Ka Nupepa Kuokoa, Volume LXV, Number 28, 15 July 1926 — Page 6
| ||||||||||||||||||||||||||||
| Nupepa Kuokoa KE KILOHANA POOKELA NO KA LAHUI HAWAII | | ||||||||||||||||||||||||||
| NA MOOLELO HOONANEA, NA NUHOU KALAIAINA ME NA NUHOU O KA MANAWA | | ||||||||||||||||||||||||||
| AOAO NO NA MANAO PEPA SOLOMON HANOHANO, LUNAHOOPONOPONO | | ||||||||||||||||||||||||||
| ||||||||||||||||||||||||||||
| ||||||||||||||||||||||||||||
| ||||||||||||||||||||||||||||
| NUPEPA KUOKOA. HONOLULU. T. H POAHA, IULAI 15, 1926 | |||||||||||||||||||||||||||
| ||||||||||||||||||||||||||||
| KA AHAELELE HANA KAHUAHANA REPUBALIKA. Ma ka Poakahi iho nei, i noho ae ai ka ahaelele hana kahua- hana kalaiaina a ka aoao Repubalika; ua koho hou ia na ko- mite ame na alakai, o kela aoao kalaiaina, no keia mau ma- kahiki elua e hoea mai ana. Me na mea oiaio e ku nei i keia manawa, aole i hoohakalia iho na alakai o kela aoao, i ke kukala ana ae, ma o ke kahua- hana la, i aponoia no ke kulana holomua o ka hookele aupuni ana ma Hawaii nei, malalo o Kiaaina Farrington, a pela hoi ke kulana holomua o ke aupuni o Amerika malalo o ka noho alakai ana a ka Peresidena Calvin Coolidge. Me na oihana mikiala iloko nei o ka aina, o ia ka oihana kanu-ko ame ka oihana kanu halakahiki, aole he mea a ka aoao Repubalika, e hopohopo iho ai, ma ke kuhikuhi ana aku i ke kulana o ka aoao Repubalika maluna o keia mau oihana, pela me ka hoao ana o ka aoao Demokarata e hooholoia he mau hooponopono ahaolelo, e hoopilikia mai ana i keia mau oihana ano nui iloko nei o ka aina. O ka auhau dute maluna o ke kopaa o Hawaii nei, o ka mea ia i hoopakeleia ai ka oihana kopaa o kei teriatore; a no ka pono ame ka palekana o keia oihana, ame ka oihana. kanu halaka- hiki, e lilo i mea na na makaainana o keia teritore, e hoomai- kai mau ai, no ke ku mau ana o ka aoao Repubalika, ma ka aoao e hoopakele ana i keia mau oihana. Me na hoopakele kupono ana i keia mau oihana ano nui iloko nei o ka aina, na oihana na laua e hoowaiwai nei i ka aina, e mau aku auanei ko kakou ike ana i ke kulana holomua o ko kakou hookele aupuni ana; nolaila me na hoike oiaio a maopopo loa, no ka makee mau o ka aoao Repubalika i ka holomua, aia na kumu maikai apau, ma ka aoao o na mana koho, e ku aku ai mahope o keia aoao, a haawi aku i na kakoo piha ana, no na alahele apau, e mau aku ai ko kakou ike ana i ka holomua. KA NINAU ELELE LAHUI. O ka ninau elele lahui, i ka ahaolelo o Amerika Huipuia, o kekahi ia o na ninau ko'iko'i, me ka pohihihi no, iloko o na la aku nei i hala; ma ka noho ana iho nei nae o ka ahaelele Repubalika i hoauhee loa ia aku ai kela pohihihi, ma o. ka lo- kahi ana o kela ahaelele, e kukulu hou aku ia Harry A. Bald- win i mea paahae, no ka aoao Repubalika i keia kau. I ka nana aku, ua loaa ka ike i kekahi mahele nui o na ala- kai Repubalika o Hawaii nei, no ke kumu o ke kailiia ana aku o kela hanohano a lilo i ka aoao Demokarata, iloko o keia mau kau elua, ma o ke kohoia ana o W. P. Jarrett, i elele lahui mai Hawaii aku nei; e lilo ai kela ike i loaa ia lakou, i wahi no lakou, e kupaa mau ai mahope o ka lakou moho iho, pela auanei, e mau ai ka paa ana o ka aoao Repubalika, i ka hanohano o na kulana oihana apau, e akeia aku ana e lilo mai i keia aoao. Pololei loa ke Kamaliiwahine Kawananakoa, i hoike ae ai imua o kela ahaelele, ma kana haiolelo, aole he poe okoa, na lakou i haawi aku i ka hanohano o ke kohoia ana o W. P. Jarrett i elele lahui, aka o na Repubalika maoli no; ma ke koho ole ana