Ka Nupepa Kuokoa, Volume LXV, Number 23, 10 June 1926 — E PILI ANA I NA LUNAKANAWAI [ARTICLE]

E PILI ANA I NA LUNAKANAWAI

Ma ka I'oakahi iho nei ka hoi hou ana ao o ke Kokua Lunakanawai Kiekie James J. Banks ma kona noho ma ke keena o ka aha kiekie me ke ola maikai, mahope o kona eha ana ma ke ano ulia i kekahi kaa otomobile he pule aku nei i hala ma ka Pali o Nuuanu. No ka Lunakanawai kaapuni Johu K. Desha ua loaa mai kona aeia e ke keena hookolokolo ma Wakinekona e hele oia e hoomaha i kona hoomaha o keia makahiki, a no ke Kai malino o Kona kana wahi i manao ai e holo hoomnha aku ma na la hope o keia mahina. Ua maikai loa kona ola kino mahope o ka halawai ana me ka ulia kaa otomohile nia kekahi mau pule aku nei i hala ina Kaimuki. Mamuli o ka loaa ana o ka Lunakanawai o ka Aha Hoomalu Harry E. d|teiner i ka ma'i, a ua kaawale aku no hoi kona hope ka Lunakanawai A. E. Steadman ma kona mahina meli ma Europa me kana wahine, o Artliur J. Hoppe ka Lunakanawai Desha o ka hookohu ana ae i lunakanawai no ka manawa ma ko Harry E. Steiner wahi, a ma ka hora 9 o ke kakahiaka Poalua nei oia i lawelawe ai i ka hana maloko o ka aha hoomalu. Ma ka manawa o ka Lunakanawai Banks e waiho ana i ka ma'i o ka Lunakanawai kaapuni Parsons ka i pani aku ma kahi o Lunakanawai Banks ma ka noho o ka aha kiekie.