Ka Nupepa Kuokoa, Volume LXIV, Number 36, 3 September 1925 — Page 4


NA ANOAI O KA AINA UA LANI HAAHAA. He hoike hapaha o na Kula Sabati o Maui-hikina ka i malamaia iho la keia la iloko o kekahi o na lua- kini kahiko loa o Hawaii nei, i kaulaua o Wananalua ka inoa i pa- pahi ai no keia hapa keneturia a oi aku. Weheia he Ahamele. Mamua iho nae o ka hoike i ma- lamaia iho la i keia la, ua weheia ae la he ahamele e na alakai o keia ekalesia ahiahi Poaono nei, maloko o ka Hale Hoolaulea (Community) Hall) o pili pu la no me Wananalua, a no Wananalua no ka halo ame na pomaikai, aka o kekahi nae o na manao nui, o ia hoi ka hoolaulea ana i na kini makamaka ame na hoa paahana mai na kihi welelau mai a Maui-hikina nei, ame ka lehulehu no hoi o ua hono nei i kaulana, "Ka Aina Ua Lani 'Haahaa" malalo o keia mau alakai. Mrs. J. Murray, komite lehulehu; Miss L. Mitchell, Alakai Himeni ame na lealea e ae; Mrs. J. Mediros, Alakai Aha Nui; Robert Pupuhi, alakai o na mea hookani. Weheia na hana e Mrs. Mediros me kekahi mau wahi olelo wehewehe ame ke kukala ana mai e himehiia ke mele lahui "America", me ke kono ana mai i ke anaina o hui liko aku. Ma o ke kono a ka Ilamuku Lede, Mrs. J. Medeiros himeni hui ae la ke anaina me na kalapu like ole i ke mele ono hanau, Hawaii Ponoi, a kono koke mai la no kela i ke anaina e uumi iki a kaawale ka papahele, a e hoomaka koko no ka hulahula o ka poe "Uwila make- neki, hoonioni i ke alahao". Helo a piha-u ua holo nei i na kanaka o na waihooluu, me na koko like ole, mamuli o ka hookipa ana a na mamo a Wakea me Papa, na lakou ka moto, e hea i ke kanaka e hanai ai, a hewa ae ka waha eia no ka uku la o ka leo. Maikai, nani, maluhia, lealea, a holomua na mea apau mai ka wai hona o Wananalua ame ka lehulehu i akoakoa mai o hoolaulea a hoo- laulea ia. A nee aku la na hoolaulea ana imua me ka nani o na himeni like ole i meleia mai e ka aha himeni	o Wananalua ame ke kalapu o na opio, he mau himeni pakahi kekahi hooneeia mai, a ua nui ka hauoli o ke anaina nui i akoakoa mai i ka po le'a o Halalii. Iwaena o na mele hoonioni puuwai o ka oi no o "Noenoe Uakea o Hana", ke mele haaheo o ka Aina. I ka hiki ana keia i neia mau mapuna: Elua maua i ka piko, I kolu i ke ala lipoa. Minoaka iho la na lunakanawai o keia mea he mele, a i ko solo ia ana mai keia o ke mele o ka a, "Hano- hano Hanalei i ka Ua Nui". Haa- leale, ae la Kawaikani, kaumaha i ka noe o Alakai. Na Hana o Wananalua Mai ka Aha- mele a ka Hoike Kula Sabati. I kulike ai me ka papa hoonoho- noho a na komite o ua la nei, ame ko kukala ana mai a Mrs. Mediros mahope iho o ka pau ana o ka aha- mele, e malamaia ana ka Aha hai- pule C. E. o Wananalua i ka puka- na la hora 6 a. m., o keia kakahiaka ua akoakoa ae la ka poo haipule i akoakoa mai e lohe i kekahi o na huaolelo hoopalupalu puuwai, a hoo- naauao lunaikehala i haawiia ae e Mrs. Alice K. Kahokuoluna ko ka- hunapule wahine mua loa o Hawaii nei, a aia ma ka hapa