Ka Nupepa Kuokoa, Volume LXIV, Number 35, 27 August 1925 — HOOUNAIA HE MEDALA MAKANA IA KAHANAMOKU. [ARTICLE]

HOOUNAIA HE MEDALA MAKANA IA KAHANAMOKU.

Mamuli o ka hana hoopakele koa a wiwoolp a Duke P. Kah'anamoku, ka moho heihei au kaulaiua o ke ao nei, i lawelawe ai, mamua leoke aku nei ma Ncwport, Kaliponi, ma ka hoopakele ana i ke ola o kekahi poe ewalu mai ka mako mai, i hoounaia aku ai he meelala makana hoohanohano iaia, ma ka Poakolu aku nei i hala, me kekahi leka mai ia Kiaaina Farrington aku. L'a hoea mai ka lohe no hoopakele a Duke P. Kahanamoku i lawelawe ai, no keia kulanakauhale, nolaila, ua lulu ae la kekahi poe o Honolulu nei i kekahi huiua dala, a kuai i medala, no ka inakana ana aku iaia. 'Ua hoounaia aku kela medala ma r kana, rae kekahi leka mai ke kiaaina aku ia Lorrin Andrewr, e noho Inai la ma Los Augeles, ma koua ano he peresidena Kalapu Hawaii ma Kaleponi Hema, a mai kela kalapu aku, o haawiia ai ua makaua la ia Mr. Kahauamoku.