Ka Nupepa Kuokoa, Volume LXIV, Number 35, 27 August 1925 — Page 6

Page PDF (1.55 MB)

View this newspaper issue

NA MOOLELO HOONANEA, NA NUHOU KALAIAINA

ME NA NUHOU O KA MANAWA

Nupepa Kuokoa

KE KILOHANA POOKELA NO KA LAHUI HAWAII

AOAO NO NA MANAO PEPA
SOLOMON HANOHANO, LUNAHOOPONOPONO

NUPEPA KUOKOA, HONOLULU, T. H. POAHA, AUGATE 27, 1925.

NA MARE.

Modesto de los Santos ia Mary Kanahele, Aug. 12.

Luis Naukana ia Helen Keonaona Nunuha, Aug. 14,

Raymond Delong ia Mary Hoii, Aug. 16.

NA HANAU.

Na Mr. ame Mrs. Moses Paa, he kaikamahine, Aug. 14.

Ka Mrs. amo Mrs. Charles Kalahele, he keikikane, Aug. 16.

Na Mr. ame Mrs. Alexander Kar-
ratti, he kaikamahine, Aug. 19.

NA MAKE,

He bebe na Mr. ame Mrs. Moses Paa, ma Kalihi, Aug. 14.

Miss Louisa Pa, ma ka Houi* Leahi, Aug. 23.

P. E. R. STRAUCH LIMITED
WAIWAI PAA INISUA

NO KA POE O KAAKAUKUKUI!

Hoonoe i ko oukou hale i kekahi o

na apana mahope ae nei, aohe mea

nana e hoopilikia hou ia oukou.

Apana Kaiulani, Kalihi-uka. 3 mau apana nani 50x100 pakahi, kumukuai $600 walo no o ka apana hookahi.

Kalihi. Apana Thomas. Mau apana u'i, $25.00 uku mua, koena $.15.00 o ka mahina.

Apana Paku'i Strauch, Kapahulu. Apana 50x100, $25.00 uku mua, $15.00 o ka mahina.

Apana ma Palolo, 48x120, $50.00 $10.00 o ka mahina,

P. E. R. STRAUCH, LIMITED.

75 Alanui Moi Hema

Kelepona 2391

Mahope o na hora oihana a ma na U
Sabati kahea mai 5117.


