Ka Nupepa Kuokoa, Volume LXIV, Number 37, 10 September 1925 — Page 2
| | ||||||||||||||||||||||||
| | ELUA NUPEPA KUOKOA, HONOLULU, T. H. POAHA, SEPATEMABA 10, 1925,_ | | ||||||||||||||||||||||
| |
| | ||||||||||||||||||||||
| | ||||||||||||||||||||||||
| | LEHULEHU NA ULIA KAA MA KA PULE I HALA AKU Ma na ulia kaa otomobile ma na hora kakahiaka o ka Poaono o ka pule i hala, ke kahuli ana o kekahi kaa e kalaiwaia ana e Angele Ferrer, a waiho aoao ana maluna o ke alanui Puuloa mamuli o ka paa loa ana o ka huila, a eha e Mrs. S. Yehou, ka ohua e kau ana iluna o ia kaa. E holo mai ana ke kaa no ke kaona nei maluna o ke alanui Puuloa, a mamuli o kekahi kaa o ka holo ana mai ua hoohuli ae la o Ferrer i kana kaa i ka akau, a i ka hala ana mai o ke kaa oto i holo mai ai mahope, a i ka hoihoi hou ana ae ka ona i kana i ke alanui, o ke kahuli iho la no ia a waiho aoao ana, no ka paa loa o ka huila e kia ai i ke kaa. Eha He Keiki He keiki, o David Torries ka inoa, no ke alanui Alapai, ka mea i eha ma ke ahiahi Ioa ana iho o ia Poaono, oiai ia keiki e paani ana mahai o ke alanui, a ia holo ana ae iluna o ke alanui ua hookuiia mai la e ke kaa oto e kalaiwaia ana e George Maluna o ke alanui Waiakamilo, ia George Maluna e holo ana i Kalihi, makai iho o ke alanui Peterson, a no ka eha i loaa ia keiki a ka Makai Michael Morse o ka hoihoi ana ae i ka halewai. He keiki Kepani no ke alanui Moi o Kobayashi ka inoa ka i paa malalo o ke kaa kalaka i kahuli mawaho mai o ka hale kii onioni mawaho ae nei o Pawaa ma ke ahiahi o ka Poaono, a laki ka make ole ana, ua loao no mae kekahi mau palapu. I kulike me ka hoike a ka Makai Phillips o ka hoike ana ao i ka halewai, e kalaiwa mai ana o Kobayashi i kana kaa otomobile ma ke alanui Moi no ke kaona noi, a i ka hiki ana mai mamua iho o ka hale kii onioni ma Pawaa ua paa loa iho la ka huila me ka hiki ole ke hoohuli ae i ke kaa, o ke kahuli iho la no e ke kaa a hooku'i aku Ia kekahi kaa kalaka e ku ana mahai o ke alanui ma ka aoao mauka. NUI KA POINO I KAU A MEA O KA HOLONUI Ma ka auwina Ia o ka Poakolu o ka pule aku Ia i hala, i halawa ai ke kaa otomobile e hookeleia ana e Mrs. V. M. Echel, o ke alanui 10, Kaimuki, mo na poino he nui, i ka manawa i hooku'i aku ai i ke- kahi hale, ame kekahi kaa otomo- bile okoa aku, mamuli mai o ka mukiki loa o ka holo ana o kela kaa. I kulike ai me ka moolelo e pili ana i ke ano o ka poino i halawai ai me kela kaa, e holo ana o Mrs. Echel, maluna o kona kaa ma ke alanui Hema, no ke alahele e hoea aku ai i ka Papu Limaikaika, a i ka hoea ana no ke alanui Catton Neill, ua hooku'i aku la me ke kaa e hookeleia ana e E. K. Nihoa, oiai kela kaa e holo ana no ka aoao ma Waikiki. Wahi o ka hoakaka a ka Makai Gomes, ua paukiki maoli ka holo an o ke kaa otomobile o Mrs. Echel, no kela kumu, i hiki ole ai iaia ke