Ka Nupepa Kuokoa, Volume LXV, Number 12, 25 March 1926 — Page 2

ELUA NUPEPA KUOKOA HONOLULU, T. H. POAHA, MARAKI 25. 1926.


	KUU HOME HOONAAUAO O MAUNAOLIWA, AIA I KA MAKANI APAAPAA AME KA AINA HAAHEO O KO- HALA, AKAU HAWAII E oluolu mai e Mr. Lunahoopo- nopono, i kahi wahi kaawale o na kolamu o kau nupepa, e kalahea a uwila koke ae oe, ma na paia lahelahe like ole o ko kakou nei mau paemoku, i lohe a i ike mai ai na kini like ole o ka home hoo- naauao, e kau kehakeha ae la ma ke poo o keia kolamu, ame na hoaloha pu. Mamuli o ka lohe i loaa maopopo mai, ma o ke kumu poo la o keia kula, e pau ana ka hoonaauao laula ia aua o na opio wahine Hawaii o keia au hou e nee nei, i ka pau ana o keia makahiki kula, a he poe wae wale no ke noho mai ana ma keia mua aku; na nui ka mi- naminaia o keia puuhonua o na kai- kamahine Hawaii, ke kiahoomanao hoi a ka Makua Rev. E. Bona i kukulu ai no ka pono a maluhia o na kaikamahine Hawaii, a o Miss E. Laiana ke kumupoo mua loa. He nui a lehulehu na makuahi- ne i komo a hoonaauaoia ma keia kula, e noho mai nei ma na wahi like ole o ko kakou nei mau pae- moku ame ka lakou mau pua aku, a i ko lakou ike ana iho i keia hoike, ko'u manao, aole no e nele ana ke kani iho o ke u, aloha a minamina, i ka home i hoonaauaoia ai, ame ka lakou mau kaikamahine aku. Mamuli o ia minamina like, ua lawe ka ekalesia ame Kula Sa- bati o Kalahikiola a hooholoia he kumuhana, e malamaia kekahi hana hoomanao a hoolaulea hope loa, i hui pu ia me na hana hoike Kula Sabati hapaha i Aperila la 25, A. D. 1926 nei, oiai, o ke Kula no o Maunaoliwa kekahi mahele o ko makou mau Kula Sabati. Ua hooholo pu ia, e kahea aku i na makuahine Maunaoliwa apau, a i ka lakou mau pua aku, ina he mau hoomanao aloha i ka home hoonaauao o Maunaoliwa, a na ma- kuahine mua ame na makuahine hou e noho nei i ke kula i keia wa, e hoouna mai i kau aloha ame kokua i ko makou Makua Kahu J. K. Woodward. E hoouna mai i ka wa kupono, aole e kali a kaunuku loa. Ke kono a poloai pu ia aku nei na makuahine ame na opio Mauna- oliwa apau, na makamaka ame na hoaloha pu, e hiki pu mei i ka la i hoikeia mamua ae nei, no ka hui aloha hauoli pu ana me na opio makuahine Hawaii hou o Maunaoli- wa o keia makahiki. Ke kahea pu ia aku nei na Koha- la apau, o Kohala Nui, Kohala Iki, o Kohala Ua Apaapaa, o Pili me Kalahikiola, na Puu haelelua, ku ana no na puu, o ke kanaka no ke hele ana. E hea mai ana, i ko kanaka e komo maloko, e hanai a a hewa ae, e ka waha, eia no ka uku, la, he a-lo-ha. Mai poina i ka hoouna pololei mai i kau kokua a kanaenae aloha i ka Makua Kahu Rev. J. K. Wood- ward. Mai paa i ka leo, hoomohala- ia e, aia e, a ola e. O Aperila la 17 ka la hope ku- pono no na mokupuni e hoouna ma: ai. Me oe e Mr. Lunahooponopono ame na keiki o kou papapa'i, ko makou adios, i awili pu ia aku me ka welina a i omau pu ia aku, e ko makou mahalo nui. KULA SABATI O KALAHIKIOLA Ma o ko makou komite la. R. K. K. N. Kohala, Hawaii, Mar. 17. 