KA AKENA HOOKAPU WAIONA HOU NO HAWAII NEI. Ua loaa mai nei ka hoike i keia kulanakauhale, no ka hoo- kohuia ana mai nei o Ned Crabbe, i akena hookapu waiona no Hawaii nei ma kahi o ka Akena Hookapu Waiona John H. Wise i waiho aku i kela kulana; nolaila aole he hopohopo ana a koonei poe, no ka hookohuia mai o kekahi mea malihini, ma kela kulana a ua hoauhee loa ia aku hoi kekahi manao o kooiT- poe e kaa aku ka hookapu ana i ka waiona malalo o ka oihana koa o Amerika Huipuia. Hookahi mea ano nui, ma keia hookohuia ana mai la o ke- kahi kanaka kuloko, no keia kulana, o ia no ka loaa ole o ka noonoo i na poo ma Wakinekona, e hoouna mai i kekahi ka- naka mai Amerika mai no Hawaii nei; aka nae i wahi e kau mau ai na hilinai ana a kela mau poo oihana, i ko kakou poe maanei nei ua ili iho ke ko'iko'i maluna o lakou, ka hooko ana aku i ka Iakou mau hana me ke kui'o, a kanaka-makua ; e kaa- wale aku ai na hoohuoi ana, no ko lakou lilo i poe hoopakele i ka poe hakihaki kanawai. He mea o Ned Crabbe i noho hana iloko o ke keena o ka akena hookapu waiona no kekahi mau makahiki loihi, mai ke au mai o John Colburn, ahiki wale no i ko John H. Wise ma- nawa iho nei, nolaila i kona hookiekieia ana ae la ma keia kulana hou. i ka nana aku. aole ia malalo o kekahi mau kumu kupono ole. aka mamuli o na hooia i loaa aku i na poo ma Wa- kinekona, no kona hooko pono i na hana o kela keena, a no kona makaukau pu kekahi, oiai ua loihi kona noho ana he luna oihana federala. Me keia akena hookapu waiona hou, ma ke poo o ke keena hookapu waiona ma Hawaii nei, e kau aku ko kakou manao- lana, e hooiia ae ana ka hookoia aku o ke kanawai me ke kui'o, i ko ka wa aku nei i hala; a e hookauia aku hoi ka weli ma- luna o ka poe hakihaki apau i ke kanawai hookapu waiona maa- nei nei. He mea maikai ole i ko kakou noonoo, ka ike ana aku, i ka hoopauia o kekahi poe i kahiko ko lakou noho hana ana ma- loko o kela keena, ma ka manawa e lawe ae ai o Mr. Crabbe i kona kulana hou ; aka nae ina ia no ka manao ana, pela wale no e holopono ai ka hookoia aku o ke kanawai, alaila e ma- halo aku kakou ia hoopauia ana; na keia mua aku e hoike mai i ke ku i ka naauao ame ka naauao ole, ka hoopau ana aku i kela poe kahiko. AKAHI NO A HOOPAUIA NA POHIHIHI. He mea na keia pepa e hauoli nei, ka hoea ana mai o na hoike no keia keena, i ka lilo o na manao hoakaka, i kakauia e Mr. L. A. Kakina, maluna o ka ninau i'a ame na kanawai hookapu i'a, i mea makemake nui ia, e kekahi heluna nui o na Hawaii e lawe nei i ka nupepa Kuokoa; a ua hoopau loa ia ae hoi ko lakou mau manao kuhihewa ame na manao pohihihi, e pili ana i na kanawai i hooholoia e ka ahaolelo, e pili ana i na i'a. O na manao kuhihewa i loaa aku ia lakou, no na kumu oiaio i laweia mai ai o na hooponopono ahaolelo, e hookapu ana i na i'a ; ua loaa like no ia i ka hapanui o na lahui kanaka apau ma Hawaii nei ; no ia mau manao kuhihewa nae, ke hauoli nei makou, no ka hoauheeia ana aku, mai kekahi poe Hawaii aku, mahope iho o ka heluhelu ana me ke akahele i ko Mr. Kakina manao hoakaka. Eia no ka mea oiaio maoli ma kela mau kanawai i hooholoia, r pili ana no na i'a. Ua hookapuia ke kii ana i na i'a, iloko o ko lakou manawa hanau hua, no ka haawi ana keia i mana- wa e hoopulapula ai i na i'a, mahope aku o ke kikina hanau hua, ua noa i na mea apau ke kii : no na makaainana Amerika apau, ua noa ia lakou ke kii i na i'a mai ka pua aku ahiki i na i'a nunui, i mea ai na lakou, aole no ke kuai a kalepa paha; a ma kekahi olelo ana ae hoi aole e hiki i ka poe lawai'a ke kii i na pua i'a, ame na i'a liilii a ke kanawai i kaupalena ai, no ke kuai aku i ka lehulehu. O keia