Ka Nupepa Kuokoa, Volume LXV, Number 28, 15 July 1926 — NUI NA KOA AMERIKA I PAU I KA MAKE MA KA ULIA. [ARTICLE]

NUI NA KOA AMERIKA I PAU I KA MAKE MA KA ULIA.

I kulike ai me kekahi meahou kelekalapa o ka loaa ana mai i llonolulu nei, ma ka Poalima aku nei i hala, aneane ma kahi o hookahi haneri ka nui o na koa Amerika, i pau i ka mako, mamuli o ko pa-hu ana o kahi hoahu lako kaua o ke aupuni Amerika, ma kahi kokoke i ka Lokowai Dcnemaka, Nu Jese, uo okolu manawa, ma o ka haule ana mai o ka uwila ma »ka lua waiho pajida. Mahope iho o ke pa-hu mua ana, ua ukali mai la he elua mau pa-hu nna mahope aku, mamuli oka pauahi i puoho ae; a ma na mea i kohoia aku, aia ma kahi o ka hookahi haneri ka nui o ka poe i pau i ka make, ■ a i hoehaia paha. Ma.kahi o ke kanahiku-kumama' lima ka nui o na kanaka e noho ana ma kela kahua hoolulu o ka oihana koa, i kauohaia nku e lawelawe i na hana hoopakelē, mahope iho o ki3 pa-hu mua ana, eia nao iloko o umi-kumamalima minuke mahope mai, i hoomaka hou ae ai e pa-hu, me ka manaoia, ua pau loa kela poe i ka make, aohe ahailono. Ua haulo iho na apaapana kila f ka puna konakalika, na paukulaau maluna o na home, ma kela kahua, me he mau pakan» la, kahi a na wahine amō na keiki i holo aku ai no ka .palekana o ko lakou mau ola. Ua manaoia, ua make ke Kapena E. A. Brown, o ka pualikoa o ka oihana lapaau, ma kela manawa mua loa o ke pa-hu aun. Ma ka hora elima o ke ahiahi o kela Poalima, ka haule ana mai 0 ka uwila a loaa kahi waiho lako kaua o ka oihana koa ma ka Lokowai Denemaka, a ma na mea i hoomaopopoia} ua pa-hu na lua waiho pauda apau o ka <jihana kon, iloko o kanaha-kumamalima minuke mahope iho o ka loaa mua loa ana 1 ka uwila. Hoehaia Kekahi Poe Ho mau baneri o ka poe e noho ana he mau mile ka mamao, mai kahi aku i waiho ai o na lua waiho pauda, i hoehaia, mamuli o ka hoohioloia ana o na home lohulehu, a ua nohoalii iho ka weliweli ame ka maka'u maluna o na kanaka e noho kokoke mai ana i ka.Lokowai Denemaka. O ke taoqa keia o Mauna Hope, ua hoohiolo holookoa ia, a he nui ka poe i loaa i na poino malaila. No ka palekana o ko lakou mau ola iho, he heluna nui o na kanaka i haalele iho i ko lakou mau home; a imi aku i mau wahi hou e noho ai, ahiki i ka wa e maopopo loa ai, ua auhee aku ka poino ame ka mike mai ia lakou aku. He kanalima poe ,i eha, a i hoihoiia aku noloko o ka halema'i ma Dover i ko'iko'i na poino i kau aku maluna o lakou, a hookahi mea i make, no ka .nui o kona mau palapu. Me kela poino nae i kau aku maluna o kekahi heluna nui o na koa ame na makaainana pu, ua lawelaw'eia na kiai makaala ana. mahope mai, no ka hoopakele ana ae i na kanaka mai ka make 'mai.