| | Ke Aloha Ana i Imi Ai A I OLE He Kaao No Ora Buruka Ka Nohea Ka Hoapaonioni i ka Ipo Hookahi— Ka Halawai Ana me na
Hoao he nui— ke Kupaa i ke Aloha Hookahi— Ka
Lanakila Ana i ka Manawa Hope. Emi hope hou aku la oia a ka rumi komolole, me ka ma-
nao malaila oia e kali ai i mea e hiki ai iaia ke noonoo pono no
kona hele aku e hou i kona enemi me ka pahi ame ka ole, aole
me ka pahi maoli, aka, me ka nuhou hoolele hauli o ia hoi
ua lilo o Horeki i ka wahine e.
Mamuli o kekahi ano i maopopo ole, na Hele no paha i
wehe a hamama ke pani o ka ume o ka pahuku; i ko Sibela
ike ana i ka hamama huli mua ae la oia e kilohi i kona hele-
helena i ke aniani nana e ku mai ana, a iaia e nana ana i kona
helehelena ike aku la oia maloko o ke aka i ka waiho mai o
kekahi apana pepa i opiopiia iloko o ka ume.
Aohe oia i hoohakalia iho i ka lalau ana aku ia apana pepa
ao ka mea, mamuli o ke ano e o ia apana pepa i ko na pepa
e ae i huki koke ia aku ai kona noonoo ilaila, a i wale iho la
no. iloko ona. Malia, aia maloko o keia apana pepa e hoikeia
ae ai kekahi meahuna, he wahi hana hemahema loa a Ora i
hana ai me ka noonoo ole, a o ke ahuwale ana hoi o ka laua
noa i huna ai a ahuwale nae hoi i nei manawa.
Mamua o ko ua o Sibela wehe ana ae ia wahi apana pepa
a nana iho, alawa mua ae la kona mau maka ma o a maanei
o ka rumi a ke ike aku la no hoi i ko Ora moe oni ole mai,
alaila wehewehe ae la i ka pepa i opiopiia, a hooho ae la me
ka leo nui. "Auwe; he palapala mare ka!"
Hikaka aku la oia ihope, me ka hele ae la o kona helehelena
a nananakea Ioa oia no oe o ka mea i kaa wale i ka ma'i a
mailo, me ka paa o kona mau lima mamua o kona umauma.
"O, e na lani lokoino no hoi, heaha keia mea a'u i ike iho
la? O Horeki Buruka ame Ora Malo ua mareia! He mea
oiaio anei keia? I ka po nei iho la no i hala ka mareia ana!
Ua pupule anei au a i ole ua ano e paha ko'u noonoo ame ko'u
mau maka?
"Heaha auanei ka pili o Hete Lesili me Ora Malo a i ole
me ka moiwahine Aigupita? A, akahi no a maopopo ia'u keia
hana, eia ka o kela moiwahine Aigupita o Ora Malo no ia, a
o Hete Lesili no hoi e moe mai la ! Loaa pono kau noahuna
ia'u!"
Me ka nui wale no o kona leo oia e noke nei i ke kukahalake
i nei manawa a he keu aku no hoi a ko Ora ala ole mai, alaila
nehi malie aku la oia ahiki i ka puka, a nana hou aku la ma-
luna o ka helehelena o Ora e mau mai ana no ka nonolo o kona
mau pukaihu, me ka piha Ioa keia i ka ukiuki e hookina mau
ae la iaia e hele aku e uumi i ke kania-i o Ora. Aole o Ora
onioni ae.
Ia Sibela e paa la i ka palapala mare ua ikaika ka manao
iloko ona e haehae ae ia palapala, eia nae, kohi no ka manao
maikai iloko ona aole e hana i kekahi hana o hookomo aku
ai iaia iloko o ka pilikia.
"Aole au e haehae, he meahuna pohihihi eia iloko o keia
palapala! Aole oia e hoohuoi iki ana ahiki i ko'u hoike okoa
ana aku iaia. O e Hete Lesili! E Ora Malo, owai Ia o olua,
e malama loa olua ia olua iho ia Sibela Hawuda!