kekahi o na kumu ku-e ikaika o na Hawaii, i ka hoo- kapuia o na i'a, o ia ko lakou hiki ole e kii i na pua amaama, ame na pua o na ano i'a e ae: i mau mea ai na lakou; aole nae pela ka manao maoli o ke kanawai; ua noa ia lakou ke kii aoa i na pua i'a, a lawe mai i mau meaai, aka ua hookapuia nae ko lakou kuai ana aku ma ke ano imi pomaikai no lakou iho elike me ka poe iloko o ka oihana kuai a kalepa i'a. No ka pomaikai o na Hawaii, ke a'o ikaika aku nei keia pe- pa, e malama i keia mau manao e hoopuka mau ia aku nei, i loaa ai ka malamalama maoli ia lakou, no na kanawai pili i na i'a. a i ole ai lakou e kuhihewa ma ka lakou mau mea e hana aku ai ; a o ka mea oi loa aku. i loaa ai ia lakou ka ike ame ka naauao ma na ninau apau i pili i na kanawai i'a ; me ka lilo ole na na lahui e, e kuhikuhi mai i ko kakou pilikia. Ina uo e noonoo pono iho ana kakou, hookahi kumu o ke emi mai o ka i'a, o ia no ka hiki ole ke hoopulapulaia, no ka mea aole he kikina i hookaawaleia no ka hanau ana o na i'a i •B Iakou mau hua; nolaila i ka hookapu ana a ke kanawai, i •Bhiiia o kekahi mau ano i'a e ai, iloko o na mahina i hookapu- ^Hpaha aku ana ka i'a, ua loaa ke kumu e hoolaha ai. ^^Khnopau i ko kakou mau manao ku-e no na kanawai i hoo- HHfee hoopakele ana i na i'a a e nana aku i ka hopena e ^^Kp" a" ³ •' ina no aole e hoea aku ana i kahi e hoomahua- IHPb? ai na i'a ma keia mua aku, aka nae ua weheia ae ke- JBjp alahele a malaelae no kekahi mau hana e ae, e pono ai •Kslpnau i'a ma Hawaii nei. Ua waiho ae kekahi poe o Kaakaukukui imua o ko lakou ^^^loio. i ko lakou manao, no ka uwalo ana aku imua o ke HKpuia. i wahi hou no lakou e hoi aku ai e noho, mamua o haalele ana iho ia Kaakaukukui; me ke kuhikuhi ana aku, ipke kuleana ole o ka poe e noho nei ma Puowaina a ma Wai- kiki, e hoomau ai ka noho ana ma kela mau wahi. Ma na prio apii!, i-'.a aole he kuleana maopopo o kela poe apau e noho pi maluna o na aina o ke aupuni, alaila e pono no Iakou e huli aku i wahi hou no lakou e noho ai; me ka imi ole mai i mau kumu pale maikai ole, e pakele ai lakou mai ka nee ana aku no na wahi okoa e noho ai. Hookahi hana a na hoa o ka papa o na lunakiai, e pono ai e haawiia aku ia lakou na mahalo ana e ko ke kulanakauhale nei poe o ia no ko lakou ku-e ana aku i ke kukuluia o na ho- kele nunui ma na wahi kokoke i Kapiolani Paka. E hookoe ia wahi ame na wahi pili kokoke i ke kahakai, no ka lehulehu! Ua nui na wahi kaawale e ae, no ke kukulu ana aku i na hokele nunui.	OHOHIA KOONEI POE I KA BA- NA A KA KEIKI A'O KOA. Ma ka Poalima aku la i hala, i hookipa mai ai ko ke kulanakauhale nei poe, me na manao ohohia, i ka bana puhiohe o na keiki a'o koa o Los Angeles, me ka lilo o na lala o kela bana, i mau malihini hano- hano na ko Honolulu nei, ahiki wale ao i ko lakou huli hoi ana aku no Amerika. Me kekahi komite hookipa, mai ka puali aku o na keiki a'o koa o keia kulanakauhale, i hookipaia mai ai kela bana puhiohe me na manao ohohia, a ma ka uwapo, hoi, i ha- lawai pu mai ai me na puali o na keiki a'o koa o Honolulu nei, ala- ila, ka'i mai la no na alanui ano nui o ke kulanakauhale nei, noloko o ka pa'lii, no ka ike ana i ke kia- aina. Ua apoia mai kala bana me na manao ohohia e ke kiaaina, me kona haawi ana mai i kokahi haiolelo pokole, a wahi ana, he manaolana kona, o ka hoea ana mai o keia bana puhiohe o na keiki a'o koa mai Loa Angeles mai, o ke kumu hoo- halike kupono loa keia e loaa aku ai he bana o keia ano no na puali o na keiki a'o koa ma Honolulu nei. Ua huli hoi aku kela poe keiki no ke Kula Kamehameha, ko lakou wahi hoomoana, a mailaila mai, i iho hou mai ai no ke taona nei, no ke kilohi