| | HE MOOLELO KAMILA a i ole
Na Ola Elua i Owiliia Iloko o na Wiliau o
na Popilikia Mamuli o na Hana
Pupuahulu Mamuli no o ka noke hoomano o Kalani imua o Kalala, e
ae mai e hooko koke ia ka mare maluna o laua, no ke kumu,
--. lilo na makahiki o kona noho kaumaha ana, i kumu nona
makemake loa ai, e hoopauia aku ia ano kaumaha, ma ko
ia lilo ana ae i kane a i wahine, a no ka nui o kona aloha
ua o Kalala, pela e hiki ole ai iaia ke kakali aku no kekahi
manawa loihi loa.
Aole nae i hoi nele kela leo uwalo o Kalani, no ka mea
mamuli no hoi o ka nui o ke aloha o Kalala no ke kanaka
opio, kela aloha, e biki ole ai iaia ke hoole aku i na makemake-
o ke kanaka ana i aloha ai, ua haawi aku la oia i kona ae,
. ka hooko koke ia o ka mare maluna o laua, iloko o ko laua
manawa e makaukau ai.
He mea oiaio, me kela manao i holo mawaena o na opio,
he pule hookahi mahope mai, haalele iho la laua me ko laua
makuahine no Ladana, a iloko o kela pule holookoa, hookahi
o a lakou hana nui, o ia no ka humuhumu aua mai o na tela
le akamai loa i na lole hou no Kalala, i lole mare, a i mau
le no na anaina like ole, i kulike me ke kulana o ka poe
hanohano a waiwai. MOKUNA XIX. E haalele aku kaua e ka makamaka heluhelu ia Kalala ame hana aloha iloko o na hoomakaukau ana no ka hoea mai o ko laua la e hoohuiia ai iloko o ka berita o ka mare, a e lawe aku ka mea kakali moolelo ia oe, e hoikeike maloko o kekahi hale nani, e ku ana ma kekahi wahi o kela kulanakauhale nui Ladana. Maloko o kekahi keena hookipa uuku o kela hale, aia hoi e noho ana kekahi wahine u'i huapala, maluna o kekahi noho paipai nui, aia hoi maluna o ke pakaukau, a ma kekahi mau wahi e ae, e ku ana na pika pua, no lakou ke ala onaona e moani mai ana iloko o kela mau hora o ke kakahiaka. Mamua pono aku o kona alo, e waiho mai ana he kapuahi hoopumehana uuku, a ma kona aoao hoi, maluna o kekahi ahi pakaukau uuku, e waiho ana he mau meaai mama; a ma ke ano nui ke olelo ae, ua hoopuniia kela wahine, e na nani like ole a ka maka e hialaai ai. Aia ma kahi o ke kanakolu na makahiki o keia wahine, aole oia he wahine opiopio loa, a aole no hoi i oo loa, aia no nae oia iloko o kona mau la o ka wahine u'i, a ke nana aku iaia me he mea la, aole i oi aku kona u'i, ka nohea ame ka huapala i na manawa e ae mamua o kela manawa. O kona mau maka, he mau maka uliuli i like aku me na maka o ka manu nunu, ke onaona, o kona mau lauoho hoi, ua hiloia i na maawe mimilo, e luhe ana ma kela ame keia aoao o kona poo, o ia no oe, o na eheu o kekahi manu ; o kona ili ke nana aku, he keu aku a ke aliali, o ia no oe o kekahi lole silika aeae loa, i o kona kulana ame kona oiwi kino, aohe mea a ka naau e kamawae ae ai, he pali ke kua he mahina ke alo, o ke ku no a ka wahine u'i, aohe puu aohe kee. He keu aku ka u'i ame ka huapala maoli o ka helehelena o keia wahine, a hui pu iho me kona oiwi kino ; ame kona lole e komo ana, aohe mea kupaa imua o kona alo, aka e ku a hoohihi maoli ana na kanaka opio i kona nani, me ka haulehia okoa i ke aloha iaia O keia wahine e ka makamaka heluhelu, o ka wahine hookahi no