"Ina ua hoolilo oe ia oe iho i enemi ino no'u he la no e
hiki mai ana elike me ka ino au i hana mai ai pela, no e panai-
ia aku ai maluna ou. Eia ka o ke kanaka a'u i manao ai ua
lilo ia'u a ke paa nei hoi malalo o ka hoopalau o kau no ka
hoi ia e kii mai ai a kaili mai a'u aku.
"Akahi a maopopo ia'u, eia ka o Ora Malo a o Hete Lesili
hookahi no kino. MOKUNA XI— "O, e na Lani, ua Poino au." Me keia mau huaolelo emi hope hou mai la oia i kahi o ka
pahuku, a waiho hou iho la. i ka palapal mare iloko o ka ume
ma kahi no i loaa ai iaia, alaila me kela ikaika o kona ma-
nao hewa, o ka hoomaka iho la no ia i ka huli ialoko o ka
ume, me ke kuekaa ana i na mea apau e loaa ana iaia maloko,
me ka nana ana i kela ame keia apana pepa e loaa iho ana
iaia, a i kekahi manawa e hooho ae ana i ka olioli i ka mana-
wa e loaa iho ai kekahi pepa ana i manao ai he mea ano nui
i kakauia maloko.
"I nei manawa ua lawa ko'u ike, a e ike ana oe e Ora Bu-
ruka i kou kaniuhu mahope, o oe ka mea nana i hookomo mai
i keia manao debolo o ka inaina iloko o ko'u naau, a elike
me ko'u lilo ana i luahi na ka inaina no ko'u hooneleia ana
pela hoi auanei oe e auamo pu ai ia ehaeha like.
I ka pau ana o kana kuekaa ana ialoko o ka ume. alaila
hooponopono hou iho la i na mea apau oloko elike me ia i ki-
nohi, a oili aku Ia iwaho mailoko aku o ka mmi me ka malie
loa o ka hele ana.
Iaia i iho aku ai no ka hale malalo, i aku la i ka Lede Le-
sili aohe ala mai o Ora i kana kikeke aku ma ka puka, a no-
laila ua hoopau wale oia i kona manao e hui me Hete no kona
kaia loa ia ana e ka hiamoe kulipolipo loa.
"A pehea, aole ka oe i komo aku iloko o ka rumi?" i ninau
mai ai o Mrs. Lesili.
"Aohe au i komo aku, he hana hewa loa ia," wahi a Sibela
i pane hoopunipuni aku ai; "a kahi wa aku hele hou mai au ianei."
O kona hele aku la no ia me ka awiwi loa no kahi o kona
kaalio e ku mai ana, a iaia i komo aku ai iloko a noho iho la,
haawi aku la i ke kauoha i ke kahukaa e holo pololei no ka
hale o ke kahunapule Benatere.
"Ua pono ia," wahi a ke kahukaa o ka pane ana mai, a o
ka pa aku la no ia o ka huipa ma ke kikala o ka lio no ka
hale o ke kahunapule ka pahuhopu.
"He oiaio loa," wahi ana iaia iho o ka namunamu ana iho,
"na ka uhane haukae i alakai hewa i ko'u noonoo no keia ha-
na, a he mea pono iaia e kokua mai ia'u no ka hookoia aku
o keia hana. O, o ka panai ana aku i ka inoa no ka ino i | hanaia mai he mea nani ia ! A ke paa nei kuu manao e hoi
hou mai ana no o Horeki Buruka a pili me a'u!"
Iloko no o ka hale o Rikeke Benatere i kona wa i hiki aku
ai i ka hale, a ua hoopihaia o Sibela i ke pahaohao i kona
manawa o ka ike ana aku iaia he kulana kahunapule ole loa
kona. elike no me ko Hete hookunanaia i ka po mamua iho.
Ma ka mea oiaio, he kanaka o Rikeke e hiki ole ai ke ma-
naoia aku he kahunapule a e kohoia aku ai oia no ka malama
ana i kekahi anaina haipule nui.
Eia nae, ma ka mea oiaio, he kahunapule oia aohe ona ha-
lepule e paa mau ai, elike me ko ua o Sibela mea i lohe mai
ai mai a Horeki mai no Benatere.