ana i na wahi ano nui o keia kulanakauhale, a no ka hoo- kamaaina ana ia lakou iho me na luna oihana kiekie o ke teritore ame ke kulanakauhale. AEIA NO KA POE MAKAIKAI I NA MOKULELE. Oiai e lilo ana ka hoea ana mai o na mokulele pilikua mai Kapala- kiko mai no Honolulu, nei, i mea ano nui loa, ma ka moolelo o na moku- lele, na hoike ae na aliikoa kiekie o ka oihana kaua o Amerika, no ka wehe hamama ia, o ke kahua ma ka Papu Kamehameha, i wahi no ka lehulehu e noho ai, a makaikai aku, i ka wa e hoea mai ai na mokulele, malalo Ae nei o Puuloa, ma keia pule ae. E hookaawaleia, ana na wahi no na kaa otomobile e kukulu ai, pela hoi kahi o ka poe kaa ole, e nono- ho ai, me ka hoopilikia ole aku i na mea apau i hanaia o ka oihana kaua ame ka oihana koa ma kela wahi. Iloko o na la aku nei i hala, aole i manaoia, e ae aku i ka Papu Ka- mehameha, i wahi no na makaainana e noho aku ai nana i na mokulele, aka mamuli o ka hoomaopopoia ana, o kela kekahi o na mea ano nui loa i ko Hawaii nei poe, pela i hoo- holo ai na aliikoa, e wehe hamama aku i kela papu imua o ka lehulehu o ka poe e makemake ana, e ike pono, i ka hookuu ana iho o na mo- kulele ilalo, mailuna mai o ka lewa. KULIKE OLE ME KA MAKAO KANAWAI O KA LOIO KALANA HEEN. Mahope iho o ka loaa ana aku o ka manao hoakaka kanawai o ka Lunakanawai Kiekie Robertson, i hoakaka ae ai ka Lunakiai Ben Hol- linger, ma ka Poalima aku nei i hala, i ke kaokoa loa o ka manao kanawai o Robertson, mai ko ka Lo- io Kalana Heen mai, e pili ana i ka waihona e hookomoia aku ai o na dala i ohiia no na auhau kaa. Ma kekahi manawa mamua aku nei, ua ninauia aku ka Loio Kalana Heen, i kona manao kanawai, no kela mau dala a ua waiho mai oia i kona manao kanawai, e hoakaka ana, no ka hookomoia o kela mau dala, iloko o ka waihona kuikawa, a e hoolilo wale ia no, no na hana kuikawa. Ma ka manao kanawai hoi o ka Lunakanawai Robertson, e hoakaka ana ia, no ka hookomoia aku o kela mau dala iloko o ka waihona laula, a e hooliloia aku no kekahi mau bana i hoomaopopoia. Me kela manao, e holo aku na dala auhau i ohiia no na kaa, iloko o ka waihona laula o ke aupuni, i hookahua ai ka Lunakiai Hollinger, i kana bila haawina no na hoolilo o ke aupuni, mai ka mahina aku o Sepatemaba ahiki i ka la hope o ka mahina o Dekemaba; eia nae, na paheneheneia mai oia e kona mau hoa o ka papa, no ka pololei ole o kana mau itamu, o ka hookomo ana maloko o kana bila haawina. Me kela mau manao kanawai nae elua. i kaokoa kekahi mai kekahi mai, e laweia ana ka manao kana- wai o ka Loio Kalana Heen, ma ke ano o ka manao kanawai pololei wale no oia, no ke kumu, o Heen ka Loio kalana, a o ka aha hookolokolo wale no ka mea mana, e kiola ae ai i kela manao kanawai, a apono mai i ka manao kanawai o ka Lunaka- nawai Robertson. KAPALAKIKO, Aug. 23—Ua hoo- kauia aka maluna o ke kaaahi i keia la e laweia aku ana no Kikako no ke kanu ana ke kino o ka Elele Aupuni Edgar A. Bancroft i make ai ma lapana.	Nuhou Kuloko Ua hoike ae ka Akena Hookapu Waiona Crabbe i kona manao, ina aole i ku-e i ke kanawai ka paa ana o kekahi mea i ka oihana fede- rala, oiai no oia e paa ana i ke ku- lana hoa no ka ahaolelo kuloko, alaila e hookohu aku ana oia i ka Lunamakaainana E. P. Low i akena hookapu waiona no ka Mokupuni o Hawaii, ma kahi o kekahi o na ake- na e hoopauia aku ana no kela mokupuni. Ua oili ae kekahi mau lohe i kela mau la aku la i hala, no ka waiho ana aku o ka Hope Loio Amerika Miss Carrick Buck i kona kulana malalo o ke aupuni federala, no ka lawe ana ao i ke kulana Hope Loio Kalana, malalo o ka Loio Kalana Hathway, e pani ae ana i ka maka- luna o ka Loio Kalana Heen, e waiho