1926. TIETSIN, Mar. 21— O na puali- koa Kuominchun, malalo o ka mana o Pekini, ke hoi ae la me ka mao- popo loa no Pekini mai ka akau a mai ka hema mai mamuli o ka hahai mau ia mai e na pualikoa a ka Ilamuku Chang Tsolin, ka mea i manao e haalele mai ia Tientsin nei no ka hoolako ana mai i mau pualikoa no ka lele kaua ana mai i ke aupuni o Pekini. Maluna o na kaaahi na pualikoa Kuominchun e halihaliia nei no Pekini mahope o ke kai ana aku maluna o na aina i lilo i na lahui e me ka hao wale ana i na waiwai maloko o na kau- hale liilii. He hana hoao e hoo- pa-hu i ke alahaka ma Kuych ka i hoopa-huia e na kanaka Amerika. Aohe poino i hanaia.	NA MARE David Kalama, ia Florence A. Hobbs, Mar. 6. John Cummings ia Louise Hamau- ku, Mar. 13. William Kalahale ia Julia Paulo, Mar. 16. Harold E. Swearing ia Lilian E, Kimura, Mar. 16. Henry Ching ia Annie Fo Kim Mar. 17. Peter Y. Chew ia Thelma Hussey Mar. 17. David Solomon ia Keao Kama- halo, Mar. 20. Manuel Nunea ia Eva C. Kukahi, Mar. 20. Joseph H. Kaimana ia Annie Park Mar. 20. William Lai Hipp ia Gaelic Lee. Mar. 20. NA HANAU. Na Mr. ame Mrs. Samuel W. Germaine, he keikikane, Feb. 28. Na Mr. ame Mrs. Louis Kamaka- liilii, he kaikamahine, Mar. 1. Na Mr. ame Mrs. Daniel Puaa he kaikamahine, Mar. 14. Na Mr. ame Mrs. William Walla- ce, he keikikane, Mar. 15 Na Mr. ame Mrs. Charles Kea- hiolalo, he keikikane, Mar. 15. Na Mr. ame Mrs. Paul Makainai, he keikikane, Mar. lA Na Mr. ame Mrs. William Solo- mon, he keikikane, Mar. 17. Na Mr. ame Mrs. Henry M. Mo- riano, he keikikane, Mar. 19. Na Mr. ame Mrs. Richard M. Davenport, he kaikamahine, Mar. 19. Na Mr. ame Mrs. A. E. Carter he kaikamahine, Mar. 20. Na Mr. ame Mrs. Charles S. Yo- shitani, he kaikamahine, Mar. 27. NA MAKE. Nahinu, he bebe hanau hou, ma ka Halema'i Moiwahine, Mar. 17. William Kanakaokai, ma ke ala- nui Alapai, Mar. 18. Julia Kiiulu Kalehua, ma ka Ha- lema'i Moiwahine, Mar. 18. Daisy George, ma ke alanui Pua, Mar. 20. Charles Cox Pedro, ma ke alanui Weaver, Mar. 20. Kaaiohelo, Kawaikau, ma ke ala- nui, Self, Mar. 22. Rose Mokuahilani Opunui, ma Kaimuki, Mar. 22. Elizabeth Hookano, ma ka Home Leahi, Mar. 23. HE HULA, I aloha ia e ke alanui Mila, O kahi nui o ka Piheekelo; E wa hele nei i ka nui manu, Hauwalaau i ka lau laau; Ilaila hoi au i ike iho ai, Na hana hakuepa a ka enemi; Owau ka i lawe olelo ia, Ka haawi i ka limu o hana ko aloha; I lilo mai ia'u o ka ona mau, I loaa ka'u ai me ka'u i'a; Ku na hana i ka hilahila ola, Opu lokoino he aloha ole; Haakoi oe a umi makahiki, Aohe hua leho e loaa mai; He kalakoa oe a he lole emi, He lole kohu no ka mea hana kope; He silika ko'u lole a e kohu ai, He lole pii o ke kumukuai; He mamo mai au na na Lani, Na ka Hekili ku'i naueue; O ka lohe keia malama pono, Hoi no kau ino pili me oe; Hainaia mai ana ka puana, O ka hune me ka nele me oe ia Haina hou ia mai ka puana, No ka limu ono a o hana ke aloha, Haina hou ia mai kuu lei, Na'u na Puhi oni a o Laumeki Hakuia e A. K. F. BERLIN, Mar. 21-He hoike ka ka Puuku Hans Luther ame Gus- tave Stressemann, imua o ka aha- olelo ma ka la apopo maluna o na mea o ke kukakukaia ana ma Gene- va iloko o ka manawa o ka halawai kuikawa a ka ahahui a na lahui. E hookomo ae ana ka aoao kalai- aina lahui he noi e kauoha ana i ke aupuni e huki hou mai i kana no ka aeia e komo aku i ka aha- hui, o ia ka mea i hoikeia mai.


