Ka Nupepa Kuokoa, Volume LXV, Number 28, 15 July 1926 — Hoopauia Kona Lawelawe Ana i ka Oihana Loio No ka Hoao Ana e Ki-pe Pela i Laweia ai ka Laikini o Kekahi Kepani AE OKOA OIA NO KONA PILI I KELA HEWA Lawelaweia Kela Hana Ki-pe i Loaa ai Kona Laikini no ka Aha Kiekie [ARTICLE]

Hoopauia Kona Lawelawe Ana i ka Oihana Loio

No ka Hoao Ana e Ki-pe Pela i Laweia ai ka Laikini o Kekahi Kepani

AE OKOA OIA NO KONA PILI I KELA HEWA

Lawelaweia Kela Hana Ki-pe i Loaa ai Kona Laikini no ka Aha Kiekie

No ka hoao ana o Tomo Ouye kekahi o na loio hoomaamaa kanawai o ka aha apana o Kauai e kipe i ka poe ninaninau laiki loio a i ka Loio Kuhina W. B. Lymer, i hoopauia aku ai ko ka loio opio hoomaamaa kanawai hou ana maloko o na aha hookolokolo apana apau o ke Teritore, elike me ka olelo hooholo a ka Lunakanawai Kaapuni Charles F. Parsous o ka hoopuka ana mai ma ka Poakahi nei. He Loio Kepani opio o Ouye i hoomakaukau iaia ma ke kanawai maloko o kekahi kula nui maloko o ke 'kulanakauhale o Kikako, kahi ana i hele aku ai e a'o, ua loaa kona laikini loio a ua hoomaka ka lawelawe ana i ka oihana loio ma ka la 10 o Okatoba, 1924, a eia nae, ma ka oleloia, i mea e loaa ai iaia ka laikini no ka hoomaamaa kanawai ana imua o ka aha kiekie, ua hoao oia e ki-pe i ka pa.pa loio, ka papa nana e ninaninau ka poe noi laikini loio a imua pu o ka Loio Kuhina Lymer. No keia hewa ona i hoopiiia aē ai i ka aha kaapuni a ka Lunakanawai Charlea F. Parsons, a mahope o ka maopōpo ana o koaa hewa i hoopuka mai ai ka Lunakanawai Parsons i kana alelo hooholo ua kupono ole loa o Ouye e lawelawe hou i ka oihana loio maloko o na aha hookolokolo o Hawaii, a ua kauoha pu mai oia e holoi loa ia ko Ouye inoa mai ka papainoa ae o ka poe hoomaamaa kanawai maloko o ke Teritore o HawaU no kona kupono ole loa e lawelawe hou ia oihana. Ma ka la 10 o Okatoba 1924, i ninaninauia ai o Ouyo a aponoia e lawelawe i ka oihana loio, o koia hana hoao ana ana e ki-po ma ka oleloia ma ka la 27 o Apcrila o keia makahiki.