ia, i hoopakeleia mai ai mailuna mai o ka moku ili poino, he ekolu makahiki mamua aku, a i hookipaia aku ai maloko o ka home o ke kahunapule, ka mea nana i malama iaia ame kona kaikaina. O keia no ua wahine nei, e moe oni ole ana, o ka hookomoia ana aku maloko o ka home o ke kahunapule, ka wahine nona ka helehelena u'i, ka mea i komohia ai ka manao mahalo me ka hoohihi pu, iloko o ka wahine a kela kahunapule a kaua no e hoomanao nei, ma na mokuna mua o ka weheia ana o keia moolelo. Ma kela manawa a kaua i ike mua loa ai iaia, malalo o ka malama ana a ke kahunapule ame kana wahine oluolu, ua kapa oia i kona inoa o Haliaka Paniia, aka i keia manawa nae a kaua e ike hou nei iaia, he inoa okoa loa kona, oia o Adele Keka, ka wahine u'i loa a o ka wahine hanakeaka holomua loa hoi maloko o Ladana apuni, e loaa ole ai kona lua e like ai. O keia ka wahine, e kau aku ai na maka o na mea apau ke ike aku iaia e hookikakaha ae ana maluna o kona kaa nani, e hukiia ana e na paalio hulupala, maloko o ka paka; o keia no hoi ka wahine hookahi, nana i kono mai i ka nui ame ka lehulehu maloko o Ladana, e hoopiha mau aku i ka halekeaka, i kela ame keia po; a b keia no hoi ka wahine hookahi, ma-muli o ka u'i ame ka huapala o kona helehelena, nana i kono aku i na kanaka he nui, mai ka poe waiwai, ka poe hanohano ahiki aku i ka poe haahaa, e hoopipili mau mai ma kona aoao; me ka wawahiia o ko lakou mau puuwai apau, e keia wahine :'!. me he mea la e wawahi ana oia i ka palena, a haawi aku na kekahi ilio milimili puhuluhulu e moe ae ana iluna o ka moena veleveka ma kona mau wawae. He nui na moolelo i pahola ae e pili ana no Adele Keka iwa--a o ka pohai o ka poe lalawai; eia nae he wahine kela i makaala loa i kona inoa maemae, nolaila, iwaena o ka nui ame ka lehulehu o na kanaka opio i hoopilipili mai ma kona aoao aole e hiki i kekahi o lakou, ke kaena ae, no ka hiki i kekahi o lakou ke pahele mai ahiki i ka hoohihi ana o ka ma-nao o keia wahine; o ka mea oiaio no nae, ua nana aku o Adela Keka ia lakou apau, me he mea la ua like wale no mai Kaena a Waialua, me kona hoopilimeaai ole i kekahi, a hoowahawaha i kekahi. Heaha nae na mahalo ana mai a ka lehulehu iaia; heaha hoi kona helehelena wahine u'i a huapala, hookahi wale no mea nui iloko o Adela Keka, o ia ka loaa iaia o ka waiwai. No kona puni i ka waiwai, pela oia i hoikeike ai i kona he-lehelena u'i i kela ame keia po, maloko o ka halekeaka, no ka waiwai, i hooikaika ai oia ma na ano apau, e loaa maoli iaia ka ike ame ka makaukau ma ka hana keaka, ke kalena | loaa ole i na wahine hana keaka e ae; a no ke ake waiwai wale no, i ukaliia aku e kekahi komolima gula ua makaukau loa oia e haawi aku iaia iho na kekahi kanaka nui o kona waiwai. Oiai o Adele Keka e hilinai Ia ihope o kona noho paipai, me ka inu malie ana i kona pola kope, ke nana mau la kona mau maka iluna o ka uwaki, eia ka ua kani ka hora umi-kumamakahi. O ka inu hoi ia o ua wahine nei i kona pola kope ahiki i ka waiho ana iho ilalo, lalau aku la oia i ka nupepa puka kakahiaka e waiho ana iluna o ke pakaukau, hoomaka iho la