E MALAMA AE ANA NA MOREMONA I KA HUI NUI MA KALIHI Ma ka Poalima, ka la 2 o ka mahina o Aperila ae nei, e noho mai ana ka hui nui o ka Ekalesia o Iesu Kristo o ka Poe Hoano o na la Hope Nei, mauka ae nei o Kalihi, ma ka Helu 1124 Alanui Kalihi. E hoea mai ana na hoahanau o keia ekalesia mai na mokupuni like ole mai no ko komo pu ana iloko o na hana o keia hui makahiki. Ma ka Poalima, o malamaia ana ka hui nui, o na mahele apau iloko o ka ekalesia, a ma ke kakahiaka o ka Poaono ae, ka manawa no ka Ahahui Manawale'a. Ma ke Sabati ae, e noho ai ka halawai o na kumu ame na papa peresidena o na ahahui manawalea ame ka ahahui kamalii. Ma ka po ana iho o kela Poaono, e malamaia ai he hookuku mawaena o na hui opio o na mokupuni, ma na mahele like ole, o ia ka hai- olelo, ka himeni pa-kahi, pa-ha ame ka pa-lima, ame ka hookani gita me ka hao kila. Ma ke Sabati ae, e noho ana ka halawai a ka ahaluna ma ka hora eiwa o ke kakahiaka, a ma ka hora umi ae, e malamaia ai na hana Kula Sabati, ma ka auwina la ame ka po iho, e malamaia ai ka hui nui. Iloko o keia mau la e noho mai ai o ka hui nui o lu ekalesia, e loheia ai na papa himeni o Honolulu nei ame ko Laie. Maloko o ka halepule ma Kalihi, a maloko no hoi o ka hale hoolau- le'a e malamaia ai na hana iloko o keia mau la; a ua konoia ka lehulehu e hoea ae no ka makaikai ana i na hana apau e lawelaweia ana ma na manawa like loe. Ma na olelo Hawaii, Samoa ame Beritania, e kamailioia ai na mea apau, ma keia hui nui ana. HOOKAHI I EHA I KA WA I KAHULI AI KE KAA He eha mau Kepani ohua e kau ana maluna o kekahi kaa otomobile i eha liilii ma ko lakou mau kino ma ka manawa o ke kaa oto a lakou e kau ana i hooku'iia mai ai ma ka aoao e kekahi kaa oto a kahuli mahope iki iho o ka hora 9 o ka po Poaono o ka pule aku la i hala maluna o ke alanui Kamehameha, ma kahi aneane 100 i-a ka mamao ma keia aoao o ke kahawai o Kipapa. O ke kalaiwa o ke kaa, o T. Kays, ka mea i kukonukonu loa ka eha, ua moku oia maluna ae o kona maka akau, a no ia eha i laweia aku ai oia no ka halema'i ma Waipahu. E kalaiwa ana o T. Kays i kona kaa no Ewa ma ka manawa a kekahi kaa okoa aku o ka holo ana aku a hoao mai la e kaa mamua. Ma kela wahi o ka halawai ana o na kaa, he haiki loa ke alanui, a o ka hooku'i ana ia o kela mau kaa. Ua hooku'iia mai ko Kays kaa ma ka aoao a hookeia ae la ma ka aoao o ke alanui a kahuli iloko o ka auwaha. I ka ike ana mai ka o ke kalaiwa o kekahi kaa i ke kahuli ana o ko Kays kaa aole oia i ku iho e nana a haawi iho i kekahi kokua i ka mea i poino, o ka nana wale iho no a hoomau aku la i ka holo ana, me ka hoike ole iho i kona inoa. Ua huliia mai nae oia e na makai ahiki : ka loaa ana. HOOLEIA KA UKU- HANA E BIGELOW O ke koho ana a na hoa eha o ka papa o na lunakiai o ke kulana kauhale a kalana o Honolulu nei o Kumalae ame Ching kekahi i koho, e apono ana i ka ukuhana, o ka poe na lakou i hoomakaukau i na hana apau, no ka wehe ana aku i ko alanui o Waianae, malalo o ke koho; ua hooleia ka uku ana aku i kela ukuhana e ka Lunanui Bigelow, o na hana hou o ke ie ritore, no ke kumu, aole i maua ko koho ana a Kumalae ame Ching oiai e hoopaapaaia ana ko laua ku lana pili oihana imua o ka aha. Mamuli o kela kumu, ua hoolo- lohiia na hana e pili ana i ke ala- nui o Waianae, oiai aole he ae o ka poe i waihoia aku ai na lakou e hoomakaukau i na kii o ke alanui, e lawelawe i na hana, me ka mao- popo mua ole no ko lakou ukuia aku i ko lakou mau ukuhana. He ehiku ka nui o ka poe i hoo- hanaia ma ka hoomakaukau ana i na kii apau i pili i ke alanui o Waianae, a ma kahi o ka $584 ko lakou ukuhana; a i ka wa a ka Enekinia Cain i hoouna aku ai i kela papa ukuhana ia Bigelow, ua hoole oia i ke apono ana, mala- lo o ka manao kanawai o ka Loio kuhina Lymer. HE HOOMAIKAI Ha keia, ke haawi aku nei au i ka'u mau hoomaikai palena ole i na makamaka ame na hoaloha apau, no na hana aloha i hanaia mai no'u nei, pela pu hoi me na bo-ke pua nani he nui a no ko lakou komo pu ana mai e u pu me a'u iloko o na hora hope o ko'u nohona kaumaha ana, mamuli o ka haalele ana mai o ko'u hoa- pili he wahine. Me ka oiaio, SAMUEL MANU. Honolulu, T. H.	