aku ana i kana oihana, iloko o ka mahina ae nei o Sepatemaba. Ma na hoike e hoea mai nei i keia kulanakauhale mai na kuaaina mai, aia na hana kalaiaina ke paila mai Ia iloko o keia mau Ia, e lilo ai keia kau koho baloka wae moho e hoea mai ana, i kau hahana loa ma ka moolelo o na hana kalaiaina. No ka hoopau ana ae i na manao pohihihi, e pili ana i na kanawai hookapu i'a, he mea pono no e he- luhelu me ka hoomaopopo, i na ma- nao hoakaka e hoopuka mau ia aku nei i kela ame keia pule, i kakauia, a i unuhiia no ka pono o na kanaka Hawaii, e L. A. Kakina. Ma ka Poakahi ae nei, ka Ia hope o ka mahina o Augate nei, e weheia aku ai ka hoikeike fea mawaho ae nei o ke kahua hoikeike o ke teri- tore ma Waikiki, a elike no me na hana o ka makahiki aku nei i hala, pela ana no ka nui o na hana hoike- ike ma keia makahiki. Ma na hoailona maopopo loa e nanaia aku nei i keia manawa, e hookohuia ae aaa i poe hou loa, no na kulana hope akena hookapu waiona no ke kulanakauhale o Hono- lulu nei, ma kahi o ka poe kahiko, i paa i kela mau kulana no na makahiki ae nei i hala. Mahope iho o ka hoohala ana i kekahi mau pule lehulehu ma Ame- rika iloko o ka manawa hoomaha o na kula aupuni, i huli hoi mai ai o Mrs. J. K. Mokumaia, ke kumupoo o ke kula o Moanalua, ma ka Poa- lua iho nei. No ka hoopuka ana i kekahi mau bila dala apuka ekolu, i kauia mai ai ka hoopa'i paahao maluna o ke kahi Kepani o Masato Nakao ka inoa, e ka Lunakanawai Frank And- rade, ma ka. Poakahi iho nei, e hala ai i kela Kepani he mau makahiki lehulehu e hoohala ai maloko o ka halepaahao mamua o kona hookuu ia ana. mai e hele lanakila. Wa ka mokuahi Manoa o ka haa- lele ana iho ia Honolulu nei no Ka- palakiko, i kau aku ai ka Ilamuku Amerika Oscar P. Cox, no kekahi hana ano nui ma ka Ipuka Gula, e hala ai iaia kekahi manawa ma kela kulanakauhale, mamua o ka huli hoi ana mai no Honolulu nei. Eia ke liuliu mai nei na lala o ka Ahahui Kamehameha, no ka hua- kai holo no Maui, no ka pule elua o ke; a mahina ae, no ka halawai makahiki e malamaia ana e na Aha- hui Kamehameha ma kela mokupuni. No ka hoopoino ana i kana kaika- mahine ponoi iho, nona na makahiki i emi iho malalo o ka umi-kumama- lima, i kauia mai ai ka hoopa'i ma- luna o Charles Spillner, e noho oia maloko o ka halepaahao, he elima makahiki ka haahaa, a he unu ma- kahiki ke kiekie. NA LEKA I KII OLE IA MAI AHIKI I AUG. 22, 1925. Kahele, Hattie Kalahiki, Mrs. M Mrs. Kamahui, Mrs. K. Kahoonei, K. M. Kolea, P. Kaleihuia, Kuhi, Alice Kamai Eliz. Laamea, D. K. Kamauoha Grace Mahaiulu, Mrs. Kamakau Sam Wm. Keala, E. B. Opio, Ben Koia, Iakoba Naeole, Willie Kupau S. P. Nawai Robt. Makanui, Lei Pono Mag. Albert Polo, Eddie Napua, Wm. C. Pali, Miss J. Pilipo, Mrs. Ulukou, Geo. Emily Kaaumoana, Mrs. Hiona, J. S. K. Kaua, Mrs. K. Kaikuaana, P. WAKINEKONA, Aug. 23.— Ua a-ia e ke ahi a make ke Kapena Frazer Hale ame ke koa E. C. Norris i keia la iloko o ka manawa o ka haule ana iho o ka mokulele a laua e kau ana ma ka Mapunawai White Sulphur, West Virginia, o ia ka lono i hoikeia mai ianei.	NO KA NAHU ANA I KA A-I I HOOPAI IA AI. No ka ae ana o Charles Henry Lanum, ma ka oleloia he haole ha- kaka kuikui puupuu, i kona hewa imua o ke kiure kiekie o ke teritore no kona hewa i hoopiiia ae ai he nahu kanaka, o ia hoi kona nahu ana i ka a-i o Tom Quinn ma ka la 31 o Iulai, i hoopiiia ae ai oia e ke kiure kiekie imua o ka aha ma ka Poalima o ka pule aku la i hala, a no ia hewa i kauia mai ai ka hoopai paahao o elua makahiki ma- luna ona. I kulike me ka hoakaka ma ka aoao hoopii, ua ku'iia e Lanum ke keikikane a Quinn, a iloko o ia manawa ua lehulehu na huaolelo we- la i