Ka Nupepa Kuokoa, Volume LXV, Number 24, 17 June 1926 — NA LAUNAHELE HOU AME NA KEIKI OLA MAIKAI [ARTICLE]

NA LAUNAHELE HOU AME NA KEIKI OLA MAIKAI

(Kakauia e ke Keena o ka Papa Ola) O ke ola kino maikai ame ka jpcaai kupono aa pili loa laua i kahi hookahi, e pono ai i kekahi ke makaala loa i ko laua kulana oiaio, 0 ka oi loa aku, o na makuahine ame ka poe i waihoia aku ai ia lakou ka ht>omakaukau ana o na meaai a na keiki hele kula. 0 na launahele hou, maka a hoomo'a ia paha, he mau mea ano nui loa ia 1 pili i n a meaai. Me Hawaii nei i hoolako pono ia mai ai me na launahele ulioli hou apuni ka makahiki, aole he kumu e hiki ole ai ke hoolakoia aku keia mau launahele ma na ano like ole me ka nui pu. Ua hoomaluia ka noonoo o ke keiki e ke kulana o kona ola kino. Ua paa loa ke kulana ht)lo-

mua ina nei no ka malamaia o ke ieulana ola kino maikai. O ke keiki i hoopomaikaiia mai me ke ola kino maikai, kakaikahi loa kona loaa ana i na ma'i ikaik.a like ole; me ka hikiwawe nae o kona ola koke ina nei e loaa ana i ka ma'i, mamua o kekahi keiki kulana nawaliwali. Ua hiki ke loaa ke kulana ola kino maikai, ina e haawiia ana ka noonoo mo ke akahele loa no na meaai kupono, me ka loaa nui 0 ka hana hooikaika kino i ke keiki iloko o na mahina hooilo. Haawi nui i na launahele hou!