i ka moho o ko lakou aoao iho a puka, aka koho aku la i ka moho a ko lakou enemi. Me ke kulana ikaika a kakou e hoomaopopo nei, no ka aoao Repubalika apuni keia teritore, aole wahi kumu kupono iki, e hiki ole ai i keia aoao, ke hoonoho aku i na Repubalika ma na oihana apau, i kaa aku malalo o ka mana o ka baloka nolaila a hoea mai i keia kau koho baloka iho, e lilo na hema hema i ikeia o ka wa aku nei i hala, i haawina a'o kupono loa, no ke ano e hoouka aku ai i ke kaua kalaiaina, e mihi ole ai na Repubalika mahope aku. He mea oiaio loa, aia ka manao minamina iloko o kekahi heluna mahuahua o na makaainana, no ka ae ole ana o ke Kamaliiwahine Kawananakoa, e holo moho elele lahui, ma ka aoao Repubalika. Ma ke kulana naauao, ke akea o ka manao ame ka ike i na mea kupono, e hana aku ai, no ka pono, ka holomua, ame ka pomaikai o ka lehulehu, ua heluia ke Kama- liiwahine Kawananakoa, iwaena o na loea kalaiaina i kamaaina ia kakou ma Hawaii nei, a i oi aku no paha imua o kekahi poe o lakou; aole no nae e hewa i keia pepa ke olelo ae, e hoea mai ana no i ka la ana e maliu mai ai i na leo poloai o kona mau hoaloha; nolaila e pono no kakou e hoomanawanui. Ua hoopaa ae ka aoao Repubalika iaia iho, no ka hoololi i ke ano o ko kakou wae ana ae i na moho, no ko kakou mau kalaiaina ma keia mua aku, e nana aku hoi kakou, no ka hoo- koia o ia manao, ma keia kau o ka ahaolelo e noho mai ana, he mea ano nui nae keia i na loea kalaiaina, e nele ole ai ka hoalaia mai o na ku-e ikaika ana, no ka hoololiia o ko kakou kanawai wae moho e keia manawa. Ua aeia ke puhipaka ia noho mahope o na kaa uwila i keia manawa, o ka ihu keia o ka elepani, o ke kino holookoa mai koe a poholo iloko, o ka aeia aku no ia o ke puhipaka ana ma na wahi apau o na kaa uwila. Aohe pilikia iki i ikeia iloko o keia mau makahiki loihi i papaia ai ke puhiia ana o ka paka maluna o na kaa uwila; o ia nae paha, no ka wainui loa o ka waha o kekahi poe hanohano a ko'iko'i o ka aina, no ka noho malie me ke puhipaka ole, pela i hoololiia ae nei kela rula, a i ole, no ka hapa mai paha o ke kau ana o na lede maluna o na kaa uwila, aia lakou maluna o na kaa otomobile, e holo nei i keia mau la. O ka ahaelele koe a ka aoao Demokarata a noho mai ma ka la 26 o keia mahina, maluna no o ka Hokele Iana; a oiai ua kukulu ae nei ka aoao Repubalika, i kana kahuahana kalaiaina, e kuekaaia mai ana na wahi nawaliwali o kela kahuahana, a oili mai na Demokarata me kana kahuhana, e mahalo ana i na hookele oihana ana a na Demokarata apau, a e. ahewa ana i na Repubalika. Pehea nae ka maikai ame ka lilelile o na kahuahana kalaiaina, ina aole e hookoia kekahi o ia mau mea, ua lilo no kela mau kahuahana i mea waiwai ole. Ua kupono ole loa, i na hoa ka aha senate, i pau ole ko lakou kau, e paa no i kela kulana, ina e manao ana e holo moho no kekahi kulana oihana iloko o na aupuni kalana o kakou; malalo o keia loina, ua kupono ka hoike e ana ae o Senatoa Charles N. Arnold imua o ke akea, e waiho ana oia i kona kulana Senatoa, a e holo aku ana oia he moho no ke kulana meia no ke kulanakauhale o Honolulu nei. | | ||||||||||||||||||||||||||
|
| | ||||||||||||||||||||||||||
| | | ||||||||||||||||||||||||||
| ||||||||||||||||||||||||||||
| HALA O JOHNNY WOODD AME WARREN KEALOHA NA MOHO HEIHEI AU O HAWAII NEI NO AMERIKA. | | ||||||||||||||||||||||||||
| ||||||||||||||||||||||||||||
|
| |||||||||||||||||||||||||||
|
| | ||||||||||||||||||||||||||
| ||||||||||||||||||||||||||||
| ||||||||||||||||||||||||||||