Ka Nupepa Kuokoa, Volume LXV, Number 12, 25 March 1926 — Untitled [ARTICLE+ILLUSTRATION]

KA mua loa o na mea apau o ia ka i kapaia ka "ukuhana haahaa" o $1.00 oka la. O ke ku ana o keia uku, o ia ka ukuhana HAAHAA, ua lilo i mea hoohuikau me ka maopopo ele, me he mea la o ka ukuhana iho la ia e ukuia ai ma ke ano laula, aole nae pela ka mea oiaio. O ka loina lawelawe ma ka mahiko e koi mai ana ia no kekahi wahi e hoomaka ai ma ka ukuhana haahaa i hoopaaia no na limahana hou a maa ole. Ua lawelaweia keia ma Hawaii nei ma ka hoopaa ana e loaa i kela me keia limahana, ina no he mea hou loa ka ukuhana HAAHAA o $1.00 o ka la, hoohui aku me ka hale noho. wale, ka wai loaa wale, ka wahie ame ka lapaauia me ka uku ole nona iho ame kona ohana. Pehea ka nui e loaa ana mamua aku o keia i ka limahana maluna ponoi iho no ia ona, elike me na hoakaka ana e hoikeia aku ana no ka loina o ka hana ma na mahiko. Ma kahi wale no 05%0 ka hana j malalo o ka ukuhana haahaa i hoopaaia. No ka hoohoihoi ana i mea e mau ai ka hana ana, e haawi ana na mahiko i na limahana la apau i hana he 23 Ia o ka mahina a oi aku paha he uku 11 manuahi mahina o 10% oko lakou uku. Nolaila 0 ka ukuhana haahaa loa i hoopaaia he $1.10 o ka la, hui pu me na lako e ae o ka noho ana di pela aku. E haawi hou ia ana kekahi uku manuahi i na limahana hana la apau loa e hana ana he 23 mau la hana a oi aku paha o ka mahina, ina e loaa ana he 5c ka averika o ka paona a oi aku paha o ke kumukuai oke kopaa. Ma kahi okasc ke kumukuai averika o ke kumukuai o ke kopaa maka e loaa ana ka uku manuahi o 5%, e ukuia aku ai maluna iho oka 10% uku manuahi "paa". No kela ame keia hakina o ke keneka i hoopiiia ae maluna o ka 5c o ka paona no ke kopaa, pela no e hoomahuahuaia ae ai keia "mahele pomaikai" a i ole "hoemi pomaikai" paha nolaila ina ma ka 6c ka averika o ke kumukuai alaila he 15% ka uku manuahi; ma ka 7c, he 25c a pela aku. E loaa ana i ka limahana malalo o ka ukuhana haahaa i hoopaaia, elike me na mea i iksia no ka poe hana la e ae, he uku no ka manawa ka'ulele o "hookahi la me ka hapa" e ukuia ana no hoi ke ana ukuhana ame na uku manuahi me ka uku manawa. Nui keia uku no ke kanaka uku haahaa. Ma kahi o ke 95% o na, limahana la o ka mahiko e lawelawe ana i ka lakou mau hana malalo g j o kekahi ona ano "aelike". Na "aelike" ma na Imahiko o Hawaii nei, aia he nui o na loina pili hana. Aia he elua mau papa laula ona aelike, ka aelike "pokole" ame ka aelike "loihi". He hana ma ka aoao o ka mahiko ka hoohoihoi ana i ka limahana e hana malalo o ka aelike 1 wahi e loaa nui ai iaia ke dala, no ka mea e nui ana na hana e lawelaweia eia. O ka nui o na hana e lawelaweia e kela me keia limahana pakahi, e hoemi mai ana ia i ka heluna o na limahana ame na hoolilo o ka hoolako ana i na hale, ka lapaau ana ame ka wahie, a pela aku. Na ka lunanui e hooponopono i na hana o kona mahiko, e hiki ai iaia ke waiho aku i ka waele ana i na malako i na kanaka, ka hookahekahe ana i ka wai i ke ko, ka hoomomona ana i ke ko, ke oki anā, ka halihali ana ame kekahi mau ano hana e ae. Ma keia mau aelike pokole, e loaa ana i na kanaka ka uku, elike me ke ano o ka hana a lakou i lawelawe ai, me ka loaa mai ke $1.50 o ka la a ka $4.00 o ka la, a i kekahi manawa oi