"O KE ANA KAUMAHA HE HOAILONA IA NO KE OLA KINO MAIKAI He pii mau ke ana kaumaha o ke keiki ola kino maikai. E kau- paona mau ana na makua i ka la- kou poe keiki i maopopo ai ko la- kou ola kino maikai me ka pii mau. O ke kaumaha averike o ka bebe ma ka hanau ana mai he 7 paona. oko o na mahina mua eono e loaa ana i ka bebe ola kino maikai he eono auneki o ka pule. E papalua ana oia i kona kaumaha i hanau mai ai i kona wa e piha ai ka 4 a 5 mahina paha ke kahiko. Iloko o ka hapa elua o ka makahiki mua o ke ola ana o ka bebe ola kino maikai e loaa ana he 4 a i ole 5 auneki o ka pule. Mamua o ka piha ana o kona la lanau mua he mea pono e loaa i ka bebe ola kino maikai ke kau- maha o iwakalua paona ka haahaa loa. Mai ka 12 aku a i ka 18 ma- hina e loaa ana iaia ka averika o 3 a i ka 4 auneki o ka pule. Mai ka 18 a i ka 24 mahina e loaa ana iaia ka averike o 2 a i ole 3 au- neki o ka pule. Ma kona la hanau elua, e loaa ana i ke keiki ola kino maikai ke kaumaha o iwakalua-kumamawalu paona a he iwakalua niho. E piha pono ana kona umauma a poepoe me ke kakau ole o kona iwihoehoe ame na iwiaoao. Mai ka 2 a ka 6 makahiki e loaa ana i ke keiki ola kino maikai ka averike o 5 paona o ka mahina, Ma kona la hanau ekolu e loaa ana iaia he 32 paona, ma kona la hanau eha, e loaa ana iaia he 36 paona; ma kona la ha- nau elima, e loaa ana iaia he 40 paona, a ma kona la hanau eono, e loaa ana iaia he 44 a i ole 45 paona ke kaumaha. Ke homali mai na kamalu mo ka loaa ole o ke kaumaha, o ka mea maamau, mamuli nai o ko lakou hanai kupono ole ia. I kekahi ma- nawa mamuli mai o ko lakou hoi koke ole e hiamoe, me ka lawa ole o ka hiamoe. O ka hapalua hora eono ka mauawa hiamoe kupono o ke keiki liilii. NA OMAKA HULUMANU O KAHUKU ANOAI. E Mr. Lunahooponopono, no ko ka lehulehu mau pono ame na pomai- kai holomua maluna o ka Nupepa Kuokoa a ka Hawaii e ku nei iloko o keia au, a na nupepa a ka mali- hini he nui e hookeke mai nei ia oe. Kupanaha no hoi kakou na Ha- waii i ka olelo hoino mai, he lapu- wale ka ke Kuokoa, aohe nui o na meahou, ua pau mua no ka i na nu- pepa haole. Pela i'o ka hoi, owai loi si you. O ka nele iho la ka i ka meahou, i ka ike iho i na kuhinia o ke ala- nui Maunakea, i ke kauoha a ke Kamaliiwahine Kawananakoa ia Mr. J . K. Mokumaia. He elua wale no dala me ka hapa ka uku no ka makahiki, no na nupepa a ka mali- hini, he ewalu aala no ka makahiki Ua noho ae nei no hoi a liua a haliu ka la e komo iloko o Lehua kuku na hulu mahamaha o na lae- ula o ko Kahuku e hooni nei no Molokai a malaila e kakali ai i ka pu mua loa a ka anela Moroni e puhi ana i ko ka honua poe i ka A D. 6,000 e piha pono ai na la noa o ko ka honua poe a koe aku he 25 makahiki o Molokai. Ia'u e noonoo nui ana no keia kaipii ua lilo loa ia he moeuhane poina ole ia'u, e haloakoa mau ana maluna o ko'u mau lihilihi maka a mamua o ko lakou haalele ana mai, e weheia he mau hoohana ku paianaha kupua o ke au kahiko a na kupuna, ame ko keia au holomua e nee nei. Ke ano o ka hula i hookumuia mai, ke oli ana, ka pule a ke kahu na ka pololei o na akua moi, kona piha pono ana. He ekolu mahele ano nui, ke tabalo e hauoli ai ka poe ona ame kamalii, ka uwa ana o ka poe ona ame ka poe pio, hehihehi a pa'ipa'i ana, ka elua, ka pa'ipa'i wale no ma na lima, a ma ka naau ka hauoli mau loa e poina ole ai, o ia na tabalo i hanaia me ka nani ame ka naauao maoli. Aia ilaila ke koho a ka poe naau ao akea, o ka ekolu, ke tabalo aole uwa, aole pa'ipa'i rula ole, aole he pio ana, aka he meha pu wale no, o ke anoano eehia, elike me ka hapa hora o ka honua. Ina mao ko ke Akua, alaila e mihi ana ko ka honua, e pule ana iaia o keia ka okala a lilo i liua na noonoo a poina oe ia oe iho. O ia mau, KAHUKU AINA LEWA. NA LEKA KII OLEIA MAI AHI KI I MAE. 13, 1926. Alakai, Mrs. Keawe, Esther J. N. Miss Kaeo, Sam Kila, Miss Eva Kaimana, Jos. Kiilau, Emma K. (2) Kekuewa, Philip Kapiolani, Mrs. Paioa, Chas. L. Walohia, Mrs. Helelani, Mrs. K. Kaai, Mrs. Paul Malama Eliz. Manua, Mariane Kekuewa, Doro- K. Mrs. Nihoa, Mrs. Julia K. L. Kinimaka, J. K Makanani, Mrs. Malahu, Chas. thy D. H. McADAM. Lunaleka Nui.	