| HE MOOLELO no KAMILA a i ole Na Ola Elua i Owiliia Iloko o na Wiliau o na Popilikia Mamuli o na Hana Pupuahulu "E oluolu oe e haawi hou mai i kela leka ia'u!" i noke aku ai o Kalala i ke koi." "Aole au e haawi hou aku ana i keia leka ia oe, aka e helu- helu like no kaua i na mea au i kakau ai!" wahi a Kalani, me ka minoaka ana iho, a hopu mai la i ka lima o Kalala me ka huki ana aku no kahi o ke ko-ki e ku mai ana hoonoho iho la ia Kalala ilalo, me kona noho pu ana iho no hoi ma ka aoao o ke kaikamahine opio. "He manawa keia no ka aina ahiahi, e hele kaua noloko o ke keena aina," i pane ae ai o Kalala, ma ke ano hoolalau. "Ua kamailio mua aku nei au i kuu makuahine, e hoopanee aku ko kakou manawa ai, he hapalua hora mai ka manawa mamua mai, nolaila aole kakou e ai koke ana i keia manawa. E huli mai hoi paha oe e Kalala i nana aku ai au i kou hele- helena!" Aohe nae he huli mai o Kalala no kahi a Kalani Elikona e nana aku ana iaia, aka ka ike mai la nae o Kalani, i ka naholo o ka ula ma na papalina o ke kaikamahine opio. ''Aole anei oe e nana mai ana ia'u e Kalala? Aole anei ke mea maikai nou ka nana ana mai ia'u, oiai e heluhelu ana i kau leka mua loa, a malia o ka leka hope loa no paha keia au i kakau ai na'u, no ka mea ma keia hope aku aole loa au e hookuukuu aku ana ia oe e hele no kahi mamao, e loaa ai he manawa nou e kakau mai ai i kekahi leka o keia ano, e noho mau mai ana oe imua o kuu alo, e waiwai ole ai ke ka- kau ana i kekahi leka." Ke hakilo mai la o Kalani Elikona i na ano o Kalala, akahi no oia a ike mai i ka oluolu maikai o kona helehelena no ka mea akahi no a loaa maoli aku ka ike i kela kaikamahine, no ka haulehia ana o ke kanaka opio i ke aloha iaia. Akahi no a hoopauia ko Kalala manao kanalua me ka po- hihihi no ko Kalani Elikona ano maoli, ma ka oluolu o kona leo i kamailio aku ai, ka waipa-he no hoi o kana mau olelo, a mamua o ke kamailio hou ana mai o Kalani Elikona iaia, kau mai la o Kalai i kona lima akau maluna o ka lima o Elikona. Me ka minoaka hoohie ma na papalina o Kalani Elikona, apo aku la kekahi luna ona ma ka a-i o Kalala a huki mai la a pili ma kona poohiwi. "Akahi no a loaa ka oluolu maikai ia kaua, ua auhee aku la kela mau ano hoihoi ole iloko ou e Kalala no'u. E kuu ipo nohea, pehea la e hiki ai ia'u ke kau aku i ka hoopa'i kupono, no kau mau hana kolohe he nui. Ua maopopo no anei ia oe, ua ukali aku au mahope ou no Gemania?" "Ua ukali ae anei oe ia'u no kela wahi?" i pane mai ai o Kalala me ka piha me na manao kahaha. "Ae, ua hoea aku au no kou hale e noho ana, oiai oe e wai- ho ana i ka ma'i me ka hunakele loa o Mrs. Fanakalina i na meahuna e pili ana ia'u, au no e hoomanao la, i ke kupale mau ana o kela wahine, no ka pono o Kikeke Buke, ia oe e hoikeike mau aku ana i kou ku-e ikaika i kela kanaka." "Alaila ua loaa aku anei ka ike ia Mrs. Fanakalina no kou mau ano oiaio loa i kela manawa?" "Ae, ua loaa kahiko iaia ka ka ike e pili ana ia'u, a e hoo- lohe mai oe. Ma kela kakahiaka au i haalele ae ai ia Fela- kona Hale; ua hele okoa aku la au e