aku, a no keia uku, i paku'iia aleu ai na ano elua 0 ka uku manuahi. Aia no hoi na aelike loihi, malalo olaila e haawi ana ka mahiko i kekahi puulu o na kanaka 1 kekahi mau eka i kanuia i ke ko no ka malama ana. Na keia puulu ona kanaka e malama ike ko, e lawelawe ana i na ano hana like ole no kela mau eka ahiki i ke oo ana, a e ukuia ana na kanaka ma ke tona o ke ko i loaa mai ma ka lakou malako; e kauia ana ke ana uku, elike me ka moolelo ame na mea i hanaia no ka mahiko, e loaa ai i ka mea paamau i ka hana, kekahi ukuhana no ka la. Oiai ke ko e ulu ana, a e lawelaweia ana na hana ma ka malako, e uku ana ka mahiko i kela ame keia mahina i na limahana, me ka paku'i pu ia aku oka uku manualii. Ma ka manawa e hooponoponoia ai malalo o ka aelike, aole e hoolaweia ae anā na uku manuahi, aka o na dala i ukuia aku ma ke ano kokua, e laweia ae ana !a. He akamai loa ka poe lawe ina aelike loihi i ka hooulu i ke ko, a o lakou kekahi poe nui loa o na elala loaa ma na mahiko. E loaa ana na uku manuahi i na limahana lawe aelike apau mai ka poe aelike pokole a loihi paha, me ka loaa pu o ko lakou mau hale, ka wai, ka wāhie, ka lapaauia me ka uku ole, elike no me na limahana e ae o ka mahiko* O ka loina o ka hoohanaia; lina o na Mahiko o Hawaii nei, no ka haawi anā aku no ia i ko lakou mau limahana i na manawa maikai loa e loaa mahuahua. ai ia lakou ke dala, ma ka nui o ka lakou hana e lawelawe ai. Ua huli nui ia na aho o ka hana ana, a ua hoonaauao pu ia aku na kanaka i ke ano o ke oki ana i ke ko, i wāhi e oi ai na tona e e kela ame keia kanaka, pela no e nui ae ai kana dala loaa mai. . Hookahi mea ano nui loa i na limahana, o ia no ka hiki i na Mahiko o Hawaii nei ke hoolako i ka hana apuni ka makahiki. Aole wa noho wale —aohe kikina hoomaha—aohe mau hana e mimino ai ka waihona hoahu e nui ai paha na hoolilo ame ka pilikia. Ua ikeia ka holomua o na limahana ame ko lakou makāukuu ma ke ano laula no ka loaa mai o ke dala malalo o ka hāna mau ana, ma o na keiki maemae la a hanai pono ia a na limahana maloko o na kula aupuni, ma ka nui o na heluna o na kaa otomobile i onaia a e malamaia ana e na limahana o na mahiko, maloko o na kauhale mahiko. Aia maloko o na hanaka hoahu he mau hatieri kaukani dala i hoahuia e na limahana a mai ka eono a i ka $800,000.00 i hoounaia aku i kela ame keia makahiki e na limahana Pilipino o na mahiko i ko lakou mau makua a mau ohana paha ma ka Paeaina Filipine, he kahua oiaio keia no ka holomua o na limahana malalo o ke ana ukuhana a ka hui mahiko. # Ua loaa i na limahana Pilipino i holo mai no Hawaii nei ka pono e huli hoi hou aku ai ihope malalo o na hoolilo o ka mahiko, mahope o ka hala ana o na makahiki ekolu, i ka pau ana o ka manawa oko lakou aelike hana. Nui na limahana i hoohana i keia pono, i huli hoi aku i Pilipine me ko lakou mau ohana, aka mahope o ka hoohala ana he wa hoomaha malaila ua huli hoi hou mai la i Hawaii nei, no ka hoohihi no i ke kulana o ka hana maanei ka uku maikai ma na mahiko, na hale maemae me ka maikai o na mea eaee hoopuni ana i ka noho ana. AHAHUI O KA POE KANUKO HAWAII