Ka Nupepa Kuokoa, Volume LXV, Number 23, 10 June 1926 — WAE NA KALAPU REPUBALIKA I NA LUNANUI HOU ME NA ELELE [ARTICLE]

WAE NA KALAPU REPUBALIKA I NA LUNANUI HOU ME NA ELELE

I kulike ai me ke kahea pili oihana a ke komite kuwaena teritore o ka aoao Kepubalika, pela iho la i noho ae ai ka halawai a na kalapu Eepubalika apuni ko teritore ma ka po o ka aku nei i hala, no ka wae ana ae i na lunanui hou 0 na kalapu no keia elua makahiki e nee aku nei, pela hoi ka wae ana 1 na elele i ka ahaelele hana kahuahana. Ma ka hapanui o na mahele koho o ka mokupuni o Oahu nei, elike me na hoike i waihoia ae i ke keena poo o ke komite kuwaena, aole he mau kuee ana, no ka mea ua nohoalii mai ka maluhia ame ke kuikahi ma kela mau kalapu, a kakaikahi wale no na kalapu paonioni. Mailoko mai o na kalapu he umileumamaiwa o ka apana eha, he elima wale no mau kalapu ku-ee, o ka nui aku, aole he mau paonioni ann. Mailoko mai hoi o na kalapu he iwakalua-kumamakahi o ka apana elima, he umi-kumamakolu mau kalapu i hoouna ae i na hoike mahope koke imii o kela koho lunanui ana, a he elua wale no mau mahele paonioni;' me he mea la nae, e loaa ana no he mau hooponopono maikai ana, e hoopauia ae ai na. ku-ee nna, mamua o ka hoea ana mai i ]fii manawa e koho baloka ai na kalapu ma keia Ponono.