hope o koia mau laina he mau hai manao na kekahi haiolelo i haawi ae mahope iho o ka pau ana o na hoike Kula Sabati, he mau olelo nau e Hawaii e haaheo ai. Na Hana Hoike Kula Sabati. Hora 10 a. m., Weheia na hana e ke Kahu Kula Sabati Nui o Maui Hikina, Mrs. J. Mediros ma a mele hui ana i ka himeni o ka aoao 190 Hoku Ao. Pule hui ke anaina i ka pule a ka Haku a mele hui hou no ko ana- ina i ka himeni aoao 190, Hoku Ao. Na papa Kula Sabati o Wananalua i huiia, papa o na kamalii, papa o na Pokii, papa o na Opio, papa o na makua, Huina nui he kanahiku- kumamakahi. Himeni hui, aoao 154 L. H. He mau olelo paipai na ka Lunakanawai J. W. Kawaakoa o Kipahulu, koikoi ke kaomi ana o kana mau olelo e pili ana i ka hoomauia o ka olelo Hawaii iwaena o na Hoike Kula Sabati, oi loa nae ka pono no na opio.	Papa o Kipahulu, himeni hui aoao 132, L. H. He mau olelo paipai na ka Lunakanawai D. K. Wailehua, he mau manao ku maoli no i ke oho- hiaia e ke anaina. Papa o Kaupo, o keia papa o ia no ka Lunakanawai J. W. Kawaakoa, paa pono na haawina, me ona mau pakui hou aku, a ua helo maoli no ka ipu a ke keonimana a lehia i kau a mea o ka niua, himeni hui aoao 40, L. H. He mau olelo walohia na Jonah Kaiwiaea. Lulu hui, a ia wa hoo- kahi no e mele ana ka lehulehu i ka himeni o ka noao 111, L. H. Papa Kula Sabati o na lala o ka Hui Kaahumanu a pau lakou, hi- meni hui, aoao 194, L. H. Haiolelo paipai ma ka olelo Be- ritania na W. P. Haia, a pau kana. Ta wa no o Pop Hutton kekahi o na Alakai Poo o na hui koa o na opio o Hawaii nei a o Maui nei hoi i keia mau la, ma kana man olelo wehewehe, paipai, a hoonaau- ao, nole wale no i na opio aka i na makua pu, na ku maoli no i ke oho- hiaia e ke anaina, oi loa aku nae na olelo e pili ana i na opio Ha- waii maka paa pela no na haawina a pela hoi i na makua ma o ka ma- kaukau mau e hana no ka pono Kristiano i na wa apau e konoia mai ai, me he la na paanaau wale ka buke nui i keia lahui, a o kekahi uo hoi ana, na oi aku ka waiwai io o lona i ke kanaka mailoko mai o na pauku Baibala mamua o na buke nunui e ae; mahalo nui ia kana mau olelo paipai. A mahope mai ona he mau olelo paipai mai ia K. W. Kinney mai. Papa Kula Sabati o na lala o ka Hui Kamehameha Lunakanawai D. K. Wailehua, J. N. L. Faufata ame W. K. Kinney. Himeni a ku mai ka Papa Kula Sabati o na lala o ka Hui Kaahu- manu ame na haumana Maunaolu. me he mea la no Kohala mai keia pa- pa no ka mea, ua like loa ko lakou lehulehu me ka olelo a kahiko, Le-i Kohala i ka nuku na kanaka." He himeni hui ame na olelo paipai mai ia J. N. L. Faufata mai, a o ka panina iho Ia ia o na hana o ka la na Mrs. Kahokuoluna he mau olelo paipai, e kono ana ia Maui hikina mai Keanae, Nahiku, Hana Kipahulu a Kaupo e hoomanawanui	HOOPAKELEIA AE MAI KA MAKE MAI Mai make kekahi keikikane, o Arthur Pazen ka inoa, iloko o ke kai ma Waialua ma ke Sabati iho nei, e ole wale no kona mau hoa ka Boys Scouts ma kahi kokoke mai iaia i ike