Ka Nupepa Kuokoa, Volume LXV, Number 12, 25 March 1926 — E MALAMA AE ANA NA MOREMONA I KA HUI NUI MA KALIHI [ARTICLE]

E MALAMA AE ANA NA MOREMONA I KA HUI NUI MA KALIHI

Ma ka Poalima, ka la 2 o ka mahina o Aperila ae nei, e noho mai ana ka hui nui o ka Ekalesia o lesu Kristo o ka Poe Hoano o na la Hope Xei, mauka ae nei o Kalihi, ma ka Helu 1124 Alanui Kfl,lihi. E hoea mai ana na hoahanau o keia ekalesia mai na mokupuni like ole mai no ko komo pu ana iloko o na hana o keia hui makahiki. Ma ka Poalima, o malamaia ana ka hui nui, o na inahele apau iloko o ka ekaleaia, a ma ke kakahiaka o ka Poaono ae, ka manaw» no ka Ahahui Manawale'a. Ma ke Sabati ae, o nolio ai ka halawai o na kumu ame na papa peresidena o na ahahui manawalea ame ka ahahui kauialii. Ma ka po ana iho o kela Poaono, e malamaia ai he hookuku mawaena o na hui opio o na mokupuni, ma na mahele like ole, o ia ka haiolelo, ka himeni pa-kahi, pa-ha ame ka pa-lima, ame ka hookani gita me ka hao kila. Ma ke Sabati ae, e noho ana ka halawai a ka ahaluna ma ka hora eiwa o ke kakahiaka, a ma ka hora umi ae, e malamaia ai na hana Kula Sabati, ma 4a -auwina la ame ka po iho, e malamaia ai ka hui nui. Iloko o keia mau la e noho mai ai o ka hui nui o ka ekalesia, e loheia ai na papa himeni o Honolulu nei ame ko I>aie. Maloko o ka halepule ma Kalihi, a maloko no hoi o ka hale hoolaulo'a e malamaia ai na hana iloko o keia mau la; a ua konoia ka lehulehu e hoea ae no ka ma-kaikai ana i na hana npaii e 1 awelaweia ana ma na manawa like loe. Ma na olelo Hawaii, Samoa ame Beritania, e kamailioia ai na mea, apau, ma keia hui nui ana.