panaiia ma na aoao elua, a iloko o na paee ame na lawelawe lima ana i nahuia ai ka a-i o Quinn e Lanum, elike me ka hoakaka a ka Loio Heen. "He mea anei kekahi au e ka- mailio mai ana nou iho?" i ninau aku ai ka Lunakanawai ia Lanum. "Aohe, koe walo no e ae aku ana au i ko'u hewa," wahi a Lanum. "Aohe mea hiki ia'u ke hoomanao ae no ka mea i hanaia. " Ia manawa i kau aku ai ka Lu- nakanawai Andrade i ka hoopa'i paahao maluna ona aole e emi iho malalo o ka elua makahiki aole hoi e oi aku maluna o ka umi e noho ai maloko o ka halepaahao teritore ma ka hana oolea. PAA I KA HALEPAAHAO NO NA BILA DALA APUKA. He keiki Kepani i hoopaa mua ia aku i ke Kula A'o hanalima ma Waialee ka i hoopaaia aku i ka halepaahao o ke teritore ma ka Poa- kahi nei o ka Lunakanawai Frank Andrade ma ka manawa ana i kau aku ai i ka hoopa'i maluna o Ma- sato Nakao no na kumuhoopii ekolu e ku-e ana i ka opio o ia kona hoo- lilo ana aku i kekahi mau bila ki- koo dala apuka. Ma kela ame keia kumuhoopii pakahi aole emi iho ma- lalo o ka eha makahiki paahao ame eono mahina aole hoi e oi aku ma* luna o ka elima makahiki, a e holo kailike ana keia mau hoopa'i a eko- lu kekahi mahope o kekahi. Ma ka manawa e hookolokoloia ana o keia keiki Kepani, ua ae oia i kona hewa imua o ka aha, mahope o ka heluheluia ana ae o ka pala- pala hoopii e ka Loio Kalana Heen. Hoohahi bila o $30 i hooliloia aku i ka halekuai meakani o Brostrom Co., ma ka la 9 o Iulai; o ka bila elua no $60, ua hooliloia aku i ka halekuai lole Hub Clothing Co., ma ka la 11 o Iulai, a o ke kolu o na bila no $70, ua hooliloia aka i ka halekuai Kwong Chong Lung Co., ma ka la 11 o Iulai. NA MEAHOU O NA AHA HOOKO- LOKOLO. Ekolu mau hoopii koipoho i hoo- komoia ae iloko o ka aha hookolo- loko o ka aha kaapuni ma ka Poa- kahi nei oia keia malalo nei; na James A. Darcy ma o James Darcy la, kona hoaloha) e koi ana ia L. M. Harmon no kona poho he $10,000; na James Darcy e koi ana ia. L. M. Harmon no kona poho he $500; na Dr. Leonard E. Case e koi ana i ka Honolulu Construction & Draying Co., no kona poho $3500. He ekolu mau hihia mikamina a ka aha hoomalu i komo ae i ka aha kaapuni ma ka Poakahi nei o ia keia malalo nei, ka mua no Miss E. K. Jellings, i hoopiiia ae ai no ke kalaiwa i ka mikini ma ka po me ke kukui ole mamua o ke kaa, a i hoopaiia ai e ka Lunakanawai Steiner he $20 me $1.00 koina, a hoopaneeia ka laikini no 60 la, a i hoohalahalaia ae ai ka olelo hoo- holo: Manuel Ferreira, i hoopiiia ae ai no ka holonui me ka noonoo ole i ko hai ola, a i koi ae ai na ka aha kaapuni e holohe i kona hi- hia: Santiago Feliciano i hoopiiia ae ai no ka holonui a i hoopa'iia ai e ka Lunakanawai Steiner he $25 me $1.00 uku koina o ka aha, a hoo. paneeia ka laikini kalaiwa no 30 la, a i hoohalahala ae ai i ika olelo hooholo a ka aha hoomalu No ka malama ole i ke ola ke kumuhoopii a Mrs. Cecilia Kealoha Souza o ka hookomo ana ae i ka aha a na aponoia mai kana hoopii oki mai ia Peter Souza mai e ka Lunakanawai Desha, me ka haawi pu ia mai o ka malama ana i ke keiki oo ole iaia. O ka Union Trust Co., ka luna- hooponopono waiwai a ka Luna- kanawai O'Brien o ka hookohu ana mai no ka hooponopono ana i ka waiwai o M. Cabral Chaves i make me ka bona ole. No ka pepehi mau ke kumuhoo- pii a Mrs. Matsu Muramoto o ka hookomo ana ae e ku-e ana ia Sisa Muramoto iloko o ka aha kaapuni ma ka Poakahi nei.	