aku ai i kona piholo ana iho a au aku la e hoopakele iaia, o keia ka waiwai o ke ao ana i na keiki i ka au. Ho keiki ike ole o Pazen i ka- au, a iaia i hoao aku ai e au no kahi o ka lapa papa e lana mai ana iloko o ko kai ma kahi mamao iki mai kahaone aku o ka Fresh Air Camp, ua hoomaka iho la oia e pihopiho, iaia i aea ae al maluna o ku ilikai ua kahea mai la oia no kekahi kokua. Iluna o ka lapa pa- pa o Kiele, kekahi keiki Scout kahi i ku ai, i kona lohe ana aku i ke kahea o kona manawa ao ia i lele mai ai iloko o ke kai a aa mai la ahiki i kahi a Pazen e pihopiho iho ana a paa ae la iaia iluna. He oi aku ko Pazen kaumaha mamua o Kiele, eia nae, ua hoomau no ka oia i ka paa ana ahiki i ka hoea ana aku o Rath, ke keikikane a James A. Rath a na laua i hoau ia Pazen ahiki i kahi o ka lapa papa. I ke kau ana aku o ke keiki iluna o ka lapa papa no ka umi minuke ka hoao ana o na keiki e hoolualuai i ke kai mailoko aku o ka opu o ke keiki i moni i ke kai, a na kekahi waapa i kii aku a hoiho! mai i ua mau keiki la iuka o ka aina. Mahope iho ua laweia mai la u» keiki la i Leilehua a malaila i haa- wiia ai na kokua iaia ahiki i kona oluolu loa ana ae. e huli nui, a e hoomahuahua i ke anaina o ka Hoike Kula Sabati nui o ka makahiki 1925 e malamaia ana ma Kipahulu i ka pule mua o Dekemaba e hiki mai ana, a me ke kono pu ana mai i ke anaina e kipa ae a e hoopiha i ka lua o ka inaina me na wahi mea i hooma- kaukauia no ka pono o ke kino. A i kou mea kahakaha penikala e hoonuu ana poina iho la keia i ka mea nana i hoomaikai ka papa aina, aka na ka nupepa no ia a kahi wa aku. KIHAPIILANI.


	mau kanaka nei kekahi i kekahi, me ka piha kahaha me ka hoka pu, alaila pane mai la kekahi o laua : "E hoomanao hoi paha oe e Mode, i kou hoao ana e hoo- pakele i ke ola o keia makaikiu, ua konoia mai makou, e nana aku ia oe ma ke ano, ua kumakaia oe ia makou, a ua ala ku-e mai hoi i ko makou puulu." Noke ae la o Mode i ka akaaka, me he mea lealea wale no na olelo e kamailioia ana mawaena ona ame na kanaka elua, me ka i ana aku: "Ua maopopo no anei ia olua ka'u mea i manao ai? "Aole he mea i maopopo ia maua." "Ina hoi ha pela, e hookuu ae olua i ka paa ana ia'u," me ka mau no nae o ka puliki o kela mau kanaka i na lima o Mode, a o ia ka ke kaikamahine opio o ka pane hou ana mai, me ke keehi ana iho o kona wawae iluna o ka papahele: "He keu aku oukou a na kanaka naaupo maoli," wahi ana me ka nee ana aku ihope no kekahi mau. kapuai, ka manao mai -i kanaka aku elua. "I lohe hou oukou apau i ko'u manao ea, ua like pu oukou me kekahi puulu o na kanaka o ka hale pupule. Ina ua ma- nao oukou, aia au mahope o ka makaikiu, alaila, ua papaluaia ae ko oukou opulepule. "Ua ike no oukou, no ka makahiki hookahi a oi i hala aku nei ua makemake mai o Kapena Paka, e kaa aku ka makaikiu ma- lalo o kona malu, a ua haawiia he kauoha paa ia oukou, ke loaa ka makaikiu i kekahi poe o oukou, e pepehi iaia a make loa a e mahele