"E Mr. Benotere," wahi a ua o Sibela i kamailio aku ai iaia,
oiai oia e noho ana a. e nana pono aku hoi i ke kahunapule,"
ke ike aku nei au ia oe aohe ou wahi kulana kahunapule iki
e manaoia aku ai he kahunapule oe, ua like no kou kulana
a'u e ike aku nei me kekahi o na kanaka e ae aole lakou he
mau kahunapule. Pehea oe, e kahiko ole ai ia oe a kulike
me kau oihana e paa nei.
Hapai wale ae la no o Benatere i kona mau poohiwi iluna
a nana pono mai la ia Sibela me ka minoaka ano hoohenehene
no ka nema aku iaia a i mai la :
"Lokomaikai maoli oe o ka kipa ana mai la ia nei me kau
mau olelo mahalo kiekie loa hiki ole ia'u ke uumi iho i ko'u
hoomaikai aku ia oe."
Me ke ano. hoihoi ole ke kahunapule o ia kamailio ana mai
i ke kaikamahine hookano a ka Lunakanawai Hawuda, no ka
mea, aole paha ia o ka olelo maikai e hele aku ai a imua o ke-
kahi kahunapule alaila kikoola aku ka olelo ana, elike me
ka hana a kekahi poe hupo haalele loa i a'o ole ia.
"E kala mai oe ia'u e Mr. Benatere no ko'u kamailio ana
aku nei ia oe me kela, aole au i kamailio aku nei ma ke ano
e hoahewa aku ana ia oe. aka i mea nou e hoomaopopo iho
ai ua maopopo ia'u kou mau ano ame kau mau hana apau.
I hoea mai la au imua ou i nei manawa no ka hoike ana aku
i kekahi manao ia oe o ia keia he makemake nui oe i ke (iala,
aole ane?"
"Aole elike ka nui me ka mea i loaa ia'u ma ka la aku la
inehinei,'' wahi ana me ka akaaka ana mai, "aole no hoi ma-
luna aku o ka mea a kekahi e kapa mai ai ia'u he kanaka wai-
wai, aka, me ka nui kupono nei no."
"Ua pono, auhea oe, e haawi aku ana au ia oe i ekolu kau-
kani dala ina oe e ae mai ana e holo i kekahi aupuni mamao
loa a e noho aku malaila no ekolu a eha paha mahina, a e
haalele iho ia Nu Ioka nei, me kou hoike ole aku i kekahi
mea au i aloha ai no kau wahi e hele aku ana."
Nana pono mai la ke kahunapule ia Sibela no kekahi mau
minuke me ke kahaha nui iloko ona a i mai la: "Ea, he keu
aku kena a ka manao kupanaha i ko'u manao.
"I keaha hoi? He manao maikai loa keia e loaa ai kou
pono a e hoopauia ae ai hoi kekahi pilikia ou. Pehea, e ae
mai ana anei oe i keia manao?"
"He mea pono e ike mua aku au i kou manao mamua o
ko'u ae a hooole ana aku, ke haohao nui nei au i ke kumu o
kou haawi ana mai i keia huina dala nui me ko'u hana ole
aku i kekahi hana ma ko'u aoao no kou pono."
"Heaha kou manao ame ke kumu nui o kou ninau ana mai
la no ko'u apono aku?" i ninau mai ai ke kahunapule.
"Aole au e hoike aku ana ia oe. E apono mai oe a i ole
hoole mai, pau iho la."
"Kupanaha no ka! Ka i no paha he hoakaka mai kou i ke
kumu a maopopo aku ia'u, a na'u ia e ike iho i ke kupono o
ko'u apono aku ame ka ole. Pehea oe i manao ai e apono
makapo wale aku no au i kou manao me ko'u maopopo ole."
"O, ina no kou ae mai e loaa koke aku ana ka huina a'u
i hoike aku nei ia oe me ka hoohakalia ole; eia no me a'u
ke dala i nei manawa," alaila huki ae la i kekahi mau bila
dala i owiliia mailoko ae o kona pakeke a hoikeike mai la.
O keia ka huina dala a ka makuakane o ka haawi ana mai
i ua o Sibela no kona hele ana aku e hookaa i kekahi mau
bila aie, o ia nae ka ia nei e manao nei me ia dala e kipe
aku ai i ke kahunapule i mea nona e kaawale aku ai i kahi e
a loaa ole ka hoike ma ko Horeki ma aoao e kakoo mai ai
no ko laua mareia ana.