MOOLELO NO LAIEIKAWAI KA U'I HELU AKAHI O PALIULI I KA UKA O PUNA. MOKUNA IV. (Kakauia e Z. P. K Kawaikaumaii- kamakaokaopua.) (Hoomauia mai.) Ka inoa o ka ona no kona wai- wai, o ka mahuna alua. I mai la ke alii: " Aole hoi paha o ia, o ka ike aku ka hoi paha la ia Laie- ikawai, alaila, waiwai ka ona o ka awa." Mahope iho o ia manawa, hoo- mau aku la ke alii i ka inu awa a hala na la he nui, ua like paha me hookahi makahiki, aole nae ke alii i ike i ka waiwai o ia hana ana, nolaila, hoopau iho la ke alii ia hana. Mahope iho o ko ke alii hoopau ana no ka inu awa, akahi no a hai aku ke alii i ka loaa ana o Laieikawai ma ka moeuhane, ame ke kumu o kona hoomau ana i ka inu awa, a hai pu aku la no hoi ke alii i ke kumu o kona kau ana i kanawai paa, no ka mea walaau iloko o kona wa hiamoe". Ia laua e kamailio ana no keia mau mea, alaila, hoomaopopo loa ae la ke alii e holo i Hawaii e ike ia Laieikawai. Ia wa ka hoo- puka ana o laua i olelo hooholo no ke kii ana ia Laieikawai i wahine mare nana. I ka pau ana o na la ino, ahiki mai ka manawa kupono no ka holo moana, kauoha ae la ke kuhina nui i na kapena waa o ke alii, e hoo- makaukau i na waa no ka holo i Hawaii ia po iho, ia manawa ko koho ana a ke alii i na hoewaa kupono ke holo pu, ko ke alii mau iwikuamoo ponoi. Mamua o ka napoo ana o ka la, kauohaia ka poe nana ouli o ke alii, ame na kilokilo e nana i na ouli o ke mo ame ka moana, ina he hiki i ke alii ke helo, a ina he hiki ole elike me ka mea mau; aka, ua maopopo i kona poe nana ouli a kilokilo hoi, he hiki i ke alii ke hele kana huakai. .^pMHi wanaao, i ka puka ana o ^ ^^^^p0okelewaa, kau aku la ke alii ame kona kuhina, na hoewa he umi-kumamaono, na hookele elua he iwakalua ko lakou nui maluna o na kaulua, a holo aku la. Ia holo ana a lakou ma keia holo ana hiki mua lakou ma Nanakuli, ^WollllliPia wanaao, haalele la- kou Bi, hiki mua lakou i Mo- 'I^w^p.^alaila lakou i noho ai he umina, ho ka mea, ua loohia la- kou e ka ino, hiki ole ke holo i Molokai. A pau na la he umi, ike maopopo ia aku la ka malie, a maikai ka moana. Ia po iho a ao, hiki lakou i Poli- hua ma Lanai, a malaila aku hiki ma Ukumehame, a no ka makani ino ia la, ua noho lakou malaila, a i kekahi la ae, haalele lakou ia wahi, hiki lakou i Kipahulu ia la. Ia lakou ma Kipahulu, hooholo ae la ke alii i olelo e hele wawae mauka, a ma na waa na kanaka. Ma kahi nae a lakou i noho ai, aa nui ka poe mahalo no Aiwohi- kupua no ke kanaka maikai. Haalele lakou ia Kipahulu, hiki lakou ma Hana, mauka no ke alii me kona kuhina ma na waa no na kanaka. I ke alii nae e hele ana, he nui ka poe ukali ia laua, no ka make- make ia Aiwohikupua i ke kanaka u'i. Ia lakou i hiki aku ai i ke awa pae waa o Haneoo i Hana, he nui ka poe i lulumi mai e ma- kaikai i ke alii, no ka pakela oi o ka maikai. Ia Aiwohikupua ma nae i hiki aku ai, e heenalu mai ana na kane, ame na wahine i ka nalu o Pu- hele, aia nae ilaila kekahi kaika- mahine alii maikai kaulana o Hana o Hinaikamalama kona inoa. Iloko hoi o ko laua ike ana i ua kaikamahine alii nei o Hana, alaila, ua hoopuniia ke alii kane, ame kona kuhina e na kuko; a o ia no hoi ke kumu o ko Aiwohikupua ma noho ana malaila ia la. A pau ka heenalu ana a na ka- maaina, a i ka nalu pau loa p ko Hinaikamalama hee ana, o ka nalu ia i pae ai, hoopololei mai la ka hee ana a ke kaikamahine alii ma ka wai o Kumaka, kahi hoi a Ai- wohikupua ma e noho mai ana. I ke kaikamahine alii nae e auau ana i ka wai o Kumaka, ua hoo- puniia ke alii kane, ame kona ku- hina e ke kuko ino; a no ia mea, iniki malu aku la ke kuhina o ke alii ia Aiwohikupua, e hookaawale ia laua mai kahi aku a Hinaikama- lama e auau ana, i ole lana e pili- kia ma ka manao. Ia Aiwohikupua ma i hoomaka ai e hookaawale ia lana mai ko ke alii wahine wahi e anau ana, alaila pane aku la ke alii wahine: E na'lii he holo ka hoi ka olua! kai no hoi he wehe ko ke kapa, lele iho hoi he wai, hookahi hoi ka auau ana a kakou, hoi aku he hale, a moe, he ai no, he i'a no hoi, he wahi moe no hoi, o ia iho la no ka waiwai a ke kamaaina, i ma- kemake no hoi e hele, hele no, ina he makemake e noho, o Hana no hoi nei noho iho." No keia olelo a ke alii wahine, i aku Ia ke kuhina i ke alii: "E! pono ha ka manao o ke alii wahine, ao ka mea, na makemake loa ke alii wahine ia oe." I mai Ia o Aiwohikupua: "Ua makemake no hoi au i ke alii wa- hine, ao ka mea, ke ike loa nei	au i ka oi loa o kona maikai mamua o ka'u mau wahine mua na lakou i kumakaia ia'u, aka, ua lohe oe i ka'u hoohiki paa ana, aole au e