i na haneri dala uku makana mawaena o oukou. "No'u iho, he mea au i makemake nui i ke dala, a aole loa au e hooko i kekahi hana, me ko'u uku mua ole ia mai." "Ua pololei o Mode e kamailio mai la," i pane mai ai keka- hi o kela poe kanaka." ua lolo maoli no kakou, aole he koi mua aku, e ukuia mai kekahi mau haneri dala, no ko kakou luhi, a mahope aku ke koena, ma ka manawa e paa maoli ai ka makaikiu i ka hopuia. "E hookuu aku kakou ia Mode, me ka hoopilikia ole iaia, a ma kana mau mea apau i noonoo ai, a i hoolala ai paha no ka hooko ana aku, malaila aku kakou apau e hooko ai, me ke ku-e ole iaia." Ma ka nana aku, me he mea la ua lokahi like na kanaka apau i kela mau hoakaka a Mode, eia nae ke mau la no ka paa o kekahi poe kanaka i ka maakikiu, a o ia ka Mode o ke kamailio hou ana aku ia lakou: "Eia ko'u manao no ka oukou mau mea e hana ai, a ina e hooko pono ana oukou i ka'u mau kuhikuhi apau, e kau auanei oukou maluna o ka puu. Auhea oukou, e hauhoa koke ! kona mau wawae ame na lima i ke kaula," he oiaio iloko o na minuke elua wale no, aia ka Makaikiu Demona ke waiho lolii la iluna o ka papahele me na wawae ame na lima i hau- hoaia i ke kaula, o ia no oe o kekahi pipi keiki, i kupeeia. "He nani hoi ia ua hooko mai la oukou i ka'u mau kauoha apau, a eia hou ko'u manao hope, e waiho malie kakou iaia maloko nei o keia rumi, a e hoi kakou noloko o kekahi rum okoa aku e noho ai, a i hookahi mea nana e kiai i ka puka a huli ae ana kana uwaki, alaila ku mai ana kekahi e kiai. "Me ka hoomanawanui wale no kakou e lawelawe ai i keia hana, a i ka wa e hoea mai ai ke kapena o kakou, a ike i ka Makaikiu Demona, aole e hiki iaia ke alo ae mai ka uku ana mai i na dala ana i hooia mai ai imua o kakou, euku mai ana oia no ko kakou luhi, a no ka lilo ana hoi o kona enemi, i pio malalo ona." Elike no me na manao e ae o Mode, ua apono like mai la na mea apau i kela hoakaka, o ka puka pakahi aku la no ia no kekahi rumi okoa aku, a o Mode ka mea mahope loa, me ko lakou haalele ana iho i ka makaikiu iloko o kela rumi. "Ea ua paa anei ka oukou nikii ana i ke kaula ma na lima ame na wawae o ke pio a kakou?" i ninau aku ai o Mode i na kanaka e hele la no kahi o ka puka, e komo aku ai iloko o ka rumi ma kahi aoao mai, a iloko no hoi o kela manawa hookah i kulou iho ai oia ilalo, a oki ae la i ke kaula i hoopaaia ai ma na lima o ka makaikiu, a hookomo aku la i ka pahi-pelu, ma ka waha o Demona, me ka hawanawana pu ana iho : "Ke haalele nei makou ia oe maloko nei o keia rumi, nolaila e okioki aku i na kaula apau i hauhoaia ai kou mau lima ame na wawae, a nau no e imi ae i na alahele nou e pakele ai, ke hooko nei au i ka mea hiki ia'u ke hana aku no kou palekana." Ke moe hoololo la ka Makaikiu ahiki i kona lohe ana aku ke kiia ana mai o ka puka a paa, a pau aku la no hoi kona lohe ana i na leo hauwalaau, ala ae la oia a noho pono iluna, o ka hoomaka aku la no ia e okioki 5 na kaula aku i koe, i hoopaaia