hoopaa i ka holo ana o kona kaa me ka hikiwawe, aka ua holo pahu'a aku Ia ia, no 23 kapuai mamua o ka hooku'i ana aku i ke kaa o Nihoa. Mar kela hooku'i ana aku o na kaa a elua i kahi hookahi, aole no ia he kumu, e paa iho ai ka holo ana o ko kaa o Mrs. Echel, aka hoomau aku la no ia i ka holo pahu'a ana, ahiki i ka hooku'i ana aku i ka hale o ka American Factors, ma kahi o ka 25 kapuai ka mamao mai kela wahi mua mai i hooku'i ai na kaa elua i kahi hookahi. O ko Nihoa kaa pu kekahi i poino, mamuli o ka holo ana aku a pii iluna o ke alanui kauaoao, me ka hoomau aku i ka holo ana ahiki i ka hooku'i ana aku me ka pou kelepona. LOAA OLE HE HOOPII HOAHEWA I NA KIURE. Ma ka noho ana ae a ke kiure kiekie federala ma ka Poakolu o ka pule aku nei i hala, no ka noonoo ana i ka hihia a ke aupuni e ku-e ana i ke kapena a ona o ka mokuheihei ka Eloise, no ko ku-e i ke kanawai hookapu waiona, o ia ka lawe ana mai i na omole rama maluna o kona mokuheihei, me ka loaa mua ole o ka palapala ae, ua hoole kela kiure i ka hoihoi ana ae i kekahi hoopii hoahewa, e ku-e ana i kola kapena, a ua hookuuia aku oia, mai ka malu aku o ke aupuni. Oiai nae ua kaawale ke kapena o kela moku, mai kona hopuia ana aku, no ke ku-e i ke kanawai hookapu waiona, elike ae la me ia a na kiure kiekie federala i hana mai ai nona, ke hoolala mai nei ke keena o ka loio Amerika e lawe mai i kekahi mau kumu hoohalahala e ae a ku-e ana iaia, no ka uhakiia o ke kanawai o Amerika. No ka hihia hoi o kekahi mau luna kukeawa elua, i kapaeia ai mai ka | |||||||||||||||||||||||
| | NA RULA HOOPONOPONO NO KE KI ANA I NA MANU LAKA Ma ka la 1 o Sepatemaba iho nei i weheia ai ke kikina no ke ki ana i na manu, aka nae, no ka mea e pili ana i ka mokupuni o Oahu he mea manao wale ia no keia wehe ana o ke kikina ki manu, oiai i kulike me ka hoakaka a ke Kanawai 204 o ke kau ahaolelo o 1925, he hana ku-e kanawai ka pepehi ana i kekahi o na manu laka koe ma na Poaono, na la Sabati ame na la kulaia aupuni iloko o ke kikina e weheia ai ke ki ana i na manu ma keia mokupuni o Oahu. O ke kikina e weheia no ke ki ana i na manu ku mai ka Ia 1 o Sepatemaba a ka Ia 31 o Dekemaba, ka huina nui o na manu o keia ano e kiia i kela ame keia la he 20. O ke kikina no na manu kolohala mai ka la 1 o Novemaba a Ianuari 31, ekolu manu o ka la ka palena. No na koloa e Iele auna mai ana e hiki no ke kiia mai ka la 1 mai o Novemaba a Maraki 3, he 25 manu e kiia i ka la ka palena. O ke kikina no ke kolea, ka akeke, ka ulili ame ke kukuluaeo mai ka la 1 aku o Feberuari a Aperila 30, he 25 nanu o keia ano ka palena e kiia i ka la. Ma ke Kaluna o Maui o ke kikina o weheia no ke ki ana i na manu ku mai ka la 1 aku o Sepatemaba ahiki i Dekemaba 31, o ka nui o na manu e pepehiia i ka Ia he 15, a i ole he 45 iloko o ehiku mau Ia kailike. No ke Quail ame ke