Ka Nupepa Kuokoa, Volume LXV, Number 12, 25 March 1926 — Ikeia ke Mau Hoone-i Ola'i Ma Hawaii Nei O ko Kaimuki Poe ka i Ike i ka Ikaika Loa o ke Ola'i Malaila PII PU KE KAIHOEE MA KEKAHI MAU WAHI Aole he Mau Poino i Ikeia Mamuli o Kela Hoonauweuwe Ola'i [ARTICLE]

Ikeia ke Mau Hoone-i Ola'i Ma Hawaii Nei

O ko Kaimuki Poe ka i Ike i ka Ikaika Loa o ke Ola'i Malaila

PII PU KE KAIHOEE MA KEKAHI MAU WAHI

Aole he Mau Poino i Ikeia Mamuli o Kela Hoonauweuwe Ola'i

Mawaena o ka hora umi me kanakolu minuke, ame ka hora umi amo kanakolu-kumamakolu minuke, 0 ka po o ka Poalima aku nei i hala, 1 ikeia ai ka hoone-i ola'i ma kekahi mau vrabi o keia kulanakauhale, me ka ike pu ia o ka hoone-i ola'i ma Hawaii ame Maui, ma ia po. Me he mea la nae, o ka poe e noho ana ma ka apana o Kaimuki, ka i ike i ka ikaika maoli o ke ola'i malaila, a ma na mea i hoomaopopoia, he eono mau hoone-i ana a ke ola'i iloko o na sekona pokole loa kekahi mai kekahi mai. Aole he mau pilikia i loaa mai mamuli o kela mau hoone-i ola'i. Ua ike pu ia ka hoone-i ola'i ma ka hale kelekalapa uwea ole ma Wailupe, a ma ka hoakaka a kekahi mau mea elua e kiai ana i ke keena ma kela po, ua ukaliia mai kela hoone-i ola'i, e ke kaihoee, me ka pii ana o ke kai ma kahi o ka elima kapuai ke kiekie i ka manawa o kela hoone-i ana o ke ola 'i. O ke keena kelekalapa uwea ole kekahi ma Koko Head, i ike i kela hoonaueue ola'i, a no na minuke he umi, he nui ka ka nakeke, i loheia, ma ka manawa e naueue ai ke ola'i. ĪJa—ikeia kela hoone-i ola'i ma na wahi apuni o Hawaii, elike me na hoike i loaa mai i keia kulanakauhale ma kekahi la aej a ma ka hoike a na poropeka akeakamai pili i ke ola'i, e noho mai la ma Hawaii, o ke kikowaena o ke ola'i, ma kahi no ia he kanawalu mile ma ka akau aku o Kahala ae nei, pela iho la i ikaika loa ai ka hoo-ne-i ola'i ma Kaimuki, a hapa mai ka ikaika ma kekahi mau walii e ae. O ko Maui poe kahi i ike i kela hoone-i ola'i ana ma ka po o ka Poalima, he hookahi ka manawa ikaika, a hookahi manawa ikaika ole; a na ike pu ia no hoi ka hoo-ne-i ola'i ma Hawaii, ma ke kakahiakā ana ae o ka Poaono. 0 keia paha ka hoone-i ola'i, a Mr. t Kaualoku Kauahikaua 'i kalahea ae ai ma kana wanana e hoea mai ana, aole paha, hookahi nae mea e maopopo ai, aole keia o ua hoone-i ola'i nei, no ka mea aole i ukali pu mai ka hekili, ka ( uwila, ka ua ame ke kaihoee; malia aia no ia ino-ke nee malie mai la e hoea mai ai no i kekahi manawa; i hewa hoi, i ka hoike ole ana mai o kona akua, i ua manawa la, ina ua hoomakaukau e na kanaka i keia manawa, no ka holo ana i kahi kiekie i ole ai e make.