ma kona mau wawae. I ke kaawale loa ana o na kaula mai kona kino aku, ua ane- ane loa ka makaikiu e ka ae iluna ma kona mau wawae, aka hoomanao mai la oia i na olelo a Mode i kamailio aku ai iaia e moe hoololo malie, o kona haule hou iho la no ia ilalo, hia- moe, me ka hoihoi pono ana ae i na kaula ma na wahi mua i hopaaia ai ma kona mau wawae ame na lima e manao ole ia mai ai, ua okiokiia me ka pahi Hakalia no nae a pono kela mau mea i ka hanaia e ka ma- kaikiu, lohe aku la oia i ka hamumu mat o kekahi mm leo walaau, me ke pahupahu o na wawae, a iloko o ka manawa pokole, lohe ahu la oia i ka hooiaioia ana mai o ke ki o. ka hamama ae la no ia o ka puka, a komo mai la kekahi kanaka me ka ipukukui e paa ana iloko o kona lima Aia wa!e no na maka o ka makaikiu ma kahi o ka puka kahi i nana ai, a ike aku la oia me ka hoohewahewa ole i ke komo ana mai o Kapena Paka iloko, aole no nae ia he kumu nona e maka'u ai, a hopohopo iho ai paha, no ka mea ua hele oia a kamaaina loa i na ano pilikia like ole i halawai aku me ia ma kana oihana. "Heaha auanei kau mea e kaena ai, no ka mea he la ko na he mau kapuai elua ke kaawale mai ka Makaikiu Demona aku a i ka ike pono ana mai i kana pio, hoomaka mai la oia e ka mailio, i ka i ana mai: "Heaha auanei kau mea e kaena ai, no ka mea he Ia ko na ilio apau. Malia paha o keia kou la, a ma ka Ia apopo, o ko'u la ia, a lilo oe he pio na'u, aole ia he mea malihini i ko'u noo noo." "Pela i'o no, aka aole nae au he kanaka hupo, e hookuu aku ai e ola oe ahiki i ka la apopo." "Alaila e manao ana ka paha oe e Kapena Paka, e pepehi mai ia'u a make ea?" wahi a ka makahiki, me ka noke okoa ana ae i ka akaaka, me he mea la, aole he wahi lihi maka'u iki iloko ona. "Ina o kou manao ia ea, o keia ka manawa kupono loa au e pepehi mai ai ia'u a make." Aole e hiki ia Kapena Paka ke kaohi aku i kona manao ma halo no ka makaikiu no kona maka'u ole, a o ia ka ua kanaka nei i pane mai ai: "He keu aku no a ke kanaka koa ! " wahi ana. "Ina he kanaka koa au ea, alaila o oe kekahi o na kanaka hohewale. O ka poe hohewale, ka poe hooweliweli mai i ka lakou mau pio, me ka ike no aohe mea hiki i kela mau pio k hana mai, o kou ano iho la ia e keia kanaka i lohe oe." Ua hoalaia aku ka hoonaukiuki iloko o Kapena Paka no kela	mau olelo a ka makaikiu, a no ka hiki ole iaia ke uumi iho i kela ano ona, unuhi okoa ae la i kana pu panapana, a kau pono mai ia imua o ka makaikiu me ka pane ana mai i keia mau olelo: "Ina paha he kanaka hohewale au, a he kanaka koa paha, he ninau okoa loa ia, o ka mea oiaio loa, he pio oe na'u i keia la, a eia kou ola iloko o ka poho o kuu mau lima. Ua maopopo no anei ia oe ka'u mea e hana aku ai maluna ou?" "Heaha auanei ka mea maopopo ia'u, aia oe a hoike mai i kou manao, ia wa au e ike aku ai i ke ano o kau mea e hana mai ai." "Eia no ka'u mea i noonoo ai e hana aku maluna ou, ua makaukau loa kuu pu panapana e mahele i ko poo iloko o na apana elua!" MOKUNA