Ka Nupepa Kuokoa, Volume LXV, Number 24, 17 June 1926 — PIHOLO ILOKO O KE KAI MA NIUMALU A MAKE [ARTICLE]

PIHOLO ILOKO O KE KAI MA NIUMALU A MAKE

Ma Niumalu, Lihue, Kauai, ma ka Poalua o ka pule aku nei i hala, i kulike ai me kekahi meahou o ka hoikeia ana mai i keia kulanakauhale i halatvai ae ai he kaikamahine Kepani uuku nona na makahiki he ehiku, a nona hoi ka inoa o Tomie Kuroda, me ka make ulia, mamuli o kona piholo ana iloko o ke kai a make loa, iaia i hoao aku ai e hoopakele i kona kaikuaana. ī kuliko ai me kela meahou, o ke kakauia ana mai, ua manaoia, he la hoohatfoli kela Poalua, no na haumana o ke kula o Hanamaulu, ma ka akoakoa ana aku o na haumnna ma Niumalu i ka auaukai, a no kekahi paina luau; eia ka au anoi, o ke kaumaha ame ka luuluu, na hopena e eili mai ana no na mea i koolalaia. E ku ana o Tomie Kuroda mo kona kaikuaana me Avako Kuroda ma Kahaone e pili kokoke ana i kahi i po'aia e ka wai a hohonu; a ma kekahi ano i maopopo ole, ua~haule aku la ke kaikuaana iloko o ke kai, a laweia aku la e ke au no kahi hohonu. No ka hoopakela ana hoi 1 kona kaikuaaiia, ua lele aku la ke kaikaina iloko o ke kai, a oia.pu kekahr i law.eia aku 6 ke au, me ka loaa ole o kona kino, ahiki i ka piha ana he elua hora mahope mai, akahi no a loaa i kekahi Kepani, nana i i luu okoa iloko o ke kai. i Ua ikeia nae kela kupaka o ke kaikuaana o ke kaikamahine poino, e A Hing, ho keiki Pake e auau ana ma kahi mamao aku, ua au mai la oia me ka hooikaika ana a loaa kela kaikamahine, alaila huki mrfi la nouka o ka aina maloo, a mahope o na' hooikaika ana a William Ferreiro, ua pohala ae la oia, mo ka hoihoiia ana noloko o ka halema'i ma Lihue, kahi i lawelawe la- [ paau ia mai ai oia, e hoi hou mai ai ka ikaika i kona kino. I Ma ka hoakaka a kela keiki Pake ! nana i hoopakele i ke ola o ke kaiamahine poino, aole no oia i ike he kaikamahine hou ae no kekahi, ina no ua hoao oia e hoopakele i kona ola.