kolohala e hiki no ke kiia mai ka la 3 aku o Novemaba a Ianuari 31, he 5 kolohala kane a i 10 quail e kiia i ka la, a i ole i 10 kolohala kane a i 25 mau quail iloko o ehiku la. No na koloa, ke kolea, ke ehako, ka akeke a pela aku, e hiki no ke kiia mai ka la 1 aku o Ianuari a ka la 30 o Aperila, i 5 mau Koloa a i lo mau manu e ae e kiia i ka la, a i ole i 10 mau koloa a i 30 mau manu e ae iloko o na la kailike ehiku. I kulike me ka hoakaka a ke Kanawai 15 o ke Kau Ahaolelo 1925, ma ka la 30 o Iune e pau ai ka manawa o ka Inikini i kela ame keia makahiki, nolaila he mea pono i ka poe kimanu ka makaala ana i ka lakou mau laikini i keia makahiki mamua o ka hele ana o ki manu, o mau auanei ka noho nanea a heie e kimanu, a i ka loaa ana aku aohe laikini paa i ka hopuia no ke ku-e kanawai. NOIIA AE I KANAWAI NO NA HALE HULAHULA O ka hooponopono ana i ke kanawai kahiko o na hale hulahula i hoopukaia mai ai e ka aha kiekie ma i kekahi manawa koke aku nei i hala he kanawai waiwai mana ole ua noi ae na lunanana hale hulahula maloko o ka leka a Harold Godfrey, ka lunahoomalu, o ka loaa ana ae i ka Meia Wilson e hanaia i kanawai hou, a ua waihoia ae ia kumuhana imua o ka papa e ka meia ma ka halawai a ka papa o ka uoho ana ma ka auwina Ia o ka Poalima aku la i hala, a o keia malalo nei ka manao i kakauia maloko o ia leka: "Ma kekahi halawai a ka papa komisina hale hulahula o ka noho ana ma na la mua o keia pule na hooholoia me ka lokahi e waiho aku makou imua o kou hanohano i keia noi e hooponopono hou ia ke kanawai i pili i na hale hulahula. "Ma keia manawa aohe mana o ke komisina e rula aku ai maluna o ia mau hale, a i ole e apono a apono ole paha i na palapala laikini mamuli o ka olelo hooholo a ka aha kiekie o ka hoopuka ana mai aohe waiwai o ke kanawai hale hulahula e ku nei i nei manawa ma ka hihia a Carl Ontai, nolaila he nui na palapala laikini i hoopuka ia, mai ke keena mai o ke kakauolelo kalana i ka poe noi no ka weheia o na liana hulahula maloko o na hale hulahula i lilo i mau laikini waiwai ole, E hanaia kekahi lapaau ana ma keia wahi o ke kanawai i lilo ai ia i mea ku i ke kumukanawai. "Ma ka makou hele ana e nana i na hale hulahula apau ua loaa ia makou ka manao hoapono ina e aeia ana na kaikamahine e ukuia e ka ona a e kau aku ke koikoi o na ahewa ana maluna o ka ona o ia hale hulahula, e hoopauia aua na hewa i hanaia maloka e ia mau hale hulahula. Ma keia manawa aole i aeia e ke kanawai e ku nei i nei manawa. "Ua makaukau ka papa komisina hale hulahula e halawai aku me kekahi mea a ka meia a i ole a ka papa lunakiai paha e koho ai no ka noonoo ana maluna o keia kumuhana, O na hoa o ka papa komisina hale hulahula i nei manawa oia o Harold Godfrey, Mrs. Henry P, Beckley ame William H. Soper. ———————— DETHOIT, Sept. 7.—Ma ka la 8 o Sepatemaba e kukakuka ai ka Lukanela Nai Harry S, New me Ford no ka hana e pili ana i ka Iawe ana i na ekeleka ma ka lewa. Aole o New i hoike ae ma ka mea e pili ana i ka hoohana ana i na mikini Ford no na mokuea ke kikowaena o ka laua kumuhana e kukakuka ana. | | ||||||||||||||||||||||