hui pu me Mr. Felakona, a hoike aku la iaia i ko'u inoa oiaio loa; a a'o mai la kela ia'u he hana kupono loa ma kou aoao, ka hoike okoa ana aku ia'a iho imua o kuu makuahine, a wahi ana, aole e lilo na nuhou hauoli, i kumu hoopilikia aku i kekahi mea. "Mamuli o na hooponopono maikai ana, ua lilo ka Lede Mele, i mea hoike aku me ke akahele loa, i ka nuhou hauoli i kuu makuahine e pili ana ia'u. "Aole e hiki ia'u ke hoike aku ia oe no kela halawai ana o'u me kuu makuahine; a ka nae iloko o ka maua hoohele ana, i puka ae ai kou inoa, a ia wa i hoike okoa aku ai au imua ona, no ke ano o kau mau hana ia'u. Ua hoopohihihi loa w ko maua mau manao a elua no kela hana ma kou aoao, oiai ua maopopo like no ia kaua a elua, kou ae ana mai ia'u, e aloha aku au ia oe, a maluna wale no ou ko'u noonoo i na manawa apau, eia nae he hana kau, a ka mea aole he wahi lihi hoihoi iki iloko ou. "Oiai nae kuu makuahine e. hoomakaukau ana e kakau aku i kekahi leka nau, no ka ninau ana aku i ke kumu o kou ku-e ana mai ia'u, ua loaa mua mai la ka lohe, no kou loohia ana i ka ma'i; o ko'u haalele koke iho la no ia i kuu makuahine a holoaku la no Gemania Hale. "Iloko o kela mau la kakaikahi a'u e hoohala ana malaila me he mea la ua hoopilikia loa ia aku ka noonoo o Kauka Wakona, no ka mea aia maluna ou ka hoohihi o kela kauka; a aole au i haalele aku ia Gemania Hale, ahiki i kuu ike ana, ua loaa maoli ia oe ka oluolu maikai e pau ai na manao hopo- hopo no kou hopena. "Ia'u i hoea mai ai no Felakona Hale, lohe iho la au, ua paa loa ka manao o kuu makuahine e holo aku no Ladana, a waiho aku iaia iho, malalo o ka lapaau ana mai a kekahi o na kauka nana maka akamai loa o kela kulanakauhale." "Ua hooko wale aku no kou makuahine ia manao ona, no kou pono aole no kekahi kumu okoa ae, e kala kahiko loa, i kauoha aku ai iaia e hele imua o kekahi kauka kaulana, no ka nana ana mai i kona mau maka, aole nae ona maliu iki mai, a ia oe nae kana keiki, akahi no oia a ae mai," wahi a Kalala. "Pehea aia anei ka manao lili iloko ou no'u e Kalala? i hooniele wale mai ai no o Kalani, me ka noke pu ana ae i ka akaaka me ka leo nui; me ka noke ana mai no hoi i ka nana ma na maka nohea o Kalala, e kulou la iluna o ka papahele. "Ua pili ia oe e Kalala ka hewa ko'iko'i loa, o ka hana ana mai i na mea e komohia ai na manao lili iloko o'u nou; a i pana'i no ia mau hana au ea, pela au i imi ai i kekahi mea e komohia aku ai iloko ou ka manao lili no'u, oiai nae, no ka pono wale no o kuu makuahine ka'u mea i ake aku ai e hanaia mai i wahi e loaa hou ai ka ike i kona mau maka." "I ka manawa hea au i hoopii aku ai i ka manao lili iloko | ou? Ke noi aku nei au ia oe, e hoike mai ia'u i ka mea oioio loa!" "O kou poina koke iho la no ka ia. Aole ka paha ou hoo- manao mai, no kela mau la a kakou e hoohala ana ma Fela- kona Hale ea?" "Heaha ka'u mea i hana ai malaila e lili ai oe ia'u?" "He nui wale kau mau hana, o ka mea mua loa nae ea, o ia no na mea e pili ana, i kekahi leka o ka loaa ana mai ia oe." "Ke maopopo la ia'u kena mau mea au e kamailio