Nuhou Kuwaho PARISA, Aug. 23— He elima mau kanaka i make a he iwakalua i eha i keia la ma ka manawa o ke kaaahi Paris-Evian i hooku'i aku ai maho- pe o ke kaaahi Paris-Cette ma kahi kokoke i Sens. O ka umi-kumama- ha iho la keia o na ulia kaaahi ma- luna o na alanuihao o na Palani maloko o ka mahina hookahi. Iloko o keia mau hooku'i ana o na kaaahi he 34 poe i make. PILEDELEPIA, Aug. 23— No ka hapalua mile ka lele ana mai o Ly- man Ford maluna o kona mamalu (parachute) mailuna mai o ka mo- kulele ma keia auwina la a kau me ka eha ole iluna o kekahi kaa ka- laka, a iaia i lele aku ai mailuna aku o ke kaa kalaka iluna o ka lepo i haki ai kona wawae. NEWPORT. R. I., Aug. 23— Ua hoomahuahua hou ia ae ka heluna o ka poe make maluna o ka moku Mackinae i keia la a ke 50 ma ka manawa i make ai ekolu mau kana- ka hou o ka poe holo makaikai paka- laki ma ka pule i hala maloko o ka halema'i maanei. Ua pa-hu kekahi ipu mahu o ka moku Mackinae, a he 150 poe malihini holo makaikai i wela i ka wai wela. WAKINEKONA, Aug. 23— Ua ke- lekalapaia aku e ka Peresidena Coo- lidge i ka Emepera o lapana kana hoomaikai pili kino no na hana alo- ha a na luna aupuni Kepani ame na makaainana i hoike mai i ko la- kou mau manao maikai no ka Elele Aupuni Bancroft i make ai ma Ia- pana a no ka hoihoi ana mai i kona kino i Amerika maluna o ka mo- kukaua Tama. PILEDELEPIA, Aug. 23— O ka nupepa Phildelaphia Record ka i lawe ae i ke alakai ma o ke koho ana i kekahi komite no ka huli dala ani no ka hana hoomanao a ka la- hui no William Jennings Bryan i make. Aohe i hooholoia ke ano o ka hana ana i nei manawa. MANILA, Aug. 23— Ma keia kakahiaka i lele aku ai ke Kapena Picndo, ke kanaka Italia lele i ka lewa ma Cebu no Manila a no kona halawai ana me ka makani ikaika ma ka lewa nolaila, ua kuu iho la oia ma Antimonan. E lele ana oia maluna o ka ainapuni ole no ka Hikina Loa. He umi-kumamaha mau mokulele a na mokukaua i ukali aku maanei i huli hoi mai mahope iho me ka ike ole aku iaia. KAPALAKIKO, Aug. 23— Ua ho- ahewaia o Dorothy Ellingson, he ka- ikamahine o 17 makahiki, ka mea nana i pepehi i kona makuahine a make Mrs. Anna Ellingson, e ke kiure a ka Lunakanawai ' Lou derback no ka laweola mahope koke iho o ka hora aumoe o ka po nei O ka lua iho la keia o ka hookolo koloia ana o ke kaikamahine, ma ka hookolokolo mua ia ana ua hoo paaia aku oia maloko o ka halema'i pupule e ke kiure mua ma kona aa nawa i hoikeia ae ai he pupule oia no 35 mau la. Ma ka hoakaka hoi a kona loio iloko o na manawa elua o kona hookolokoloia ana, ua pupule ka noonoo o ke kaikamahine ma muli o ka ulupuni o ka noonoo no ka lealea a iloko o ia ulupuni ua ki aku la oia i kona mahuahine maloko o ko laua home ma ka la 13 o Ianuari mahope o kona hoi ana mai kekahi aha lealea mai. PAA KA MEA HOLO MAHUKA MA KAUAI. Ma kekahi manawa mamua koke aku nei, ua ikeia kekahi Pilipino malalo ae nei o Waianae, no ka hoo- pa-hu i'a me ke kiana pauda, o ka mea apiki nae ua holo mahuka kela Pilipino, me ka paa ole i ka hopuia. Mahope iho o ka hoIo mahuka ani o kela Pilipino, me kona ike ole ia e na akena na lakou e hooko ana i na kanawai hookapu i'a, ua hoounaia aku la ke kii ame na hoa- kaka e pili ana no kela Pilipino ma na wahi like ole o keia Teritore a ma ka Poaha, o ka pule aku nei i hala, i loaa mai ai ka hoike, no ka hopuia ana o kela Pilipino ma Kapaa, Kauai, a ua hoopaaia aku oia maloko o ka halepaahao ma Lihue. I wahi nae no kela Pilipino, e ike. ai, aole he hana maalahi ke ku-e ana mai i ke kanawai, ua hopuna okoa ia aku kekahi makai, a ke komisina i'a, e kii iaia ma, ka pule aku Ia i hala, no ka hoihoi ana aai i Honolulu nei, no kona hookolokolo- ia aku. O na hihia okimare i palo ole ia e ka poe i hoopiiia mai ka aha hoomalu ae a i ka aha kaapuni ma ka Poakahi nei oia ka M. Nocaka e ku-e ana ia Lau Yick no $335.66 ame ka George E. Coulter e ku-e ana ia Margaret Sorey no $261.50.