| | KA NINAU I'A MA HAWAII NEI Oi ae ka Pii o ke Kumukuai Mamua o na Wahi e ae. Na Kulana Ano-e ame ka Noho Naaupo na Kumu. O ka Hoonaauao ke Kumu e Hoopakeleia ai. (Manao Hoakaka Elima.) Kakauia e Lorrin A. Kakina (Unuhiia no ke Kuokoa) Palekana o ka I'a Maunu O ka loaa ana o kekahi heluna lawa pono o ka "i'a maunu ma ke kumukuai makepono o kekahi mea ano nui ia i wahi e loaa mai ai ka lako i'a ma Hawaii nei. O ka i'a kuloko e aiia nei ma Hawaii nei, ua loaa mai ia mai na alahele ekolu mai, o ia hoi: Ka mua, ka i'a o ke kai papa'u; Ka elua, ka i'a holo o ke kai hohonu e hele mai ai ma ka naho a hoolili paha. Ka ekolu, ka i'a o ka moana kai hohonu e noho ana i ka pa- pa-ku o ka moana ma kahi o ka 600 kapuai, oi aku a emi mai paha. Hoopuniia ka i'a o ka Papa'u i ka Upena He palanaiki ke kino o ka i'a o ke kai papa'u. Nolaila aole o Iakou loaa me ka makau ame ke aho aka me na upena, a hina'i lawai'a paha. O ka i'a holo ano nui loa o ke kai hohonu, o ia ke aku. Me ka makau ame ke aho e loaa ai keia ano i'a, o ka maunu e hoohanaia ai, o ia na i'a ola liilii, o na i'a hana mau ia, o ia ka nehu ame ka iao; ua hoohanaia no nae ka opelu ame kekahi, mau ano i'a liilii e ae. O ke aku, ka i'a hoohana nui ia e na halehana kini i'a, aka o ka hapanui o na aku i loaa mai, ua kuai hoolilo ia aku i ka poe lawai'a, ma ke ano maunu. Okiokiia a liilii, a hoohanaia aku la i maunu a i palu no ka lawai'a ana i na i'a nunui e noho ana i ka papa-ku o ka moana ma kahi o ka elima, a i ole eono haneri kapuai ka hohonu. Liilii ka Mea Loaa Mai Ina e nele ana ka iao a nehu paha, alaila ua lawai'aia no ke aku me kekahi mau ano maunu e ae me ka liilii loa o ka mea loaa mai. Me ke kanalua ole ke olelo ae, ina aole ke aku, aole e loaa ana kekahi mau i'a o ka moana kai hohonu, ina paha he loaa, he kakaikahi loa Iakou. Nolaila, o ka lako maunu, e holo kaapuni ana ia. Ina aole iao a nehu paha, aole no e loaa ana ke aku, aole hoi e loaa na i'a o ka moana kai hohonu. Nolaila o ka iao ame ka nehu ke ki o ka lako i'a holookoa o ka moana kai hohonu, ame na i'a holo iluna o ka ilikai. Kaupalenaia ka Lako Iao Ame ka Nehu Ma na kai o ka aina makua, he nui ino ka i'a maunu o ke ano maka-Ie, a i ole iao paha ame ka nehu. He hapa keneka wale no ke kumu kuai o ka paono o ka i'a maunu ma na kapakai o ka Pakipika ma Amerika Huipuia. Ua hoopuniia ma ka heluna nui e na kanaka, na lakou e hoolaka ana a e kalepa ana i ka i'a maunu ma ke ano o ka lakou oihana ano nui ia. Kuai na kanaka lawai'a mai ka poe kalepa maunu mai i ka akou maunu apau e makemake