mai la e Kalani," wahi a Kalala me ka pa'ipa'i ana aku ma ke kua o ke kanaka opio, a ninau hou mai la: "Heaha hou ae ia ha- na a'u i hoopiiia aku ai ka manao lili iloko ou?" "Eia no ia; mahope iho o ka holopono ana o na hana a ke kauka i na maka o kuu makuahine ; ua loaa mai la kekahi le- ka mai ia Mrs. Fanakalina mai, e hoakaka mai ana, no kou hoo- huoi ana, owau ka mea nana i lawe i na pohaku daimana o kuu makuahine. "Aole a'u mau hoahewa wale ana aku maluna ou, aia no palia kekahi ia'u, ka loaa o ka manao kuhihewa elike me kou, ina aole i loaa mua kekahi ike no ko'u ano oiaio maoli." "Ae, ke hooia aku nei au no ka loaa ana o ka manao kuhi- hewa loa iloko o'u o oe ka mea i pili i ka hewa, pehea la i hiki ai ia oe ke hoomanawanui, e uumi i kou manao hoowaha- waha no'u, oiai au e noonoo mau ana no kou pili i ka hewa aihue." "Ua ike no au i kou kuhihewa loa, no ia ike, i hiki ai ia'u ke uumi me ka hoomanawanui, i ko'u mau manao maikai ole nou. Malia paha na keia leka a'u e paa nei e hoauhee aku i na mea apau, e heluhelu aku anei au i na manao o keia leka imua ou!" "Aia no ia i kou manao," wahi a Kalala me ka palulu ana ae i na lima ma kona mau maka, a moe mai la imua o ka umauma o Kalani Elikona. Wehe malie ae la o Kalani Elikona i ka leka a hoomaka iho la e heluhelu, me ka malie loa, me ka hooko'iko'i ana i kona leo ma kekahi wahi, a hoomama no hoi ma kekahi wahi. Penei kekahi mau lalani o kela leka a Kalani i heluhelu ae ai: "Aia anei kekahi kumu kupono e huikalaia mai ai au no ka'u mau mea i hana aku ai ia oe? No ia mea nae a'u i hana aku ai, ua oi aku ka ehaeha o kuu uhane mamua o na mea hiki ia'u ke hoopuka ae ma na huaolelo maopopo loa." "Aole anei i hoike maopopo aku au imua ou e Kalala i ko'u aloha. Heaha hou aku ka hana au i makemake mai ai na'u e hana aku?" "O e oluolu oe e hoopau i kou kamailio ana mai i na mea e hoehaehaia ai ko'u noonoo!" "Ina pela ua pono, a e hoomau aku ana au i ka heluhelu ana i na mea i kakauia maloko o keia leka," alaila heluhelu hou aku la o Kalani, elike me keia: "Ua kuhihewa loa ia au, a no ia hana kuhihewa, me he mea la, ua aneane e hiki ole ia oe ke huikala mai ia'u." ka huikala ana aku ia oe?" "Pehea manao no anei oe e Kalala, he hana hiki ole ia'u "Aole i maopopo ia'u," i pane ae ai o Kalala, alaila nana hou iho la no o Kalani i ka leka, a heluhelu ae la: "Ia'u i hoike ae ai i ko'u ano hoowahawaha ia oe, e kamai- lio ana hoi i na olelo ikaika a kupono ole nou ; o ka mea apiki nae, ua hooi loa ia ae kuu aloha ia oe," alaila huli okoa mai la o Kalani imua o Kalala, a i mai la: "He oiaio anei, ua hooiia ae kou aloha ia'u; a no ia aloha ea, ke noi aku nei au i kau mau huikala ana mai." "Ia'u i noonoo ae ai nou e Kalala, hookahi no a'u mea i ike, o ia na manao oluolu. Aole i lilo kou mau ano huhu, kou mau manao inaina a hoowahawaha ia'u, i kumu no'u e hoo- poina ai ia oe e Kalala, aole loa." "Ke olelo nei oe maloko o kau leka, no kou noho aku iloko o ka hauoli i na manawa apau, aole loa e loaa ia'u ia hauoli, ke ole oe e Kalala e komo pu mai me a'u