lawe mai i kekahi wahine o keia mau moku i wahine na'u." A no keia olelo a Aiwohikupua, i aku kona Kuhina: "Ua laa oe no kela hoohiki au, alaila, e aho na'u ka wahine a kaua." A pau keia kamailio liilii ana a laua, hele aku la laua i ka heenalu. Ia laua e heenalu ana, aia hoi, ua hoopuniia ke aliiwahine i ke kuko no Aiwohikupua, a ua nui ka poe i hoopuni paa ia no ka make- make i ke alii kane. A pau ka auau ana a laua, hoi aku la laua me ka manao e kau maluna o na waa a holo aku; aka, ike aku la o Aiwohikupua i ke alii wahine e konane aua, a manao iho la ke alii kane malihini e hele i ke konane; aka, ua lilo mua na ke alii wahine ke kahea e konane la- ua. Ahiki o Aiwohikupua ma kalu o ke alii wahine, kau na iliili a paa ka papa, ninau mai ke alii wahine: "Heaha ke kumu pili a ka mali- hini ke make i ke kamaaina?" I aku o Aiwohikupua: "He mau waa kaulua ko'u kumu pili, aia ke lana mai la iloko o ke kai, o ia ka'u kumu pili me oe." I mai la ke alii wahine: "Aole he maikai o kau kumu pili e ka malihini, hookahi no kumu pili ma- ma loa o ia no na kino o kaua; ina e make au ia oe, alaila, e lilo au nau, a ina hoi e make oe ia'u, alaila, o oe no ka'u, me ko noho i Maui nei." No keia olelo a ke aliiwahine, hooholo koke ae la ke alii kane i ka olelo ae. I ka hahau ana a laua i ka papa mua, make o Aiwohikupua. Alaila i mai la ke alii wahine. "Ua eo oe ia'u, aohe au kumu e ae e pili mai ai, a ina nae he kai- kaina kou alaila, ae aku au e pili hou kaua." A no keia mau olelo maikai a ke alii wahine imua o Aiwohiku- pua, alaila, hooholo koke ae la oia i kona manao ae ma ka waha wale no. A iloko o ko laua wa kamailio, hoopuka aku la o Aiwohikupua i kona manao imua o ke alii wahine: "He nani hoi ia ua pili ae nei ko'u kino me oe, a ua maikai no; aka, aole kaua e launa koke, aia a hoi mai au mai kuu huakai kaa- puni ia Hawaii; no ka mea, ua hoohiki au mamua o kuu holo ana mai nei. Aole au e launa me kekahi o na wahine e ae, aia no apuni o Ha- waii, alaila, hana au elike me kuu makemake, elike me ka kaua e kamailio nei, a o ia hoi ka hooko- ia ana o kou makemake. Nolaila, ke kauoha mua aku nei au ia oe mamua o kuu hele ana, e noho oe me ka maluhia loa, aole e lilo i ke- kahi mea e ae, aole hoi e hana iki i kekahi mea pono ole e ke 'ake 'a ai i ka kaua hoohiki, a hoi mai au mai kuu huakai maka 'ika 'i mai, alaila, e hookoia ke kumu pili o ka wahine alii. "Ina i hoi mai au, aole oe i ma- luhia, aole hoi oe i hooko i ka'u mau kauoha, alaila, o ka pau no ia; aole nae keia o ko Aiwohikupua manao maoli. A pau na kauoha a Aiwohikupua ia Hinaikamalama, haalele lakou ia Maui, hiki lakou. nei i Kapakai ma Kohala. I kekahi la ae, haalele lakou ia Kapakai, holo lakou a ma- waho pono o Kauhola, nana aku la o Aiwohikupua i ka akoakoa lehulehu ana o na kanaka mauka o Kapaau. Ia manawa, kauoha ae la o Ai- wohikupua i na hoewaa e hookoko- ke aina aku na waa, no ka mea, ua makemake ke alii e ike i ke kumu o keia akoakoa lehulehu ana o na kanaka. ' Ahiki lakou i ke awa pae waa ma Kauhola, ninau aku la ke alii i ke kumu o ka akoakoa lehulehu ana o na kanaka alaila, hai mai la na kamaaina he aha mokomoko ke kumu o ia lehulehu ana. Ia manawa okalakala koke ae la o Aiwohikupua e hele e makaikai i ka aha mokomoko, a hekau iho la na waa o lakou, a pii aku la o Aiwohikupua, ame kona kuhina, ame na hookele elua, eha ka nui o ko lakou pii ana. Ahiki lakou i Hinakahua i ke kahua mokomoko, ia manawa ike mai la ka aha mokomoko i ke keiki Kauai, no ka oi o kona kanaka u'i, he hooha'i mai hoi kau i ka maoli pua o Kauai; a lilo iho la ka aha kanaka i mea haunaele. Mahope iho o keia haunaele ana, hoomaka hon ka hoonoho o ke ka- hua mokomoko, ia manawa, pili aku la o Aiwohikupua ma ke kumu laau milo, e nana ana no ka hoouka kaua. Ia Aiwohikupua nae e ku ana ma kona wahi, puka mai la o Ihuanu a ku iwaenakonu o ke kahua mo- komoko, e hoike ana iaia iho imua o ke anaina. (Aole i pau). I kulike ai me ka mea maa ma na makahiki aku nei i hala, e ma- lama ae ana ka Ekalesia o Iesu Kristo o ka Poe Hoano o na la Hope Nei, i ka hui makahiki nui, ma ka Poalima o keia pule ae, Ape- rila 2, ma ka halepule o kela eka- lesia ma Kalihi, me ke konoia o ka lehulehu e hoea ae no ka ma- kaikai ana i na hana e malamaia ana malaila.