e nana ma kahi o na meahou o na halekeaka. No kekahi mau minuke kona nana ana ma kela kolamu o ka nupepa, alaila huli aku la kana nana ana ma ke kolamu i kauia na hanau, na make ame na mare, a hooho ae la oia i keia mau olelo: "Auwe, e mare aku ana ke Duke o Hikilana ia Miss Robakona," alaila noke okoa ae la oia i ka akaaka, me he mea la ua hauoli loa oia. "Owau hoi paha ka mea kuleana i kela inoa hanohano ke Dukewahine o Hikilana, ina i ae au e mare me ke Duke. He makehewa wale no ka mare ana aku me kela duke, no ka mea ua ike au, he hana paakiki loa na ke dukewahine, ka hoohauoli ana iaia iho elike me kana i makemake ai, me ka ae ole mai o kana kane. Me he mea la e hauoli loa ana o Miss Robakona, no kona lilo aku i dukewahine," alaila nee iho la kana nana ana i ka elua o na laina no ka poe e mare aku ana: "O ka Haku Pomeroe keia e mare aku ana ia Miss Aronadela; o keia kekahi o na haku waiwai, aka manao nae au, e puehu ana kona mau waiwai ina o keia kana wahine e mare aku ai," a noke okoa ae la ua o Adele i ka akaaka. "Auwe, heaha la hoi keia?" i hooho hou ae ai o A (iele Keka, me ka nana ana iho i ka nupepa no elua a ekolu paha minuke, alaila noke hou ae la i ka akaaka, a aole i pau kana akaaka ana, ahiki i ka wehe malie ia ana mai o ka puka e kekahi keonimana, a i puiwa oia i kona hele ana aku a ku iho la ma kona aoao. "He keu ka hoi kou hoihoi loa i keia kakahiaka, ma ke ano o kou akaaka ana!" wahi ana me ka hopu ana mai i ka lima akau o Adele Keka, i hele a lehau i na komolima daimana, me ka hapai ana ae iluna, a hoopili mai la ma kona mau lehelehe. "Auwe, o oe mai la ka ia e kuu Palani aloha!" i pane mai ai no hoi o Adele Keka, i ka wa i pau ai kana akaakaa ana. "He keu aku ka hoi kou lohi o ka hoea ana mai nei!" "E noi aku ana au i kau huikala ana mai ia'u no ka hala ana o ka manawa a'u i hoike aku ai ia oe mamua, e hoea mai ana au. Ua makaukau no au no ka hele ana mai nei e ike ia oe, aka ia'u nae o ka hemo ana mai iwaho o ka puka, ua hoea ae la kuu kaikaina o Hanale, a o Kalani Elikona pu kekahi me ia, pela i houlolohi loa ia ai ko'u hoea ana mai imua ou," wahi a ke keonimana malihini me kona noho ana iho ma ka aoao o Adele, a lalau aku la i kahi ilio uuku milimili a hapai mai la noluna o kona mau kuli. No keia mau olelo a Palani, ua noke ae la o Adele i ka akaaka, he akaaka nae, a ke keonimana i maopopo ole ai i ke kumu, a hooki honua wale iho la no oia i kana kamailio ana, a kakali aku la ina paha he mea kekahi a Adele e pane mai ana ma kona aoao. "E huikala mai oe e Palani ia'u, ua hele maoli au a piha me na ano hehena i keia kakahiaka. Alaila, ua hoea i'o mai nei anei ka Haku Hanale Gale ame Kalani Elikona e ike ia oe i keia kakahiaka ea? He hoaloha anei ka mea nona ka inoa hope nou?" "Aole oia he hoaloha no'u, he elua paha a i ole he ekolu paha manawa i halawai pu ai au me ia, a ma ka'u nana aku ua kohu liona maoli no ke ano o kela kanaka!" "Pehea hoi oia i kohu liona ai?" wahi a Adela Keka, me ka li-o ana ae o kona mau maka. "Penei, ma kekahi manawa ae nei i hala, ua manao maoli no kona mau hoaloha