iloko o na ohumu- humu like ana, no ko kaua ola ana o keia, mua aku." "Pela i'o anei ka mea pololei?" wahi a Kalala me ke aea ana ae o kona poo iluna, a nana mai la ma na maka o Kalani Elikona. "Ina e hiki ana ia'u ke lawelawe aku i kekahi mau hana e hiki ai ia oe e Kalani ke hoopoina i na mea o ka wa i hala, alaila ma ia ano wale no e hiki ai e loaa ka hauoli ia'u. Pehea manao no anei oe e hiki ana ia'u ke hana pela?" "Aole o'u wahi kanalua iki e Kalala, kuu aloha. No'u iho, ua oi aku ko'u kahiko mamua ou, a ua hoopuniia hoi ko'u ola ana, me na mea hoopilikia me ke kaumaha pu o ka noonoo. Manao no anei oe e Kalala e loaa ana ka hauoli ia oe ke noho pu mai me a'u? Aole ana anei he mea ia nou e mihi ai ma keia hope aku." "Ke manaoio loa nei au, aole a'u mea e mihi ai; ua lawa kou aloha ana mai ia'u, i kumu no'u e hilinai aku ai, e hoopu- niia ana ko'u mau la o ke ola ana aku iloko o ka hauoli." Ua hoopukaia aku kela mau olelo e Kalala me ke kui'o loa, ua auhee aku ka hoopepe ame ka hilahila mai iaia aku, alaila nana aku la oia ma na maka o Kalani Elikona, a o no ka ike ana mai o ke kanaka opio, i ka helehelena hoihoi o Kalala, lalau okoa mai la oia i ka lima o ua kaikamahine nei, a huki aku la a pili ma kona umauma, me ka pane ana mai: "Alaila akahi anei a maopopo loa ia oe ka nui ame ka ho- honu o kuu aloha?" alaila kulou okoa iho la o Kalani Elikona ilalo, a honi aku la ia Kalala no ka manawa mua loa, me ke pale ole ae o ke kaikamahine opio; aka ke moe hoololo wale la no oia ma ka umauma o ke kanaka ana i aloha ai. MOKUNA XVIII. O ka lulumi hoi ia o na opio iloko o ka wiliau o ko laua aloha, ahiki i ka mao ana ae, ia wa i pane ae ai o Kalala me ka leo nahenahe loa: . "I ka manawa hea i komo ai ka makemake iloko ou e Ka- lani no'u?" "I kuu manawa i ike aku ai ia oe i ka iho ana mai no ka hale malalo maloko o Elikona Hale, e alakai ana i kuu ma- kuahine. I kela manawa, i komo koke ai ka manao hoohihi iloko o'u nou; a ina i pane mai oe, i kuu wa i ninau hoohua" hualau aku ai imua ou, ina paha ua kaawale oe, aolo i paa malalo o ka mare, aka ua paa oe i ka hauhoaia; ina ua huli hoi kahiko au no Auseteralia, me ko'u aa ole e hoike ae i ko'u mau ano oiaio, a i ole hookololohe hou aku paha e noho me ko'u mau hoaloha." "He keu aku hoi ha kou lokoino i kou makuahine, ina i ha- na oe pela?" "Heaha auanei ko'u lokoino, o oe ka mea nana i kono mai ia'u e hana pela, aole he mea okoa ae. Mai huli hoi no au no Auseteralia, ina aole i hele ae o Teda e hoike ia'u, no kou loaa ana mai iaia iloko o ke kulana maule iluna o ka papahele, ma | kela ahiahi i hookoia ai ka mare maloko o Felakona Hale. "Ke hauoli loa nei au no kela maule ana o'u, no ka mea pela wale no oe i huli hoi ole aku ai iloko o ka naele hihipe'a o Auseteralia. He keu aku maoli no a ka nui o kou hooma- nawanui e Kalani, i ka'u mau hana hoopilikia a hookaumaha i kou noonoo. Pehea la oe i hukihuki ole ai i kuu mau pepei- ao!" "Pehea auanei e hiki ai ia'u ke hana aku pela, oiai aole o'u wahi mea a pilipili aku ma kou aoao, e hoomamao mau