ai, i ka wa e makemakeia ai. Ma Hawaii nei, ma kekahi aoao, ua kaupalenaia ka heluna o na "i'a maunu". Aohe mea i hoolilo i oihana nona iho, ka hopuhopu ana ia lakou. Me na upena lakou e hoopuniia ai e na kanaka lawai'a ponoi iho. I kekahi manawa he mau la a ke kanaka lawai'a e hoohala ai ma ka huli ana i ka "i'a maunu" e lawa ai no ke kelepa lawai'a hookahi. Ke Kumukuai o ka Maunu ka Mea Ano Nui Ma ka aina makua, o ke kumukuai o ka i'a maunu mai ka hapalua keneka aku no ka paona, oiai hoi ma Hawaii nei, f?fe uuku loa ka i'a maunu, ua oi loa aku ka pipii, nolaila o ke kakaikahi mai pela me ka pii o ke kumukuai, o kekahi kumu ia o ka pipii loa o ka i'a o ka moana kai hohonu. O kekahi o na manao nui o ke kanawai hoopakele i'a hou, o ia no ka hookoe ame ka hoopakele ana i ka iao ame ka nehu. Aole o lakou aeia e kii, koe wale no no ka maunu. He mea punahele ka iao ame ka nehu ke maloo, a he ono i ka aiia e na kanaka Hawaii. Ua hoakaka maopopo ia maloko o ke kanawai, aole he aeia e hoolilo aku, a waiho aku paha no ke kuai a kalepa paha i ka iao ame ka nehu maloo. Kumu o ke Ku-e Ikaika ia O keia makemake loa o na Hawaii i ka iao ame ka nehu maloo, ua lilo ia i kahua no ke ku-e ikaika i hoalaia mai e ku-e ana i ke kanawai hou. O ke kumupale i kukuluia mai o ia no ka liilii loa o ka iao ame ka nehu, e lilo ai i meaai, e makepono ai ko Iakou papaia ana no ka aiia, nolaila aole e pono e papaia ka hoolilo ana i ka iao ame ka nehu maloo. Ua hiki loa ke ikeia, aole ma ke ano o ka nui o ke kino o ka iao ame ka nehu i hanaia ai ke kanawai e hookapu ana i ko lakou kiiia, aka no ko lakou lilo i maunu. Ina aole e hoopakeleia ana ka iao ame ka nehu, e pau loa ana ko lakou ike hou ia ana. Ke hoea mai keia hopena, e emi loa mai ana ka heluna o na aku e loaa ahiki i ka nele loa ana, a ke nalohia aku ke aku, e nalowale pu aku ana na i'a o ka moana kai hohonu, mai ka makeke kuai i'a aku. Kahi e Hoolako Nui Nei i, ka I'a O keia mau i'a o ka moana kai hohonu, o ka mea ia nana e hoolako nui nei ia kakou i ka i'a, ina aole lakou, e hoolawa wale ia ana no ka make me na amaama loko ame na i'a o ke kai papa'u, he lako i'a lawa kupono ole. O ke kanawai e hoopakele ana i ka iao ame ka nehu, o kekahi ia o na manao ano nui o ke kanawai hoopakele i'a. Hookoe a hoopakele i ka iao ame ka nehu, e loaa auanei ke aku ame na i'a o ka moana kai hohonu. Ina e pau ana ka iao ame ka nehu o ka hoea ana mai ia o kekahi puupuu ikaika loa i ka oihana lawai'a o ka moana kai hohonu ma Hawaii nei. Nolaila ke hoeueu aku nei au i na mea apau i makee i ka lako i'a o Hawaii nei, e hana aku i na mea apau iloko o kona mana, i wahi e hooko piha ia ai ke kanawai e hookoe wale ana no i ka iao ame ka nehu no ka hoohanaia ma ke ano maunu! He mea pono i na mea apau ke kokua ana i wahi e loaa mai ai ka hookoia o keia manao o ke kanawai, a ina he ike kekahi, no ke ku-eia ana o keia manao o ke kanawai, alaila e waiho koke ae i hoike no ia mea i ke komisina i'a a i kona mau akena paha. (No keia pule ae e puka hou aku ai.) | |||||||||||||||||||||||