ame kona ohana, ua make kela kanaka o ka mea apiki nae, iloko o ko lakou manawa i noonoo ole ai e ike hou ana iaia, ua oili mai la oia, me he mea la he kanaka ua ala hou ae mai ka make mai. I kinohi, ua hoea mai oia malalo o kekahi inoa kapakapa, eia wale no a mahope mai akahi no oia a hoike ae i kona inoa oiaio." "Ea, makemake aku la ka hoi au e lohe i ka moolelo o kena kanaka, e hiki ana anei ia oe ke kamailio mai ia'u, mai kinohi mai o ka moolelo ahiki i ka pau ana?" O keia hoa kamailio o Adele Keka, o ka Haku Rokekona no ia, ka Ela o Augate, ke keiki hiapo loa o ka ohana, a e kaahele ana oia ma ka Hikina, ma ka manawa i mare ai kona kaikaina i ka wahine. No ke koi paakiki loa aku o Adele Keka iaia, e hoike ma i ka moolelo e pili ana ia Kalani Elikona, ua hooko i'o mai la kela haku opio i kona makemake i ka hooki ana iho o kana kamailio ana mai, noke hou ae la o Adele i ka akaaka no ke kahi manawa, me ka pane ana aku nae i ka Haku Rokekona: "Alaila ma ka'u mau mea i hoomaopopo aku nei, ma kau moolelo, ina aole i make ka wahine mua a kela kanaka, aole oia e huli hoi hou mai no Ladana nei, o ka mea oiaio maoli anei ia? Ua maopopo loa anei iaia, ua make i'o ua wahine mare nei ana?" "Ae, aole he wahi kanalua iki i koe, no ka mea ua hoea kino oia ma ka mokupuni o Koni, kahi i ili ai ka moku, i kau a kana wahine. Ua ike kona mau maka i ka he kupapau i ka nuia ai ka wahine, ua hui pu hoi me ke kahunapule ame kana wahine, na mea na laua i malama iaia, a ua lohe mai i ka mo olelo piha o ka hoea ana aku o kela wahine maloko o ka home o kela mau mea oluolu, ahiki wale no i kona make ana." I ka haku opio e kamailio nei i kela mau olelo, ke hamohamo la kona mau manamanalima i ka hulu o ka ilio ana e mili mili la, nolaila aole ona ike aku i ka haikea ame ka ula o ka helehelena o kona hoa olelo. "He mea ano nui i'o kena au e kamailio mai nei," i pane ae ai ka Lede Keka me ka hoopau ana iho i kona akaaka ana "Pehea he kanaka waiwai no nae paha o Sir Kalani ea?" "Eia ka'u mea i hoomaopopo, he aiha nui o Kanuka, a he nani no hoi o Kanuka Hale, o kekahi mahele nui o kela wai-wai, aia malalo o ka hoolimalima, me kekahi loaa makahiki mahuahua, a o ka mea oi loa aku o ka maikai, aole i kaa kela waiwai malalo o ka moraki. "Mamuli nae o ka piha loa o Sir Dugala, ka makuakane o Sir Kalani i ka inaina, no kela mare ana o kana keiki, i kekahi wahine, i lokahi ole ai kona mau makua, ua hooneleia aku Kalani i na waiwai o ka makuakane, a ua hooiliia aku na wai-wai apau maluna o Miss Fiki, ke kaikamahine hookama a ka Lede Elikona." | "Ae, kela kaikamahine e hoohuiia aku ana ma ka mare me Sir Kalani, pela anei?" "Pehea i loaa ai ka ike ia oe, no kena mea au e kamailio mai nei?" "O ko'u heluhelu koke ana iho la no hoi ia maloko o keia nupepa la, a no kou hoea ana mai la, pela au i waiho aku nei i ka nupepa. Eia maloko nei, na hoakaka no ko laua mareia aku, ma ka la 29 o keia mahina, e nana mai paha oe la!" alaila haawi aku la ua o Adele Keka i ka nupepa i ka Haku Rokekona, no ka heluhelu ana mai. "Ua hoikeike mai o Sir Kalani i kona naauao, ma