ana oe ia oe iho mai ia'u aku," i pane ae ai o Kalani Elikona, me ka minoaka hoohie ma kona mau papalina, oiai hoi o Kalala i noke ae ai i ka akaaka me ka leo nui. Ua noho hamau iho la na opio no kekahi mau sekona lehu- lehu; alaila kaa aku la ma ka aoao o Kalala ke kamailio hou ana mai: "Ke makemake nei au e ninau aku ia oe e kuu aloha, heaha ka hana nana i kono mai ia oe e haalele iho ia Felakona Hale, a huli hoi aku no Auseteralia me Keoni Felakona, ma kekahi la mai, mahope o ka hookoia ana o ka mare ma ka home o ka ohana Felakona?" "Mamua o ko'u pane ana aku i ka haina o kau ninau ea, ke makemake nei au e hoike e ae i ko'u manao nou ; ua kuhi- hewa paha oe, o ka'u hana o ka haalele ana iho ia Felakona Hale, no ka hoolilo ana aku no k i na pohaku daimana o kuu makuahine, aole anei pela e ke aloha?" Aole a Kalala pane no kela ninau, aka papani mai la kona mau manamanalima ma ka waha o Kalani, me ka i ana mai: "E hoike mai hoi paha oe, no kau wahi o ka hele ana?" "Ae, e hooko aku ana au i kou makemake e Kalala, a o ia no keia: Ma kela po a kaua i kamailio pu ai, mawaho aku o Felakona Hale, ua hoohauoli loa mai oe i kuu puuwai, aka mamua nae o kuu noi ana aku ia oe e lilo mai i wahine mare na'u, ua makemake au e ike no'u iho, ina paha ua make i'o, ka wahine mua a'u i hookau aku ai i kuu inoa maluna ona." "Nolaila ihea oe i hele ai?" "Ua holo pololei au no Kalakona me ka ukali pu o Keoni Felakona me a'u ma kela huakai. Ua halawai pu maua me ke kahunapule ame kana wahine, a mai ia laua mai, i loaa mai ai ka moolelo oiaio loa, no ka makemake ana o kuu wahine. "Ua lawe aku laua ia'u e ike pono, i ka he i waiho ai o ke kino lepo. Ua ninau aku au ia laua no ke kaikaina o kuu wahine, a o ka laua i hoike mai ai, ua ola loa kela wahine, a ua haalele aku oia ia Kalakona, a hele aku no kahi i maopopo ole ia laua, a aole no hoi laua i lohe hou i kekahi mea e pili ana nona. "I kinohi o ko'u hoolauna ana aku ia'u imua o kela mau mea, ua nana mai laua ia'u me ka hoihoi ole, me he mea la, ua hoo- pihapihaia aku kela mau mea lokomaikai, me na olelo hoopuni- puni, e pili ana no'u, e ke kaikaina o kuu wahine, aka i ka hoa- kaka pono ana aku o Keoni Felakona, i ko'u mau ano oiaio loa, akahi no laua a hoikeike mai i ke ano hoihoi me ka olu- olu ia'u. "O kela kekahi mau mea oluolu a maikai loa a'u i ike ai, a ina he manawa kupono kekahi ma keia mua aku, ke make- make oe, e lawe no au ia oe imua o laua no ka hoolauna ana aku imua o kela mau mea." I pane ma ko Kalala aoao, kaomi wale iho la no oia i ka lima o Kalani, alaila, alawa aku la kana nana ana no kahi o ka uwaki e kau mai ana eia ka ua kokoke e kani ka hora ewalu, a o ia kana o ka ninau ana mai ia Kalani. "Pehea, ua like no anei ka nui o kou aloha ia'u, elike me kou aloha i kela wahine mua au. Mai huhu mai oe ia'u no ko'u ninau aku ia oe i keia mea!" Pahola ae la ka minoaka ma na papalina o Kalani, oiai ua lilo no kela ninau i mea maikai i kona noonoo, oiai he kuleana nui ko Kalala e ike ai, i ko ia nei manao maoli, mawaena o na wahine elua, a no kona