No Rikeke Benatere, ke kahunapule, aohe manao hewa ilo-
ko ona, hookahi ona pilikia oia ka nawaliwali o kona noonoo,
a ua makemake nui no hoi oia i ke dala.
I kona ike ana aku i na bila dala ua ulu koke no ka hookaha
iloko ona a ua hoolanakila koke oia i ka manao hewa, o ia
hoi, e lawe i ka waiwai kipe, maluna o kona mau manao hoo-
pono.
Ma kahi o kona hoole paakiki aku ninau aku la ia Sibela,
"I ka wa hea au e hele ai i kou manao?"
Hookaulua iki iho la ke kahunapule i kana pane ana mai a
hala paha he minuke, oiai nae, o kona iini no ia ia manawa,
pane aku la, "Ae."
I ka loaa ana aku no o keia pane ia Sibela o kona haawi
mai la no ia i na bila dala i ke kahunapule puniwaiwai, o ko
Sibela ku ae la no ia a haalele mai la ia hale a iaia i hele aku
ai. namunamu wale iho la no oia iaia iho, "O ke keehinahana
mua keia, o ka elua aku koe, a e hele aku ana au no ka hoo-
ko ana aku ia hana." Me ka hauoli wale oia o ia hele ana
aku.
I kona hiki ana aku i kahi o ke kaalio e ku mai ana kakali
iaia kauoha aku la i ke kahukaa e holo pololei no kahi o ke
keenahana o Horeki Buruka. Iaia e laweia la aia ka manaoio
iloko ona, aole nae i ka maopopo loa, aole i loaa ka ike mao-
popo ia Horeki o Ora Malo ame Hete Lesili hookahi no kino,
a ma na inoa ke kukaawale o kekahi i kekahi.
Ua hiki ae o Horeki Buruka i kona keenahana i ua o Sibela
o ka hiki ana aku. Ma ka mea oiaio aole oia i hiamoe iki mai
ko Ora manawa i haalele iho ai iaia maloko o ka hale o ke
kahunapule, a ua hoea ae oia i ke keena me ka manao e ka-
mailio aku ana paha o Ora iaia ma ke kelepona, alaila mao-
popo iaia ko Ora wahi e loaa ai iaia. He pio o Horeki na na
manao uluahewa like ole ia manawa.
Ia Sibela i komo aku ai iloko o ka mmi me ka hoike mua
ole ia aku iaia no ko Sibela hiki aku, ua puiwa loa oia, a ni-
nau iho la iaia iho ; "Heaha mai nei la hoi ka nei lelo hokai
o ka hoea ana mai la? I hele mai nei anei oia e hoomahuahua
mai i na manao ulupuni?"
I kona ike pono ana mai i ka helehelena o Sibela he hiohio-
na o ke kaumaha ma kona mau maka, me he mea la ua noke
wale i ka uwe a upehupehu na maka, aole hoi kela helehelena
huhu elike me kana i manao wale iho ai.
"E Horeki," i pane koke mai ai no o Sibela, "mai koho wale
iho oe i hoea mai la au ianei no ka nuku a i ole no ka hooha-
kaka ana aku ia oe, aole; a no ka mea, ua maopopo ia'u i nei
manawa o kela hoopalau o kaua ua pau i nei manawa, e ku-
leana ole ai au ke nuku a ke hoohakaka wale aku no ia oe,
a ua hoahewa iho no hoi au me ko'u mihi nui no ka'u hana | hewa ia oe, ma ka po i hala aku la, aka, ua loaa no nae hoi
ko'u hoopai no ia hana hewa a'u i hana ai. E Horeki, e hui-
kala mai oe ia'u no ia hewa, a e ike iho no nae hoi oe i ke
kumu o ko'u hana ana aku ia oe me kela no ka nui no o ko'u
aloha ia oe, ka minamina ame ka makee pu."
He helehelena o ke ano hoomalimali ko Sibela ia manawa a
e hoike mai ana hoi ma kana mau olelo no kona mihi ana
me ka oiaio e hiki ole iho ai ia Horeki ke hoole aku i ka. hui-
kala ana aku iaia.