kona ae ana e Iawe mai i ka hooilina o Kanuka Hale i wahine mare nana." "Pehea auanei e nele ai kona mare me kela kaikamahine, i ka u'i maoli no o kona helehelena, me ka hiehie pu no hoi o kona kulana." "Pela i'o ka hoi, ua ike no nae paha oe iaia ea?" me ka imoimo ana iho o na lihilihimaka o ua wahine nei. Ae, he mau manawa lehulehu ka'u i ike ai iaia." "Alaila ma kou manao maoli, he u'i i'o no anei ua kaikamahine nei?" "Ae, o ka'u ike ia no kela kaikamahine, a me he mea la, aole no oe i malihini iaia, me he mea la ua loaa no ka ike ia oe nona, maloko o ka paka, no ka mea ma Ladana oia me ka Lede Felakona ma kela kikina aku nei i hala." "Alaila manao anei oe, o ka'u hana iho la ia o ka hakilo, i ka poe apau e maalo ae ana imua o'u? Pehea na ano o keia wahine opio au e haano'u mai nei i kona wahine u'i?" wahi a ka Lede Keka me ka hoopinana ana ae i kona mau lehelehe. Noonoo iho la ka Haku Rokekona mamua o kona pane ana mai, alaila i aku la: "He nohea kona helehelena, he aliali kona ili, a he pilalahi kona kino, me ka hiehie o ke kulana, e hoike mai ana, no kona piha paarula ma na ano apau, ke ano o ka poe hanohano a kiekie. Ma ka'u mea i ike nona, e pili ana i ka hulahula, oia kekahi o na wahine opio maalea loa ma kela hana. "Ina nae no kou ake nui loa e ike iaia ea, alaila e makaala loa oe i keia la e hele pu ana kela wahine opio i ka holo kaa me Sir Kalani maloko o ka paka, ma ka hora umi-kumamalua o ke awakea." "E ike i'o ana ka hoi au i kela kaikamahine, no ka mea owau no kekahi i manao e holo i ka holokaa i keia kakahiaka, akahi ka hoi ko'u makemake e ike iaia, kela wahine i loaa iaia ka hanohano, no kona lilo aku i wahine mare na Sir Kalani." "Ma ke ano o kau mau olelo e kamailio mai nei ia'u, me he mea la ka hoi, ua hele oe a piha loa me na manao lili no kela wahine," i pane wale ae ai no ka Haku Rokekona ma ke ano hoomakeaka, me ka waiho pu ana aku i ka ilio ana e paa ana ilalo, a ku ae la iluna. "Heaha auanei ko'u mea e lili ai ia Miss Fiki! Ua oi aku anei ka u'i ame ka huapala o kela wahine mamua o'u?" "I hoike aku no au ia oe i ko'u manao maoli ea, aole i lilii launa mai ka u'i ame ka nohea o kela wahine i kou," a no kela mau olelo, i noke hou ae ai o Adele Keka i ka akaaka. "Hele mai la ka hoi au a makemake e pili me oe, ua Iliki loa ia'u ke aihue ia Sir Kalani mai ia Miss Fiki mai, pehea e ae ana no anei oe e pili kaua, i hookahi kaukahi dala aku ma ko'u aoao, a i hookahi dala mai ma kou aoao?" "Me he mea la ka hoi, ua ike mua oe e lilo ana o Sir Kalani ia oe, i kukulu mai ai oe i kekahi pili o kena ano; a i hoike aku no au i ko'u manao imua ou ea, he hana paakiki loa, na kekahi wahine, ke kaili ana ia Sir Kalani, mai ia Miss Fiki mai." "Hele no hoi a hiki ole i kekahi wahine i oi ae kona u'i mamua o ko Miss Fiki, ke ume mai i na manao hoohihi o kela haku opio, alaila ua make aloha loa aku la i kela kaikamahine." "Pela maoli no ka'u ike aku, ua paa loa ko'u manao no ia mea." "Ma ka'u mau mea i ike a i kamaaina i na ano o na kane ea he keu aku lakou a ka poe kupaa ole ma ka mea hookahi Pehea e