hoohakalia loa i kana pane, i kamai- lio hou aku ai no o Kalala: "Aole au i poina i kou kamailio ana mai, no ka u'i ame ka nohea maoli o ka helehelena o kela wahine mua, a ua aloha maoli no oe iaia me kou puuwai apau, o ka mea oiaio loa anei keia?" "Auhea oe e Kalala kuu aloha; o na mea apau au i hoaka- ka mai nei, he mau mea oiaio loa ia a'u i hoike aku ai imua ou. Ua haulehia i'o au i ke aloha kupouli no kela wahine, he aloha oiaio loa, ina i malama oia i ka maemae o ke aloha o ke kane ame ka wahine; aka iaia i malama ole oia ia mea laahia loa, ua pau iho la ko'u aloha ana iaia, o kela wahine ponoi, no ka mea nana i kinai i ke aloha iloko o'u nona. "O kela aloha a'u i haawi aku ai i kela wahine, he aloha ia o ke kanaka opio, akahi no a omu'a ae iloko o na la kanaka makua o kona ola ana; aka p ke aloha a'u e haawi aku ana ia oe, he aloha ia o ke kanaka makua, he aloha oiaio loa, aole he aloha hookamani, na ka make wale no o kekahi o kaua e hoomalani ae ia aloha." Hopu okoa mai la o Kalani i ke poo o Kalala a hapai ae la iluna, aia ka hoihoi ame ka makemake ma kona helehelena kahi i haiia-mu ai, alaila hoomau hou mai la oia i ke kamailio ana: "Ua ike no anei oe e Kalala, owau kekahi kanaka nele a ilihune loa, me ka loaa ole o ke kuleana ia'u, e hoohihia ai i kou noonoo, no ka lilo mai i wahine mare na'u, oiai he wa- hine waiwai oe?" "O mai kamailio mai oe e Kalani pela! Owau o kaua ka mea nele a ilihune loa, o na waiwai a'u e hauoli nei i keia la, o oe maoli ka mea kuleana aole owau. Ina aole i make kou makuakane a ke ola nei no oia i keia la, he mea maopopo loa, e hooili ana oia i kona mau waiwai apau maluna ou. He nani nae ia, eia kela mau waiwai apau malalo o ko'u malu, e ae ana anei oe e Kalani e lawe aku i na mea i kuleana maoli ai no oe mai kuu mau lima ponoi aku? E ae mai ana anei oe e Kalani?" Mamua o ka loaa ana he manawa ia Kalani e pane mai ai no kela ninau a Kalala iaia, ua hoopuiwa loa ia na opio i ka lohe ana aku i ka leo o ka Lede Elikona i ka pane ana mai, mahope aku o laua: "Pehea, o ke kamailio wale iho no ka ka olua, aole he noo- noo ae no ka aina ahiahi, ke hele loa aku nei kakou i ke au- moe!" wahi ana me ka hoike okoa ana mai o kona mau maka i ka hoihoi, iaia i ike pono mai ai i kana mau keiki me he mea la aole he wahi kuee iki iloko o kekahi no kekahi, elike me na la aku i hala. Ku koke ae la o Kalala iluna, i ka wa i lohe aku ai i ka leo o kona makuahine hookama, me ka holo ana mai, a hoomoe aku la i kona poo, iloko o ka umauma o ka Lede Elikona, me ka hooho ana ae me ka leo malie: "O e mama! E mama !" wahi ana me ka puliki ana i kona makuahine, aia hoi maluna o kona mau maka ka hoihoi, e hoohewahewa ole iho ai ka Lede Elikona, no ka piha o Ka- lala i ka hauoli. | "Ke hoomaikai aku nei au ia oe e Kalani kuu keiki, no kou haawi ana mai ia'u i ke kuleana e kapa aku ai ia Kalala he kaikamahine ponoi na'u," wahi ana me ka hele okoa ana mai, a hopu aku la ma ka lima o kana keiki, a apo mai la no hoi o Kalani i kona makuahine, hookahi ko lakou hele like ana aku noloko