XVII. Oiai o Kapena Paka e kau pololei aku ana i kana pu pana- pana imua o ka Makaikiu Demona, no ka manao no o ua ka- naka nei, e hookau aku oia i ka make maluna o kona enemi no loa, a iloko o kona nanea, o ka wa no ia a ka Makaikiu Demona i ku ino ae ai iluna, a lele aku la me he popoki la ka palamimo, a iloko o ka manawa ana i moeuhane mua ole ai, aia loi, ua paa mai la ka lima o Kapena Paka i ka hopuia, a kaili- ia aku la ka pu panapana mai iaia aku, oiai hoi kekahi lima o ka makaikiu i puliki ae ai i ke kania-i o Kapena Paka, uwoki oe i ua kanaka nei, e nui ana ka waha i ka hamama. "Auhea oe e keia kanaka ino, aole loa i ae mai ke Akua e lanakila oe maluna o'u i keia la!" i kamailio aku ai ka makai- kiu me ka leo ikaika imua o Kapena Paka, aohe nae he wahi mea a puai leo mai ia Kapena Paka mai, no ka mea aia ka lima o ka makaikiu, ke puliki la i ke kania-i o ua kanaka ino nei, me he puliki ana la na kekahi hao umii, a no kona piha loa i ka inaina, i ka ino aku ai oia ia Kapena Paka, a mai kikii aku ua kanaka nei, a hina iluna o ka papahele, ina aole i loaa hou aku i ka hopuia e ka makaikiu a hooku ku I u hou ia ae la iluna, me ka unuhi koke ana ae o ka makaikiu i ka pu panapana iwaho, a kau pono aku la imua o Kapena Paka, me ka i ana aku : "E lohe oe i keia manawa ano, ina oe e hoao ana e kahea aku i mau kokua no ka hoopakele ana ae i kou ola, e ki koke no au ia oe a make, me ka hoohakalia ole. No ka hooloihi ana aku nae i kou ola ke haawi nei au i elima minuke au e mihi ai i kou mau hewa imua o ke Akua, mamua o ko'u hoouna ana aku ia oe imua o Kona alo." No ke kui'o loa o kela mau olelo i hoopukaia aku e ka ma- kaikiu, ua hele maoli o Kapena Paka, a kau ka weli me ka ma- ka'u, a o ia ka ua kanaka nei i wikiwiki mai ai i ke kamailio ana: "Alaila e manao ana ka paha oe e pepehi mai ia'u a make?' wahi a ua kapena nei, o ka poe hakihaki kanawai o ka pane ana mai me ka hele o na maka a kunahihi. "He keu no hoi o kau ia i manao ai, e hookau mai i ka make maluna o'u, nolaila, he hoohalike aku no hoi paha ka'u me kau hana. He mau ninau ka'u e waiho aku ana imua ou, no kou pane ana mai, aka i pane ole mai oe, iloko o na minuke elima alaila e hookau aku no au i ka make maluna ou, me ka pau- maele o kou kino, i na hewa he nui." "Alaila heaha ka mea au i makemake ai e ike?" i ninau ma ai o Kapena Paka. "He nui ka'u mau mea i makemake ai e ike, aka o ka mea mua loa, e hoike mai oe i kahi au i huna ai i kela kaikama- hine opio, nona ka inoa o Mode Linekona !" Aole o Kapena Paka i pane koke mai i ka haina o ka ninau a ka makaikiu i waiho aku ai imua ona, no ia kumu, i hoopii loa aku ai ka makaikiu i ka waha o ka pu panapana ma ka lae o Paka, he wikiwiki hoi ia o ua kanaka nei i ka pane ana mai: "Aole loa au i ike i kahi i nalowale ai o kela kaikamahine Ke ae aku nei au, no ko'u lawe ana mai ma ke ano limanui mai kona home mai, eia nae iloko o ka manawa a'u i mao- popo mua ole ai, ua