Ka Nupepa Kuokoa, Volume LXIV, Number 44, 29 October 1925 — PAKELE MAI EHA POE MAI KA MAKE MAI [ARTICLE]

PAKELE MAI EHA POE MAI KA MAKE MAI

Akelekele wale iho no ka pakele ana o na ola o kekahi poe mai ka make mai, ma ka manawa o k# kaa otomobile holonui noonoo ole a ko lakou kalaiwa kaa o ke kuupau ana mai i ka holo a lele ana i ka pali mahai o ke alanui ma ka 1 ī.:ie o Kuoloa, ma kahi kokoke i Kaaawa, a no ekolu manawa o ke kaa ( 0 ke kuwaluwala ana a waiho ana iloko o ke kai, a o kahi i laki ai aole hookahi ola i poino. Ma ka hora 6 p. m., o ke Sabati kela kahuli ana, a o ka mea hilu loa aole i hoike iki ia ae ia nlia 1 ka oihana makai ahiki i ke ahiahi o ka Poakahi nei. Ma ka hoike a ka Makai Marvey Cornwell o ka hoihoi ana ae, o Ah Hoon Ah Nee ke kalaiwa ana ia kaa, a o na inoa nae o ka po.e e ae ekol'u e kau pu ana maluna o ia kaa aohe i loaa ae i ka makai. Ma ka Poalua nei i paa ae ai o Ah Hoon i ka hopuia no kona kalaiwa ana i ke kaa we ka laikini ole. O Ogoso ka mea nana ia kaa, a me he mea la oia pu kekahi e paa ae ana i ka hopuia no kona ku-e i ka Pauku 2013 o na Kanawai i Hooponopono Hou ia, he kanawai e hoakaka ana he hana ku-e kanawai ka ae ana aku o kekahi mea nana kekahi kaa e kalaiwaia e kekahi kanaka i loaa ole kona laikini kalaiwa. Ma ka auwina la o ka Poakahi nei i hukiia ae ai ke kaa otomobile i haule ai i ke kai a kau i ke alanui a kōloia mai i ke knona nei. Ma kekahi ulia kaa otomobil e hoi ma ke kihi o na alanui Moi ame Kopke mahope kok e iho o ka auwina Ia o ka Poakahi nei, he kanaka Korea nona ka inoa o Park Chung Chu ka mea i koikoi loa ka eha ma kona manawa i hooku'iia mai ai e ke kaa oto e kalaiwa ia ana e Seizo Arii, a hina oia iluna o kipaepae mahai o ke alanui a haki kona wawae hema ame ka lima akau, me ka paholehole pu ma kekahi wahi o kona kino a ma ka helehelena. O ka Makai Henry Moldenhauer ka mea nana i ninaninau pono i keia ulia, ma kana hoik e o ka hoihoi ana ae ua hooku'iia mai o Park Chu e ke kaa oto e kalaiwaia ana e Arii ma ka manawa a Park e hele ae ana mai kekahi aoao o ke alanui a i kekahi maluna o 3ce alanui Moi. Mahope iho' o ko Park hooku 'iia ana ua laweia mai oia me ka awiwi loa e Arii no ka halema'i o na poino ulia, a mahope iho o ka haawiia ana o kekahi kokua nona malaila ua hoihoi loa ia aku i ka Halema'i Moiwahine.

Mahope iho o ka paio ana o na loio o na aoao a elua, ma ka hihia malama waiona o kekahi Kepani o Watanabc kona inoa, i hoopuka mai ai na kiure i ka lakou olelo kooholo, e hookuu ana i kela Kepani no ka pili ole o ka hewa iaia, oiai ua kaawale aku ka waiona i loaa »1 mai kahi e noho ana o kela Kejjani i kona wa i hopuia ai.