o ka rumi aina, kahi o na meaai e kakali mai ana o ko lakou nei hoea aku. Aohe hoohewahewa hou ana iho, mawaena o na opio ame ko laua makuahine, nolaila he mau la kakaikahi mahope mai, ua pahola ae la ka lohe no ka hoopalauia o Kalani Elikona me Kalala Fiki. Ua Ku'i aku la kela lohe a hoea i Felakona Hale, a ua lilo ia i mea no Silivia e nalu nui a! Hoko iho ona, ina paha he mea maikai, ka hookoia o ka mare mawaena o Kalani ame Kalala, ma ka manawa hookahi, e mare aku ai ua o Silivia i kana kane, pela hoi o Teda Felakona me kona wahine. "He mea hiki ole loa ke hookoia ka mare mawaena o ou- kou apau i ka manawa hookahi," i komo mai ai ka Lede Mele, ma ka hoakaka ana i kona manao, i ka wa a Silivia i hoakaka ae ai i kana mau mea i noonoo ai imua o kona makuahine. "Aole he wahi okoa ae e hoohuiia ai o Sir Kalani me Kala- la Fiki, ma ka berita mare, maloko no ia o Kanuka Hale." "Ke apono aku nei au i ka pololei o kena manao ou e kuu makuahine, aole e hiki ke hookoia ka mare maluna o makou apau i ka manawa hookahi, a maloko hoi o ka hale hookahi,'' i hoakaka mai ai no hoi o Teda Felakona i kona manao. "No keaha no hoi, ke kumu e hiki ole ai ia kakou, ke hoo- ponopono, ahiki i ko kakou lokahi ana, i hookahi no manawa e mareia ai kakou?" i hoakaka mai ai o Silivia i kona manao. "Eia no ke kumu e hiki ole ai, he okoa no ka'u mau mea i makemake ai, pela no hoi me Kale Wahie, ina nei no ka hoi- hoiia a i hookahi la no ko kakou mareia, alaila e lilo ana na mea a maua i hoolaia ai, i mea hooko ole ia," wahi a Teda o ke kamailio ana ae ma ke ano hoopohala imua o kona kaikua- hine. "Pehea, e hoouna aku ana no nae paha oe i kekahi palapala kono, ia Sir Kalani, e hele mai no kou anaina mare ea?" i ni- nau mai ai o Silivia. "Ae, e hoouna aku ana no au he kono iaia e hele mai, a ke hoea mai oia, e lilo ana oia i malihini hanohano wale no, me ka hiki ole iaia ke hoololiloli mai, i ka'u mau mea apau i hoo- lala ai, no ko'u la hilahila." "He keu oe e Teda a ke kanaka ano e maoli," i pane mai ai o Galaki Alani, me he mea la i kela ame keia la, e oiliili mau ae ana na ano iloko o Teda," wahi a kela wahine opio, ma ke ano hoomakeaka. "Mai noke loa mai hoi paha oe i ke kamailio no ko'u mau ano, o lilo auanei ia, i kumu e pii ai ka ula ma. ko'u mau papa- lina. Elike no me ka'u i hoakaka mua ae nei, no ka hookaa- wale loa ia o ko'u la e mare ai, me he mea la e lokahi mai ana no o Kale Wahie me ia manao hookahi. "Ke, hoomanao nei au, i ka hoike ana mai o ka Lede Eli- kona maloko o kana leka, aia iloko o ke kupulau, e mareia ai o Sir Kalani me Kalala, nolaila e hookoia ka Kalala mea i hoopaa mai ai imua ou e Silivia, no kona lilo i kuaoao nou, ke hoea mai i kou la e mareia ai." "Ua pono kela manao hoakaka ou e Teda, aka pehea no hoi, aole anei he hana maikai nau, ke noi ana aku ia Sir. Kalani, e lilo mai oia i kuaoao nou?" i komo mai ai ka Lede Mele, ma ke kamailio pu ana me kana mau keiki, ma na mea pili no ko lakou manawa e mare aku ai. "Ke kokua loa aku nei au i kena manao ou e mama," wahi a Teda me kona