Ka Nupepa Kuokoa, Volume LXV, Number 12, 25 March 1926 — E NAAUAO KAKOU E PONO AI. [ARTICLE]

E NAAUAO KAKOU E PONO AI.

Ke ike pono nei kakou, i ka pilikia mawaena o ka meia air.e na hoa o ka papa lunakiai o ke kulanakauhale a kalana 0 Honolulu nei i keia mau la, a ma ka lakou mau oleloike imua o ka aha, no na hihia o kekahi mau lunakiai, aohe a kakou mau hoohewahewa ana, 110 ke ku kaokoa loa o kekahi puulu mai kekahi mai, me ka hoao ana c ili aku na ahewa ana maluna o kekahi poe, a e kaa ka mahaloia maluna o kekahi poe. He oiaio ka kekahi mea i hoakaka ae ai, no ka hoea ana mai i ka manawa e lawe kaokoa ai na makaainana, i ka iloko o ko lakou mau lima, a wae ae i ka lakou mau moho ponoi no na kulana oihana kulanakauhale, me ke kapae ana 1 na aoao kalaiaina ma kuono, mamuli o ke ku a hoowahawaha maoli i ke ano o ka lawelaweia ana o na hana o ke aupuni; o ka hiki ana nea ke hooko aku ia manao, he mea pohihihi no ia, oiai na aoao kalaiaina kuloko o kakou e ku nei, me ke kaa ana na na aoao kalaiaina kuloko e wae ae a e koho aku i na moho e holo ana no na kulana oihana. Aole he pilikia o na aoao kalaiaina; aia ka pilikia maluna 'o ka poe i kohoia aku ai, no ka lawelawe ana mai i na hana no ka pono o ka lehulehu; nolaila, ua lilo na pilikia a kakou e ike nei i keia mau la, i mau haawina a'o maikai loa na kaleou e lawe mai ai a malama, ma ke kapae ana ae i ka poe a kakou i ike maoli aku ai no i ke kupono ole, a koho aku i poe kuokoa, a i poe makaukau maoli, me ke kupono, o lakou ka poe na lakou e makaala mai, i na hana o ke aupuni; aole o ka puulu o ka poe loea kalaiaina, ka poe i hoopaaia malalo 0 na loina o ko lakou aoao kalaiaina iho. » Kc pii mau nei ka ulu ana o keia kulanakauhale i na manawa apau, elike me na mea oiaio i ikeia no Kalihi, Kuuanu, Waikiki ame Kaimuki. I keia mau la iho nei, i lilo mai ai na aina ma na kiekiena o Palolo ame Kahala ma ke kuai i kekahi hui hoopukapuka waiwai; o keia kekahi hoike oiaio loa, no ka papalua iho o ka nui o keia kulanakauhale, ke hala he mau inakahiki mahuahua ma keia hope aku. Mamuli o ka nele o na wahi kiekie o Honolulu nei i ka wai, pela ka nui o ka maloo e pahola nei ma na wahi apau, i ulu ae ai ka manao iloko o kekahi poe o keia kulanakauhale, he oi aku ka pono ia Kaualoku Kauahikaua e hawanawana koke aku i kona ākua, e hoawiwi mai i ka haule ana mai o ka ua, 1 pau ae ai keia pilikia e paliola nei maluna o na kanaka. <+++* " p ole ka Uamuku Amerika Oscar P. Cox e komo aku e liopuhopu i na wahi puhi rama, me ke kokua ana aku o ke Kapena Makaikiu John Kellett iaia, akahi no a ala mai ka hiamoe o ka Akena Hookapu Waiona John Barrett, me ka hoomaopopo ana, o ka unahi wale no o na hana hakihaki kanawai kana o ka hoomaneoneo ana i na la aku nei i hala, a koe no ke kumu o ka waiona e kahe mai ai. *+* O kela kaha keokeo loihi i kauia ma ke kihi o kekahi mau alanui o kela kekahi o na mea maikai loa j hanaia, no ka hoopakeie ana i na kaa mai ka hooku'i ana, a no ka hoawiwi ana i ka holo ana o na kaa ma na kihi alanui, kekahi o na pilikia nui i ike inau ia, mamua aku nei. Maluna o na ninau pohihihi apau, e loaa no na buke no na haina o kela mau ninau, ke hele ae ma ke keena waiho buke o ke aupuni.