ana i ka amaama kai.

O ka pane no keia mea, o ia keia, ua koiia mai e na kanaka loe : ike lawai'a ua hiki ia lakou ke ike i ka like ole mawaena o ka amaama loko ame ka amaama kai. nolaila ua auhee wale aku la keia kumu ku-e.

IT nae o ka poe wale no e paa ana he laikini kuikawa ke kuai i ka amaama loko iloko o ke kikina kapu, ka poe i aeia aku e hana pela, a ua manaoia aku no hoi e makaala loa ana keia poe i laikiniia, no ka hokai ole ia o ko lakou kuleana kaokoa.

Eia hou, ua ili aku ke ko'iko'i o ka hooiaio ana maluna o ka mea e kuai ana i ka amaama i ke kikina kapu, ma ka hoike ana mai he amaama loko kana e kuai ana aole he amaama kai. O ka mea mua loa, he kakaikahi wale no na lokoi'a, nolaila he hana maalahi loa ka huli ana aku i ka oiaio, no ke kuaiia o ka amaawa loko, ma ka ninau ana iwaena o na ona o na loko I'a kuloko a poe paa hoolimalima paha, ina mailoko mai o kela nau loko ka amaama i kuaiia. Ina aole no kela mau loko mai, alaila be amaama kai kela.

Eia hou, o ka hookoe ana e ae ana i na amaama loko e kuaiia iloko o ke kikina kapu, no ka pono pili loa ia i na ona ame ka poe paa hoolimalima o ka loko, nolaila aole lakou e kokua aku ana i kekahi mea okoa aku e ku-e ana i ke kanawai ma ke kuai ana i ka amaama ma ke ano paonioni me ka lakou amaama loko. Hoopakele Ke Kanawai i Na Pua Amaama

Ma kekahi manao o ke kanawai e hookapu ana ia i ke kuaiia o ka amaama i ko lakou wa opiopio a uuku no ka aiia mamuli o ka liilii.

Ua hookapu ke kanawai i ke kuaiia o ka amaama i emi iho malalo o ehiku iniha ka loa, a o ka loaa ana aku malalo o ka malu o ka poe kalewa i'a ame ka poe kuai i'a, ua ku-e ia i ke kanawai.

E hoomanaoia ua hookapu ke kanawai i ke kuaiia o ka amaana malalo o ehiku iniha ka loa; aka ua kaupalena wale ia no ka hookapuia no ka loaa ana aku malalo o ka malu, i ka poe kalewa i'a ame ka poe kuai i'a.

Ma kekahi olelo ana ae, aole i ku-e i ke kanawai no kekahi mea aka no ka mea kalewa i'a a mea kuai i'a wale no, ka lawe ana mai malalo o kona malu i ka amaama malalo o ehiku iniha ka loa.

Ua hiki i kekahi mea i loaa iaia ke kuleana maoli e kaee ai i
ka pua amaama ke Iawe mai a ai ia mea aole e kuai.
Ku-e i Ke Kanawai e Pili Ana i ka Pua Amaama

Aole i pili ka hookapu ana i na pua amaama i na kanaka lawai'a kalepa a ona paha o na loko, a poe hana paha e kaee ana i na pua amaama, no ka hoopiha ana i na lokoi'a.

Aole no hoi i pili ka hookapu ana i na maka nahenahe o na upena i ke kaee ana i na pua amaama, no ka hoopiha ana i na lokoi'a.

Aole i Hemolele ka Hoopakele Ana, Aka e Aho Ia Mamua
o ke Kanawai Ole

O na hookaokoa ana i ke kanawai i hoikeia ae la maluna,
malia e hoopohihihiia aku ana no ia a mamuli o na hookaokoa i
ana, e pakele ai kekahi poe hakihaki o ke kanawai; aka ke
olelo nei au, he oi ae ka maikai o ke kanawai elike me ia e
ku nei, e hoopakele ana i ka amaama iloko o ke kikina hanau
hua a e hoopakele hapa ana i na pua amaama mamua o ka
nele loa i kekahi mea hoopakele.

Ua haawi mai ke kanawai i kekahi hoopakele ana no kekahi o ko kakou i'a maikai loa a kamaaina no hoi, oiai nae aole he kanawai hoopakele i ikeia mamua aku nei.

Ke olelo ae nei au he liilii loa ka hoopilikia ana o ke kana- i
wai hou e pili ana i ka amaama ma kona hoohanaia ana. a ilo-
ko no hoi o ia manawa ua hoohanaia me ka maopopo loa no
ka pono o ka lehulehu.

E alakai ana ke kanawai hou no ka hoomahuahua ana i ka
amaama o keia mua aku ma ka heluna ame ka nui o ke kino.
O ka hopena maoli o ia no ka hoemiia mai o ke kumukuai.

Nolaila aia ke kanawai mahope o ka pono o ka lehulehu, e
pono ai e kakooia e na mea apau.
(No keia pule ae e puka hou aku ai.)