ae ana anei oe e lawe aku i kau pili?" "Heaha auanei, aole o'u manaoio, aia iloko ou, kekahi makemake e pili aku i kau hookahi kaukani dala, no hookahi dala maluna o keia kumuhana pohihihi loa." "Ua paa maoli no kuu manao e hooko aku i ka'u mea i hoike mua aku nei ia oe no ka mea aole ia i kamailioia aku ma ke ano lealea wale no, aka me ka manao kui'o loa." "Alaila e manao maoli ana no ka paha oe e kaili mai ia Sir Kalani, a pili ma ko aoao? Pehea e kipaku koke mai ana no ka paha oe ia'u e ku a hele mai kou alo aku? I ka manawa hea au e hele hou mai ai e ike ia oe?" "E hele aku ana au i ka holokaa noloko o ka paka i keia kakahiaka, a mahope o ka aina awakea, e hele aku ana au i ka halekeaka i keia auwina la, aka ina he makemake kou e ike ia'u, alaila e hoea mai oe i keia ahiahi, no ka ai pu ana i ka aina ahiahi me a'u, pehea ia i kou manao?" "Me na mahalo he kaukani no kau kono," i pane mai ai ka Haku Rokekona, me ka haawi ana mai i kona kunou, a i hou maii la. "E hoea mai ana no nae paha kela Kukini e ike ia oe ea?" No ke Keikialii Karofa nae paha kau e hoomaoe mai nei ea?" "Ae, nona ka manao o ka'u mea i ninau aku nei ia oe." "Ae, e hoea mai ana oia, no ka paina ahiahi maanei nei." "ina hoi ha e hoea mai ana kela kanaka ea, alaila aole au e hele mai ana." "Alaila ua piha maoli oe me ka manao lili, mai malama oe i kela mea ino e Palani," me ka noke ana ae o Adele i ka akaaka, me he mea la, ua lilo loa kela kumuhana a laua e kamailio ana i i mea hoohauoli i kona noonoo. ''I lohe pono oe i ko'u manao ea, ua hele au a piha me na maiao hoowahawaha no kela kanaka Kukini. Pehea ua manao nae paha oe e mare aku me ia ea?" "Aole au i. koho i ko'u manao, nolaila aole he mea maopopo a'u i. hoike aku ai ia oe e Palani i keia manawa." "E akahele loa oe me ka makaala nou iho i kela kanaka, aole oia i like me ka nui ae o ka poe au i pulapu ai, aka no kela kanaka Rukini, e makaala mau mai ana oia ma kona aoao, no-na no ka ike, he pulapu wale no kau mau hana, o oe auanei ka ilina, o kona mau manao inaina." "Aole o'u wahi maka'u iki iaia. Ua hiki no ia'u ke mare me ia, a i ole kapae aku paha iaia ma kula, aka me he mea la, aole no au e mare ana i kela kanaka, ua oi ae ko'u hauoli, i keia hele lanakila ana mamua o ke kaa ana aku malalo o ka nina p kekahi kane. "Ua lawa paha keia kamailio ana o kaua e kuu haku, e hookau mai oe ia'u, o hala loa auanei ka manawa kupono no'u e hele aku ai i ka holokaa," i ku ae ai o Adele Keka iluna, me ka minoaka hoohie ana mai i ka Haku Rokekona, a hoo-mau hou mai la i kana kamailio ana: "E hoi oe me ka noonoo ana i kau mea e hana ai, a i ulu | ae ka makemake e ike hou ia'u, alaila e hele mai i keia ahi-
ahi, aka hoi, ina aia no ke mau la na manao hoowahawaha a
hoihoi ole iloko ou, no ke Keikialii Rukini, alaila e noho aku
no oe, mai hele mai no kuu home nei," alaila haawi ae la ke
aloha mawaena o laua, a oili like aku la no kahi o ka puka,
me ka awihi hope ana mai o ka nana ana a Adela maluna o
ka Haku Rokekona, o kona iho aku la no ia nolalo o na anuu o
ke alapii, no kahi o kona kaa e ku mai ana.