"Ma ko'u manao owau ke kupono e noi aku ia oe no kau
huikala ana mai no ka mea, owau o kaua ka i hewa. Ua
hoahewa loa au ia'u iho mahope o ko'u hana ana aku i kekahi
hana limaikaika maluna ou, a nolaila e huikala mai oe ia'u !"
"Me ka naau oiaio ke huikala aku nei au ia oe, e Horeki
Buruka," i pane mai ai o Sibela me ka leo oluolu a nahenahe
aole ka leo huhu, "eia nae, aole au i hiki mai la imua ou i
keia kakahiaka no ia mea." I hiki mai la au no ke noi haahaa
ana aku i kou lokomikai ame kou oluolu e hoike aku oe i ko
wahine i mare ai he manao maikai wale no ko'u nona, aole
kela manao lili punalua, a ke manaolana pu nei no hoi u oia,
ana no kekahi e hoopoina ana no ka mea i hala."
"Kuu wahine-mare !" Owai auanei ia wahine-mare a'u, o oe
ka'u i hoopalau ai a e moe ole nei hoi o ko'u po no ka hoea
koke mai o kela manawa hauoli loa, o ia hoi ko kaua la e
hoohuiia ae ma ka mare. Pehea oe i maopopo ai ua mare au?"
"Ha! E huna iho ana oe i keaha, ua ahuwale ia'u ka olua
mea i hana ai. He leka ka i loaa ae ia'u i keia kakahiaka, a
e hoakaka ana maloko o ia leka no ka nui o ka hauoli o kela
wahine no kou lilo ana iaia a nele au, a ua lilo ia lanakila
ana ona maluna o'u i mea ehaeha loa no ko'u naau e hiki ole
ai ia'u ke hoomanawanui iho, e Horeki," wahi a Sibela i pane
mai ai, me ka haka pono loa mai o kona mau maka maluna o
ka helehelena o Horeki e lamalama aku ana no ka hauoli.
"Ua kakauia no nae paha maloko o kela leka kahi o ia leka
i kakauia ai?'' i ninau aku ai o Horeki i keia no kona ike ana
iho ina na Ora kela leka i loaa aku ai iaia e hoike aku ana oia
i kona wahi i noho ai, a o kekahi kumu, ua koho iho oia he
hoopunipuni wale aku no keia mau olelo a Sibela iaia.
Ma keia ninau i ike iho ai o Sibela aole i maopopo ia Horeki
o Ora Malo a o Hete Lesili hookahi no kino, aka nae, nona
pu iho aole no oia i maopopo loa i ka mea oiaio e pili ana
no ia mau inoa ame ke kino nona ia mau inoa.
"Aohe i hoikeia kahi i noho ai ame ka inoa o ka mea nana
i kakau, a o ia ke kumu o ka hiki ole ana ia'u ke pane aku
ia leka iaia a manao mai nei hoi au o oe ka mea nana e hoike
mai. E oluolu ana anei oe e leka aku iaia no ka'u pane?"
"O, he hana hiki ole loa ia na'u e hana aku e Sibela !'' i hoo-
ho ae ai o Horeki me ka leo e ike mai ai o Sibela ia Horeki e
hoike aku me ka haka pono loa mai i ko Horeki mau maka.
"Ua haalele mai oia ia'u he mau minuke kakaikahi loa ma-
hope iho o ka mare ana a mai ia manawa mai ko'u ike hou
ole ana iaia, a aole no hoi i lohe mai i kahi mea e pili ana
nona ame kona wahi e noho mai nei I"
"O ia anei ka mea oiaio, e Horeki? O, akahi no ahiki iho
la ia'u ke hoomaopopo i kela mau huaolelo i kakauia maloko
o ka leka a i lilo ai hoi i mea kamahao loa i ko'u noonoo iho !''
i nui mai ai ka leo o Sibela. "Kupanaha no ka kona haalele
koke ana mai la ia oe, ua mareia iho la hoi olua a o ko olua
hoi pu aku i ka hale ka hana wale no i koe."
"Na huaolelo hea au i olelo mai la ka lilo i mea kamahao
loa i kou noonoo?"
"O na huaolelo hoi ana i kakau ai e hoakaka ana ua panai
mai oia i ka ino maluna o kaua a elua no ka kaua mea i hana
aku ai maluna ona ; O kana wale no i makemake ai o ko kaua
hookaawaleia. Aka, o ka mea kupanaha loa i ka'u noonoo
iho oia kona haalele koke ana ia oe iloko o ka manawa pokole
loa mahope iho o ko olua hoohuiia ana."
