Ka Nupepa Kuokoa, Volume LXV, Number 12, 25 March 1926 — HAINA NANE. [ARTICLE]

HAINA NANE.

E Mr. Liinaliooponopono o kc Kuokoa, aloha nui kaua:—E oluolu mai kou ahonui no'u hoi kauwāhi kaawale o ka hiwahiwa a ka lahui, no ka'u haina o-ka nane a ke kaikamahine o ka ua Umemalia, o ia hoi: Kuu lau inanu i ko kai, kūu lau manu i ka wai he ono ka lepo 0 keia mau lau manu a'u. Haina. Ile DALA. Kuu lau manu i ka lewa, kuu lau manu i ke kula, e okuu ana e o-i ana e kiei ha-lo ana, no ka ono o kela lau manu a'u loaa au ilaila. Owai au i ka mahele elua? Haina. DALA KINI, manu aeko. Ka manu e okuu ana, e o-i ana e kiei ha-lo ana i ka lau manu i ke poo o ke kanaka. Me ka lana o ko'u manao ua loaa pono aku la na lau manu a ke leaikamahine o ka ua Xmcmalie 1 ke kaikamahine, o ka heewai-pue-one, a Kona kaiopua i ka la'i, opua hinano i ka malia. Me na keiki o ka papapa'i ko'u welina, me ka Lunahooponopono ko'u aloha nui. M. K. P. Kaahumanu Girl Ua poho wale mai la kou manaolana no ka mea, aole ilaila na lau manu a olua; aka eia iho no ke pili walo ae la ma kuono. Huli hou ia mai!—L. H.