O kela kekahi o na la kala'e maikai, he la i kupono loa no
ka poe hanohano a lalawai, e hele ai e holokaa maloko o ka
paka. Nolaila aole o Adele Keka hookahi wale no ka mea
e hookikakaha la maluna o kona kaa nani, me ka paalio ahina-
hina, aka o ka Lede Elikona kekahi, ame ka Lede Felakona
ame Galaki Alani.
Maluna hoi o kekahi kaa okoa aku, o Sir Kalani ame Ka-
lala Piki, a o Teda ka mea nana e kalaiwa ana i ko lakou kaa,
ina paha i loaa na kaa otomobile iloko o kela manawa, ina
ma na otomobile kela poe lalawai, e hoohehelo ai iloko o ka
paka, aole nae pela, he wa no kela na lio, e huki ana i na kaa.
Ke holo la o Adele Keka maluna o kona kaa, ahiki i kona
ike ana aku i ke ku o kekahi keonimana malihini, ma ka aoao o
kekahi pou kelepona maloko o ka paka, kaohi mai la oia i
kona mau lio, a ninau aku la i na wahine aoo, elua ana i ike
aku ai, e kau ana maluna o kekahi kaa okoa aku.
O ka Lede Elikona kela ame ka Lede Felakona," i pane
mai ai ke keonimana malihini, me ka wehe ana ae i kona pa-
pale.
"Akahi no au a ike, eia ka o ka Lede Elikona kela wahine,
me ka lauoho aeae," me ka haka pono loa ana aku o ka nana
ana a Adele maluna o kela wahine, e komohia aku ai ka ma-
nao kahaha iloko o ke keonimana, ina no kona nana mai i
keia wahine malihini; i ke kumu o kona nana loa i ka Lede
Elikona.
"Ma ka'u mau mea i lohe ai i ke kamailioia iloko o keia mau
la e mare aku ana ka kana mau keiki, he lohe oiaio anei ia
o'u?" i hoomaoe wale aku ai no o Adele i kana kamailio ana
i ke kanaka malihini.
"Ua pololei kau mau mea apau i lohe ai, no ka mea e mareia
ana kana mau keiki, ma ka la 29 o keia mahina, he makahiki le-
leoi keia."
"He keu aku a ka mea kupaianaha, pehea la o Sir Kalani,
i waiho ole ai i kona la mare, a i ka la ana i mare ai i kana wa-
hine mua. Ua ike no nae paha oe i ka lede opio ea?"
"He mau manawa lehulehu ka'u i ike ai iaia, a no na kikina
elua ae nei i hala, he bele oia maloko o ke kulanakauhale o
Ladana."
"He mea ano nui loa ka hoi keia ! He u'i i'o anei ka helehele-
na o kela wahine? Hele mai Ia ka hoi ka makemake a nui
iloko o'u, no ka ike aku i kona helehelena?"
no ka mea aia kela lede opio me Sir Kalani, maluna o leo laua
"E hooko koke ia ana kou makemake, e kakali iho oe pela,
kaa, o ka oili mai koe, ua hala aku nei, ma kekahi aoao o ka
paka."
"Me na mahalo he nui ia oe, a na'u no hoi ia e nana aku ia
laua," i pane aku ai o Adele Keka, me ka hoeu ana aku i kona
mau lio, no ka holo malie ana, ahiki i kona wa e ike aku ai ia
Sir Kalani ame Kalala Fiki.
O ka mea oiaio maoli nae, mahope iho o ka holoholo ana
maloko o ka paka no kekahi manawa, ua huli hoi aku o Kalani
ma no ka hale, a waiho ke kaa, kau mai la ka haku opio ma-
luna o kekahi lio eleele, a o Kalala Fiki no hoi maluna o kona
lio ahinahina punahele i kapaia ka inoa o Biute.
Oiai o Adele Keka e holo malie la maluna o kona kaa, ua
huki iho la oia i kona uhimaka, a paa loa kona helehelena, i
ole ai e hu'ihu'i kona mau papalina i ka pa mai a ka makani,
a i ole ai no hoi e ikeia mai e ka poe e nana mai ana; aka no-
na iho nae, e ike maopopo loa ana oia i na mea apau e maalo
ae ana imua ona.