"Pela no oia i kakau mai ai?'' i nui aku ai ko Horeki leo.
"E hiki anei ia mea ke hanaia e kekahi kaikamahine ui, a he
oiaio kona mau manao i ka hoomaopopo aku, e lilo oia i mea
hana hewa mai? O, aole, aole loa! Aole au e manaoio aku
ana i kau ! Aia no he hoakaka hou aku mawaho ae o kau e
kamailio mai nei!"
"E Horeki, ke manao nei au ua pololei oe, a no ka mea aole
wahine i loaa aku kau kokua ame kou aloha e hoao ana e ka-
pae loe aku ia mau haawina maikai mai iaia aku," alaila haawi
mai Ia oia i kona lima ia Horeki me ka pane pu ana mai,"
o ke aloha no kou. Hele ae e ike ia'u ma ke ano he hoaloha
wale no, aole hoi ma ke ano he ipo a he kane hoopalau, elike
me ia i ka la aku la i hala. Malia paha e loaa ana no kekahi
mau mea hoomalamalama mai ia kaua ke kamailio hou kaua
maluna o keia kumuhana."
Ia pau ana no o ka Sibela kamailio ana, o ka huli aku la no
ia hele a haaleleia iho la hoi ke kanaka opio e nalu nui nona
iho no na mea i kamailio ia iho la i na minuke i hala mawa-
ena iho o laua.
"Ke ike nei au i ko'u hana ana aku i kela kaikamahine i ke-
kahi. hewa koikoi loa," wahi ana iaia iho. "He kaikamahine
oluolu a maikai oia ma ka manao me ia ike iho no ona i ka
wela o kona inaina no'u."
Ia Sibela i oili aku ai hele pololei aku la no ke kaalio a ka-
uoha aku la i ke kahukaa e holo pololei aku no ka hale o na
Lesili, a iaia i noho pono iho ai namunamu wale iho la no iaia
iho. "E hele aku ana au imua o kela kaikamahine a hou aku
i kona puuwai me na huaolelo walania loa e lilo ai i mea nona
e wili iho ai i ka eha ame ka hilahila pu !"
I ka hoea ana aku i ka hale o na Lesili ua i mai la o Mrs.
Lesili iaia e pii aku no oia i ko Ora rumi elike me ia ma kona
manawa mua o ka hoea ana aku ia hale ma ia kakahiaka. Ma
keia manawa a ua o Sibela o ka hoea ana aku i ko Ora rumi
ua ala oia a ua komo kona lole no ia ahiahi iho, a ia ike ana
aku a ua o Sibela i ka hiehie o ko Ora kulana oia pu kekahi
i hookani iloko iho o kona naau i ko Ora ui a ua hoike aku
oia pela imua o Ora ma ia hui ana a laua.
Ma ka manawa o ko laua hui ana me he mea la he mau
hoaloha no laua, aka nae, maloko o ka naau ka manao enemi,
he hoopalaimaka wale no mawaho.
No kekahi mau minuke ko laua kamailio ana maluna o na
kumuhana like ole, a ia manawa aia maluna o ko Ora mau
maka ko Sibela mau maka kilo kahi i hakilo mau aku ai i ko
Ora hiohiona, a pela hoi me ka leo, alaila ninau aku la:
"Ea, ua maopopo no anei ia oe kekahi mea e pili ana i ke
kaikamahine ma ka inoa o Ora Malo?" MOKUNA XII.— Ka Hana a ka Manao Lili. Ina he wahi kanalua iki kekahi iloko o Sibela Hawuda no
Heie Lesili o Ora Malo no ia, na ka haikea loa o ko Ora he-
lehelena e hoopau ae ia kanalua iloko ona ia manawa.
Aohe manao iloko o Sibela ia manawa e hoehaeha aku i ka
naau o kona enemi ana e hoowahawaha ana ia manawa, aka, | he makemake oia me ka liilii oia e hoehaeha aku ai iaia, a i
ka manawa hope alaila kaili mai iaia mai i na manaolana a
pau no kona hauoli no ia mua aku.