E WAIHO ANA I KA

HANA O KE AUPUNI

Ma ka piha ana iaia o na makahiki he kanaono, iloko o ka mahina ae nei o Augate, e waiho aku ai o A. V. Gear, i kona noho poo ana no ke kulana bila haawina no ko teritore; me ka holo aku o kela kulana ia James W. Lloyd, ka mea a ke kiaaina i hookohu aku ai iaia, mamua o kona holo ana aku nei no Wakinekona.

Hookahi kumu nui o ko Mr. Gear makemake ana e kaa aku na hana apau o kona keena, maluna o na poohiwi o kona hope, i hiki ai i kela hope ke hoomakaukau i kana hoike, a waiho aku imua o ka ahaolelo e noho mai ana i keia makahiki ae.

Iaia e waiho aku ai i ka hana

o ke aupuni, e loaa ana iaia he
uku hoomau, no ka mea ua noho
hana oia malalo o ke aupuni no
na makahiki he iwakaluakumama-
hiku, a oiai he eono haneri me iwa-
kalua-kumamalima kona uku, ma-
lalo o keia kulana ana e paa nei

i keia manawa; e loaa ana no iaia
kekahi uku hoomau maikai loa;
ma kona manawa e kaawale mai
ai mai na hana mai o ke aupuni.

Wahi nae a Mr. Gear i olelo ae ai, he mau hana no kana e lawelawe aku ana ke waiho i na hana

o ke aupuni, aole nao oia i hoakaka
ae i ke ano o kela mau hana.

KA HOIKE A KA LUNAKA-

WAI DESHA NO NA OPIO

Iloko o ka mahina o Feberuari

i hala, ua oi aku ke ino ame ke
kolohe o na keikikane mauaua o
na kaikamahine, elike me ia i ikeia
maloko o ka hoike o ka aha hoo-
kolokolo a ka Lunakanawai Desha,
no ia mahina o ka hoopukaia ana
ae.

Ia mahina he 34 mau keikikane ame elima mau kaikamahine mailoko ae o 39 mau keikikane ame ehiku mau kaikamahine i laweia ae imua o ka aha a ka Lunakanawai Desha, ma ke ano he mau keiki hookuli, lalau a piha kolohe. Hookahi keikikane i hookuuia.

He 30 mau keikikane i kaa aku malalo o ka hoomalu ana. Hookahi kaikamahine i kaa aku malalo o ka malama ana a kekahi ohana, a he elua mau kaikamahine i kaa aku malalo o ka hoomalu ame ka malama ana a kekahi home, elike me ka hoike a Ellen Dwight Smythe ke kakauolelo o ka aha.

He eha mau keikikane i hoopaaia aku maloko o ke kula a'ohanalima ma Waialee a he elua mau kaikamahine lalau i hoopaaia aku maloko o ke kula a'ohanalima o na kaikamahine ma Kamoiliili.

No na lahui ame na hapa i loaa mai ai o na keiki o ia keia: Pake, 3 keikikane; Pilipino, 3 keikikane; Hawaii piha, 4 keikikane ame elua kaikamahine; hapa-Hawaii, he 10 mau keikikane ame 2 kaikamahine; a no na lahui e ae he 6 mau keikikane a hookahi kaikamahine. Ma ka la 1 o Ianuali i hala he hihia i pau ole i ka hooloheia ke ku ana no 4 mau keikikane ame elua mau kaikamahine, a ma ka la 28 mai o Feberuari, no 8 mau keikikane ame 4 kaikamahine.

Iloko o keia mahina o Maraki he eha mau kaikamahine i laweia mai mamua o ka aha a i hoopiiia mai he mau kaikamahine lakou e kaukai aku ana i ko lakou ola ia hai. He elua i hoakakaia ae he mau kaikamahine e ola ana mamuli o ka hai malama mai, hookahi i hoihoi ia aku malalo o ka malama ana a kekahi ohana, a hookahi i hoihoiia aku i kekahi home. He mau kaikamahine Hawaii keia a elua. Ma ka la 31 o Ianuari he elua mau keikikane ame 9 mau kaikamahine i hoopiiia ae he mau keiki e kaukai ana i ko lakou ola ia hai, a ma ka 28 mai o Feberuari he elua mau keiki hou ame 11 kaikamahine i hoopiiia ae no ko lakou kaukai aku i ko lakou ola ia hai.

MAKEMAKEIA E LOAA I

MAU MOHO KUOKOA.

