Ka Nupepa Kuokoa, Volume LXV, Number 11, 18 March 1926 — HAINA NANE. [ARTICLE]

HAINA NANE.

Mr. Solomon Hanohano, ka Lunahooponopono hoi o ka hiwahiwa a ka lahui, aloha nui kauas—E oluolu mai oe ina he rumi kaawale kekahi ma kou keena aha ; ilono, no ka'u haina nane a ke kaikamahine o ka Ua Komaliu, e i ana penoi: Akahi—Kuu lau manu i ke kai, kuu lau manu i ka wai, he ono ka lepo o keia mau lau manu a'u, o ka mea apiki nae, aole e loaa ua ni nei ilaila, .OPAE HUNA ko ke kai, OPAE OEHAA ko ka wai, aole oe e loaa ilaila. Elua—Kuu iau manu i ka lewa, kuu lau manu i ke kula, e o kuu ana e o-i ana, e kiei ha-lo ana; no ka ono no o ka lepo o keia lau manu, lona ua u'i nei ilaila, ko lau manu i ka lewa, h e LAUHALA, ho ono o ka pua o ka hala, ame ka ili. Ko lau manu i ke kula, HALAKAHIKI e kanu ia nei i ke kula, he ono kona i-o ame kona ili, e okuu ana, e o-i ana,' kiei ha-lo ana, Haina. MOENA LAUHALA, 0 kuu ana e nanala ana, o-i ana e ulana ana, kiei ha-lo i ka nani o ka moena. lauhala. Me ,Mr. Lunahooponopono ame na keiki o kou keena pa'i aha'ilono ko'u welina. Owau iho no nje ka haahaa. EXCAVALOR BOY Lihi launa ole mai la kau haina 1 ka nane a ke kaikamahine o ka Ua Komaliu, aia no ke o-i, ka okuu ame' ka ha-lo mai la ua mana la. Ahonui houia mai!—L. H.