| | ua apo koke ia mai la lakou e na komite hookipa, me ko lakou alakaiia ana aku noluna o na kaa otomobile no ke kahua hoikeike fea ka pahuhopu. Ua hoea mua mai. na lala o ka Ahahui Mamalahoa o Hawaii no Maui ma ka Poalima mamua iho, nolaila ua akoakoa na ahahui lala o ka Ahahui Kamehameha ma kela la, no ka lawelawe ana aku i na hana o ka halawai makahiki imua. Ua malamaia ka halawai makahiki ma na hora o ke kakahiaka o ke Sabati; mamua nae o ka malamaia ana o kela halawai, ua kaihuakai mua ae na lala o kela mau ahahui no ke kahua hoikeike fen, i alakaiia e ka Ahahui Kaahumanu, ka bana Hawaii, na lala o ka Ahahui Kamehameha, Mamalahoa, Kahekili ame na lunanui o na ahahui i ukaliia mai hoi e Mr. John C. Lane, ke Aliiaimoku o na ahahui apau, a i ko lakou hoea ana aku maloko o kela kahua, a maloko hoi o ka hale hoikeike i malamaia ae ai kekahi anaina haipule, a o kela paha ke ka'ihuakai nui i malamaia e kekahi Ahahui Ma-lu i ikeia ma Maui. Mahope o ka pau ana o kela anaina haipule, aia hoi ua paneeia mai la kekahi paina luau nui hewahewa, me ka ai ana o na malihini a lawa i na mea i hoomakaukauia mai no lakou e ka Ahahui Kahekili. Mahope o ka paina luau ma ke awakea o kela Sabati, i hele ai na malihini no ka makaikai ana ma na wahi like ole o Maui, malalo o na kamaaina, a ma na hora o ke ahiahi, i hoea hou ai no ke kahua hoikeike, no ka ai ana i ka aina ahiahi, a hoohala kekahi poe mauka o ka aina i kela po, maloko o na home kamaaina, a maluna no hoi kekahi poe o na mokuahi. Ma ke kani ana ae o ka uwaki e hoike mai ana i ka lehulehu i ako. akoa ae maloko o kela kahua o ka hora ehiku ia, i haawi ae ai o Mekia Kealakai ame kona poe keiki puhiohe i kekahi ahamele no ka hoole'ale'a ana i ka lehulehu maloko o ka hale hoikeike me ka piha ohohia nui. ia. Ma ke kakahiaka ae o ka Poakahi, i haalele aku ai na mokuahi elua ia Kahului, a huli hot mai la no Honolulu nei, ma ke alahele ae o Molokai, a ku mai no keia kulanakauhale ma na hora o ka auwina la, a ma ka hora eiwa o kela po ana iho, i huli hoi loa aku ai na lala o ka Ahahui Kaumualii no Kauai. Ma na ano apau, o keia ka huakai nui hookahi, i huliamahi ai na ahahui Kamehameha apau, a ua hoohalaia no hoi ke Sabati ame ka Poakahi, na ano lehulehu he nui e loaa ole ai he mau hoohalahala ana, a na lilo no hoi kela huakai, i mea na kekahi poe e hoomanao mau ai no keia mua aku. | | ||||||||||||||||||||||