pakele aku la oia mai ia'u aku, a o ia ka'u e hoike aku nei ia oe i ka mea oiaio loa, aole i maopopo ia'u kona wahi e noho mai nei." "He keu oe a ke kanaka hoopunipuni ino loa !" i pane aku ai ka makaikiu, me ka mau no i ka hoopili ana i ka waha o ka pu panapana ma ka lae o Paka. "E hoomanao oe, eia kou ola iloko o ka poho o kuu mau lima, a ina e hoao ana oe e hoo- punipuni hou mai ia'u, aole au e hoohakalia iho ana, i ka lawe ana ae i kou ola." ' No ka manao nae o ka Makaikiu Demona, i wahi e hiki pono ai ia Kapena Paka ke pane mai no kana mau ninau, hookuu ae la oia i kana paa ana i ke kania-i o ua kanaka nei, o ka mea apiki nae, ma kahi o ka pane ana mai o Kapena Paka i ka haina o ka ninau, ua kahea ae la oia me ka leo nui i mau kokua, no ka hoopakele ana ae i kona ola. O ka hapa wale no nae o na mea a Kapena Paka i make- make ai, ka i puka ae mai kona waha mai, no ka mea ua paa hou mai la kona kania-i i ka hopuia, a me ke kumu o ka pu panapana, i hahau aku ai oia ma ka lae o Kapena Paka, uwoki oe i ua kanaka nei, e kikiwi ana, o ia no oe o kekahi mea i ka- hi'ohi'o i ka waiona ke kunewanewa. Aia mau na manao hopohopo iloko o ka Makaikiu Demona ina ua loheia kela leo kahea o Kapena Paka, e ka puulu o na kanaka kolohe, alaila aole e palekana kona ola maloko o kela hale, nolaila me kona hoohakalia ole iho, hookuu ino aku la oia i kona paa ana ia Kapena Paka, me ka nana ole aku, ina paha ua kupouli a kupouli ole ka noonoo o ua kanaka nei, hoomaka aku la oia e wehe i ka puka o kela rumi, me ka iho ana aku ma ke alapii no ka papahele malalo. Oiai ka Makaikiu Demona e iho la, ke lelele wale la no kona oili, no kona pakele me ka maalahi loa, a ua hoea paha oia i ka hapalua like o ke alapii, ia wa i lohe ae ai oia i na leo hauwa- laau, ma ka papahele elua, a ma ke ano nae o na olelo e kamai- lioia ana e kela poe, i hiki loa ai i ka makaikiu ke hoomaopopo aku, e noke ana kela poe kanaka i ke kukahala-ke; no kona pakele ana mai ko lakou mana mai. Oiai ka Makaikiu Demona e noonoo ana no kona pilikia, ia wa oia i lohe pu aku ai i kekahi mau haluku kapuai wawae e holo-ke ana i o a ianei, a iloko o kela manawa hookahi, i hoo kailiia ae ai kekahi bele kahea; he mea oiaio iloko o ka ma nawa pokole, ua weheia ae la he puka ma ka paia mai o ka holo nui ma ka papahele ekahi, me ka oili ana ae he ekolu poe kanaka i lako pono me na meakaua e paa ana iloko o ko lakou mau lima, me ka hookokoke ana ae no kahi o ke alapii. Oiai aohe hooponopono hou ana iho, ua puni ia i na enemi, homaka aku la ka makaikiu e ki i kana pu panapana, no kahi a na kanaka ekolu e ku mai ana, a iloko o ka imo ana a ka maka, ua hina aku la kekahi o lakou ilalo, a iloko no hoi o ia manawa hookahi, i holo pololei aku ai oia no kahi a na kanaka elua i koe iho, e ku mai ana, a ki aku la i kana pu panapana i kekahi, a hahau aku la hoi i ke kuau o ka pu panapana i kona kokoolua, ua hina aku la laua a elua ilalo. (Aole i pau.)