Mahope o kona hoohauoli ana aku ia Ora no kekahi mana-
wa, alaila i aku la :
"Aole anei oe i lohe no Ora Malo, he kaikamahine i komo
aku a huikau pu me kekahi pohai okoa?"
Naha mai la o Ora iaia me ke kahaha a ninau iho ia i?.-,
iho, he kumu okoa aku anei kekahi no ka ninau ana mai 'i
o Sibela iaia?
"Owai, owai ia kaikamahine?" wahi ana o ka ninau koke
ana mai.
"Aohe i maopopo ia'u, o ia hoi ko'u mea o ka ninau ana
aku la ia oe ina ua maopopo ia kaikamahine ia oe; aohe i mao-
popo ia'u ko'u kupono e ninau aku ai ia oe nona, a eia nae,
i ko'u noonoo iho he mea hoohauoli like mai no ia kaua a
elua ke maopopo ia kaikamahine."
Ua malamalama loa oloko o ko Ora noonoo ia manawa, akahi
no a maopopo iaia ke kumu hooniele aku o Sibela iaia; o ko
Sibela makemake ia manawa e maopopo aku iaia ko Ora i-. ^
pololei.
"E oluolu oe e hoike mai ina he mea waiwai kekahi n-'u
ka hoike ana aku i kona inoa oiaio, "me ka nahenahe wale -5
o kana mau olelo oi o ka pane ana mai e hoala ole ia ae ai ke-
kahi hoohuoi iloko o Sibela nona.
"E hoike aku nei au ia oe i ka mea oiaio? E hiki nei ia'u
ke hilinai aku ia oe? Ua hoopalauia o Horeki Buruka me a :.
aka nae, o ka'u mea i ike a i hoomaopopo ua hukiia kona
noonoo mai a'u aku ia Ora. Ua hoopunipuni ino loa mai i
ia'u, o ka hoopa'i wale no a'u i manao ai e ana aku maluna
ona oia no ka hoike ana ae i ke akea i kona ano oiaio he ka-
naka alelolua, i mea nou e ike mai ai, a no ka mea e hooka-
wale loa aku ana au iaia mai a'u aku."
Me ke kahaha nui o Ora i nana mai ai iaia ia manawa.
Aole wahi huaolelo i kamailioia aku la iaia i hiki iaia ke hoo-
maopopo mai i ka manao. I kona ike ana mai ia Sibela no
kona piha loa i ka inaina ia manawa ua kaawale Ioa kona mau
noonoo maikai a pau mai a iaia aku a o na manao hewa ka
i hoalii iho. Heaha la ke kumu, o ia ka Ora o ka ninau ana
iho? No keaha la ka inoa o Ora Malo i hoopukaia ma: ai
i mea hoikeike mai?
He helehelena o ka minoaka ko Ora ma ka manawa a Sibela
i kamailio mai ai a ninau iho la oia iaia iho, ua lohe ka paha
o Sibela i ko laua mare malu ana ma kekahi ano, a o keia iho
la kana hana o ka noonoo ana no ke kau ana mai i ka hoopa'i
maluna ona no ko Horeki lilo ana iaia.
No Horeki Buruka au i olelo mai Ia, heaha kana hewa i
hana aku ai ia oe? Nona he kanaka oia a'u i nana mau aku
ai he keonimana oiaio ma ka olelo a ma kana hana, a ina he
hewa kekahi ana i hana ai ke ike ole nei au," i pane aku ai
o Ora.
"Pela no ko'u manao nona mamua aku nei, aka no keia ma-
nawa ua pau kuu hilinai iaia ; ua kakau aku nei au i kekahi
leka iaia, aole loa oia e kipa hou ae i kuu hale, ina no kona
manao e hele ae."
"Heaha keia hewa nui ana i hana ai i manao ai oe e paniku
i na ipuka o kou hale nona? He maikai wale no hoi olua i
kela mau la aku nei a me ka maopopo ole o ke kumu ke hoo-
pale aku nei nae oe iaia mai ke kipa hou ana aku i kou hale
Aia iho la ihea ke aloha au i iilii ai nona?
