Ka Nupepa Kuokoa, Volume LXV, Number 12, 25 March 1926 — LILO NA AINA O PALOLO ME KAHALA MA KE KUAI [ARTICLE]

LILO NA AINA O PALOLO ME KAHALA MA KE KUAI

Elike me ke kulana holomua loa | 0 ka nee ana o na hana apau imua iloko o keia manawa, pela no ka oni mau ana o na hana hoopukapuka waiwai imua, no ka mea, iloko o ka pule aku la i hala, i hooiiloia aku ai he 180 eka o ka aina ma ke Kiekiena Wilhelmina aine ke Kiekiena Kahala, ma ke kuai, no ke kumukuai o $330,000. O ka hui Fidelity, ka inea nana i lioolilo aku . i kela mau eka aina nui, ma ke kuai, i kekahi hui o na kanaka lawelawe oihana o keia kulanakauhale, ma o ia Pacific Trust Company la. Mahope iho o ka malielehele ana aku- i kela mau eka aina mahuahua iloko o na apana ho eono haneri, no ka noho ana aku o na kanaka, e hooliloia ana he huina dala mahuahua loa, ma ke kukulu ana i kekahi luawai hooki'o ka hana ana 1 na alanui, ame ka hoolako ana i na kukui uwila. Oiai ke ulu nei ke kulanakauhale i keia manawa, ke nana e aku nei na kanaka hoopukapuka waiwai, o kela kekahi o na hana pono loa, e papalua iho ai, a pakolu paha na pomaikai e loaa ana, iloko o keia mau makahiki kakaikahi e nee aku nei, i ka poe i kuleana i keia mau eka aina.