HOOKU'I ELUA MAU KAA A PA-
KELE KA OLA.

Ma Kapukaki ae nei, ma ka po o ka Poalima aku la i hala, i hooku'i ae ai he kaa mokokaikala me kekahi kaa kalaka, a o ka hopena i ikeia, o ia no ka loaa ana o na poino kukonukonu, i na mea e kau ana maluna o ke kaa mokukaikala, he mau haole koa.

Ma ka moolelo pokole e pili ana i kela ulia poino, e holo ana o Eddie Lee maluna o kona kaa kalaka, no Wahiawa, i kona hoea ana ma Kapukaki, ua ike aku la oia i kekahi kaa otomobile, e holo mai ana mai Ewa mai no ke taona nei, me ka olinolino o kona mau kukui.

Ma kona manaoio e ukali pono mai ana mahope o kela otomobile, ke kaa mokokaikala e kau ana o na haole koa elua, aole nae oia i ike he kukui kekahi o kela kaa, a i ke kokoke ana mai i kahi o kona kaa kalaka e holo aku ana, o ka manawa ia i hoao ai o na koa maluna o ka mokokaikala e holo ae mamua, eia nae ua hooku'i mai la ka mokokaikala me ka pale hema o ke kaa kalaka, o ke kiolaia no ia o na koa mailuna aku o ko laua kaa.

Ma ka manawa ka i loaa ai o kela ulia, aole i ku iho ke kaa otomobile mai Ewa mai, a haawi i na kokua ana no ka pono o na koa poino, aka ua holo loa mai la no kela kaa, me he mea la, e hooikaika ana ka mea nana e hookele ana e kaawale loa no kahi okoa loa.

Na kekahi kaa nae o ka hoea ana mai mahope iho, i hoihoi loa mai i kela mau koa poino no ka halema'i o na koa ma Kahauiki, me ka hopohopoia, aole laua e pohala mai ana, eia nae mahope o ka hala ana o kekahi manawa ma kela po, i hoikeia ae ai kekahi lohe, e palekana mai ana no ko laua mau ola.

O na hihia okimare i paio oleia mai ka hoolohe ana a i paa hoi ma ka papa kuhikuhi no na hihia e hooloheia ana ma ka auwina la Poakahi nei, ua hoopaneeia mai a ka auwina la o ka Poalua mai e ka Lunakanawai Desha, ka mea nana e hoolohe ana ia mau hihia.