O kona holo aku la nae ia, ahiki i kona ike ana aku i kahi
mamao loa, i ka holo mai o kekahi poe ekolu maluna o na lio,
he elua mau keonimana me hookahi lede, kaohi mai la oia i ko-
na mau lio, me ke ku ana ae ma ka aoao o ke alanui, hookahi
hana, o ka hakilo i ka poe e holo mai ana mamua ona,
Hookahi o kela poe, ana i ike koke aku ai me ka hoohewahe-
wa ole oia o Sir Kalani, nolaila loaa koke mai la ka ike iaia,
o ka wahine opio e holo pu mai la me ia, oia o Kalala Fiki, aia
wale no na maka o Adela maluna ona, a he oiaio, elike me na
mea i hoikeia aku ai iaia, he keu aku a ka u'i, me ka huapala
maoli o kela wahine opio, a he keu aku no hoi kona hiehie
i ka hololio.
Ke kilohi la oia ma na ano apau, aole ana mau mea e hoo-
halahala ai no kela kaikamahine, ua kulike no me kona mau
ano iho ; a oiai ua lawa ae la no kona makehake, ua ike aku
la i ka helehelena o ka wahine, e mare aku ana me Sir Kalani,
o kona huli hoi pololei loa aku la no ia no kona home, me kona
nana ole, no kona hoea lohi aku i ka halekeaka; a aole no
ona nana ae no kona nukuia mai e ka Iunanui o ka hui keaka,
no ka mea he nui kana mau mea e noonoo la iloko o kona poo.
Hakalia no a hoea ua o Adele Keka no kona home, kaa aku
la ka hooponopono ana i kona kaa, i ke kahulio, o kona komo
aku la no ia iloko o ka hale, me ka noho ana iho mamua b ke-
kahi pakaukau kakau, a hoomaka iho la e kakau i ka inoa o
Miss Fiki, mawaho o ka wa-hi leka, a mailoko mai hoi o ka
ume o ke pakaukau, i lawe mai ai oia i kekahi leka, i kakau
mua ia, a hookomo ae la iloko o ka wa-hi, aila iho la a paa.
o kona hemo aku la no ia iwaho o ka hale, me kona hele
awiwi ana aku, no kahi o ka pahuleka kokoke e ku ana ma
ke alanui, a mahope iho o ka hookomo ana aku i kana leka,
kahea aku la i kekahi kaa o ke kaalo ana ae, o kona kau aku
la no ia, aia ka pahuhopu no ka halekeaka, oiai hoi ka mino-
aka o ka mea i piha me ka epa ame ke kolohe e haiamu ana
ma kona helehelena.
Ma ka auwina la o kela la hookahi no, he elua a i ole he ekolu
paha hora mahope mai o ka hookomo ana aku o Adele Keka
i kana leka maloko o ka pahuleka, aia hoi, ua hoea aku la
ke kanaka laweleka no ka home o ka Lede Elikona; e makau-
kau ana ke kauwa, o ke kii ana mai i na leka, e lawe aku i
ka wa-hi leka me ka inoa o Kalala Fiki mawaho, noloko o ka
rumi hookipa, aia hoi, ua iho mai la ua wahine opio nei no
ka hale malalo, a iloko no hoi o kela manawa hookahi i oili
mai ai o Sir Kalani maloko mai o ke keena waiho buke, me
kona makaukau e hele aku i ka holokaa.
"Ua makaukau ke kaa, aia ke kakali mai la ia oe e Miss
Fiki," i huli mai ai o Sir Kalani a kamailio, i kona ike ana
ia Kalala i ka oili ana aku; ua hele no hoi ka helehelena o ua
kaikamahine nei, a ulumahiehie.
"Aole he manawa nou e Miss Fiki e heluhelu a'i i kau mau
leka, ina he leka kekahi nau, e waiho malie i na leka, aia kaua
a. huli hoi mai, o ka wa ia e heluhelu aku ai." (Aole i pau.) | |