Mamuli paha hoi o ka pauaka

o ka meia ame na hoa o ka papa
lunakiai o ke kulanakauhale a ka-
lana o Honolulu nei, ma ka hooko
ana i ka lakou mau hana no ka po-
no o ka lehulehu, na hana i ala mai
ai na hoopii kanawai imua o ka
aha, ua ku a hoowahawaha maoli
kekahi heluna nui o na mana koho,

i ka poe o kela ano, no ia kumu
i ulu ae ai ka manao o kekahi
mea, a hoike ae i ke akea, no ke
kupono, e malamaia kekahi hala-
wai makaainana, me ka nana ole
ma ka aoao kalaiaina, a ma kela
halawai, e kohoia ai na moho, no
ke kau koho baloka o na luna oi-
hana kulanakauhale e hoea mai ana.

Hookahi kumu pilikia o na luna oihana o ke kulanakauhale, wahi a keia mea i makemake i kekahi halawai no na moho kuokoa, o ia no ka hooliloia o ka aoao kalaiaina i mea mua iloko o ka noonoo o kela poe, pela iho la i hakaka mau ai ma Demokarata me na Repubalika.

Ua ike no na alakai o na aoao kalaiaina kuloko i kela pilikia, eia nae ma kahi o ko lakou komo ana mai e uwao; ua ku ae kela ame keia mau alakai, a kokua aku i ko lakou puulu ponoi iho, ma ke kukulu ana i ka ninau aoao laeiaiaina mamua, a mahope ' - noonoo ana no ka pono o ka lehulehu.

Ma ka mea oiaio maoli, he poe ' nnko wale iho no ka meia ame

i hoa o ia papa o na lunakiai i

i hana no ka pono o ka lehulehu,

o no ko lakou mau aoao kalai-

n pakahi iho, nolaila o ko ka

: 'i u loha pono ke nana mua ia, aole

ka pono ame ka hanohano o na

: 'i-i kalaiaina.

He manao maikai no ko keia mea, elike no me ka manao o kekahi -- .nole nui o na mana koho, aka - -." he hana pohihihi no, ka hiki .---.-, e kaheaia kekahi halawai ma-] ..-;']:.-!. no ka wae ana ame ke koho ana i na moho, kuokoa, no ka mea he au keia e nee nei, i lilo ai na e nao kalaiaina, i mau mea ano nui, aole wale ma Hawaii nei, aka ma Amerika Huipuia a ma na aupuni naauao apau o ka honua nei.

PILIKIA NA WAHI KIEKIE
O HONOLULU NEI I KA WAI

No na la lehulehu ae nei i hala, i hoomaopopoia ai ke kulana kupilikii o na wahi kiekie i ka wai,

o Honolulu nei, ahiki i ka hoea okoa
ana mai, i ke kaheaia ana o ke-
kahi halawai kukakuka, o na poo
nui o ke aupuni, ma ka Poakahi
iho nei, no ka noonoo ana i na
alahele, e hoomamaia ae ai ka pili-
kia o na wahi i loaa i keia poino.

O ka nui o ka wela o ka la, ilo-ko o na mahina aku nei i hala, ke kumu o ka hoea aua mai o keia

pilikia, no ka mea aia ke kauka'i
ana o kela mau wahi kiekie, ma ka
wai i-.-.- --- i luawai hooki'o mauka ae

- Nuuanu; ua emi loa mai ka wai, ahiki i ke koe liilii loa ana, e hiki ole ai ke hoolawa aku i na wahi kiekie.

Me kela pilikia maopopo loa i halawai aku me kekahi heluna nui -' m kanaka i kahea ae ai ke Kakauolelo Raymond C. Brown, i kekahi halawai kukakuka o na poo

na keena oihana, o ke aupuni, i-i kela Poakahi, me ka hoea ana --- o kekahi poe ko'iko'i i kuleana : keia ninau wai.

Ua nui ua manao i hoakakaia no ku pono o kela kumuhana, aka :-::" o ka Lunanui F. E. Blake, o ka hui hana uwila Hawaii, ka i waiho ae i kona manao, no ka hiki i kona hui, ke hoolako i ka wai noloko o ka luawai hooki'o ma Nuuanu, ma kahi o na haneri kau-^n.ni galani wai i ka la hookahi, ma ka pauma ana i ka wai aniani mailoko aku o ka luawai aniani o Ka lui, a i ka luawai hooki'o, a mailaila e kahe mai ai ma na paipu, no na wahi pilikia i ka wai.

O Konela Charles McCarthy kekahi i hoea ae ma kela aha kukakuka, a hoakaka mai i kona manao o kona keena oihana kekahi, i noonoo maluna o kela kumuhana hookahi, no ka pauma ana i ka wai Mailoko mai o na luawai aniani, noloko o ka luawai hooki'o ma Nuuanu me ka lilo o kela pauma ana i

ka wai, na ka pauma o ka oihana
kinaiahi.

Ma ke ano nui ke olelo ae, ua nui na mea i kamailioia, no na alahele e hoopauia ae ai kela pilikia.

I kulike ai me na hoike mai Kona mai, nui ka ka ua o ka haule ana mai ma kela mau apana ma na la aku nei i hala, me ka hoohauoliia ana o ka manao o ka poe mahiai.