noke okoa ana ae i ka akaaka. "Pehea, aole anei, e mihi ana oe e Galaki Alani i kekahi la e hoea mai ana no kou haawi ana mai i kou aloha ia'u, oiai he oi aku ke kila- kila o ko Sir Kalani kulana i ko'u?" "Aohe o'u nana i kona kulana, no ka mea ua koho maoli iho no ko'u manao, o oe e Teda ka'u kane kupono," i pane mai ai no hoi o Galaki Alani ma ke ano hoihoi ole, no kela ano, i hopu okoa aku ai o Teda iaia, a kuikuilima pu aku U noloko o ke keena waiho buke, no ko laua kakau ana i kekahi leka, e kono aku ana ia Sir Kalani ame Kalala Fiki, e hoea mai no ka hoohanohano ana i ko laua la e mareia aku ai. Ua hoea i'o mai la i ka la e hookoia ai ka mare maluna o Teda ame kana wahine me Galaki Alani, pela hoi mawaena O Silivia ame Kale Wahie; me ka lilo ana o Sir Kalaki ame Kalala i mau kuaoao, no na paamare. O kela kekahi mare hanohano loa i ikeia maloko o Felakona Hale, no kela kumu i loaa ai ka manao mihi iloko o Sir Ka- lani, no kona hoopanee ana i ko laua mare ahiki i ke kupulau ; aohe nae he mea hiki ke hana aku iloko o kela manawa, o ke kakali wale aku no ; ua hala aku la ka Puulena aia l Hilo. I ke kaawale ana aku o na paamare, ma ka lakou huakai mahinameli, oiai na laiki ame na pepa liilii e kiolaia aku ana maluna o lakou, a koe iho la no hoi na malihini, ka ohana ame ka lehulehu o na hoaloha, ia wa i alakai aku ai o Sir Kalani ia Kalala, nowaho o ke kahua o Felakona Hale, ma kela wahi hookahi no a laua i ku ai, ma kekahi ahiahi, he eha mahina a oi i kaahope aku. "Aole au e paa ana ia oe a loihi loa ma keia wahi, elike me kela manawa mua loa a kaua i hoea mai ai maanei nei. Iloko o kela manawa, me he mea la ua like ia me ka mahina o Dekemaba iloko o kuu puuwai, a o Augate ma na wahi e ae; aka i keia manawa, aia ka mahina o Augate iloko o kuu puuwai, a aia ka hooilo ma na wahi e ae." Noke okoa ae la o Kalala i ka akaaka no kela mau olelo a Kalani, me ka pane ana mai: "Ea, ke akamai loa mai nei oe i ke kamailio ana i na olelo hookaau e Kalani." "Nawai hoi e ole ka ike, no ka mea ke hele aku nei au i ke oo o ko'u kino pela me ke oo pu o ka noonoo, He mana- wa loihi okoa keia a kaua e kakali aku ai e Kalala a komo iloko o Mei." "Heaha auanei ka loihi o kela manawa, he elima wale no mahina, aole no e loihi loa, o ka pau no ia o kela mau mahina." "He elima mahina, ua like ia me iwakalua pule; no'u iho, he keu aku a ke ku maoli i ka uluhua e kakali aku ai ahiki i ka piha ana o kela mau mahina," wahi a Kalani, me ka nana pono ana aku ma ka helehelena o Kalala. "Aole anei, ua hoohauoliia aku oe, mamuli o ka hoea ana mai i ka hookoia ana o kou iini, ua hoea mai Ia kaua i ka lo- kahi like ana o ko kaua mau manao, no ko kaua hoohuiia aku iloko o ka berita o ka mare?" "He mea oiaio no kena, aole nae e loaa ana ia'u ka. hauoli piha, ahiki i kuu ike maoli ana iho, ua kuleana maoli au ia oe, a pela hoi oe ia'u; o ka'u wale no e uwalo hope aku nei imua ou, o ia kou hoopokole mai i ka manawa o kaua e noho hoo- palau ai mamua o ko kaua hoohuiia ana aku iloko o ka beri- ta o ka mare." (Aole i pau.) | |