"E oluolu oe e hoike m^7^woaw ^o-^. ^'OU^Ua kaia.h'' -
hewa i hana aku ai ia oe? Mamua o kou hoopale ana aku ia -.
manao au, he hana maikai nau ka imi pono mua ana a mao-
popo kona hewa alaila hoopale aku, aole ia he hana pono o
ka hoahewa wale ana aku no iaia mamua o ka noii ana i kona
hewa a maopopo."
Hookaulua iho la o Sibela i kana pane ana mai, no ka mea
ke ike mai la oia i ko Ora manao aloha ia Horeki mamuli o
kana mau olelo, aole no ka maopopo ole iaia o ko Horeki he-
wa, aka he mea, pono ka hookolokolo mua ana a ku i kahi o
ka hewa alaila kau aku ka hoopa'i.
Ua maopopo ia Sibela aia ka hauoli maloko o ko Ora naau
no ka holopono o kana hana ana ahiki i ka lilo ana o ko Hore-
ki noonoo iaia a nele oia.
I ko Sibela ike ana ua maopopo kana hoopa'i maluna o Ora
elike me ka Ora i ana aku ai iaia hauoli iho la oia maloko ona
elike me ka hana a ka popoki i ka iole mamua o ka pepehi
ana iaia a make. Alaila hoakaka mai la oia i ka moolelo piha
oiaio ia Ora ma ka po mamua aku ma ka manawa o ka aha
hulahula i haawiia ai maloko o ka home o na Devenpota.
Ua hoakaka mai la ua o Sibela i na mea ana i ike mai ai ma
kela po me ka hookoe ole i kekahi, a me ka hoao ole e kapae
ae iaia iho, a ia Ora e hoolohe aku ana ke hooiaio pu la oia i
na mea apau a Sibela i kamailio mai ai, elike kana mau mea
i ike ai ma ia po.
I ka ike ana iho o Sibela ua manaoio aku o Ora ia ma :
mea a pau ana o ke kamailio ana mai la alaila hoomaka ma:
la oia e kamailio i ke koena aku o ka moolelo e makamaka ana
no iloko o kona waihona noonoo ia manawa.
"Aohe au i maopopo," wahi a ua o Sibela o ka i ana mai:."
aka nae, ma kuu manao o kela moiwahine Aigupita maloko
o ka aha hulahula o ka po i hala o Ora Malo no ia."
"No keaha oe i manao ai oia ia?" i ninau aku ai o Ora.
"No keia kumu no oia hoi, no ka mea i hanaia mahope iho
o kuu waiho ana maluna o ka papahele o ka hale o na meakanu
me ka pouli o ka noonoo," wahi a kana pane. "Ia'u i pohala
ae ai a ike iho la mahope iho ua haalele koke mai oia ame
Horeki i ka rumi hulahula a ua holo aku maluna o ke kaalio
o Buruka. "No keaha ko laua kumu o ka hana ana pela, ina e hiki ana
ia oe ke hoakaka mai?"
"E hoomanawanui iki iho oe a e loaa koke aku ana no ka
hama no kau ninau. O, he moolelo ku kela i ka hilahila ina
no ko'u huepau aku imua ou, aohe nae au e hoike aku ana
ia oe, ina e ike iho ana au i kona manao aohe ona makemake
e huaiia ae i ke akea.
"Ua maopopo mau o Buruka ia'u he kanaka hooipoipo mau
me na kaikamahine, aka nae, aole au i hoohuoi iki e hana ana
la hoi oia i kekahi hana haahaa loa elike me ia ana i hana ai
he hana nona e hilahila iho ai."
Ke kali la o Ora no ke koena aku o ka Sibela mau mea i ko.
e kamailio aku ana iaia.
"He hana ku i ka hilahila a hoohaahaa i kona inoa!'" wahi
hou a ua o Sibela me ka piha i ka inaina. "No'u iho i nei ma-
nawa aole hiki ia'u ke manaoio aku ia Horeki Buruka he ka-
naka e hana ana ia ano hana, aka nae, o ia kana mea i hana ai
Aole au e manaoio ana ina aole au i lohe ponoi mai kona
mau lehelehe ponoi mai." wahi hou a ua o Sibela.
"Aole au e noi aku ana ia oe e manaoio mai i keia a no ka
mea, nou, elike no hoi me a'u iho aole hiki ke hilinaiia aku."
(Aole i pau.) | |