Ka Nupepa Kuokoa, Volume LXV, Number 12, 25 March 1926 — Nuhou Kuloko [ARTICLE]

Nuhou Kuloko

Eia o Mr. E. K. Kaaua o Hookena, Kona, Hawaii i ko kulanakauhale nei i keiā mau la, a wahi ana, hookahi hana nui e noonooia mai la e na kanaka o Kona Akau ame Kona Hema o ia no ka hookipa ana aku i na hoa o ka Ahahui Paeaina o qa Ekalesia Ahahuina ma Kailua, iloko ae nei o lune. Hoea mai la ka lohe i keia keena, i fca nui o ke o na alakai o na papa liimeni hookuku, 110 ka ulolohi loa o ka himeni hookuku a Rev. Poai, aohe hoounaia aku o na kope ia lakou, i hiki ai ke a'o koke ia mai, no ka hookuku nui o na papa himeni ma Kailua e hoea mai ana»iloko o lune. Eia ka haleaina o na meaai Hawaii o Mokuinaia ke holomua loa nei i keia manawa, me ka paamau o ka manawa o' Mr. Mokumaia ma ka hoomakaukau ana i na meaai no kona haleaina, aole e hiki iaia ke hooliana i kona kna otomobile, no ka halihali ohua ana. No ka hoohana ana aku i na loina ano hou loa, o ka malama ana i na moohelu oloko o na. keena oiliana, i hoea mai ai ka Lunahoomalu S. M. Spencer o ka papa lunakiai o Hawaii amo ka Lunakiai Julian Yates no keia kulanikauhale, no ke kukakuka pu ana me ke komisina moohelu waiwai. Ma ka Poakahi iho nei i halawai ae ai lakou no ke kamailio ana maluna o kela kuniuhana. Mamuli o na mea hookaumaha i kona noonoo, i lawe okoa ae ai kekahi Kepani nona ka inoa o Nakamoto, o ke alanui Lunalilo i kona ola. iho, ma ke kakahiaka o ka Poakahi iho nei, ma ke ki ana no iaia me ka pu panapana a make. Ma ka Poaono aku nei i hala, i hoea niai ai ke koniisina o ka Lunakanawni Kaapuni John U. Desha, a imua o ka Lun."«,kanawai Kiekie Antonid Perry ma ke kakahiaka o ka Poakahi iho nei, i lawe ae ai oia i kana hoohiki oihana, no kona kau hou o ka paa ana i ke kulaua lunakanawai no ka aha kaapuni ekahi. Mamuli o ka loaa ana o ke kuikahi o na manao, i hooholoia ai, ma ka la 14 o ka mahina a& nei o Aperila, e hooloheia ai ka hihia o ka Puuku Kulanakauhale D. L. Conkling no ka hewa lawo i ka waiwai i haawiia aku nana e malama. Ma ka mokuahi Haleakala o ka haalele ana ilio ia Honolulu nei no Hilo, i huli lioi aku ai ka Rev S. L. Desha no Hilo, mahope o ka hoohala ana i kekahi mau la pokole ma keia kulanakauhale, no ke anaina haipule hoomanao o ke Keikialii J. K. Kalanianaole, ma ke Sabati iho nei. Ma ka Poalua iho nei, i piha ai na makahiki o ka noho mare ana ia Mr. ame Mrs. W. O. Smith, i ke kanalima, me ka malamaia ana ae o kekahi paina hoomanao ma ko laua home ma kela la.

No ke kau ole ia o kekahi kukui ulaula mahope o ke kaa o kekahi feepani ke kumu o ke alualu ana aku o na makai ahiki i ka loaa ana o kela Kepani, eia nae he ekolu galani okolehao o ka loaa ana aku nialuna o kona kaa, a paa mai kela Kepani i ka hopuia ma ke kakahiaka iho nei nei o ka la Sabati, 110 ke ku-e i ke kanawai hookapu wpiona.