| | LILO O MAUI O KAMA I NA KAMEHAMEHA (Mai Ka Aoao Ekahi Mai) Hall a ma ka hapalua o ka hora ehiku i ka'i ae ai lakou ma ke alanui Beritania, a huli makai o ke alanui Miller, noloko o ka Pa'lii a hoea a poai puni ana ae i ke kiahoomanao o Kamehameha, alaila, mailaila mai, alanui Moi a huli makai o ke alanui Kamehameha no kahi a na mokuahi Mauna Kea ame ke Kilauea e kali mai ana no lakou. Ua pihaku'i ae ka uwapo i kela po i ka poe makaikai ame na hoaloha o ka poe e holo ana ma kela huakai, a i ke kani ana ae o ka hora umi o kela po, aia hoi, ua haalele iho la kela mau mokuahi i ka uwapo no Kahului, Maui ka pahuhopu, me ko laua hele a ohuohu i na lala ame na hoaloha o kela mau ahahui. Ma ke kakahiaka Sabati ae, i ku aku ai kela mau mokuahi ma Kahului, a mahope iho o ka pau ma o ka aina kakahiaka, i lele aku ai na malihini no ka aina, a ua apoia mai hoi e ka Ahahui Kahekili ame na hoaloha me ka piha ohohia nui. I ka lele ana aku o na malihini, | | ||||||||||||||||||||||
| | ||||||||||||||||||||||||
| | ||||||||||||||||||||||||
| | HOOLAHA KUAI O KA HOOLIMA- LIMA AUPUNI. Ma keia ke haawiia aku nei ka hoolaha akea ma ka hora 10 a. m., Poalima, Okatoba 16, 1925, wa kapuka mamua o ka Hale Kalana, Li- hue. Kauai, T. H., malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka Pauku 73 o ke Ka- nawai Kumu o Hawaii a o na Ka- nawai Hooponopono Hou ia o Hawaii 1925 , ka Hoolimalima Laula o ka apana Aupuni mahope ae nei penei: Apana 74, na Apana Kauhale o Waimea, Waimea, Kauai, no- na ka iliaina o 17.100 kapuai kuea, oi aku a emi mai paha. E kaa ka hoolimalima e hooliloia aku ana malalo o na kamu aelike apau ame na kulana o na Hoolima- lima Laula Aupuni i hoopukaia e keKeena o ko Komisina o na Aina Aupuni. E kaa ke kuai malana ae malalo o na kulana mahope ae nei:A. Manawa o ka Hoolimalima; 15makahiki mai Okatoba 15, 1925aku. B. Uku hoolimalima haahaa, $20.00 o ka makahiki, e uku makahiki mua ia.C. E uku ka mea e lilo ai i ka uku hoolimalima, o ka makahiki mua ma ka haule ana oka hamare hui pu me na hoolilo apau o ka hoolaha ana e pili ana me ka hoomakaukauana i ka hoolimalima i oleloia.No ka hoakaka aku i koe e ninau ae ma ke Keena o ka Hope-akena.Mr. J. M. Lydgate, Hale Kalana,Lihue, Kauai, a i ole ma ke Keenao ke Komisina o na Aina Aupuni, Hale Kapitala, Honolulu kahi o ke ano o ka Hoolimalima Laula Au-puni ame ke kii palapala aina o kaapana e hoolimalima aku ai e waiho nei a e ikeia ai.Hanaia ma Honolulu, maloko o keKeena o ke Komisina o na Aina Aupuni, i keia la 8 o Sepatemaba,A. D. 1925.C. T. BAILEY,Komisina o na Aina Aupuni. | |||||||||||||||||||||||
| | ||||||||||||||||||||||||
| | 6377—Sept. 10. 17. | | ||||||||||||||||||||||
| | ||||||||||||||||||||||||
| | ||||||||||||||||||||||||
| |
| |||||||||||||||||||||||
| | ||||||||||||||||||||||||
| | ka mea e pili ana i ke dala o ke aupuni kulanakauhale ua loaa ae a i ua waihoia aku i ke komite waiwai. | | ||||||||||||||||||||||
| | ||||||||||||||||||||||||
| | ||||||||||||||||||||||||
| | ||||||||||||||||||||||||